رحله البحث عن المتاعب ( رينو المقطم)توبه!

[ضيف]

نفسي أعرف ليه ماينفعش يركب تاني؟ هل دة فالرينو بذات

هو بمنتهى الصراحة هو ده الصح لأي عربية
إنما رينو بالذات معنديش فكرة
مع إختلاف الفئات , أيام لانوس 99 إللي كانت معايا كنت بغير طلمبة الميه كل 40 ألف كم (بعد ملاحظة التسريب منها) بواحدة أصلي بالعلامة المائية بتاعة gm و الميكانيكي يفكها ألاقي الريش بأت تبقى مطرمة و مجدرة بالرغم من عمل غسيل رادياتير كل فترة في موبيل و إستخدام مياه خضرا موبيل و تكملة الدورة بمياه مقطرة للوصول إلى علامة max بالقربة .

[Ayman_A1]

أنا كدة شاكلى حصرف نظر عند شراء رينو ... (دى معانة)
اللى مش مقبول ابدا
أولا : طريقة تعامل المهندسين دول مع العملاء (اللى هم بياخدوا مراتباتهم منهم) .. المفروض ياخدوا دورات فى الـ customer service satisfaction .. (مش كله تكنيكال وبس دة بافتراض انهم عاليين تكنيكال) .. لكن واضح ان مافيش اهتمام بالجانب دة من وكيل رينو ودى نقطة سلبية جدا
ثانيا: الأسعار مبالغ فيها جداً .. مش معقول صيانة عادية تتكلف 5% من ثمن العربية السوقى كلها (مش اقتصادية خالص)

أنا رأيى أنك تعمل شكوى فى رينو مصر .. لو مالقتش استجابة فورية ترضيك، أعمل شكوى لرينو فرنسا

ربنا معاك ..... بس حظهم أن حضرتك هادئ (ماشاء الله) :)

[Ahmed Selim]

ثانيا: الأسعار مبالغ فيها جداً .. مش معقول صيانة عادية تتكلف 5% من ثمن العربية السوقى كلها (مش اقتصادية خالص)

طيب نقارن مع بعض كده

nmصيانة الستين الف

كشف :زيت فرامل – زيت فتيس – ماء تبريد
استبدال : فلتر هواء – فلتر زيت – زيت محرك – فلتر بنزين – بوجيهات – سيور بالبلي

...ده بتاع نايل موتورز ....
التكاليف لكل الموديلات :
بيكانتو : 981 جنيه
سيفيا : 1242 جنيه
ريو 2000 : 1134 جنيه
ريو 2006 : 1205 جنيه
سيراتو 2006 : 1240 جنيه
سيراتو 2008 : 1327 جنيه
نيو سيراتو 2009 : 1327 جنيه
برايد : 953 جنيه
سبيكترا : 1251 جنيه

هنقول أن الريو و السبكترا هما أقرب موديلات كيا الى رينو كليو......يعنى السعر المعلن بين الشركيتن لصيانة ال 60 ألف كم فيه فرق حوالى 500 جم أرخص لصالح الريو و السبكترا.

مع العلم أن قطع غيار الأوروبى أصلاً أغلى من الكورى و اليابانى.

[Mahmoud Saloum]

انا كنت بعمل من يومين صيانة ال5000كم فى العبور بصراحة وبمنتهى الامانة احساسى الشخصى ان الخدمة فى توكيل رينو فشنك واى كلام وغبور ضفره برقبتهم ولو المقطم زى ما هو موصوف فوق يبقى الواحد فعلا ممكن يندم انه اشترى العربية دى. مع احترامى للاستاذ احمد عبد المقصود بس ضغط ايه اللى انت بتتكلم عليه هيا رينو بتبيع كام عربية فى مصر علشان يبقى فيه ضغط روح ابو رواش لغبور علشان تشوف يعنى ايه ضغط لتوكيل معاه 25% من مبيعات السيارات فى مصر. غبور فعلا فيه ناس كتير ظالمينه

