استلمت اللوجان (ملاحظات)

[hanafe22]

بسم الله الرحمن الرحيم

انا استلمت اللوجان يوم 26/6/2009
بعد ما حجزتها من الوكيل يوم 22/3/2009
كنت مختار لون رمادى بس جت اسود عشان الفئه الفاضيه مفهاش الرمادى
بس الجميل فيها انها جت متاللك وفيها طسات واريال راديو

بس ورقها لسه مجاش

بس الملاحظ فيها ان الدواسات عند الطلعه الاولى بترعش

السقف تقريبا فيبرجلاش من معدن

التكمله قريبا

[hesham_tawfiq]

الف مبروك على العربيه ياباشا
بس السقف مش فبر
دى طبقه بين كسوة السقف وبين الصاج

[hanafe22]

انا كدة اطمنت ان السقف صاج

[medoadel]

الف مليون مبروك
وحضرتك دفعت كام

و ممكن استأذنك ترفع الصور بتاعتها

[ضيف]

ربنا إن شاء الله يبارك لك فيها
من كام يوم شوفت الأسود عليها بجد روعة
مبروك

[Amr_Moh]

الف مبروك
ياريت تشرفنا فالمشاركة في موضوع معاك رينو عرفنا بنفسك

http://www.nilemotors.net/Nile/showthread.php?t=51905&page=9

[nodey]

الف مبروك والله عطيك خيرها ويكفيك شرها
ولا تنسي دائما اذكر الله واحمد فضله علي هذه النعمة كلما وطات قدمالك العربية

تقبل مروري ابو خالد

[hesham_tawfiq]

انا كدة اطمنت ان السقف صاج

ياباشا اكيد متقلقش
امال اللى بتحط ايدك عليه من بره العربيه ايه !! :-)

عموما الف مبروك مره تانيه وتأكد انك مش هتندم على اختيارك

[أبو أدم]

ياباشا اكيد متقلقش
امال اللى بتحط ايدك عليه من بره العربيه ايه !! :-)

هشام باشا .. الرفارف بردة صاج و الفبر فى الاكصدام فقط .. ما تعرفش ليه ؟

بردة موضوع الهزة بتاعة الفتيس هل عرفت سببها لغاية دلوقتىى.. هل ممكن تظبط حاجة فى الماتور و لا توكيل فوض امره فيها ؟

[khaled nada]

الف مبروك والله عطيك خيرها ويكفيك شرها

[hesham_tawfiq]

هو موضوع الاكصدام الفبر دا فى كل العربيات الجديده بلا استثناء
بالنسبه لرعشة الفتيس فدى مبحسش بيها الا لما اكون مشغل التكييف ومروحة اردياتير تشتغل وبيتهيالى عادى لانك فالحاله دى اهتزاز المراوح بيوصل للفتيس فانا مش شايفها مشكله اصلا

[أبو أدم]

بالنسبه لرعشة الفتيس فدى مبحسش بيها الا لما اكون مشغل التكييف ومروحة اردياتير تشتغل وبيتهيالى عادى لانك فالحاله دى اهتزاز المراوح بيوصل للفتيس فانا مش شايفها مشكله اصلا

بس الهزة دة بتحصل معايا يا هشام .... اول لما تدور العربية اساسا تلاقى الفتيس اتهز

انا و كام اخ معانا هنا بنفس الوصف ... هايبقى ايه علاقتها بالتكييف ؟

طيب هو انت سالت فى التوكيل عن سببها ؟ اصل العربية مركونة تحت بتقطع قلبى لحد لما ورقها يخلص

و يجي ... ان شاء الله ها ابقى اشوف الحوارات دة

[hesham_tawfiq]

علاقتها بالتكييف ان فيه مروحه بتدور على السربنتينه والاهتزازات دى بتوصل للفتيس مش اكتر زى بالظبط ما بتحس بماتور العربيه وانت واقف فى اشاره
هى الهزه دى شديده لدرجة انها تسبب ازعاج ولا انت عاوز تتطمن بس؟
انا من رأيى تصبر شويه لحد مالعربيه تتلين واماتور يطبع على بعضه ولو ما استريحتش قوللهم فالتوكيل وانت بتعمل صيانة ال 5

[lastsamurai98]

السلام عليكم عاملين اية يارب يكون الجميع بخير.بالنسبة لموضوع الهزة الي في عصا الفتيس دية اعتقد انها عادي لانها موجودة في السيمبول كمان بس كانت مع التكيف لكن موضوع الدواسات دة فمعرفش بصراحة وياريت حد يفدنا فية.

[أبو أدم]

هى الهزه دى شديده لدرجة انها تسبب ازعاج ولا انت عاوز تتطمن بس؟

شكرا يا اخى على اهتمامك .. لا هى لا تسبب لى ازعاج مطلقا ..بس علشان العربية حلوة اوي و مفيهاش حاجة غير الهزة دة .. فهو زي ما انت بتقول كدة نوع من الاطمئنان او المعرفة (( يعنى انا لو ما عرفتش السبب منك زي ما انت شرحته مش هادور عليه خالص ))

بس لا شك ان الهزة دة لو ليها حل او مش موجودة تبقى احسن

السلام عليكم عاملين اية يارب يكون الجميع بخير.بالنسبة لموضوع الهزة الي في عصا الفتيس دية اعتقد انها عادي لانها موجودة في السيمبول كمان بس كانت مع التكيف لكن موضوع الدواسات دة فمعرفش بصراحة وياريت حد يفدنا فية.

و عليكم السلام و رحمة الله و بركاته و مغفرته و رضوانه ... ازيك يا أحمد باشا..
والله ... موضوع انكم بتاكدوا ان السبب من التكييف دة بيريحنى تماما .. لانى كنت خايف ليكون من الماتور او حاجة زي كدة

موضوع الدوسات دة بردة انا ما عنديش فيه اى هزة و لا حاجة
يمكن الاخ قاصده الفتيس مش الدوسات