Tweet
السلام عليكم ورحمة الله وبركاته ....
الموضوع ده جه في دماغي وانا سرحان في رحلة امبارح انا والعقيد خالد وعمرو باشا عبد الخالق ....الموضوع ببساطه هي اني فضلت افكر اولاً ليه احنا اتخضينا اوي كده لما لقينا اسعار الحاجات الاستيراد كده ؟ وهل هي فعلاً رخيصه ولا احنا اتعودنا على سعر التوكيل اللي قد يكون مبالغ فيه ! ولا ايه الموضوع ؟ واصلاً السعر ده هل قيمه عادله لقطعة الغيار اللي بنجيبها ولا ايه الموضوع ؟
الأول تعالوا نشوف هل سعر قطع الغيار في التوكيل غالي ؟
الاجابه / بالطبع غالي بس ده ليه سببه وهو انه ببساطه اوروبي !! ده السبب الوحيد اللي انا لاقيه منطقي اولاً لارتفاع اليورو ثانياً لارتفاع قيمة القطعه نفسها كا أوروبي ؟ لا اعيب في الياباني او الاسيوي عموماً لكن الاوربي فعلاً معايير الجوده عنده لها معنى آخر واهتمامه بالتصنيع مدرسه غير الاسيوي تماماً فالاوروبي عادةً ما يبحث عن جودة تامه للمنتج بعدين يشوف موضوع السعر والقيمه عكس الاخر يعني نلاقي قطع الغيار للياباني بالذات تنزل 3-4 ماركات كلهم ياباني لكن واحد ياباني ماركة العربيه والباقي ياباني برضه لكن دون العلامه التجاريه او تحت اي اسم آخر وبالتالي سعر اقل وكفائه قد تكون اقل ....ومع ذلك هو ذكاء ايضاً في انه قدر يطرح قاعده عريضه من منتج ليه في اكتر من صوره .....
طيب السؤال التاني هل التوكيل مبالغ في اسعاره ؟
الاجابه / لا والف لا عارف ان المعارضه هاتكون شديده في السؤال ده لكن برضه لو حسبناها هنلاقي الموضوع غير مبالغ فيه بالمره ومع انتشار دلوقتي مراكز الصيانه ومحاولة ارضاء العميل والكلام ده هنلاقي توكيلات كتير اغلى سعراً وقد تكون الخدمه المقدمه اقل من اللي في توكيلنا ! الفكره اللي شغلاني اكتر هي احنا بناءً على ايه قلنا ان التوكيل مبالغ في تسعير خدماته وقطع غياره ؟ عارفين يا جماعه ان احنا اللي عملنا سوق استيراد للعربيه باسعار غريبه كده من غير ما نشعر !!!
هاقولكم ازاي بشوية امثله ........
1- عم محمد كان معاه ميجان ومره من المرات شاف ميجان 2 على الطريق مقلوبه ولا حاجه كفانا واياكم الشر فا خاف من العربيه وقالك دي عربيه بتحود لوحدها وبتتقلب .....وقرر يبيع العربيه ويخلص منها وبعد ما كان شاريها بي 130 باعها بي 100 بس .
2-عم حسين بقى حصل معاه موقف تاني كان مره بيعمل صيانه لعربيته ولقى عربيه تانيه بتغير موتور مثلاً او شيء كبير فا عم حسين قلق وقال لا يا عم الله الغني عن العربيه اللي موتورها بيتغير كل 100.000 كم ده وباع العربيه بعد ما كان جايبها بي 150 بي 110 بس !
3-عم شريف بقى ده حكايته حكايه......ده راجل شديد الاعتناء بسيارته ويحترمها اكتر ما بيحترم اهل بيته وعلى طول بيبدل قطع الغيار قبل وقتها كمان ....
