استفسار بخصوص رينو r5 السوبر سونك

[ehabomar1987]

استفسار بخصوص رينو r5 السوبر سونك
من حيث قطع الغيار اسعارها و توافرها
و من حيث المكانيكية بتوعها
و شكراا

[M.ADEL KAMEL]

ايهاب بيه شوف انتا عاوز ايه فى قطع الغيار و انهى ميكانيكى يناسبك طبعا حسب انتا ساكن فين و انتا تأمر و انا عليا الادلال و التنفيد

رئيس اتحاد رابطة الغلابة
محمد عادل

[ehabomar1987]

شكراا يا استاذ محمد اولا على الرد
بس انا كنت بسال علشان اشترى العربية ديه بس عايز اعرف ظروفها ايه من حيث قطع الغيار و المكانيكية
و انا ساكن فى النزهة الجديدة

[ehabomar1987]

شكراا على الرد

[bassam nagy]

قطع الغيار موجودة عند ناس كتيير فى عين شمس وموجودة عند محل ميشيل فى جسر السويس والميكانيكية فى عين شمس كتيير

[ehabomar1987]

الف شكر يا استاذ باسم و شكراا على الرد
بس ممكن من حضرتك تفاصيل اكتر
اسعار قطع الغيار غالية ولا عادى
و كل حد اقوله يقولى بلاش الرينو و يخوفنى منها و ينصحونى بالبيجو 205
و لو امكن ممكن اعرف عيوب الرينو 5 و ابقى شاكر لحضرتك
و معلش طولت عليك بس اصل ديه اول مرة اشترى عربية و مليش خبرة فى العربيات

[ehabomar1987]

علشان ان شاء الله لو طلعت كويسة و عيوبها و مصاريفها مش كتير اتوكل على الله و اشتريها

[M.ADEL KAMEL]

بص ياباشا تقدر تقول انها عربية محترمة جدا و بالنسبة للمقارنة ب205 لا انا ارجح الرينو مع ان قطع غيار البيجو اكتر فى السوق و بالتالى ارخص بس مش ارخص كتير زى ما انتا فاكر غير ان البيجو 205 اللى انا ركبتها على سبيل المثال ماكانش فيها تكييف اما r5 مكيفة و عربية بتجرى و ثابتهة على الطريق و كلام استا> باسم ماشاء الله مظبوط جدا هتلاقى فى عين شمس قطع غيار كتير و ميكانية و انا اعرف حد ميكانيكى كويس و اوديك ليه لو حبيت و غير كده فى قطع غيار فى فم الخليج و فى فيصل و الوكالة طبعا و فى كل حته و بعدين هانحير نفسنا ليه اللى انتا عاوزه كلمنى و انا تحت آمرك فى اى حاجة ( الأمر لله طبعا )

رئيس اتحاد رابطة الغلابة
محمد عادل

[ehabomar1987]

شكراا يا استاذ محمد على الرد السريع و على صبرك
و على كلام حضرتك ان شاء الله اتوكل على الله و اشوف عربية
بس معلش اطول عليك
اخر استفسار هو مستوى سعر العربية تقريباا دلوقتى

[M.ADEL KAMEL]

ياباشا تؤمر فى اى حاجة بس بالنسبة للسعر بجد ابقى كداب لو قولتلك انى بجد اعرف بس علشان خاطر عيونك اسألك بس هاتستنانى يومين ممكن ؟
ولو عاوزنى انزل اعاين معاك تؤمرنى

[ehabomar1987]

الف شكر يا باشا و الله يخليك
و ان شاء الله لو لاقيت حاجه هاقولك

[elfr3on]

العربية الرينو ال5 دي ممتازة عربية ملهاش حل بس لو سليمة وبتجري جري رهيب وقطع غيارها معمرة انا مجربها
وكان معايا واحدة كنت بمشي بيها 160 - 170 عادي خالص
قطع الغيار كتير وموجودة فى الوكالة وفى عزبة شلبي وفى الحرفيين وفى عين شمس
واسعار قطع غيارها فى بورسعيد ارخص بكتير
انا كنت سأل على الموتور ال1400 بتاعها فى الوكالة قالولي ب 3200 ج رحت جبتة من بورسعيد بـ 2300 ج والكلام دا كان من سنتين تقريباً المهم الميكانيكي بتاعك يكون محترم وفاهم
انا اعرف واحد ممتاز بس بعيد عليك شوية
هو فى بولاق الدكرور واسمة على الميكانيكي
ودا رقم تليفونة لو حابب تروحلة 0104783832
دا بيعمل كل عربيات امن الدولة الكليو
ولو رحتلة قوله انا من طرف فادي
واي خدمة

[ehabomar1987]

الف شكر يا فادى على ردك
بس انا لسه بدور على واحده تكون سوبر سونك و يكون كمان سعرها معقول فى حدود 13 - 14 الف
لو قدامك عربية استاذنك بس انك تحطلى اعلانها

[ehabomar1987]

يا فادى عايز استفسار بسيط منك فيه عربية رينو 5 مو 1989 على 11,500
هو كده سعرها كويس

[bassam nagy]

يا فادى عايز استفسار بسيط منك فيه عربية رينو 5 مو 1989 على 11,500
هو كده سعرها كويس

انا اسف على التاخير فى الرد ودة بسبب انى مابيوصلش ايميل بالموضوع على الايميل
هى مع واحد صحبى 5 موديل 81 وتقريبا باتحرك معاة لما بيصلحها جاب فتيس 5 غيار بى 400 جنية شغال زى الفل والمستوى العام لقطع الغيار تعتبر معقولة جدا وقطع غيار معمرة
بالنسبة للسوبر سانك الية معروضة بى 11500 شكلها كدة عاملة حادثة لان اسعارها اعلى من كدة وقطع غيارها متوفرة عند ميشيل فى جسر السويس لو حبيت تستفسر عن اى حاجة غير انها موجودة فى عين شمس كتيير