تكييف الكليو

[kimo]

[QUOTE=albasha;970047]الأخ kimo أستأذنك ترفع الصور علي أي موقع رفع لأن كل ما كبرهم ميتكبروش وحملتهم زي ما هما وكبرت الصور لكن الدقه بقت ضعيفه جداً وشكراً ليك مقدماً[/QUO


ان شاء الله هحاول اصورهم من جديد بكاميرا افضل لانى كنت مصور بموبيل

[albasha]

اشكرك لأهتمامك

[ramy_gamal]

معلش يا وحوش التكييف انا شحنته اول الصيف وكان شغال كويس النهاردة نزلت الساعة 12 الظهر وشغلت التكيف على 3 لقيت انه موش شغال كويس عملته على 4 الهوا زاد بس البرودة قليله وبعدين لحظت حاجة لمل اقف في الضل يشتغل كويس ولمل امشى فى الشمس ميعملش حاجة كدة يبقى ايه ؟؟؟ هرب فريون ولا ايه؟؟؟

[albasha]

لأ التكييف مش ههيهرب فريون من نفسه لازم يكون في عامل خارجي ( ماسوره اتكسرت لاقدر الله أو مشكله فنيه بعينها )
التوقيتات اللي بتتكلم عنها في الوقت ده من السنه صعبه علي أي تكييف وبخاصه ان تكييف الكليو أصلاً مش قوي فبالتالي حاول تركن في اماكن مظلله علشان درجة الحراره الداخليه للسياره ما تكونشي عاليه والتكييف يقدر يزيل الحراره بسهوله
ملحوظه : لو عايز تعرف التكييف عايز شحن ولا لأ أفتح الكبوت وشوف مواسير الفريون في ماسوره منهم ( ماسورة الراجع ) هتلاقي عليها تكثيف مياه معني كده ان الشحنه مظبوطه وبالتالي مش محتاج شحن

[albasha]

وخد الموضوع ده هيديلك فكره عن تسريب الفريون

http://www.nilemotors.net/Nile/a/85463-a.html

[ramy_gamal]

وخد الموضوع ده هيديلك فكره عن تسريب الفريون
http://www.nilemotors.net/nile/a/85463-a.html

1000 1000 شكر انا فعلا عارف ماسورة الراجع بكرة هابص عليها واشوف ايه الاخبار بجد انا متشكر جدا

[ramy_gamal]

1000 1000 شكر انا فعلا عارف ماسورة الراجع بكرة هابص عليها واشوف ايه الاخبار بجد انا متشكر جدا

انا بصيت على ماسورة الراجع ولقيتها مكثفه ميه والتكييف شغال كويس لمل الجو اتحسن شويه وبالليل

[albasha]

كويس جداً طالما عليها تكثيف مياه تبقي شحنة الفريون مظبوطه
لو ماسورة الراجع مش معزوله إعزلها بنفسك وشوف النتيجه ( أنا عملتها فرقت معايا تقريباً 5% من قوة التكييف )

[ramy_gamal]

كويس جداً طالما عليها تكثيف مياه تبقي شحنة الفريون مظبوطه
لو ماسورة الراجع مش معزوله إعزلها بنفسك وشوف النتيجه ( أنا عملتها فرقت معايا تقريباً 5% من قوة التكييف )

معلش انا موش فاهم يعنى ايه معزوله ؟

[albasha]

يعني متغطيه بعزل في الغالب لونه أسود ( مش عريانه يعني )

[ramy_gamal]

طيب اعزلها ب ايه؟

[kimo]

طيب اعزلها ب ايه؟

عند محلات التبريد والتكييف فية لفة اسمها ارم فيلكس بتلصق لف على المواسير

[ramy_gamal]

معلش يا جماعه انا تعبتكو فى الموضوع دة بس المشكله انا راكب عربيه فيها تكييف وحاسس انها من غيير تكييف انا النهاردة كنت راجع الساعة 2 ظهرا والعربيه كانت واقفه فى الشمس وشغلت التكييف على رقم 4 العربيه برضه ماسقعتش وبصيت على ماسورة الراجع مكثفه بسيط جدا جدا انا بجد موش عارف اعمل ايه اروح ل الراجل اللى شحنت عندة ولا اروح لحد تانى ولا دة عادى في الكليو اليوميين دول ....

[albasha]

تكييف الكليو مش قوي وبالتالي تكون عامل حسابك كويس جداً في الركنه تحاول تركن في الظل وبعدين لازم تستني شويه لحد ما العربيه بتاعتك تسخن شويه وتشغل التكييف علي 4
ثانياً ممكن تعمل زي ما أخوناkimo ( مشاركه 8 ) عمل وغسل المبخر والمروحه هيفرقوا معاك كتير جداً لأن واضح إن في حالتك ديه أن التراب سدهم فبالتالي التكييف قل بنسبه كبيره علي حسب كلامك
أو تشوف حد متخصص في تكييف الرينو ويعملك العمليه ديه
وتكون متفق مع محل قطع غيار رينو يوفرلك فلتر التكييف وتخليه يركبه وإن شاء الله هتحس بتغيير كبير

[عمرو عمارة]

يا باشا الساعة 2 ظهراً ده شديد الحرارة......أنا لما بكون في الموقف ده بفتح إزاز العربية وأمشي بالعربية 5 دقائق بدون ما أشغل التكيف لغاية ما درجة حرارة الصالون تبقى مناسبة....أشغل التكيف وبيكون ممتاز بدون أي مشاكل.......لو عملت غير كده ممكن تقعد ربع ساعة مشغل التكيف وعمال تعرق بدون أي نتيجة