4-الست فايقه دي ست ولا شوماخر في السواقه ....... كل يوم تاخد الميجان بتاعتها وتطلع من بيتها لشغلها اللي هو في الشارع اللي وراهم ويبعد بالظبط 5 دقائق المهم ان الست فايقه تروح الشغل بحادثه وفانوس تكسره وترجع بحادثه تانيه وباب محكوك......بس هي مأمنه والتأمين بيدفع ليها كل حاجه وكل ما يحصل حاجه التأمين يغير الباب والفوانيس وكل حاجه .
5-عم صابر بقى ده حالته صعبه شويه ده راجل متيم بالميجان ويعشقها عشق الكلاب للقطط زي ما بيقولوا......قدر الله وعمل حادثه جامده شويه ومكانش مأمن ولا حاجه فا اضطر يبيع العربيه خرده بي ربع التمن تقريباً .
لو بصينا للامثله اللي فوق دي هنلاقيها سبب مباشر وقوي لانتشار قطع غيار استيراد كتير في السوق على مدار السنتين اللي فاتوا بالذات ......يعني اللي بيغير قطع غيار اول بأول في التوكيل ساهم في ان قطع غيار السوق .....اما اللي باع العربيه وهي جديده مافيهاش مشكله ساهم برضه بطريقه غير مباشره ان العرض يزيد من العربيه ......انتشار التأمين برضه ظاهره ادت الى انتعاش قطع الغيار الاستيراد وبسعر غريب زي ده .....التأمين بيغير الباب لو متقشر منه دهان او مخبوط حاجه بسيطه لو الرفرف مشروخ او المرايه في خبطه يسيطه بيغير .
كل الاسباب دي بطريقه مباشره وغير مباشره خلقت عندنا سوق هائل من قطع الغيار ليست غير اصليه وانما استعمال .........وعلى فكره ممكن جداً يكون سعر المستعمل قريب شويه للجديد مش الفرق الغريب ده ....لكن ده برضه راجع لرخص العربيه اصلاً تاني يوم تطلع من المعرض !!!!
خلوا بالكوا احنا برضه زي ما كنا سبب غير مباشر في انخفاض وتوافر قطع الغيار الاستيراد والاستعمال بصوره كبيره كده.......فا احنا سبب برضه في انتشار العربيه فا انا اكاد اجزم ان بأقل تقدير ممكن اكتر من 30 % او 40 % من مالكي الميجان في مصر لا يعرفوا طريق التوكيل .....ومع ذلك العربيه ماشيه معاهم ومفيش مشاكل لان ببساطه انا ممكن بربع تمن التوكيل انزل على الراجل بتاع امبارح او اي حد بتاع استيراد واستعمال كبير واصنع عربيه ميجان من عنده !
عاوز اقول ان في النهايه لتفوق العربيه دي برضه هي قدرت تلعب على الجانبين فا هي شعبيه ( لسيت كما الياباني والكوري بالطبع ) وفي نفس الوقت هي عربيه برستيج وتشعرك بتميز .....والله عاوز تعاملها باحترام وتروح تقعد في التوكيل شأنك وهي هاتعمل اللي عليها وهتعاملك بكل رقه واحترام.....عاوز تنزل السوق وتهجن قطعه من هنا وقطعه من هنا ........ برضه هاتشتغل معاك ومش هاتقولك حاجه اعتراضها هايكون فقط في طقطقه ما او شوية لخبطه لكن هاتتظبط برضه....
الموضوع انا عامله فقط كي اشعر نفسي ان الحمد لله تفكيرنا كان صح وان اقتناعنا بالسياره دي ليس انبهار او لمعه وفقط بل هو اقتناع بأساس متين ..........خلليني اوسع الدائره اكتر في التفكير واقول ان كلامي ينطبق على الرينو عموماً من اجيال حديثه لكن هي واضحه اوي في الميجان لان الناس كانت منتظره من العربيه دي غير كده .......اللي شفته امبارح بجد كان مبهر لي جداً ان العربيه موجوده بالكثره دي وان الناس اللي بيفهموا فيها كتير كده....هو شيء مطمئن في الاول والاخر ودليل على انتشار اوسع واقوى لاجيال الرينو القادمه ........وهذا اجتهاد من العبد الفقير الى الله لا اكثر ولا اقل ........
