أيهما أفضل لوجان أم سيمبول ؟؟

[beihoo]

سؤال لكل عشاق و مالكي الرينو .. اللوجان أفضل أم الكليو سيمبول؟

أنا بتكلم على أعلى فئة في الاتنين .. و يا ريت لو حد يعرف الأسعار في الاتنين .. أخر خبر عندي إن اللوجان في حدود 75 و الكليو في حدود 86.

سؤال تاني بخصوص التوكيل و قطع العيار و مدي توافرها.

أخر سؤال هل هناك عربيات أخرى تنصح بها في نفس الفئة السعرية؟

فكرت (و بفكر) في سكودا فابيا أو رومستر و فكرت أيضا في الجراند بونتو لكن خرجت من حساباتي لأن الفابيا أفضل من نواحي عديدة.

مش فارق معايا هاتش باك و التانية سيدان .. انا بدور على عربية تريحني في شكلها و أدائها و كمالياتها

[Ahmed Selim]

أختياراتك كلها جيدة بسم الله ما شاء الله.

خلينى أقولك على اللوجان و السيمبول.

السيمبول هى الرينو كليو الجديدة و هى أعلى من اللوجان كعربية.
يعنى زى مثلاً ما تقارن بى أم 320 و 520.....ال 320 فئة و ال 520 فئة أعلى.....جايز متفرقش فى الموتور بس بتفرق فى الكماليات و تجهيزات العربية...........و طبعاً الشكل من جوة و برة.

أنت ممكن تروح تعمل تست درايف للأتنين فى التوكيل......و لو فابيا ليها تست درايف ممكن تعمله و تقارن بعد كده.
بس أعتقد الفابيا اللى فى نفس الحدود ( 89 ألف ) بتبقى 1400 و مانيوال كمان.

لو عاوز تعمل تست للوجان و السيمبول كلم 16202

[beihoo]

أختياراتك كلها جيدة بسم الله ما شاء الله.

خلينى أقولك على اللوجان و السيمبول.

السيمبول هى الرينو كليو الجديدة و هى أعلى من اللوجان كعربية.
يعنى زى مثلاً ما تقارن بى أم 320 و 520.....ال 320 فئة و ال 520 فئة أعلى.....جايز متفرقش فى الموتور بس بتفرق فى الكماليات و تجهيزات العربية...........و طبعاً الشكل من جوة و برة.

أنت ممكن تروح تعمل تست درايف للأتنين فى التوكيل......و لو فابيا ليها تست درايف ممكن تعمله و تقارن بعد كده.
بس أعتقد الفابيا اللى فى نفس الحدود ( 89 ألف ) بتبقى 1400 و مانيوال كمان.

لو عاوز تعمل تست للوجان و السيمبول كلم 16202

جزاك الله خيرا على ذوقك و على ردك السريع .. كنت أعرف إن اللوجان داشيا بشعار رينو و الكليو صفقة مميزة جدا لكن من مداخلات الأخوة هنا لاحظت فيه إقبال كبير على اللوجان فقلت جايز فيه حاجة خافية عليا.

كنت بدور على حاجة في حدود 80-90 و فتحت الموضوع شوية لما السيراتو (مانيوال) نزلت لكن بعد معاينة السيراتو حسيت إن إنها من جوه مش باللي المفروض تكون عليه العربية.

بالنسبة لموضوع التست درايف ده فعلا أنا كنت عاوز أعمله لكن للأسف قلة فراغ .. إن شاء الله ربنا يكرم و أقدر أحجز تست درايف

[khaledelsakaty]

Man , Fabia is more than a great car .

I'm looking forward to buy it this week inshaa allah , I also was thinking about the Symbol , it's a good car as well , but , Fabia is a real great one in everything except the resale value which is not one of my priorities .

[mindvision]

أخر خبر عندي إن اللوجان في حدود 75 و الكليو في حدود 86.

اللوجان رسميا تبدا من 56
السيمبول رسميا تبدا من 79

[Amr_Moh]

السيمبول ممتازة عن تجربة

الأوتوماتيك بتاعها ممتاز مشاء الله

[abou_ruqi]

والله أنا شايف وفر فلوسك و هات اللوجان طالما عاوز تركب رينو مش بنت فرنسا
يعني مش حتفرق كتير بين تركيا و رومانيا

السيمبول من بره جميلة جدا وأجمل من اللوجان و من جوة حاجة لا يصدقها عقل في رخص الخامات , أسواء قماش شوفته في حياتي محطوط على كراسي , بولي استر من أسوأ الأنواع و الخياطة من بره باللون الأبيض مع إن القماش يكاد يكون أسود , حاجة ماشفناهاش ولا في العربيات الصيني
خامة التابلوه شوفها و أحكم بنفسك , ده يرضي ربنا ؟ وأتفرج على طباعة الـ d والـn والـ p اللي جانب الفيتيس الأوتوماتيك , معمولين سيلك اسكرين على بلاستيك يعني حيتمسحوا بعد سنة أو أكتر لا محالة

