مشكلة المياه (ميجان)

[ahmed_gamal]

ازيكوا يا وحوش
مشكلة الميه رجت تاني
بعد ما زودنا الميه يوم المقابلة عديت يومين و بصيت علي الميه لاقتها مانقصتش
امبارح لاقيت المروحة شغالة علي طول و صوتها عالي قولت كده يبقي في حاجة
بصيت علي الميه لاقيت مافيش ميه !!!!!!!!
مش عارف بقي المروحة كانت شغالة علي طول كده بسبب نقص الميه علشان تبرد الموتور ولا ايه
و المشكلة ده حلها ايه
انا رايح اعمل صيانة ال55 يوم الاتنين اقولوهم علليها و لا اعملها بره احسن علشان ميدفعونيش كتيير
و بالنسبة للديفزور فعلا علي التوكيل ولا ايه لاني لما كلمت 16202 قولتلوا عليه و هو ميعرفش حاجة
و كمان التيل بيصفر اغيره فين و نوعه يكون ايه و بكام ؟

معلش يا وحوش بتاقل عليكم بس انا عايز احل كل المشاكل علشان متزيدش

[Amr_Moh]

خليهم يشخصو المشكلة وبعدين نعمل كونسلتو وحوش فبعض ونشف أفضل طرق الاصلاح

[Ahmed Selim]

كلام عمرو 100%

بما أنك كده كده رايح يبقى تخليهم يشوفو أيه المشكلة........جايز تطلع حاجة بسيطة زى خرطوم مثلاً.

[midohits]

بص يا احمد ، انا المشكلة نفسها حصلت معايه الميا طول ماالعربية دايره المايه مش بتنقص واول ما العربية تبرد الميه بتفضى كلها وروحت لناس كتير كل واحد بيقول لك حاجة بالخبره كده من غير مايشوف ، ناس تقولك طرمبة مايه ، وناس تقول لك الإربه مخرومه المهم انا هقوك لنا عملت ايه

انا روحت لواحد متخصص في العربيات البي إم وكده والفولكس والرينوا ، نزل تحت العربية كشف عليها ، لقا خرم في الراديتير ، المهم فك الراديتير ، بس لاحظ مش اي حد يفكة ، وديتهم لواحد نضيف لحمه وخلاص ، والمووضع كله اتكلف حوالي 150 جنيه ،طبعا لو روحت التوكيل مافيش حاجة اسمها لحم ، تغيير علطلو ، فبرحتك انته بقه شوف انته عايز تعمل ايه وربنا معاك

[ahmed_gamal]

انا رحت التوكيل انهاردة بس اتأخرت بسبب الطريق كان واقف بشكل رهيب وصلت الساعة 3 الا تلت و محدش عبرني هناك بتاع تلت ساعة كمان
بقت الساعة 3 وانا معادي 1:30
بعدها اعدت ادور علي اي حد اكلمه لحد ما لقيت مهندس استقبال قالي انت اتأخرت اوي و مافيش ولا عامل فاضي استني شويه لحد ما يفضي حد بس ده هيبقي صعب
المهم بعد ما انتظرت حوالي ساعة جيه واحد وقالي ان العربية صعب تدخل و سألني هي فيها ايه
قولتله اني عايز اعمل الصيانة و اشوف مشكلة الميه و الدفيزور
قالي طيب هاتهالي بكره الصبح بس هتسبهالي يومين قولتله مفيش مشاكل و قالي اني هدفع مبلغ محترم
قلتله مش الديفزور ده لو انا عامل الصيانة و كل حاجة عندكوا التوكيل هو اللي بيتحمل تكلفته قالي مش كل العربيات و الموضوع ده في ايد مدير الضمان (الموضوع محتاج واسطة ولا ايه )
قلتله طيب قولي كده التكلفة الاجماليه هتبقي كام قالي لما تيجي ان شاء الله و نبقي نظبطها

ايه رأي الوحوش في الكلام ده ؟؟؟؟؟؟؟؟
اعمل ايه؟؟؟؟

[Ahmed Selim]

معرفش حد فى العبور غير واحد ( غالباً هو مدير الصيانة ) بس معرفتى على الطاير.....أسمه المهندس محيي حاول تتكلم معاه وشوف هيقولك أيه
بس قبل ما تبدأ شغل فى العربية

[Amr_Moh]

قلتله مش الديفزور ده لو انا عامل الصيانة و كل حاجة عندكوا التوكيل هو اللي بيتحمل تكلفته قالي مش كل العربيات و الموضوع ده في ايد مدير الضمان (الموضوع محتاج واسطة ولا ايه )

منور يا شاركي بيه

[ahmed_gamal]

معرفش حد فى العبور غير واحد ( غالباً هو مدير الصيانة ) بس معرفتى على الطاير.....أسمه المهندس محيي حاول تتكلم معاه وشوف هيقولك أيه
بس قبل ما تبدأ شغل فى العربية

انا رحت المقطم يا احمد باشا..... يعني لو تعرفنا نقيب ولا مقدم هنااك يخلصي الموضوع اكون شاكر مهندس الاستقبال كان اسمه (حسام) و اللي جالي في الاخر و اتفق معايا معرفش اسمه بس هو اسمراني كده و قصير

[Sharky]

منور يا شاركي بيه

مش عارف يا عمرو انت ليه مابتقراش كلامى كويس

ما ما انا برضه فى موضوعى ان الموضوع دا لازم يتم بمواقفة مدير الصيانة فى الفرع اللى راح له علشان هو الوحيد اللى ليه الصلاحية دى

و الموضوع دا مش فى كل السيارات لازم تكون بتعمل كل الصيانات حتى الـ 5 الاف فى التوكيل و ماتمتش الـ 60 الف

[Ahmed Selim]

هحاول يا باشا بس مش أكيد......