[lion99990]

[أنا رأيى أنك تعمل شكوى فى رينو مصر .. لو مالقتش استجابة فورية ترضيك، أعمل شكوى لرينو فرنسا

ربنا معاك ..... بس حظهم أن حضرتك هادئ (ماشاء الله) :)[/quote]


طيب ازاى اعمل شكوى فى ايميل ابعتهلهم و لا اعمل ايه بالظبط
دفيه حاجه كمان ان كل صيانه كنت بعملها فى العبور كان دايما يجيلى تليفون بعديها بيومين يطمنوا على العربيه المره ديه ولا حد عبر كان نفسى حد يكلمنى عشان اقولهم على اللى حصل
فى العبور كانوا ميسلموش العربيه غير بعد متتغسل, فى المقطم و لا عبروا
و بعدين انا كنت هادى معاهم عشان كل اللى حصل ده انا بصراحه مكنتش متوقعه و كان كل واحد هنا فى المنتدى يحكى عن تجربته مع رينو وان مركز الخدمه مبيتاخرش عن الواحد و يتصلوا لو فيه مشكله و تحل معهم فكنت منتظر حاجه بالشكل ده بس فى الاخر املى طلع على فشوش و معرفتش اخد حقى يوميها طب انا عايز اقول على حاجه كمان الكبوت لما بيتفتح الاكصدام الجزئ العلوى منه بيبقى مربوط فى ب 2 مسمار لونهم اسود عامل زى الكلبس لما استلمت العربيه و روحت ملقتش مسمار من دول و لاقتهم عملينه بمسمار بلدى و صاموله مسكاه من تحت بشكل يقرف اسف على اللفظ و طبعا انا مكتشفتش الحاجه ديه الا بعدين هيا طبعا حاجه هيفه بس مزعلنى ان احساسى ان العربيه كانت رايحه كويسه و مكنتش مزعلانى و رحت اعمل الصيانه ال 60 الف زياده حرص و اتباع تعليمات عشان اكون محافظ لان ده مبدأى بس ياخساره احساسى ان العربيه مش زى الاول يمكن يكون ده وسواس بس واللهى من اللى انا شفته معدتش مصدق اى حاجه وزى مبيقوله ان لعبت ايد فى اى حاجه بعد ايد الخواجه يبقى عليه السلام و حيفضل العامل المصرى عمره محيطور طول مفيش ضمير فى انهاء العمل لنهايته يعنى مثلالو ضيع مسمار او اى حاجه او تتخدش حاجه بدل ميحافظ عليها يقوم مكبر دماغه وده اللى حسيته فى العربيه ان هيا متقفلتش زى الاول بصراحه احساس وحش جدا

[Ahmed Selim]

انا كنت بعمل من يومين صيانة ال5000كم فى العبور بصراحة وبمنتهى الامانة احساسى الشخصى ان الخدمة فى توكيل رينو فشنك واى كلام وغبور ضفره برقبتهم ولو المقطم زى ما هو موصوف فوق يبقى الواحد فعلا ممكن يندم انه اشترى العربية دى. مع احترامى للاستاذ احمد عبد المقصود بس ضغط ايه اللى انت بتتكلم عليه هيا رينو بتبيع كام عربية فى مصر علشان يبقى فيه ضغط روح ابو رواش لغبور علشان تشوف يعنى ايه ضغط لتوكيل معاه 25% من مبيعات السيارات فى مصر. غبور فعلا فيه ناس كتير ظالمينه

مع أحترامى لحضرتك......الضغط مش معناه أنى لو بيجيلى 100 عربية فى اليوم و غيرى بيجيله 1000 يبقى أنا مش مضغوط.......الضغط معناه أنى عندى عربيات أكتر من اللى المكان يتحمله فى يوم
يعنى عشان نعرف أنا بعد كام عربية المكان عندى يبقى مضغوط يبقى لازم أعرف المكان اللى عندى يتحمل شغل فى كام عربية مع بعض و العربية هتاخد متوسط وقت أد أيه.....و على أساسه أقدر أعرف المكان بتاعى يقدر يخدم كام عربية فى اليوم.