اللوجان أفضل بكتير من جوه معرفتش أمسك عليها غلطة واضحة بصراحة

معلش أنا صريح شوية بس أنزل و قارن و شوف وشيل من دماغك خالص الأسماء الرنانة و أنت بتقيم , مش علشان هي كليو لازم تطلع حلوة بالعافية ,أنا لازلت شايف أنها أشيك بكتير من بره ( تفرق معاك ؟؟ ) بس أنا بحب العربية تكون حلوة من جوه علشان ده المكان اللي أنا عايش فيه ومش مهم منظرها من بره ما يولعوا الناس :)

[Amr_Moh]

طالما عاوز تركب رينو مش بنت فرنسا
يعني مش حتفرق كتير بين تركيا و رومانيا

:)

كلام يفتقد الواقعية ودليل الميجان التركي والفرنساوي .. اتحداك

[abou_ruqi]

كلام يفتقد الواقعية ودليل الميجان التركي والفرنساوي .:t_thum1[1]:. اتحداك

تتحداني في إيه ؟؟ ما العربية موجودة في المعارض انزل شوفها !!!!
هي علشان الميجان التركي حلوة (وإن كان فها عيوب تصنيع خطيرة واسأل اللي معاهم 2006) يبقى نشتري أي حاجة تركي و إحنا مغمضين ؟؟ مش عاوزنا نبص بنشتري إيه ؟

وبعدين إيه المنطق الغريب ده اللي يخليني أشتري عربية علشان سمعة واحدة تانية ؟؟ يعني اللي اشترى سيينا اشتراها علشان ده المصنع اللي بيعمل الألفا روميو ؟؟؟ إيه العلاقة ؟؟

وألا اشتري التيدا علشان نيسان عملت الانفينيتي والمورانو كويس ؟؟

والله أنا شايف -و ده رأيي و أنا بقوله لصاحب الموضوع- خسارة العشرين ألف الفرق , مفيش قيمة ملموسة مقابل السعر

[abou_ruqi]

وبعدين أنت مش محتاج تشد معايا علشان أنا أكتر مدافع عن العربيات الأوروبي في المنتدى , إنما مش أي حاجة
والسوق خير دليل , السيمبول مش ماشية ومش حاتمشي , علشان صفقة غير رابحة
واللوجان ماشية وحاتمشي علشان أحسن قيمة مقابل السعر تضرب الفيرنا بالـ .... إنما السيمبول أحسن من إيه ؟

منغير ولا تحدي ولا حاجة !

[Amr_Moh]

يا رايس الكلام عن جودة التافيل التركي ،، دخلت عيوب الصناعة فالموضوع ليه و تعرف اه عنها أصلاً

ماعلينا
-----------------------------------------------------------
ال-٢٠ ألف الفرء حتحأد بيهم الأتي (والكلام لصاحب الموضوع تجنباً لنقاشات غير مفيدة)

مستوى أفضل للتافيل مماثل لتقفيل الكليو والميجان
تصميم خارجي أفضل (وإن كنت اللوجان إتحسنت كتير في موديلات ٢٠٠٩
تصميم داخلي أكثر فخامة لصالح السيمبول
موتور أحدث = سعة أقل مع قدرة أكبر

ده النؤت الأساسية أتمنا تكون مفيدة ليك فختيارك

بالتوفيق

[abou_ruqi]

يا رايس الكلام عن جودة التافيل التركي ،، دخلت عيوب الصناعة فالموضوع ليه و تعرف اه عنها أصلاً

ماعلينا

اه بدانا نشخصن وحنزود وانت ما تعرفش حاجة لا انت اللي ما تعرفش حاجة

وانا مش فاهم انت شغلاك ليه مشاركتي ما تقول رايك وتسكت من غير ما تحجر علي رايي !!!
وانت ايش عرفك انا اعرف ايه ومعرفش ايه ؟؟

يا ريت لو عاوز نتحاور يكون بشوية احترام لبعض وشوية موضوعية

[Amr_Moh]

what??!!

[Amr_Moh]

اه بدانا نشخصن وحنزود وانت ما تعرفش حاجة لا انت اللي ما تعرفش حاجة

وانا مش فاهم انت شغلاك ليه مشاركتي ما تقول رايك وتسكت من غير ما تحجر علي رايي !!!
وانت ايش عرفك انا اعرف ايه ومعرفش ايه ؟؟

يا ريت لو عاوز نتحاور يكون بشوية احترام لبعض وشوية موضوعية

سيدي الفاضل.. متعرفناش؟ حضرتك مين أصلاً عشان اهتم أنفسك !!و اتشغل بمشاركتك عل حد تعبيرك

[Ahmed Selim]

حصل خير يا جماعة الموضوع مش مستاهل كل ده