أنا إن شاء الله كنت ناوى أكلم واحد هناك بكره كده كده.....إن شاء الله هسأله بس تعمل حسابك أنهم فعلاً مش بيعملوها فى كل العربيات حتى لو فيها الشروط اللى شاركى قالها.

[ahmed_gamal]

هحاول يا باشا بس مش أكيد......

أنا إن شاء الله كنت ناوى أكلم واحد هناك بكره كده كده.....إن شاء الله هسأله بس تعمل حسابك أنهم فعلاً مش بيعملوها فى كل العربيات حتى لو فيها الشروط اللى شاركى قالها.

طيب انا هبقي هناك علي الساعة 8 ان شاء الله
ولو معملوهاش علي حسابهم اعملوا حسبكوا يا وحوش تجمعوا من بعض و تدفعولي تمن الديفزور خصوصا شاركي باشا و انت يا احمد باشا بما انكم عملتوها ببلاش لان دي تفرقة وكده يبقي توكيل اي كلام و بالنسبة للشروط كلها متوفرة ده الراجل اللي انا شاري منه العربية اي حاجة كانت بتحصل في العربية كان بيعملها في التوكيل و اداني مجلد فواتير و الرخصة لسه بأسمه علشان كمان ميتلككوش و يقولولي حاجة
استفسار بقي لو مرضيوش و هيتعمل علي حسابي اعمله بره ولا ايه النظام ؟؟؟؟؟؟؟؟؟؟؟؟؟؟؟؟؟؟؟؟
انا لما سألت عليه بره كان تكلفته بكل حاجة 1400 جنيه

[Ahmed Selim]

لو مفيش نصيب يعملوه يبقى طبعاً تعمله برة.....

بس أنت حاول تطلع بأقل خسائر يعنى مثلاً قولهم غيرو الترس على حسابكم و أنت تدفع طقم الكاتينة....أو العكس.

ربنا يكرم....إن شاء الله

[Amr_Moh]

مش عارف يا عمرو انت ليه مابتقراش كلامى كويس

يا شاركي أنا بعكسك بس ،، متبآش حشاش كدة

ما ما انا برضه فى موضوعى ان الموضوع دا لازم يتم بمواقفة مدير الصيانة فى الفرع اللى راح له علشان هو الوحيد اللى ليه الصلاحية دى

أول مرة حد يؤلي ماما
:)

و الموضوع دا مش فى كل السيارات لازم تكون بتعمل كل الصيانات حتى الـ 5 الاف فى التوكيل و ماتمتش الـ 60 الف

وهيا ديه نقطة الخلاف لئن مفروض أي عربية ينطبق علها ما سبق (زي عربية أحمد) تتصلح دون مقابل مش لسة حختارو سعيد الحظ الحيصلح مجاناً

لان دي تفرقة وكده يبقي توكيل اي كلام

مبروك ياحمد ياجمال إنت كدة فهمت الان بحاول أواصله لشاركي بالي شهرين، بخصوص النقطة ديه فقط وليس التقييم العام للتوكيل

لو مرديوش مفروض شاركي يتحملها بالكامل

__________________

[Ahmed Selim]

عمرو.....على حسب معلوماتى
فيه باتش بالعربيات اللى فيها مشكلة صناعة فى الديفازر.....المشكلة دى ممكن تحصل و ممكن لأ....و بالتالى بدل ما هما يغيروا الترس عند كل العربيات اللى فى الباتش ده.....لأ هما بيستنوا لما يجى حد يشتكى من الديفازر و يشوفو عربيته من ضمن الباتش ولا لأ

لو من ضمن الباتش كان بها.....و هيتصلح ببلاش
و لو مش من ضمن الباتش يبقى الديفازر بتاعه عمره كده.......

ده اللى فهمته ضمنياً من كلام واحد فى التوكيل......

[Amr_Moh]

عمرو.....على حسب معلوماتى
فيه باتش بالعربيات اللى فيها مشكلة صناعة فى الديفازر.....المشكلة دى ممكن تحصل و ممكن لأ....و بالتالى بدل ما هما يغيروا الترس عند كل العربيات اللى فى الباتش ده.....لأ هما بيستنوا لما يجى حد يشتكى من الديفازر و يشوفو عربيته من ضمن الباتش ولا لأ

لو من ضمن الباتش كان بها.....و هيتصلح ببلاش
و لو مش من ضمن الباتش يبقى الديفازر بتاعه عمره كده.......

ده اللى فهمته ضمنياً من كلام واحد فى التوكيل......

دة بردو كلام منطقي جداً
تبئة حركة ذوء منهم لو غيرو الترس لأحمد عليهم وهو اتحمل الكتينة لأنه كدة كدة كان حيغيرهة على حسابه بعد 5000 عند صيانة ال-60