و عموماً أنا بتكلم عن تجربتى الشخصية مع المقطم و اللى بيحصل معايا هناك...............بدون زيادة و لا نقصان.

[Ahmed Selim]

و صلتو ياه للمفاجأه طابور طويل بمعنى الكلمه غير رينو العبور تماما

دى برضه يمكن توضح قصدى عن الزحمة

[momo10000]

يا جماعه الموضوع حظ سيئ مش اكتر ....

وبيحصل في اي توكيل في مصر ... واللي اتعامل مع توكيلات تانية كتير ... يعرف قد اية التوكيل دا محترم !!!!

معلش يا وحش ... جت معاك المرة دي بس مش دا الطبيعي .

[Ayman_A1]

هنقول أن الريو و السبكترا هما أقرب موديلات كيا الى رينو كليو......يعنى السعر المعلن بين الشركيتن لصيانة ال 60 ألف كم فيه فرق حوالى 500 جم أرخص لصالح الريو و السبكترا.

مع العلم أن قطع غيار الأوروبى أصلاً أغلى من الكورى و اليابانى.

طيب كدة التكلفة أعلى بنسبة 50% منهم .. أعتقد انها نسبة عالية .. وكمان قطع غيار الرينو اغلبها تركى يعنى مش المفروض تكون عالية، بالعكس المفروض تكون اقل من الكورى.

بالاضافة ان من كلام الأستاذ lion99990 ان فى حاجات اتغيرت كانت كويسة مش محتاجة تغيير (وطبعا هو ادرى بحالة عربيته) ... مش عارف دة من باب تنشيط بيع قطع الغيار ولا ايه !!! .. يعنى المفروض ياخدوا رأيه ويبلغها بدرجة كفاءة الحاجة اللى هم بيقولوا انها لازم تتغير ... (يعنى مثلا ممكن تشتغل لحد كام كيلو .. الخ) وهو حر يقرر (مش حلو ابدا اسلوب الأمر الواقع .. افرض مش عامل حسابه كميزانية فى الوقت الحالى... من باب احترام خصوصيات العميل يعنى)

[Ahmed Selim]

طيب كدة التكلفة أعلى بنسبة 50% منهم .. أعتقد انها نسبة عالية .. وكمان قطع غيار الرينو اغلبها تركى يعنى مش المفروض تكون عالية، بالعكس المفروض تكون اقل من الكورى.

الفرق بينهم 40% بالظبط...........و هى نسبة عالية فعلاً مش قليلة

قطع غيار التوكيل بتبقى معظمها أتحاد أوروبى......يعنى لو كانت تركيا دخلت أتحاد أوروبى كنت قولت كلامك صح.....بس هى حسب معلوماتى لسه مدخلتش......طبعاً أحنا بنتكلم على قطع الغيار فى التوكيل و ليس برة التوكيل.

و مفهمتش حتة أنها المفروض تكون أقل من الكورى......على أساس أيه؟
العربية أصلاً أوروبى......و فى فرق سعر ( سواء سعر شراء العربية أو أسعار قطع الغيار ) حتى و هم زيرو..............تفتكر ليه ؟


أنتقادى ليهم فى مشاركة سابقة قولت فيه أنهم كانو المفروض يسألوه

[Ayman_A1]

الضغط مش معناه أنى لو بيجيلى 100 عربية فى اليوم و غيرى بيجيله 1000 يبقى أنا مش مضغوط.......الضغط معناه أنى عندى عربيات أكتر من اللى المكان يتحمله فى يوم
.

