مشكله فى رينو المقم ارجو الافاده

[lion99990]

دلوقتى انا فى رينو المقطم بعمل صيانه 60الف كيلو للرينو كليو اوتوماتيك و انشاء الله ابقى اقولكم الصيانه اتكلفت كام
بس المشكله اللى انا فيها دلوقتى انا لمل حجزت بالتليفون عشان اعمل الصيانه كنت اشتكيت من عيب من لمبه الاوتو كان بينور لمل تبقى العربه برده وامشى عليها فجأه تقوم منوره انا كنت اشتكيت من المشكله ديه قبل كده فى رينو العبور و بعدين قلولى سوفت وييىر بس دلوقتى وانا فى الصيانه لاقيت مهندس الاستقبال ندهللى و قاللى المشكله فيه فالف فى الاوتوماتيك عايز يتغير قلتله ماشى بس المشكله انه بيقوللى لازم اسيب العربيه لتانى يوم عشان الزحمه و عشان انا بعمل صيانه 60 الفكيلو كمان فبصراحه انا مش من القاهره و انا من المنصوره فرأ يكوا اعمل ايه و بماذا تنصحونى مهندس الاستقبال دخلنى اللميكانيكى و قالوه حتبقى صعبه يخلص كل ده انهارده و انا بصراحه مضايق مش عارف اعمل ايه و زعلان ان رينو العبور خدعونى و دفعونى سوفت ويير و طلع العيب مش سوفت ويير فياريت الافاده سريعا من وحوش المنتدى و يعرفونى اعمل ايه دلوقتى

[ضيف]

حضرتك (بدون تكليف) إطلع إدارة المقطم و قدم شكوى في فرع العبور و فهمهم ضمنياً إنك حتقدم نفس الشكوى لرينو فرنسا على التوازي .
سيب العربية عندهم تتعمل لأن شغل الإستعجال مش كويس أبداً .

[lion99990]

المشكله عندى فى السفر بصراحه المكان هنا فى المقطم صعب اروح اى مكان و بعدين كمان حارجع تانى ازاى بدون عربيه الموضوع شكلى مش حعملها المره ديه تغيير الفالف و ابقى اجى يوم تانى بصراحه انا مضايق و بعدين اشتكى اقول ايه انا معابا ورق الصيانه اللى اقبل كده و مكتوب عمل سوفت وير بس برضه الموضوع رخم اوى هنا و الدنيا زحمه
انا محتااااااار

[ضيف]

الورق اللي معاك يثبت عمل سوفت وير في العبور ؟

[lion99990]

فاتوره الدفع وانا بدفع الفلوس مكتوب فبها كده كنت بعمل صيانه 45 الف تقريبا
بس طبعا الورق فى العربيه
و بعدين انا عايز لو حد يعرف حد فى فرع المقطم يخلى الميكانيكى يخلص العربيه انهارده و لا ده حيبقى شئ صعب

[ضيف]

من مصلحتهم يخلصوا النهار ده و يقبضوا فلوس بدل ما يقبضوا بكره
بلاش مجازفة و سيب العربية

[lion99990]

هوا الميكانيكى قاللى لسه بدرى فكر براحتك لغايه منخلص الصيانه ربنا يسهل و يرشدنى للاختيار الصح انا مستنى الصيانه تخلص

[M.Moustafa]

حاول تكلم ايمن يمكن يعرف يوصي عليك حد في التوكيل

[عمرو عمارة]

كان الله في عونك يا أحمد

فاكر لما المشكلة دي ظهرتلك في شهر 3 2008 وده كان تحليلي للمشكلة :

"السلام عليكم

ده عيب معروف فى هذا النوع من الفتيس الاوتوماتيك الصمامات والحساسات الخاصة به ضعيفة ( الصمام الهيدروليكى - صمام تنظيم الضغط ) انا معرفش اذا كان هم دول بيقلو عليهم بلف كاوتش

المشكلة بتظهر والعربية باردة ...اول ما الفتيس بيسخن المشكلة بتروح ولكن كمبيوتر العربية بيفضل ظاهر المشكلة لغاية ما تقفل وتدور تانى ( كائنك عملت reset لكمبيوتر )

