ماذا تتوقع لتوكيل رينو بعد وفاة نصير

[ecybrarian]

تفتكروا الدنيا هاتمشي إزاي بعد وفاة نصير (رحمة الله عليه) في توكيل رينو. اصل في مصر الشركات ترتبط باسماء اصحابها..بمعنى إن مجرد ما يحصل شيئ لصاحب التوكيل الدنيا بتنقلب ولنا في توكيل bmw لابو الفتوح المثل. انا اتوقع إنهيار التوكيل إداريا من الداخل ثم عملية سطو على التوكيل من شركة أخرى.

[momo10000]

صباح الفل يا h

المرحوم سلم كل الشركات لمديرين محترمين واكفاء جدا جدا ( ناس من تربيتة)

زي احمد شرف في رينو وطارق الطحاوي وحسام شهاب

الناس دي هي اللي مدورة الدنيا في رينو بعيد عن المرحوم.

لا تقلق يا هشام رينو في امان

[Amr_Moh]

التوكيل إنعكاس لسياسة الشركة الأم

[Ahmed Selim]

و الله يا هشام باشا أنا متوقع العكس

نصير الله يرحمه كان له العديد من الشركات و بالتالى من المستحيل أنه يكون هو اللى كان بيديرها كلها.......كل الشركات أكيد ليها مجالس أدارات قد يكون هو عضو فيها أو رئيس مجلس مثلاً يعنى غالباً الشركات مش هتتوقف عن العمل بس قد يصيبها بعض التخبط فى الفترة الأولى.

و برضه اللى أعرفه أن اللى تولى المسؤليه من بعده هو أبنه و أعتقد أنه مش هيفرق كتير عن أبوه........ولا نذكى على الله أحداً.

[Sharky]

انا بصراحة متوقع استمرار النجاح لإن المديريين اللى ماسكين الوكيل حاليا على كفاءة عالية

[tamermahran]

انا اتوقع ثبات الشركة ..

تاييدا لكلام momo1000

لان محمد نصير الله يرحمه شخصية قوية و ثابتة كان مظبط الاوضاع دة

لان ابنه مش بقوته و بقوة علاقاته ( دة راجل كان مصاحب روؤساء الدول بسبب تجارة السلاح )

راجل بعقليه دة أكيد مختار مديرين بعناية

الا اذا حصل خيانة من داخل البيت ( الشركة الام ) و دة استبعده و تعتمد على قوة المالك الجديد _ ابنه _ اذا قويت شخصيته

والله اعلم

[tamermahran]

دة كلامى انا .. أبو ادم architect_a
مع تحياتى لكم

[akmal_hamdi]

لن يتأثر طبعا بس ترتيب الأسامى ال قالهم ايمن مش منطقى خالص لو اتكلمنا انا وانت هفهمك الترتيب الصح و مين الأسامى ال بتلعب فى الخفاء محدش يعرفهم

[ecybrarian]

اسمحوا لي اشرح وجهة نظري...الموضوع مالوش دعوة بكفاءة المديرين الحاليين. المهم الحفاظ عليهم..وده معتقدش انه هايحصل..لأن المدرسة المصرية في الإدارة بتعتمد في الأساس على إن كل واحد يجيب رجالته ويمشي الحرس القديم..وده حصل في كل الشركات إللي شغلوها الأبناء يعد ابائهم في مصر. انا عارف هاتقولو لي إن ابن نصير كان بيدير مع ابوه لكن مش هو إللي كان بيختار القيادات (انا متأكد من دي بقى)..ودي فرصته يجيب قيادات أخرى أكثر توافقا مع دماغة والتطوير إللي هو أكيد بيفكر يعمله.

وانا اتصور إن التطوير ده هايبقى زي تطوير الرشيدي الميزان قبل ما تتباع للأجانب!!!!!!! يعني الدنيا تتطور شكلا ومضمونا ثم لا يستطيعون إدارة هذا التطوير فتنهار الشركات ثم تتباع...بالمناسبة فيتراك ايضا اتباعت للأجانب (اشترتها هيرو)

[megane_man]

ربنا يستر

[gomha]

اسمحوا لي اشرح وجهة نظري...الموضوع مالوش دعوة بكفاءة المديرين الحاليين. المهم الحفاظ عليهم..وده معتقدش انه هايحصل..لأن المدرسة المصرية في الإدارة بتعتمد في الأساس على إن كل واحد يجيب رجالته ويمشي الحرس القديم..وده حصل في كل الشركات إللي شغلوها الأبناء يعد ابائهم في مصر. انا عارف هاتقولو لي إن ابن نصير كان بيدير مع ابوه لكن مش هو إللي كان بيختار القيادات (انا متأكد من دي بقى)..ودي فرصته يجيب قيادات أخرى أكثر توافقا مع دماغة والتطوير إللي هو أكيد بيفكر يعمله.

وانا اتصور إن التطوير ده هايبقى زي تطوير الرشيدي الميزان قبل ما تتباع للأجانب!!!!!!! يعني الدنيا تتطور شكلا ومضمونا ثم لا يستطيعون إدارة هذا التطوير فتنهار الشركات ثم تتباع...بالمناسبة فيتراك ايضا اتباعت للأجانب (اشترتها هيرو)

انا حاخرج عن الموضوع بس لتصحيح معلومة بحكم عملى فى الشركة التى اشترت الرشيدى الميزان فرع السعودية لقد اصدرت الشركة بيان وقت الشراء الشركة هى يونليفر العالمية ورئيس فرع الشركة للشرق الاوسط وشمال افريقيا هو وزير الاقتصاد محمد رشيد وهو ايضا الشريك للشركة الام فى مصر

لقد جاء فى البيان ان الشركة سوف تعلن عن توجها لشراء بعض الشركات المحلية الناجحة ولقد اختارت مصر لشراء الرشيدى الميزان كبداية وسوف تقوم بدعم المنتج وتطويرة لدعم تواجدها فى السوق المصر ى وان الشركة تشكر شريكها ورئيس فرع شمال افريقيا والشرق الاوسط على نظرتة المستقبلية ولقد وضعت الشركة ميزانية كبيرة لتطوير المنتج من طرق التعبئة والتصنيع والماركة لتصبح قادرة على المنافسة خارج مصر وسوف تقوم الشركة بدعم الماركة لتصبح علامة مسجلة لها على مستوى العالم

منجات شركة يونليفر مصر

صابون لوكس شامبو صانسيلك صابون دوف ومسحوق الغسيل اومو معجون الاسنان سجنال 2 وغيرها من منتجات العناية بالشعر والبشرة وايضا فاين فودز مصر
شاى ليبتون