مع احترامى لحضرتك دة مش عذر مقبول...
كفاءة أى منظمة بتقاس بالعمل بالـ Full Capacity مش بالوقت اللى الشغل فيه مريح .. لأن المفروض أكون كوكيل قادر أقدم خدمة مابعد البيع تتناسب مع المبيعات ... وبما ان الصيانة بتتعمل بحجز (زى توكيلات تانية) يبقى مش متناسب ولكن هم بيحاولوا التغلب على الموضوع دة بالحجز علشان مايكنوش مضغوطين ...
لو حد قال ان فى عربيات بتروح بدون حجز (كاعطال مفاجأة او غيره) ودة يمكن بيأثر على ضغط الشغل ... المفروض كل دة بيتعمل حسابه فى الـ scheduling ...
المفروض اى توكيل لشركة عالمية يشتغل بنفس اسلوب الشركة الأم اللى المفروض يكون لها معايير جودة لخدمة العملاء مطبقة فى جميع الأسواق على السواء .. دون تفرقة بين سوق عالم ثالث أو أول .. علشان كدة عمل شكاوى للشركات الأم بيكون له مردود أقوى لأنهم عارفين كويس قيمة العميل (عقبال توكيلاتنا)

[Ayman_A1]

و مفهمتش حتة أنها المفروض تكون أقل من الكورى......على أساس أيه؟
العربية أصلاً أوروبى......و فى فرق سعر ( سواء سعر شراء العربية أو أسعار قطع الغيار ) حتى و هم زيرو..............تفتكر ليه ؟

كتصنيف عالمى المنتجات الميكانيكية الكورية أعلى من التركية ..
لكن لو زى ماحضرتك قولت انها اتحاد أوروبى ... يبقى على الأقل المفروض تكون متساوية .. لأن الميزة كاتحاد اوروبى ان تكلفة صناعتها قلت عن لو ما كانت لبلد معين زى فرنسا او المانيا لأنهم بيعملوا حاجة اسمها افضل تكلفة اقتصادية سواء اقل عمالة او اقل اراضى او اقل مبانى ... الخ يعنى ممكن ينتجوا فى بلاد زى التشيك مثلا علشان كل دة منخفض ..
ودة يؤدى لخفض التكلفة

[عمرو عمارة]

قطعة الغيار الوحيدة الي جبتها للكليو تركي كانت كاوتش مسمار ميزان.......باقي قطع الغيار كانوا فرنساوي, ألماني, أسباني, إيطالي, بلغاري...... وقطع الغيار الأساسية معظمها فرنساوي

[Ayman_A1]

قطعة الغيار الوحيدة الي جبتها للكليو تركي كانت كاوتش مسمار ميزان.......باقي قطع الغيار كانوا فرنساوي, ألماني, أسباني, إيطالي, بلغاري...... وقطع الغيار الأساسية معظمها فرنساوي

أنا ردى على اساس كلام الأستاذ Ahmed A.Maksoud أن قطع الغيار داخل التوكيل اغلبها اتحاد اوروبى ..
جايز فى قطع فرنساوى بس اعتقد ممكن تكون استوك قديم لأن أغلب الأوروبى دلوقتى بقى اتحاد اوروبى مش بلد معين

[Ahmed Selim]

مع احترامى لحضرتك دة مش عذر مقبول...
كفاءة أى منظمة بتقاس بالعمل بالـ Full Capacity مش بالوقت اللى الشغل فيه مريح .. لأن المفروض أكون كوكيل قادر أقدم خدمة مابعد البيع تتناسب مع المبيعات ... وبما ان الصيانة بتتعمل بحجز (زى توكيلات تانية) يبقى مش متناسب ولكن هم بيحاولوا التغلب على الموضوع دة بالحجز علشان مايكنوش مضغوطين ...
لو حد قال ان فى عربيات بتروح بدون حجز (كاعطال مفاجأة او غيره) ودة يمكن بيأثر على ضغط الشغل ... المفروض كل دة بيتعمل حسابه فى الـ scheduling ...
المفروض اى توكيل لشركة عالمية يشتغل بنفس اسلوب الشركة الأم اللى المفروض يكون لها معايير جودة لخدمة العملاء مطبقة فى جميع الأسواق على السواء .. دون تفرقة بين سوق عالم ثالث أو أول .. علشان كدة عمل شكاوى للشركات الأم بيكون له مردود أقوى لأنهم عارفين كويس قيمة العميل (عقبال توكيلاتنا)