أنا اعتقد ان المشكلة دى خاصة بالصمامات المذكورة او احداهما ( يفضل تغير الاثنين ) لان والعربية لسة باردة الزيت بتاع الفتيس بيكون ثقيل شوية ولسة ما واصلش لجميع اجزاء الفتيس فلو فى مشكلة فى صمام هيكون صعب عليه انه يوصل الزيت وهو لسة ثقيل لباقى اجزاء الفتيس ولكن اول ما بيسخن بيخف لزوجته ويصل لباقى الاجزاء ومنها الحساس الخاص بالزيت وبكدة يحس الكمبيوتر ان فى زيت فى الفتيس وتختفى المشكلة (بعد ما تقفل وتدور تانى ) "

إن شاء الله تخلص على خير وأعتقد طالاما قدرت تمشي بالمشكلة سنة ونص فممكن تكمل بيها يومين تلاتة.....بس ده رأيي الشخصي وممكن يكون خطاء

[lion99990]

واللهى معاك حق يا عمرو و بصراحه انا ظلمت مركز العدوى اللى فى المنصوره لانى كنت فاكرهم مش عارفين حاجه لانهم قاللوللى يتغيروا بس انا روحت العبور و كشفوا و قاللولى سوفت وير بصراحه دي شهاده منى قدام الجميهع انى غلطت فى حق مركز العدوى بس طبعا انا و ثقت فى تشخيص مركز العبور المعتمد الرئيسى بس مش عارف اعمل ايه و لا اصدق مين دلوقتى انا فى حيره فعلا
انا لغايه دلوقتى فى مركز المقطم مستنى يخلصوا العربيه و بصراحه كده حبقى اجلهم تانى عشان موضوع الاوتوماتيك عشان فعلا الشغل كتير جدا هنا و المركز زحمه جدا
و انا مقدرش اسيب العربيه و ارجع المنصوره و بعدين اجى تانى القاهره فعشان كده حجلهم تانى قريبا
و انشاء الله لما ارجع حكتبلكم الصيانه اتكلفت كام و ايه اللى حصل بالظبط
ويارب يسهل و يعملولى خصم حلو كده

[lion99990]

ماذا افعل دلوقتى قالولى حنغير طنابير اماميه و قاعده موتور علويه قلت ماشى و بعد كده قاللى المهندس حسام دول مش موجدين فى المخزن و استنى شويه اسبوع كده و انا خايف يكون اشتغاله عشان الزحمه اللى عندهم و لا ايه ازاى يبقى توكيل رئيسى و مفيش قطع غيار انا بصراحه زهقت و فى الحاله ديه قاللولى مش حنغير التيل لغايه متيجى الطنابير و قاعده الموتور العلويه
انا مخنوق جدا منهم يعنى فلوس و حندفع و كمان مفيش خدمه حاجه تقرف بصراحه و بقالى 6 ساعات او اكتر و لسه مخلصوش
اعمل ايه!!!!!!!!!!!

[عمرو عمارة]

أحمد باشا.....طنابير أمامي وقاعدة موتور علوي ما أسهل تغيرهم خارج التوكيل......لو إنت فاضي ممكن نتقابل في المطار الساعة 5:30 ونروح سوا الحرفيين ومحمد شرقاوي الميكانيكي بتاعي يعملك كل الشغل ده في أقل من ساعة زمن إن شاء الله

[أبو صلاح]

كان الله في عونك

[Mohd_Adel_Amin]

ماذا افعل دلوقتى قالولى حنغير طنابير اماميه و قاعده موتور علويه قلت ماشى و بعد كده قاللى المهندس حسام دول مش موجدين فى المخزن و استنى شويه اسبوع كده و انا خايف يكون اشتغاله عشان الزحمه اللى عندهم و لا ايه ازاى يبقى توكيل رئيسى و مفيش قطع غيار انا بصراحه زهقت و فى الحاله ديه قاللولى مش حنغير التيل لغايه متيجى الطنابير و قاعده الموتور العلويه
انا مخنوق جدا منهم يعنى فلوس و حندفع و كمان مفيش خدمه حاجه تقرف بصراحه و بقالى 6 ساعات او اكتر و لسه مخلصوش
اعمل ايه!!!!!!!!!!!

رأيي الشخصي ان حضرتك تلتزم بالصيانة فقط معاهم وتغير الباقي برا لأن مش هتفرق .. كلم عمرو عمارة باشا وهو هيقوم بالواجب معاك بإذن الله .. كان الله في العون

[highlinker]

هي الطنابير وقاعدة الماتور دي مش بتتغير في جدول الصيانة ؟؟

اصل انا برده من شهر لما رحت العدوي عشان اعمل صيانة الـ 35 ألف تقريبا .. قالولي هتحتاج تغير الطنابير الامامية