رينو 9 تاريخ متأصل

[M.ADEL KAMEL]

السلام عليكم و رحمة الله و بركاته :

انا بأذن الله ناوى أبدأ موضوع فيه التعريف بالسيارة رينو 9 و صورها من أول موديل 81 و حتى 88 على حلقتين او 3 على حسب ما اعثر على مصادر

المهم يعنى أبدأ بأذن الله

السيارة رينو 9 تعتبر واحدة من أحد افضل السيارات فى تاريخ انتاج رينو :

1- موديل 1981


2- مودديل 1982


3- موديل 1983 ( كونكورد )
و طرحت بأسم كونكورد 500 سيارة وتلاها ايضا كونكور 2 بنفس المواصفات تقريبا
و بلغت سعة المحرك الليترية 1400 cc و و طرحت بعدة ألوان و هى رمادى ميتالك و
البرونزى ميتالك و عدة و مزايا أيضا و هى فتحة سقف ,كاسيت استريو و ايضا زجاج
ملون جنوط اسبور .
و بلغ سعر الرينو 9 لهذا العام حوالى 14195 الف فرنك سويسرى .

ودى صورة ضعيفة نسبيا لرينو 9 كونكورد

1983 ( الطريق الحر ) freeway

مازلنا نتابع تاريخ الرينو 9 بهذا العام حيث أنتجت رينو فى مارس 1983 موديل أخر من موديل ال 9 سمى
بـ ( الطريق الحر ) freeway
و تم طرح 1200 سيارة من هذا الموديل لون واحد و محرك واحد ( 1397 CC يولد 77 حصان عن 5350 دورة فى الدقيقة و
بلغ وزن السيارة 810 كجم و اقصى سرعة لها هى 154 كم / ساعة و طرحت بلون فضى ميتالك )
و مزايا السيارة : فتحة سقف - جنوط اسبور - باكيتات جلد لحماية الابواب
و بلغ سعر السيارة free way جنيها استرلينى4995




4 - 1984 ( الطريق الحر ) freeway

نفس مواصفات السيارة السابقة freeway و التى طرحت بالعام السابق و لكن هذه المرة بإنجتلرا و قد طرحت بشهر اكتوبر و نفس عدد النسخ 1200 ايضا و نفس المواصفات و حتى نفس السعر و هذا هو الغريب فى الأمر الذى حيرنى و انا احاول العثور على المصادر و الاختلافين الوحدين هو تغيير نوع الراديو من موتورلا فى ال83 الى فيلبيس فى ال 84 و تم تغيير الجنط الاسبور بشكل آخر


1984 ( بيارتز ) Biarritz

و بعد شهر واحد من انتاج السيارة المكررة freeway فى انجلترا قررت رينو طرح اصدار أخر من موديل ال 9 يدعى بيارتز و تحتوى على نفس المحرك 1400 ccمع تغيير الوان السيارة الى ( فضى ميتالك - رمادى غامق ميتالك ) و تم تغيير لوحة العدادات بها عن سابقتها وتتميز السيارة ايضا بوجود تدريج رمادى اسفل باكتتات الابواب و تغيير الفرش الداخلى ووضع مساند للرأس للمقعدين الأماميين بالأضافة الى فتحة سقف و كاسيت فيليبس + سماعتين خلفييتين




تم التعديل بواسطتى
___________
مشرف القسم

[Ahmed Selim]

موضوع ممتاز
بارك الله فيك
بس يا ريت قبل ما تحط الصور تبقى تدوس على الزرار اللى عليه صورة هرم أو جبل ( لو وقفت عليه بالماوس هتلاقيه كتبلك " أدخال صورة" ) هتشيل اللى مكتوب و تحط اللينك بتاع الصورة بعد ما ترفعها
بالطريقة دى الصور هتبقى طالعة فى الموضوع على طول من غير ما حد يضطر يضغط على الرابط.

[blazer]

شكرا على الموضوع الجامد دا :)

[M.ADEL KAMEL]

حاضر يا استاذ احمد اهم حاجة ان الموضوع يبقى ظريف و الناس تستفيد

[akmal_hamdi]

تسلم ايدك استمر

[Ahmed Selim]

باشا أبعت تقرير مشاركة فى المشاركة الأولى بتاعتك ( امثلث الأحمر اللى فوق المشاركة ) و أطلب فيه تعديل الصور.

التقرير ده هيروح للمشرف و إن شاء الله يعمله.

[Sharky]

شكرا على الموضوع يا باشا

[M.ADEL KAMEL]

مش فاهم يا احمد بيه يعنى ايه تقرير بمشاركة و فين المثلث الاحمر

[Ahmed Selim]

بيبقى فوق أى مشاركة
دوس عليه فى المشاركة بتاعتك اللى فيها الصور هيوديك صفحة تانية تكتب فيها على سبيل المثال " الرجاء تعديل روابط الصور "
الرسالة دى هتروح للمشرف و إن شاء الله يعدلها.

[M.ADEL KAMEL]

لا حول ولا قوة الا بالله مبدئيا بعتذرلك يا استاذ احمد لأنى مالقيتش المثلث اللى انتا قولت عليه و على العموم ماتفرقش يا استاذ احمد لأن عدد اللى ردوا 3 مع إن اللى شافوه 70 ............بس ما اعتقدتش حد استفاد منه علشان كده مفيش حد رد .....شكرا لكل اللى أكرمنى و رد

[Ahmed Selim]

لو أنت شغال على التصميم الجديد بتاع نايل موتورز هتلاقى بدل المثلث دى

[msoliman2006]

شكرا انا بفكر اجيبها اصلا

و دي هتبقى اول عربية ليا

بس لو مفيهاش تقل مني هل تعرف ميكانيكية او ورش كويسة ف اسكندرية بتفهم فيها و يكونو أمناء على قد الايد؟؟ و ياريت لو محلات بتشتغل ف قطع غيارها برضه ف اسكندرية سواء استيراد او مستعمل؟

و برضه شكرا جدا على النبذة التريخية الحلوة دي عن تاريخها تسلم ايدك