مين اللى جاب سيرة الوقت اللى الشغل فيه مريح ؟؟؟؟
أنا قولت الأتى

يبقى لازم أعرف المكان اللى عندى يتحمل شغل فى كام عربية مع بعض و العربية هتاخد متوسط وقت أد أيه.....و على أساسه أقدر أعرف المكان بتاعى يقدر يخدم كام عربية فى اليوم.

ده اللى أعرف بيه ال Full capacity بتاعتى

كتصنيف عالمى المنتجات الميكانيكية الكورية أعلى من التركية ..
لكن لو زى ماحضرتك قولت انها اتحاد أوروبى ... يبقى على الأقل المفروض تكون متساوية .. لأن الميزة كاتحاد اوروبى ان تكلفة صناعتها قلت عن لو ما كانت لبلد معين زى فرنسا او المانيا لأنهم بيعملوا حاجة اسمها افضل تكلفة اقتصادية سواء اقل عمالة او اقل اراضى او اقل مبانى ... الخ يعنى ممكن ينتجوا فى بلاد زى التشيك مثلا علشان كل دة منخفض ..
ودة يؤدى لخفض التكلفة

معظم قطع غيار الرينو الموجودة فى التوكيل بتبقى فرنساوى و أسبانى تحديداً و بيتكتب أتحاد أوروبى فى جميع الأحوال

قطعة الغيار الوحيدة الي جبتها للكليو تركي كانت كاوتش مسمار ميزان.......باقي قطع الغيار كانوا فرنساوي, ألماني, أسباني, إيطالي, بلغاري...... وقطع الغيار الأساسية معظمها فرنساوي

لو حد قال ان فى عربيات بتروح بدون حجز (كاعطال مفاجأة او غيره) ودة يمكن بيأثر على ضغط الشغل ... المفروض كل دة بيتعمل حسابه فى الـ scheduling ...
المفروض اى توكيل لشركة عالمية يشتغل بنفس اسلوب الشركة الأم اللى المفروض يكون لها معايير جودة لخدمة العملاء مطبقة فى جميع الأسواق على السواء .. دون تفرقة بين سوق عالم ثالث أو أول .. علشان كدة عمل شكاوى للشركات الأم بيكون له مردود أقوى لأنهم عارفين كويس قيمة العميل (عقبال توكيلاتنا)

يا ريت حضرتك تفهمنى الحتة اللى معلم عليها بالأزرق دى.....
يعنى أنا عندى ال full capacity فى اليوم 150 عربية
هعمل حسابى على 145 عربية عن طريق الحجز و أسيب 5 عربيات للأعطال المفاجئة ؟

الكلام اللى بالأخضر ده بقى أكبر دليل أنهم بيشتغلوا بنفس سياسة الشركة الأم لأنهم لما حصل معاهم من 4 سنين طفرة فى مبيعات الميجان و بعد لما كان عندهم مركز خدمة واحد و كمان سعته تعتبر مش عالية.................عملوا أيه؟؟؟؟؟
1- عملوا توكيل العبور على مستوى عالى جداً و لكن فى رأيي ينقصه التدريب الجيد لعدد لا بأس به من العاملين.
2- شغالين فى فرع جديد للتوكيل فى أبو رواش
3- لا زال بعض العاملين فى التوكيل يذهبون الى فرنسا فى دورات تدريبية الى يومنا هذا
4- و هى النقطة الأهم..........راجع كم مواضيع الشكر اللى أتعملت فى التوكيل هنا فى المنتدى.....و أحكم بعدها.