سحب اللوجان الكامة واحدة !!!!!!!!1

[kojyad]

السلام عليكم ورحمة الله
انا بجد محتاج رد كل مالكي السيارة لوجان المغربي
1-ايه اخبار السحب في السيارة مقارنة بأي سيارة 1600 تانية ؟
2- هل موضوع الكامة واحدة بيأثر في السحب والموتور ولا لأ؟
3-ولو بيأثر بيكون تأثيره عامل اذاي؟ يعني العربية مايتشدش بيها خالص ولا ايه؟
4-العفشة عاملة معاكو ايه ؟

[mohamed1979]

بصراحه سحب الموتور كويس قوى بس طبعا الموتور 90 حصان مش حيكون زى السيراتو ال 1600 /124 حصان مثلا
موضوع ان الموتور كامه واحده مش فارق اوى معايا ومع التكيف كويس مش وحش طبعى زى اى عربيه بيشتغل فيها التكيف السحب بيقل طبعا بس مش بصوره سيئه
اما العفشه بصراحه انا شايف انها احسن من عربيات كتير اوى زى السيراتو الجديده اللوجان عفشتها احسن منها وده عن تجربه فعليه

[أبو أدم]

السلام عليكم ورحمة الله
انا بجد محتاج رد كل مالكي السيارة لوجان المغربي
1-ايه اخبار السحب في السيارة مقارنة بأي سيارة 1600 تانية ؟

كويس جدا مقارنة بالفيرنا و النوبيرا مثلا (( شبه متماثلين )) وتفوق الثبات للوجان

لكن مقارتة بالميجان و لا مازدا و فوكس ... اللوجان تروح تستحما

2- هل موضوع الكامة واحدة بيأثر في السحب والموتور ولا لأ؟

بالتاكيد بيا ثر فى السحب لا تستوي كامة مع كاماتين

3-ولو بيأثر بيكون تأثيره عامل اذاي؟ يعني العربية مايتشدش بيها خالص ولا ايه؟

بيبان فقط فى السرعات العالية مش فى اول 100 كم اللى بتجيبهم اللوجان فى 12 ثانية ولو قرصت شويه ممكن تجيبهم فى اقل من كدة (( دة ثقة فى العربية ... عايزه سواق مش زي انا مثلا ))

4-العفشة عاملة معاكو ايه ؟

عافشو متميـــــــــــــــــــــزة .. و اظنها يابانى بعد احتراف صنى عند رينو ... والله اعلم

[Ahmed_Emad]

معلش شوية أسئلة من مبتديء إيه اللى بيأتثر بالظبط من وجود كامة واحدة أو كامتين أو 4 في السيارة؟ والمفروض تكون كام في العادة؟ وهل كده معناه إن المحرك ضعيف؟ وهل مثيلاتها في نفس الفئة في السوق (لانوس وفيرنا)
كامة واحدة برضه ولا كام؟


آسف على الإزعاج بس أنا قلقت شوية من الموضوع ده وانا على وشك أحجز اللوجان ومقتنع تمامًا إنها أفضل من اللانوس والفيرنا بس الحكاية دي هتخليني أرجع للتردد والحيرة تاني، وشكرًا لحضراتكم

[Amr_Moh]

معلش شوية أسئلة من مبتديء إيه اللى بيأتثر بالظبط من وجود كامة واحدة أو كامتين أو 4 في السيارة؟ والمفروض تكون كام في العادة؟ وهل كده معناه إن المحرك ضعيف؟ وهل مثيلاتها في نفس الفئة في السوق

الاول أعرفك اه هي الكامة العلوية
الكامة العلوية هي عمود يمر فوق فلفات الموتور للتحكم في فتحها أو غلقها طبقاً للاشواط

وبشكل عام يوجد تصممين اساسيين للكامات العلوية في محركات إلاحتراق الداخلي حناخد مثال لموتور ٤ سلندر

كامة علوية مفردة Single Overhead Cam Engine (SOHC)



OR
كامة علوية مزدوجة (توين كام) Double overhead camshaft (DOHC)



