النجدة يا وحوش

[ecybrarian]

إيماء إلى الموضوع ده http://www.nilemotors.net/Nile/showthread.php?t=81823 احب اقول إن العربية وقفت ومش عايزة تدور، وإليكم التفاصيل:

- طبعا احنا متفقين على عدم معرفة السبب وراء الصوت "تيت تيت تيت"
-المهم وانا راجع من شارع النيل رايح على ميدان الجيزة ومشغل التكييف جيت عند حتة زحمة لقيت عداد الحرارة راح طالح لحد قبل النص بواحد ميلليمتر (عادي جدا) بس مافيش مشكلة في الأدآء ولا في الرسائل. بس برضة طفيت التكييف وفتحت الشبابيك قام العداد نازل على طول لأول خط قبل النص.
-وكملت مشواري لغاية مدكور في الهرم وركنت وقعدت ساعة ونزلت (11:30 مساء). ادور العربية..عداد الـRPM ينزل والعربية تبطل. (عملتها معايا قبل كده وكلمت احمد عبد المقصود وقرفته :-)))) جزاه الله خيرا) المهم اتصرفت زي ما اتصرفت قبل كده واشتغلت ساعتها..بس المرة دي ماشتغلتش.
-من خبرة سابقة... كده العربية دي قاطعة بنزين..تفتكروا طلمبة بنزين باظت ولا فلتر مسدود ولا حاجة تانية؟؟؟؟ هو مش في مركز معتمد في الهرم؟؟؟ وبمناسبة الهرم الحقنننننيييييي يا ايمن momo10000 :K_crying[1]:

الظريف إن صوت الـ"تيت تيت تيت" راح
ماذا تفعل لو كنت مكاني؟؟؟

الحمد لله نعمة من عند ربنا إن انا كنت راكن ومكنتش على الدائري مثلا..وكمان راكن جنب فيلا سفير اجنبي وعليها حراسة..ده كرم من ربنا بقى

[Amr_Moh]

الله يكون في عونك يا هشام باشا

في اختبار سهل للطرمبة.بس محتاج حذر .. متعملوش و في سجارة فئيدك مثلاً... فك الخرطوم الموصل لفلتر البنزين (أبل الفلتر). دور وطفي علطول

لو إطرمبة شغالة حتجيب بنزين فالشارع
الفلتر مكانه أدم العجلة ورى شمال

[Ahmed Selim]

يا باشا من أسواء الحاجات اللى ممكن تعملها لأى عربية أنك تسيب البنزين يفضى و اللمبة تنور..........الطرمبة و الرشاشات ممكن يبوظو بسهولة.

[EslaM_NagY]

يا باشا من أسواء الحاجات اللى ممكن تعملها لأى عربية أنك تسيب البنزين يفضى و اللمبة تنور..........الطرمبة و الرشاشات ممكن يبوظو بسهولة.

+1000000000000

بيسحبوا الرواسب الى فى التنك وعلى الانجكشن عدل

[chato_eg]

ما أعتقدش إن م/ هشام مكى ممكن يعمل كده فى الميجان بتاعته...!!

[Sharky]

طب هى أكيد طرمبة بنزين

مش ممكن تكون حساس الكامة

[want_better]

السلام عليكم ورحمة الله وبركاته
بص على الفلاتر وعلى الموبينة برده

[ecybrarian]

يا باشا من أسواء الحاجات اللى ممكن تعملها لأى عربية أنك تسيب البنزين يفضى و اللمبة تنور..........الطرمبة و الرشاشات ممكن يبوظو بسهولة.

الحقيقة عمري ما خلليت لمبة البنزين تنور

[ecybrarian]

طب هى أكيد طرمبة بنزين

مش ممكن تكون حساس الكامة

انا مغير حساس الكامة شهر ديسمبر إللي فات

[Sharky]

أو ممكن حساس السرعة
لإن الإتنين ليهم نفس الأعراض اللى بتقول عليها

[ecybrarian]

ممكن حد يبعت لي تليفون وعنوان مركز الصيانة المعتمد في الهرم لو سمحتم

[ecybrarian]

آخر التطورات..وصلت لتليفون مركز الصيانة في الهرم...وكلمت المهندس خالد الزيني وقالي يمكن العربية فاضية بنزين قالي حط 5 لتر وجرب وكلمني...على اساس إن يمكن تكون العوامة هي إللي مش مظبوطة... بعد قليل هروح اجرب موضوع البنزين ده

[Amr_Moh]

هو التنك طلع فاضي فعلاً ؟؟؟

[ecybrarian]

لسه مش عارف..لما اروح للعربية هاعرف إن شاء الله

[Amr_Moh]

ممكن حد يبعت لي تليفون وعنوان مركز الصيانة المعتمد في الهرم لو سمحتم

from renault.eg ...site

othman motors
222 faysal-haram
T : 33838204