والسلام عليكم.
الموضوع ده جه في دماغي وانا سرحان في رحلة امبارح انا والعقيد خالد وعمرو باشا عبد الخالق ....الموضوع ببساطه هي اني فضلت افكر اولاً ليه احنا اتخضينا اوي كده لما لقينا اسعار الحاجات الاستيراد كده ؟ وهل هي فعلاً رخيصه ولا احنا اتعودنا على سعر التوكيل اللي قد يكون مبالغ فيه ! ولا ايه الموضوع ؟ واصلاً السعر ده هل قيمه عادله لقطعة الغيار اللي بنجيبها ولا ايه الموضوع ؟
الأول تعالوا نشوف هل سعر قطع الغيار في التوكيل غالي ؟
الاجابه / بالطبع غالي بس ده ليه سببه وهو انه ببساطه اوروبي !! ده السبب الوحيد اللي انا لاقيه منطقي اولاً لارتفاع اليورو ثانياً لارتفاع قيمة القطعه نفسها كا أوروبي ؟ لا اعيب في الياباني او الاسيوي عموماً لكن الاوربي فعلاً معايير الجوده عنده لها معنى آخر واهتمامه بالتصنيع مدرسه غير الاسيوي تماماً فالاوروبي عادةً ما يبحث عن جودة تامه للمنتج بعدين يشوف موضوع السعر والقيمه عكس الاخر يعني نلاقي قطع الغيار للياباني بالذات تنزل 3-4 ماركات كلهم ياباني لكن واحد ياباني ماركة العربيه والباقي ياباني برضه لكن دون العلامه التجاريه او تحت اي اسم آخر وبالتالي سعر اقل وكفائه قد تكون اقل ....ومع ذلك هو ذكاء ايضاً في انه قدر يطرح قاعده عريضه من منتج ليه في اكتر من صوره .....
طيب السؤال التاني هل التوكيل مبالغ في اسعاره ؟
الاجابه / لا والف لا عارف ان المعارضه هاتكون شديده في السؤال ده لكن برضه لو حسبناها هنلاقي الموضوع غير مبالغ فيه بالمره ومع انتشار دلوقتي مراكز الصيانه ومحاولة ارضاء العميل والكلام ده هنلاقي توكيلات كتير اغلى سعراً وقد تكون الخدمه المقدمه اقل من اللي في توكيلنا ! الفكره اللي شغلاني اكتر هي احنا بناءً على ايه قلنا ان التوكيل مبالغ في تسعير خدماته وقطع غياره ؟ عارفين يا جماعه ان احنا اللي عملنا سوق استيراد للعربيه باسعار غريبه كده من غير ما نشعر !!!
هاقولكم ازاي بشوية امثله ........
1- عم محمد كان معاه ميجان ومره من المرات شاف ميجان 2 على الطريق مقلوبه ولا حاجه كفانا واياكم الشر فا خاف من العربيه وقالك دي عربيه بتحود لوحدها وبتتقلب .....وقرر يبيع العربيه ويخلص منها وبعد ما كان شاريها بي 130 باعها بي 100 بس .
2-عم حسين بقى حصل معاه موقف تاني كان مره بيعمل صيانه لعربيته ولقى عربيه تانيه بتغير موتور مثلاً او شيء كبير فا عم حسين قلق وقال لا يا عم الله الغني عن العربيه اللي موتورها بيتغير كل 100.000 كم ده وباع العربيه بعد ما كان جايبها بي 150 بي 110 بس !
3-عم شريف بقى ده حكايته حكايه......ده راجل شديد الاعتناء بسيارته ويحترمها اكتر ما بيحترم اهل بيته وعلى طول بيبدل قطع الغيار قبل وقتها كمان ....
4-الست فايقه دي ست ولا شوماخر في السواقه ....... كل يوم تاخد الميجان بتاعتها وتطلع من بيتها لشغلها اللي هو في الشارع اللي وراهم ويبعد بالظبط 5 دقائق المهم ان الست فايقه تروح الشغل بحادثه وفانوس تكسره وترجع بحادثه تانيه وباب محكوك......بس هي مأمنه والتأمين بيدفع ليها كل حاجه وكل ما يحصل حاجه التأمين يغير الباب والفوانيس وكل حاجه .
