مكنة الازاز

[M.Moustafa]

وحوش واحشني مع انكم مطنشني بالذات في موضوع المقابلة وربنا يكرم واشوفكم كلكم قريب

المهم يوم الجمعة اللي فاتت بعد الصلاة ركبت العربية وجيت افتح الشباكين اللي قدام لقيت الشباك بتاع الباب اللي جنبي بيكركب في النزول قول يمكن حد كان حاشر ورقة من بتوع الدعاية دول وانا مخدتش بالها منها ونزلت عليها او يمكن تكون حاجة في مكنة الازاز.

المهم طنشت لحد امبارح سبحان الله نسيت وفتحته تاني وقع وبقى بيطلع لحد اوله كده وما يرداش يكمل، افتكرت الموضوع اللي كان عامله احمد جمال وقولت في الغالب المكنة سليمة لانها بطلع الازاز شوية المهم كلمت خالد بتاع فرنش موتورز قالي عليك وعلى محمد اوكرة ووصفلي طريقه وروحتله.

الباشا راح فك الباب وطبعا كنت اول مرة في حياتي اشوف الباب بيتفك ازاي بس الموضوع بالنسبة ليا على الاقل مش سهل وعمري ما هفكر اني افك الباب المهم بعد كده فك المكنة وقالي ان الدليل وده عبارة عن حاجة بلاستيك كده مكسورة والسلك عايز يتغير، المهم اشتغل وغير الدليل والسلك.

الموضوع اخد حوالي ساعة وربع والتكلفة الاجمالية 90 جنيه انا الصراحة ما فاصلتش معاه لاني كنت تقريبا بفيص وعايز انام

اي خدمة يا وحوش

[medohai510]

قدر الله فما شاء فعل ولا يهمك يا باشا والحمد لله

[MoMohsen]

وحوش واحشني مع انكم مطنشني بالذات في موضوع المقابلة وربنا يكرم واشوفكم كلكم قريب

المهم يوم الجمعة اللي فاتت بعد الصلاة ركبت العربية وجيت افتح الشباكين اللي قدام لقيت الشباك بتاع الباب اللي جنبي بيكركب في النزول قول يمكن حد كان حاشر ورقة من بتوع الدعاية دول وانا مخدتش بالها منها ونزلت عليها او يمكن تكون حاجة في مكنة الازاز.

المهم طنشت لحد امبارح سبحان الله نسيت وفتحته تاني وقع وبقى بيطلع لحد اوله كده وما يرداش يكمل، افتكرت الموضوع اللي كان عامله احمد جمال وقولت في الغالب المكنة سليمة لانها بطلع الازاز شوية المهم كلمت خالد بتاع فرنش موتورز قالي عليك وعلى محمد اوكرة ووصفلي طريقه وروحتله.

الباشا راح فك الباب وطبعا كنت اول مرة في حياتي اشوف الباب بيتفك ازاي بس الموضوع بالنسبة ليا على الاقل مش سهل وعمري ما هفكر اني افك الباب المهم بعد كده فك المكنة وقالي ان الدليل وده عبارة عن حاجة بلاستيك كده مكسورة والسلك عايز يتغير، المهم اشتغل وغير الدليل والسلك.

الموضوع اخد حوالي ساعة وربع والتكلفة الاجمالية 90 جنيه انا الصراحة ما فاصلتش معاه لاني كنت تقريبا بفيص وعايز انام

اي خدمة يا وحوش

طب ما توصفلنا مكان محمد اكرة دة عشان عندى الباب اليمين الازاز بيطلع ببطئ رهيب لدرجة انك تحس انه مش هيكمل لحد الاخر.

[Ahmed Selim]

حمد لله على السلامة يا حمادة

الدليل البلاستيك ده أكتر حاجة بتبوظ فى مكن الأزاز عموماً...

حصلت مع واحد صاحبى فى أوكتافيا a4 و كورسا سيدان بتاعة مراته و اللى صلحهاله ركب بدل الدليل البلاستيك واحد معدن
و أخد منه 200 جم فى الأوكتافيا و 150 جم فى الكورسا :)

[osamaos20022]

ياريت توصف لنا مكانه احتياطي برده

[M.Moustafa]

الف شكر ليكو يا جماعة وعلى فكرة انا مش زعلان خالص بالعكس انا مبسوط ان الموضوع اتحل ببساطة وعلى فكرة انا والدي كان معاه زمان عربية كنا جايبنها من الكويت كانت كل شوية تعمل الحركة دي عادي يعني

المهم محمد اوكرة توصله كالتالي:

خلي تجنيد حلمية الزيتون على يمينك كانك رايح على المطرية كمل على طول اول كوبري تلاقيه اعمل يوتيرن من تحته تاني شارع على ايدك اليمين هتلاقي محمد اوكرة

[Ramy_Tantawi]

حمد لله على السلامه يا محمد .......ولو اني مش عارف فينا ايه اليومين دول لكن الحمد لله على كل شيء وقدر الله وماشاء فعل.

[ضيف]

حمدا لله على سلامة ميجانك يا باشا و قلبي معاك في أول رد فعل , الواحد بيتخض كأن (لا قدر الله) حد من ولاده
الحمد لله إنها حاجة بسيطة , ربنا ما يجيب لحد حاجة وحشه .

[Sharky]

الحمد لله على التصليح يا محمد

و شكرا على وضع العنوان للإفادة

[M.Moustafa]

الحمد لله على التصليح يا محمد

و شكرا على وضع العنوان للإفادة

يا باشا ده اللي اتعلمناه من الوحوش

[Mohd_Adel_Amin]

الحمد لله انها عدت على خير يا محمد باشا .. موضوع القزاز ده سخيف جدا لأنه بيكون حرج جدا احيانا , وخصوصا ان باب الميجان فكه معقد وبيصعب عليك انك تخلي اي كهربائي يمد ايده عليه ..

[M.Moustafa]

الوحوش قلبها جامد يا باشا ما تخافش من حاجة، امال لو شفت الصور اللي ايمن مصورها لعربيته هتعمل ايه

[Amr_Moh]

مبروك يا جميل،، هي عين اليومين دول ،، ابليك رامي و أحمد جمال.. بسيطة

[ahmed_gamal]

الحمد لله انها اتحلت
90 جنيه و كنت عايز تفاصل
انا الراجل كان عايز 300 جنيه
و خلصت علي 250

[Ahmed Selim]

الوحوش قلبها جامد يا باشا ما تخافش من حاجة، امال لو شفت الصور اللي ايمن مصورها لعربيته هتعمل ايه

فى بعض الوحوش من ذوى القلب الضعيف لو شافو اللى كان أيمن مصوره........أو عرفو اللى أنا عملته قبل كده فى عربيتى ممكن يسورقو و نجيبلهم طاسة الخضة :)