سؤال عن رينو كليو

[limo]

شكرا ليك يا استلذ ليمو على هذا الوصف الرائع

طب هى الشكل القديم ال 1400 ده 8 ولا 16 صباب و كام حصان
و ايه اخبار قطع الغيار متوافره ولا نادره بالنسبه للموديل ده وصبعا الاسعار غاليه بس بتعيش صح؟
و المراكز المعتمده لرينو فين اقرب حاجه لمدينه نصر او حاجه فى الحدود دى

انا مش فاكر بالضبط المويل القديم كام صباب ولا كام حصان بس اعتقد انه 16 صباب وطلما انه 16 صباب هيبقى عدد الاحصنه هيبقى وحاجه وتسعين حصان قياسا على مويل 2005 1400 , لان المواتير ده كلها بتزل فى تركيا ومفيش اختلاف فى المواتير من 2001 و2007 بمهنى انه مفيش مواتير جديده اخترعوها فى الفتره ده فبتالى موتور 2001 هبقى هوه هوه 2005 1400 16 صباب
تقدر تعرف هيه كام صباب من خلال فتح الكابوت هتلاقى مكتوب على المتور بالون الاصفر العريض renault 1.4 16v او renault 1.4 8v ,وممكن كمان تعرف من الجريده الاماميه بتاعه باب السواق او باب الراكب الى جنب السواق هتلاقى مكتوب عليها اما 16v او 8v طبعا فى الحاله الاولى هتبقى 16 صباب والتانيه 8 صباب .
- قطع غيار الكليو متوفره فى شارع دمشق هتلاقى كذا محل عنده حاجتها كلها واسعار قطع العيار غاليه بس مش نار زى الناس مهى فاكره يعنى فى نفس رينج اليابانى او اغلى بحاجه بسيطه منه بس بصراحه بتعيش جامد
يعنى لو تقدر تستحمل قطع الغيار والصيانه فى التوكيل يبقى انت كسبت عربيه كفأتها قريبه من اليبانى واحسن من الكورى بكتير .
المشكله الى بجد شايفها فى العربيه انها توكنولوجيا معقده مش اى حد يفهم فيها فبتالى الحل الوحيد انك تروح التوكيل.
-عندك موضوع الرفارف الفيبر عيبه انه لو خد خابطه خامده هيكثر بس ممكن تروح تعمله فى الحرفين هناك شطرين اوى فى الفيبر وتصليحه على حسب الخبطه عملت ايه فيه . اما ميزه الفيبر انه لو حد خبطه بسيطه نظرا لانه مرن مش هيحصل حاجه فيه وهتوفر اجره رده على البارد :lol: عند السمكرى وعلى فكره كل عربيات رينو دلوقتى رفارف فيبر حتى الميجان .
- عندك المقطم ده الوكيل الرئيسى لرينو هتلاقى مكتوب عنوانه فى موضوع مراكز الصيانه انصحك تروحله عند الكشف على العربيه وانت بتشترى .
-فى مركز اسمه الميكانيكون العرب وده بعد السندباد بشويه وانت رايح جسر السويس انا بحب المركز ده لانك ممكن تعد مع العربيه وتشوف همه بيعملوا ايه كمان معتمد من رينو وبيغطى الضمان وعندهم قطع غيار الاصلى وقطع غيار مش الاصليه
الاخيره ده بتكون ارخص من الفرنساوى بكتير ومعتمده من شركه رينو وكفائها حلوه زى الاصلى بالضبط بتكون فى رينج الكورى ده او اقل
انشاء الله تنضم الى مالكى الكليو قربيا ابقى قولنا وصلت لايه وانا تحت امرك فى اى استفسار
limo :lol:

[limo]

limo , thanks again for your reply
are you sellimg your clio ?

لاسف معنديس استعداد انى ابعها دلوقنى خالص.
انت ممكن تدور فى الوسيط او اهرام الجمعه او فى مجله عربيتى
ممكن تخش فى موقع الوسيط www.ewaseet.com اوwww.car100100.com او تدور هنا فى الموقع فى قسم البيع والشراء . ,وانا من ناحيتى لو لقيت حاجه هقولك
وانشاء الله تلاقى حاجه كوسه
limo :lol:

[kimo]

limo , thanks again for your reply
are you sellimg your clio ?

انا عندى كليو 2001 1400 سىسى 130000 كم للبيع

[mazgangy]

يا جماعه اسمحولى انضم ليكم فى الموضوع الاكثر من رائع ده انا معايا كليو 2002 16 صباب موتور 1200 عمله والله 36000 الف كيلو متر بصراحه عربيه جميله جدااااااا والسحب والا ستحمال ووسع الشنطه والعفشه وصوت الموتور هادى جداااااا يعنى بصراحه انا انصح اى واحد بيها احسن من الكورى وافضلها عن الانوس والفيرنا بكتير والميكانكيون العرب انا بتعامل معاه وكويس جدااااا بس المشكله ان وسع الصالون ضيق شويه بس شغااال يعنى والشنطه كبيره جدااااااااا بصراحه عربيه ممتازه وقطع غيارها بتعيش ومعمره

[mohaismail]

انا عايز اجيب كليو 2008 زيرو ايه رأيكوا انا بفكر فيها هيه والهوندا سيتى بس المشكلة ان الكليو مفيهاش اوتوماتيك كله مانيوال وانا عايز اوتوماتيك

[limo]

انا عايز اجيب كليو 2008 زيرو ايه رأيكوا انا بفكر فيها هيه والهوندا سيتى بس المشكلة ان الكليو مفيهاش اوتوماتيك كله مانيوال وانا عايز اوتوماتيك

انا مره شوفت الكليو الجديده 2008 نطره سريعه كده
ولاحظت الاتى :
1- شالوا البكتتات الى على الاكصدام الامامى والخلفى
2-نزوا فى عدد الصبابات بدل 16 اصبحت 8 صباب كذلك نزلوا فى عدد الاحصنه كانت فوق ال90 حصان اصبحت 75 زى القديمه ال1200
3-خامات التقفيل الداخلى نزلت مش زى القديمه
4-المتور اصبحت ليه معالم اسلاك البوجيهات والبوبينه باينه بعكس الموديل ال1200كانت المتور مفيش حاجه باينه فيه ومتعرفش عالم المتور
بس عموما الكليو عربيه ممتازه جدا بس حاليا فيه بدائل افضل منها
انا معرفشى حاجه عن السيتى بس اكيد هيه عربيه محترمه واعتقد انها افضل من الكليو
انا لو مكانك وهجيب اتوماتيك
هفضل الياريس للاسباب الاتيه :
1- سبب شخصى وهوه انى بثق فى منتجات تويوتا .
2-العربيه اقتصاديه فى التشغيل سواء فى الصيانه او استهلاك البنزين او العمر الافتراضى.
3-سعر اعاده البيع افضل من الكليو والسيتى.
4-تفيل يابانى بالكامل بعكس الكليو تقفيل تركى والسيتى تيلاند انا مش بذم فى التقفيل التركى او التيلاندى بس اعتقد ان التقفيل اليابانى افضل.
5-طلما انت بتفكر فى اوتوماتيك ومعروف ان فتيس التويوتا الاتوماتيك معمر وايضا مش بذم فى فتيس الهوندا الاوتوماتيك لانى معرفشى حاجه عنه .