المقاس الأفضل لكاوتش الميجان

[Hegazio]

أنا عارف إن فيه ناس كتير مش حتوافقني علي اللي باقوله لكن فيه ناس كتيرة حتوافقني برضه
الموضوع بدأ لما كنت باشغل ال GPS و أنا مسافر سفر طويل بلاقي سرعة العربية عليه أقل و المسافة أقل من اللي بيقولهم العداد .. مش كتير قوي يعني حوالي 1 - 2 %
و جربت مع أصدقاء تانيين برضه كاوتشهم جديد و ضغطه مضبوط و كانت جنوطه 16 و كان الفرق اوضح !!
و ده معناه حاجه واحده .. قطر الكاوتش ده أقل من المناسب تماما ب 1 % في مقاس 195/95/15 و أكتر شوية في مقاس 205/55/16
و لأن زياده القطر ليها دراسات و ما بتتزودش إعتباطا و كمان مش كل مقاسات الكاوتش ينفع تتعمل , و بعد بحث مضني و صلت لأفضل مقاس حيدي السرعة الصح و السحب الصح و ستابيليتي أكتر و كمان استهلاك بنزين أفضل في السفر ( مش قوي يعني هو لتر في مشوار اسكندرية) من غير ما يتعب العربية هو:
215/60/15 و 215/55/16
والكارتيرة بتاع الميجان بتشيل عادي لحاد 225 زي اللي في الميجان سبورت
و قولولي إيه رأيكو

[chato_eg]

طيب مش جايز ال Gps هو إللى مش دقيق ؟؟
أكيد برضه مصنعين السيارات بيقوموا بأبحاث للوصول إلى أفضل معدلات استهلاك للوقود...خصوصا الأوروبيين

و بعدين المقاس 15/60/215 ده أعرض بكتير قوى من المقاس الأصلى إللى هو 15/65/195 ....

[Sharky]

أنا فعلا لما كنت بشغل الـ GPS و أنا مسافر فى الطريق كنت بلاخظ إن فيه تأخير حوالى 3 او 4 ثوانى تقريبا على مايجيب السرعة إللى كنت عليها

فهل قصدك دا و لا حاجة تانية ؟

[Hegazio]

ما هو زي ما قلت لك .. لو الفرق في المقاس الأدق ده حيكلف الشركة 100 يورو علي الأقل بلاش خصوصا إن الفرق مسموح تقنيا
و بعدين اللي جنوطها 16 عرض كاوتشها 205 و السبورت جنوطها 17 و عرضها 225

[Amr_Moh]

و بعدين المقاس 15/60/215 ده أعرض بكتير قوى من المقاس الأصلى إللى هو 15/65/195 ....

215/55/16
دة المآس العندي

[chato_eg]

إللى أعرفه إن المقاس الأصلى يا
15/65/195 زى عندى
يا إما
16/55/205

جايز إنت إللى مغير الكاوتش يا عمرو

على كل أنا كلامى كان على المقاس بتاع الجنط ال 15 ...الفرق كبير بين الموجود عندى 195 و إللى الزميل مقترحه 215 على نفس القطر 15" ..

[ضيف]

أؤيد كلام هاني باشا
اللي عندي على الجنط الأسبور (205/55/16)

[Amr_Moh]

إللى أعرفه إن المقاس الأصلى يا
15/65/195 زى عندى
يا إما
16/55/205

جايز إنت إللى مغير الكاوتش يا عمرو

على كل أنا كلامى كان على المقاس بتاع الجنط ال 15 ...الفرق كبير بين الموجود عندى 195 و إللى الزميل مقترحه 215 على نفس القطر 15" ..

أؤيد كلام هاني باشا
اللي عندي على الجنط الأسبور (205/55/16)

فعلاً المأس الأصلي كان
16/55/205

لم جة معاد التغير ركبت 215

[chato_eg]

حسيت بفرق ؟؟ و كلفوك كام للمقاس الأعرض ؟؟

[Amr_Moh]

حسيت بفرق ؟؟ و كلفوك كام للمقاس الأعرض ؟؟

بتصور بسيط المخدة الهوى البين الجنط والأرض عليت سنة وعرضت
مظهرش عندى مشاكل فالجنوط الحمدلله وأصدي علشفة البتتني
الشكل أفضل سنة لئن الفراغ المرعب الكان حولين الفردة والرفرف قل شوية
900 x 4

[Amr_Moh]

بردو نؤول العيوب

تأثرها على العفشه بشكل سلبي غير معروف، قد تؤدي إلى إستهلاك العفشة بشكل أسرع

مقاس مش منتشر، فلو باظت منك فردة جايز متلئيش زيها تاني

التوب سبيد نزلت ل-١٨٠

[Hegazio]

انا أسف كنت مسافر اليومين اللي فاتو و ما شفتش الردود العظيمة دي

أولا و زي ماقلت 215 مش عريض أبدا علي العربية .. الكارتيرة تشيل عرض 245 بس الشركة بتقول لغاية 225 O.K
ثانيا طبعا زيادة الهوا ادا stability زياده و نعومة اكتر
اقصي سرعة علي العداد كا زالت زي ما هي 200 علي rpm قبل ال 6 بسنه بعد 5-6 دقايق سحب علي الأقل ( ده عندي انا)
الفرده سعرها 450 في الكوري ( كومهو و هانكوك و كده ) و 550 للأصناف الأعلي شوية ( يعني مش فرق كارثة يعني)
مقاس مش موجود عند أي حد بس ممكن يجيبهولك .. أو سيادتك تركب الاستبن حتي لو مقاسه مختلف شوية عادي جدا و تروح للتجار الكبار و تركبه زي الباشا

و عموما أنا حبيت أفيد حبايبي .. و لكن الاختلاف في وجهة النظر إيــه؟

[Hegazio]

نسيت أضيف ان السرعة علي العداد بقت مظبوطة علي أي GPS و المسافة برضة ( يعني قبل كده كانت علي العداد 200 بس فعليا هي 198)

[meso76]

بالتأكيد افضل واظبط مقاس للكاوتش هو المقاس الأصلى اللى العربيه نازله بيه ... وحسب المكتوب فى الكتالوج عندى هو لازم يكون واحد من الأربعة دول (بالنسبة للميجان 2- 1.6 16v):

195/65 R15 H
205/55 R16 H
205/55 R16 V
205/50 R17 V

[Hegazio]

بالتأكيد افضل واظبط مقاس للكاوتش هو المقاس الأصلى اللى العربيه نازله بيه ... وحسب المكتوب فى الكتالوج عندى هو لازم يكون واحد من الأربعة دول (بالنسبة للميجان 2- 1.6 16v):

195/65 r15 h
205/55 r16 h
205/55 r16 v
205/50 r17 v

طب ليه بالتأكيد يا جميل؟

و علي فكرة أنا أكتر حاجة بتنرفزني في موضوع التعديلات ده جملتين
1 - هي اللي العربية خرجت بيه من المصنع أحسن حاجة ليها
2 - لو كان حيبقي أحسن كانو ركبوه

هو احنا يعني شاريين فيراري و لا اس كلاس و اكتملت المعاني؟
و حتي المرسيدس و فيراري .. ماحدش شاف في توب جير الشركة جايبه أخرها في العربية و تيجي شركات التعديل تضيف و تغير و تعدل؟
الخلاصة .. الشركة بتديك حاجة كويسة بسعر معقول و ليس افضل حاجة دائما .. بل انها دائما ليست افضل حاجة و ليست اسوا حاجة و لذلك فالنوع الحريص من الناس بيخليه زي مالكتاب بيقول .. و فيه كتاب بتألف كتـــــــب!!