قصتي مع وكيل رينو

[modyeid]

بسم الله الرحمن الرحيم
بداية أعرفكم بنفسي انا محمد اسماعيل _ صيدلي _ المنصوره _.
حبيت أشتري عربيه... ففكرت في لوجان المغربي نظرا للكلام اللي قريته عنها في منتدانا الجميل ده و المنتديات العالميه و طبعا عملت مقارنه بين سعرها و امكانياتها و بقية المنافسين لها لقيت رينو لوجان فازت... و صليت استخاره و توكلت علي الله و روحت حجزتها من توكيل رينو سان ستيفانو ..... و هنا تبدأ القصه بصراحه معامله فوووووووق الخيال من الأساتذه المحترمين ياسر علام و الأستاذ أشرف و مضيت علي شرط جزائي اني لو رجعت في كلامي يخصموا 2500 جنيه من ال 10000 اللي دفعتهم.
و الحمد لله هستلم في أول عشره و خلاص و مرتاح للعربيه ... و هنا يلعب القدر لعبته و يرزقني بسفر محترم جدا للأمارات و اضطريت ارجع في كلامي و عارف انهم هيخصموا 2500 و قلت مش مهم ففوجئت انهم رجعولي ال 10000 كاملين ..... هل هذا الكلام يحدث سوي من وكيل محترم ؟ انا كتبت الموضوع ده مجرد شهاده لأعضاء المنتدي الجميل ده.
و السلام عليكم و رحمت الله و بركاته

[mga747]

شكرا على توضيح الصورة !!

[EslaM_NagY]

تصرف غريب فعلا

[solid_khaled]

حصلت معايا وانا بحجز الفيرنا من غبور من ثلاث سنوات ورجعو الفلوس كاملة

[EslaM_NagY]

حصلت معايا وانا بحجز الفيرنا من غبور من ثلاث سنوات ورجعو الفلوس كاملة

بس كنت وقعت على حاجة تفيد ان الفلوس مش حترجع كاملة ؟؟

[ramy_gamal]

ناس محترمين جدا وعربيتهم محترمه جدا

[amrnader]

هو الغريب فعلا انه يمضيك على الشرط ده، المفروض انه يديك وصل امانة، ترجعهوله يرجعاك فلوسك.

[Hosam_Optrawy]

ناس محترمه

مع ان موضوع الشرط االجزائى ده جديد عليا

اول مره اسمع عن الحكايه دى

وطبعا مش صح

[modyeid]

هما فعلا عطوني شيك بالمبلغ اللي استلموه ماضي عليه المدير المالي للشركه

و انا شايف ان الموقف ده صح جدا و هو مجرد ضمان جدية العميل

[Amr_Moh]

حركة شيك من وكيل محترم

[highlinker]

كل يوم بيعدي بيثبت انهم أحسن توكيل في مصر واكثرها احتراما

[mohamed1979]

ايه الأحترام ده