حاجه تفور الدم بجد.

[Ramy_Tantawi]

حاجه تفور الدم والله العظيم الاهمال والسلبيه اللي بقينا فيها .............اركن ساعه في شارع كبير قدام دار الاشاره اطلع الاقي زجاج الباب الايمن مكسور ومتاخد حاجات من العربيه تمنها لا يقل عن 1000 جنيه وحسبي الله ونعم الوكيل .......اهمال وسلبيه وعدم امان .........ولسه والله طول ما الحال كده قريب الناس هتاكل بعضها .................
ما علينا قدر الله وماشاء فعل والحمد لله على كل شيء .

المهم دلوقتي يا وحووش طبعاً مشكلة الخميس والجمعه والسبت يعني يستحيل انتظر التوكيل ؟ فا هل اتصرف من اي محل زجاج وخلاص ؟ ولا محتاج حد بتاع رينو ؟ ولا اعمل ايه بالظبط ؟

[ضيف]

شاء الله و ما قدّر فعل
قضاء أخف من قضاء , الله وحده يعلم المصيبة كانت نازله إزّاي و ربنا لطف
قلبي معك
الصبح إن شاء الله إتصل ب 16202 و شوف كلامهم إيه لو حابب التوكيل , برّه التوكيل معنديش فكرة
ربنا معاك

[Dr_Ahmed_Abdelghany]

اعذرنى أنا مش من الوحوش بس نصيحتى ليك فى الزجاج الجانبى توكل على الله وصلحه بره التوكيل عند واحد مضمون بتاع زجاج مش شرط رينو

[M.Moustafa]

رامي معلش قدر الله وما شاء فعل خلي دعاءك اللهم اجرني في مصيبتي واخلفني خيرا منها

انا هكلملك بتاع فرنش موتورز الصبح ان شاء الله اسالك على الزجاج وان شاء الله خير

[pharonicking]

معلش الناس دى عايزة تتلم ويتولع فيها""""""""

[Amr_Moh]

فداك يا رامي .. رأي تجيبو أصلي إستيراد من الحرفيين لو مش ناوي تستنى التوكيل يفتح

أو جديد من شارع دمشق

[akmal_hamdi]

معلش يا رامى قدر الله وما شاء فعل ممكن تشوف ايمن دوسو فى شارع دمشق

[hamata]

معلش يا رامى ربنا يعوض عليك

[tamer_samy]

قدر الله و ما شاء فعل رامي
قضا اخف من قدر
عليك و علي شارع دمشق او استيراد من الحرفيين

[M.ADEL KAMEL]

معلش يارامى اللى يجى فى الريش بقشيش و فداك الف زجاج مش واحد بس

[bishoy02010]

استيراد من الحرفين اعتقد افضل الحلول

[أبو أدم]

السلام عليكم أخى رامي
قلبى معاك ..... ربنا يهدي الناس و يصلح حالهم و لاحول و لاقوة الابالله

خد بنصحية أخوانك و خلى دعائك ( اللهم آجرنى فى مصيبتى وأخلف لى خير منها ) تجد باذن الله العجب العجاب
وجعل الله صبرك فى ميزان حسناتك يوم العرض الاكبر

[chato_eg]

حصل خير و فداك الزجاج و الحاجة.....أنا و الله كل مرة أركن العربية بأكون متوجس...يا ترى هأرجع ألاقيها زى ما هى و لا لأ؟
لكن مافيش غير إن الواحد يقول " استودعكم الله الذى لا تضيع ودائعه "..
على فكرة التوكيل فرع العبور شغال السبت أكيد و أفتكر الجمعة كمان بس مش متأكد

[Ramy_Tantawi]

جزاكم الله كل خير يا جماعه وربنا يهدي اللي عمل كده الواحد والله مابيزعلش على اللي راح قد ما بيزعل على الموضوع نفسه ....لما نكون في شارع حي زي ده والناس رايحه جايه فيه والساعه 10 بالليل مش الفجر يعني ولا حاجه ......ربنا يهدي العاص وينور له بصيرته ويكرمه ان شاء الله ......الغريب ان نص السيدي اللي اتسرقت قرآن كريم ......يا سلام الراجل ده يسمعله واحده ولا اتنين منهم ربنا يهديه كده وبيطل سرقه على ايدينا يبقى زي الفل

المهم انا ان شاء الله بعد صلاة الجمعه هانزل اشوف شارع دمشق الاحوال عنده ايه ...... بس ماحدش يعرف يا جماعه سعره تقريبا يكون في حدود كام لو استيراد او جديد من السوق ؟

[Amr_Moh]

جزاكم الله كل خير يا جماعه وربنا يهدي اللي عمل كده الواحد والله مابيزعلش على اللي راح قد ما بيزعل على الموضوع نفسه ....لما نكون في شارع حي زي ده والناس رايحه جايه فيه والساعه 10 بالليل مش الفجر يعني ولا حاجه ......ربنا يهدي العاص وينور له بصيرته ويكرمه ان شاء الله ......الغريب ان نص السيدي اللي اتسرقت قرآن كريم ......يا سلام الراجل ده يسمعله واحده ولا اتنين منهم ربنا يهديه كده وبيطل سرقه على ايدينا يبقى زي الفل

المهم انا ان شاء الله بعد صلاة الجمعه هانزل اشوف شارع دمشق الاحوال عنده ايه ...... بس ماحدش يعرف يا جماعه سعره تقريبا يكون في حدود كام لو استيراد او جديد من السوق ؟

رامي كلمني لو حتروح أنا عايز اشتري تيل للكليو ممكن ننزل سوى لو لحقت تقره رسالتي

0105674854