ما هو اسعار قطع غيار اللوجان المغربى؟

[AbO_FaRaH]

السلام عليكم ورحمه الله وبركاته

فيه حد يعرف اسعار قطع غيار الرينو لوجان المغربى؟......لانى للاسف سمعت انها غاليه نار.....لو حد يقدر يعرف
ياريت يجيب بها بيان بس ياريت يبعد عن التوكيل ...لانى لو قلت اسعار التوكيل هايحصل صدمه لكل الناس

على فكره انا لسه مقطع الشراء حتى شهر 9-2009 بس السؤال للفائده ......لانى واحد صحبى عاوز يشترى الفئه الثانيه ....بس واحنا بنجمع معلومات عن السيارة حصلت لنا صدمه بسبب قطع الغيار الغاليه
جدا الموجوده فى التوكيل فقط ولو حد عنده معلومه ياريت لا يبخل بيها على المنتدى ............


وشكرا مقدما

[Ahmed Selim]

أى عربية جديدة فى السوق لازم تتوقع أن قطع غيارها تكون مش موجودة برة التوكيل لفترة ما

الفترة دى هتعتمد على مدى أنتشار العربية فى المقام الأول.......يعنى لو العربية أنتشرت زى الفيرنا مثلاً هتلاقيى قطع غيارها " رطرطت " فى السوق و لو أنتشرت زى الأفيو برضه هتلاقى قطع غيارها بس مش زى أنتشار الفيرنا........و هكذا.
و ممكن تاخد الميجان كمثال...من 4 سنين كنت متلاقيش حاجة برة التوكيل لكن دلوقتى ممكن تلاقى 80% من حاجاتها برة التوكيل.

[hesham_tawfiq]

اسعار قطع غيار اللوجان مش بعيده عن اسعار الافيو
مين قال غاليه ناااااااار ؟!
حضرتك فى توبيك فالمنتدى هنا فيه كل ماتريد ان تعرفه عن اللوجان تقدر ترجعله

[AbO_FaRaH]

اسعار قطع غيار اللوجان مش بعيده عن اسعار الافيو
مين قال غاليه ناااااااار ؟!
حضرتك فى توبيك فالمنتدى هنا فيه كل ماتريد ان تعرفه عن اللوجان تقدر ترجعله

ممكن الربط من فضلك ....ولاحظ ان وجه نظرى فى غلو سعر قطع الغيار اتيه من السؤال فى التوكيل
وانشاء الله انا هاعمل زياره للتوكيل فرع المقطم يوم السبت و هانزل بيان بيها على المنتدى بس لو ممكن
تساعدونى فى تفصيل البنود الواجب السؤال عليها يكون افضل حتى لا انسى اى شى............
بالمناسبه انا معايا بعض الاسعار حصلت عليها من خلال الاتصال بالتوكيل ...بس انا قلت اسال ان كل حاجه
وتزل مره واحده يكون افضل.................فى النهايه لازم يكون سعر قطع الغيار مناسب لسعر السياره الجديد
عشان سعرها اصبح يتنافس مع الكورى .....يعنى لو سعرها غلى جدا اعتقد هايكون الانوس افضل منها

[hesham_tawfiq]

اتفضل ياباشا
اى خدمه :-)

http://www.nilemotors.net/Nile/showthread.php?t=29289