5-عم صابر بقى ده حالته صعبه شويه ده راجل متيم بالميجان ويعشقها عشق الكلاب للقطط زي ما بيقولوا......قدر الله وعمل حادثه جامده شويه ومكانش مأمن ولا حاجه فا اضطر يبيع العربيه خرده بي ربع التمن تقريباً .
لو بصينا للامثله اللي فوق دي هنلاقيها سبب مباشر وقوي لانتشار قطع غيار استيراد كتير في السوق على مدار السنتين اللي فاتوا بالذات ......يعني اللي بيغير قطع غيار اول بأول في التوكيل ساهم في ان قطع غيار السوق .....اما اللي باع العربيه وهي جديده مافيهاش مشكله ساهم برضه بطريقه غير مباشره ان العرض يزيد من العربيه ......انتشار التأمين برضه ظاهره ادت الى انتعاش قطع الغيار الاستيراد وبسعر غريب زي ده .....التأمين بيغير الباب لو متقشر منه دهان او مخبوط حاجه بسيطه لو الرفرف مشروخ او المرايه في خبطه يسيطه بيغير .
كل الاسباب دي بطريقه مباشره وغير مباشره خلقت عندنا سوق هائل من قطع الغيار ليست غير اصليه وانما استعمال .........وعلى فكره ممكن جداً يكون سعر المستعمل قريب شويه للجديد مش الفرق الغريب ده ....لكن ده برضه راجع لرخص العربيه اصلاً تاني يوم تطلع من المعرض !!!!
خلوا بالكوا احنا برضه زي ما كنا سبب غير مباشر في انخفاض وتوافر قطع الغيار الاستيراد والاستعمال بصوره كبيره كده.......فا احنا سبب برضه في انتشار العربيه فا انا اكاد اجزم ان بأقل تقدير ممكن اكتر من 30 % او 40 % من مالكي الميجان في مصر لا يعرفوا طريق التوكيل .....ومع ذلك العربيه ماشيه معاهم ومفيش مشاكل لان ببساطه انا ممكن بربع تمن التوكيل انزل على الراجل بتاع امبارح او اي حد بتاع استيراد واستعمال كبير واصنع عربيه ميجان من عنده !
عاوز اقول ان في النهايه لتفوق العربيه دي برضه هي قدرت تلعب على الجانبين فا هي شعبيه ( لسيت كما الياباني والكوري بالطبع ) وفي نفس الوقت هي عربيه برستيج وتشعرك بتميز .....والله عاوز تعاملها باحترام وتروح تقعد في التوكيل شأنك وهي هاتعمل اللي عليها وهتعاملك بكل رقه واحترام.....عاوز تنزل السوق وتهجن قطعه من هنا وقطعه من هنا ........ برضه هاتشتغل معاك ومش هاتقولك حاجه اعتراضها هايكون فقط في طقطقه ما او شوية لخبطه لكن هاتتظبط برضه....
الموضوع انا عامله فقط كي اشعر نفسي ان الحمد لله تفكيرنا كان صح وان اقتناعنا بالسياره دي ليس انبهار او لمعه وفقط بل هو اقتناع بأساس متين ..........خلليني اوسع الدائره اكتر في التفكير واقول ان كلامي ينطبق على الرينو عموماً من اجيال حديثه لكن هي واضحه اوي في الميجان لان الناس كانت منتظره من العربيه دي غير كده .......اللي شفته امبارح بجد كان مبهر لي جداً ان العربيه موجوده بالكثره دي وان الناس اللي بيفهموا فيها كتير كده....هو شيء مطمئن في الاول والاخر ودليل على انتشار اوسع واقوى لاجيال الرينو القادمه ........وهذا اجتهاد من العبد الفقير الى الله لا اكثر ولا اقل ........
والسلام عليكم.
Comment