المكيف عملها

[hajahmed]

شباب
السلام عليكم ورحمة الله وبركاته
اخوكم د/ احمد ابراهيم
مقيم في جدة -------- سيارتي ميجان 2006
42000 كم
السيارة كانت زي الفل ---- الصيانة في مواعيدها
كل 10000 كم وما فيش هنا صيانة 5000 كم
فجاة التكييف بيجيب هواء ساخن وريحة وحشة
رحت التوكيل
سيبها هنكشف عليها ----------- ثم الووووووووو ايوه
الثلاجة والفالف لازم يتغيرو يا خبر ابيض
والتكلفة كام يا عم 7600 ريال يا خبر اسود لييييييييييه
الباشا قال اصبر شوية هاجيبلك خصم خاص
الووووووووووو 5300 ريال رحت التوكيل ودخلت معاهم في نقاش
الضمان انتهي في 25/1/09 والصيانة عندكم وفي ميعادها
قال خلاص هنعملك حاجة اسمها جود وييل ونرسل للشركة في فرنسا
يشيلوا معاك في التصليح يعني كام 50% من 7600 ريال
هيييييييه ندخل السيارة---------- انت مش قلت هتراسل فرنسا
لالالالالالالالا هندخلها دلوقتي والله حاسس ان الموضوع نصب
سعر الثلاجة في التوكيل (قطع الغيار ) 4000 ريال بعد الخصم
شكلي كدة هاصلحها بره
المهم لو حد يعرف سعر الثلاجة في مصر في التوكيل وبره
لو سمحتم واسف للتطويل عليكم
اه انا ارسلت ايميلات للشركة في فرنسا كل مرة يدوا برقم للايميل فقط
باين عليهم شركة محترمة
وشكرا لكل من يحاول المساعدة

[Ahmed Samy]

ما تسكتش
و ماتسيبش الشركة الأم
راسلهم اكتر من مرة و لو عرفت تترجم الميل بالفرنسي كمان ترجمه

بس التوكيل شكله هاينصب عليك ...مرة 7600 و مرة خمسة ما عرفش كام

و مرة 50 و 50


اسمع من الخواجه نفسه

ابعت في الميل رقم الشاسيه و صورة من دفتر الصيانات

[hajahmed]

شكرا يا ابو حميد

احمد بك سامي
شكرا جزيلا لاهتمامك وردك
الموضوع بقاله شهر والجو هنا حر لا يوصف
كهربائي مصري عرض علي تركيب تلاجة جديدة
وضمان وطلب 2500 ريال
بس بصراحة خفت ع السيارة
الغريب ان ال evaporator --- valve
الاثنين خربوا مرة واحدة (ده كلامهم في التوكيل والله اعلم )

[kimo]

كلام مش مقنع من التوكيل (متخصص)

[د.محمود صلاح]

الثلاجه ؟ قصد حضرتك الكمبريسور ؟

[kimo]

الثلاجه ؟ قصد حضرتك الكمبريسور ؟

يقصد بالثلاجة الكويل الداخلى( المبخر ) Evaperator

[Ahmed Selim]

حضرتك بعت للشركة الأم أمتى؟؟

عن تجربة مع أكتر من عضو هنا لما بنبعتلهم بيردوا بعدها ب 3 أو 4 أيام مع أخد فى الأعتبار أن عندهم سبت و أحد أجازة.

الأيميل اللى بيتبعتلك أو لما تبعت ده بيبقى تلقائى......يعنى مش واحد اللى بيرد عليك ده السيستم بتاعهم....و بيبقى مكتوب فيه رقم معين عشان ترجعلهم بيه فى أى وقت فى حالة أن محدش رد عليك و متحتجش تعمل شكوى جديدة.

[Amr_Moh]

قدر الله وما شاء فعل
الميجان تكيف معئول على مصر لكن فالخليج أعتقد الرينو زي معظم الاوروبي متواضع خصوصاً لو مش نازلة بمواصفات خليجي

[hajahmed]

شكرا للوحوش

اولا شكرا لكل الوحوش
د- محمود لا مش الكومروسر ده ال evaporator
معروف هنا باسم الثلاجة


العزيز كيمو المشكلة ان التوكيل هنا محتكر كل ما يتعلق بالرينو
ما فيش اي حد يعرف حاجة عن السيارة دي ولا حتي اسمها
وكمان التوكيل بيصفي يعني وكالة رينو هياخدها وكيل تاني


احمد باشا والله بعثت اكثر من ايميل واحد رد علي وقالي
ابعت التفاصيل وحصل وفي انتظار الفرج


عمرو بك
الحمد لله علي كل حال بس المكيف كان شغال معقوووول جداااااا
بياخد وقت عن الياباني شوية



المهم لو سمحتم لو حد يقولي التلاجة دي ثمنها كام في مصر
وهل فيه منها خارج التوكيل وبكام وشكراااااااااااااااااا

[ضيف]

السلام عليكم و رحمة الله و بركاته
حاول تتصل بالراجل ده
أ / عصام بشطر 0121116053
عنده حاجات إستعمال الخارج
من معاملتي معاه لقيته أمين و خدوم
بالتوفيق إن شاء الله

[mahmoud_magdy]

السلام عليكم و رحمة الله و بركاته
حاول تتصل بالراجل ده
أ / عصام بشطر 0121116053
عنده حاجات إستعمال الخارج
من معاملتي معاه لقيته أمين و خدوم
بالتوفيق إن شاء الله

حضرتك المشكله تكمن في المملكه العربيه السعوديه
وليست في جمهورية مصر العربيه

[ضيف]

المهم لو سمحتم لو حد يقولي التلاجة دي ثمنها كام في مصر
وهل فيه منها خارج التوكيل وبكام وشكراااااااااااااااااا

ردّي على صاحب الموضوع كان بالنسبة لهذا الكلام
مع تحياتي

[renault monster]

بقولك ايه يا دكتور ما تيجي تشرفنا في الرياض وننزل نشوفلك في التشليح؟؟؟

اكيد هتلاقي واوعدك بأسعار رخيصه جداااااااا

والمكنيكي معرفه وواد شااااااااطر

[hajahmed]

شكراااااااااااااا

السيد وحش الرينو
شكرا جزيلا ده كرم اخلاق منك
انا اشتريت واحدة مستعملة من واحد متخصص فقط رينو وفولفو
بس لسة ما ركبتهاش مستني اشوف نتيجة المراسلات مع رينو

الاستاذ / خالد لانوس
اشكر حضرتك علي مجهودك

الاخ الكريم / musiccairo
انا شاكر تفاعل حضرتك وانا فعلا في السعودية
بس انا سالت علي ثنمها في مصر في التوكيل وبره
والوحيد اللي رد عليا هو الاخ خالد
فلكم جميعا الشكر الجزيل


علي فكرة اليوم جاني رد من شركة رينو علي الايميل
انهم حولوا مشكلتي علي قسم خدمة العملاء
وانا لمنتظروووووووووووووووووون

[Ahmed Selim]

ربنا يوفقك إن شاء الله