اليخصنا هو SOHC
يعتمد هذا النظام كامة وحيدة للتحكم في صبابات السحب أو الطرد، بحيث يكون لكل سلندر ٢ صباب واحد سحب و واحد طرد وتم توصيف هذا المحرك ب-٤ سلندر ٨ فلف كامة مفردة أو
4 cylinders, 8 valve, single overhead cam (SOHC)
ويسمى هذا النوع من المحركات
inline engine

وتعتمد كثر من الشركات هذا النوع من المحركات للإستفادة من مميزاتها و منها:

أخاف وزناً، غير معقدة ، أسهل فالتصنيع ، أكثر إقتصادية ، أقل في تكاليف الصيانة

من ضمن الموديلات التي تعتمد كامة علوية مفردة
lanos-logane-getta1.6-octavia A5 !!

اتمنى أكون ادرت أجاوب سؤالك

[Amr_Moh]

النظام الاساسي التاني هو كامة علوية مزدوجة (توين كام).ز
Double overhead camshaft (DOHC)


ويعرف هذا النوع من المحركات ب-
V-engines

ويعتمد السيلندر هيد لهذا النوع مرن المحركات على ٢ كامة علوية وحدة تتحكم في صبابات السحب والتاني للطرد فأصبح من الممكن زيادة عدد الصبابات لنفس المحرك ال-٤ سلندر الاحنا وخدينو مثال لتصبح ١٢ فالف أو ١٦ فالف حسب التصميم


ظهر جيل من المحركات استطاع فيه الصانع المزج بين النوعين السابقين للحصول على مميزات أكثر

على سبيل المثال
4 cylinders 16v with SOHC

In the end, a SOHC 16 valve engine would have better torque on the low end where the DOHC valvetrain’s higher weight results in lower torque. But at high engine speeds, the 16 valve DOHC engine’s peak torque and horsepower would be greater. That’s the trade-off. With the amount of valves being equal, SOHC has better low-end torque because the valvetrain package is lighter while DOHC has better top-end power.

[Amr_Moh]

[marq="3;right;3;scroll"]
الخلاصة
[/marq]


to sum it all up, SOHC has better low-end power, DOHC has better high-end power and overall maximum power. 4 valves per cylinder is much better than 2 valves per cylinder and it doesn’t matter whether 4-valves is achieved via SOHC or DOHC.

[pharonicking]

شرح ممتاز"""

[Ahmed_Emad]

[u]
اتمنى أكون ادرت أجاوب سؤالك

جاوبت وكفيت ووفيت يا باشا، كتر خيرك بجد


ألف ألف شكر

[أبو أدم]

معلش شوية أسئلة من مبتديء إيه اللى بيأتثر بالظبط من وجود كامة واحدة أو كامتين

عمرو ... فهمنا الموضوع دة كويس اوي و جزاه الله خيرا


وهل مثيلاتها في نفس الفئة في السوق (لانوس وفيرنا)
كامة واحدة برضه ولا كام؟

فيرنا فيفا 1500 cc كامة واحدة
فيرن 1600 cc تجميع محلى كويسة 16 صمام ماتور قوي ... كامتان
لانوس كامة واحدة

آسف على الإزعاج بس أنا قلقت شوية من الموضوع ده وانا على وشك أحجز اللوجان ومقتنع تمامًا إنها أفضل من اللانوس والفيرنا بس الحكاية دي هتخليني أرجع للتردد والحيرة تاني، وشكرًا لحضراتكم

لا تردد و لاتحتار ... اتكل على الله و هات اللوجان

وصلى استخارة قبل اي شى

[أبو أدم]

ايــــــــــــه الحلاوة دة يا با بشمهندس عمرو يا جامد

ما تحرمناش منك يا باشا

وشكرا لك مشاركتك الفعاله جدا

[Ahmed_Emad]

لا تردد و لاتحتار ... اتكل على الله و هات اللوجان

وصلى استخارة قبل اي شى

شكرًا على الرد يا باشا وبإذن الله هحجز اليومين الجايين دول


خالص تحياتي لكل أعضاء هذا المنتدى المحترم

[Amr_Moh]

شكراً للتجاوب الطيب من الجميع .. إنهردة فملحق السيارات خالد نصير بيوعد بمبيعات قياسية لتوكيل رينو - كيا أعتقد اللوجان حتكون لها دور أساسي في توقعاته