Tweet
يا كم معلوماتك و يا طولة بالك
الله يبارك لك
الله يبارك لك
-
-
يا جماعه مينفعش حد مش بيتعامل مع التوكيل لفترة طويلة يحكم من مشكلة حصلت في يوم زحمة!!!!!!!!
توكيل رينو بشهادة البشر كلها من افضل التوكيلات ان لم يكن هو الافضل !!!
التعميم بانة توكيل سيئ دا مش صح علي الاطلاق ... وخليها نسبة وتناسب ... يعني قد اية اتعاملت معاهم .. وكام مرة حصلتك مشكلة ... اي حد من الملاك لو حسبها ... حتلاقي توكيل رينو هو الافضل ...[CENTER][B]عليها السلام[/B]
[/CENTER]Comment
-
لا اسيب 15 عربية مش 5 لان مش فقط لتوقع اعطال مفاجئة ولكن لان فيه بعض السيارات ممكن تيجى صيانة دورية فقط وافاجأ بعطل لم يلاحظه صاحب السيارة ويلزم اصلاحه، لو هوا مش عامل حسابه هيكون الحل "العربية لازم تبات" حتى لو العطل يستغرق اصلا حه ساعة واحدة وده طبعا اسلوب مبتدئين وليس محترفين.المشاركة الأصلية كتبت بواسطة Ahmed A.Maksoud مشاهدة المشاركة
مفيش حاجة فى الدنيا بتشتغل على full capacity بتاعتها الا فترات بسيطة اما الوضع الدائم لا يزيد عن 80% ده اللى اتعلمناه واللى مهندسين التوكيل المفروض اتعلموه برضه
يا استاذ احمد فيه بديهيات فى خدمة بعد البيع وانا رأيى مبنى على انى مدير خدمة ما بعد البيع لمنتج ما بعيد عن السيارات ولكن فى اسس يجب اتباعها. على سبيل المثال فى ضغط وهما ماكانوش عاملين حسابهم على ان ربنا هايسهلها معاهم والمبيعات هتزيد طيب افتح فترة العمل لفترة مسائية ودا مش هايكلفهم غير عمالة واللا دى كمان صعبة؟
يا اخى انا علشان احجز فى العبور اضطريت انى اتكلم 3 مكالمات وهما يكلمونى مرتين يعنى خمس مكالمات ليه؟ السيستم عطلان - لسة عطلان - اتصلح وهنتصل بيك كمان شوية - لا يوم السبت ماينفعش تركب فوجات علشان الضغط- اه ممكن تركب يوم السبت بس قولهم وانت هناك؟
تعالى هناك بقى " لا مينفعش تركب فوجات جمعة وسبت علشان الضغط" للعلم المركز كان فاضى بينش - طيب ممكن امتى - اى يوم قبل الساعة خمسة - طيب وشغلى ياعنى اخد اجازة مخصوص علشان اركب فوجات - والله هوا كده - طيب ممكن اشترى الفوجات واركبهم برة - والله انت حر - يعنى السوكت موجودة ولا فى شغل فى الضفيرة- لا دول بيتعملهم ضفيرة لوحدهم - امال انا حر ازاى؟؟؟؟؟؟؟؟؟
بالذمة دى ردود مركز خدمة؟ كمان وانا بستلم العربية لقيت واحد زى اللى بيطلعوا فى البنزينة جى بيمسح العربية علشان ياخد المعلوم. كمان فى غبور كانوا بيفرشوا بلاستيك على كرسى السائق وورق على الارضية علشان الصالون لا يتسخ من الشحم والتراب اللى فى ملابس الفنى - هنا طبعا مفيش.- فى غبور كان المهندس بيقول على كل حاجة هاتتعمل قبل ما ياخد العربية -هنا ولا الهوا - فى غبور نادر جدا انك تلاقى مهندس قاعد - يا إما بيستلم عربية يا بيجرب عربية يا فى الورشة - هنا المهندس قاعد زى الموظفين كل اللى بيعملوا انه بياخد العربية يدخلها وييجى يقعد وبعد كده يقولك العربية خلصت روح استلم
انا بقارن بغبور لانى كان معايا فيرنا وعلشان كدة عارفهم وكمان غبور مكانش عاجب امال دول بقى يبقوا ايه؟[RIGHT][FONT=Traditional Arabic][COLOR=blue]لاَ يُكَلِّفُ اللّهُ نَفْساً إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْراً كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ [/COLOR][/FONT][/RIGHT]Comment
-
يا راجل حرام عليك ..... اية اللي جاب غبور جنب رينو !!!!!!!!
اخويا معاة النترا ومن زمان كان عندي اكسنت وعارف غبور بلاطة بلاطة ...
غبور اسوء توكيل عن جدارة متفوق علي ارت توك ... ولو عملت استفتاء في المنتدي حتتصدم ان غبور اسوء وكيل في تاريخ وكلاء السيارات !!!!!
يا جماعة خلونا واقعيين ... انتوا عايزين توكيل رينو يبقي زي التوكيلات في اوروبا .... ودا مستحيل علي الاراضي المصرية.
اكيد في مشاكل واخطاء وعيوب وخلافة ... لكن هو الافضل .
طب اقولك اتعملت مع كام توكيل .... اكتر من 12 توكيل .. وكل توكيل ما لايقل عن سنة..... ومنهم مرسيدس ( كان معايا a160 جمرك)
رينو ومرسيدس الافضل .... الاسوء عبر التاريخ هو هيونداي ووالله الكلام دا مش مجاملة لحد او مزايدة علي حد !!!!
والخلاف في الراي لا يفسد للود قضية يا محمد باشا ![CENTER][B]عليها السلام[/B]
[/CENTER]Comment
-
أرجو من الجميع الأخذ في الإعتبار إن العاملين بالتوكيل ناس مننا (مش أجانب) بمعنى لهم نفس الطباع و السلوكيات .
بالأصالة عن نفسي أنا إنسان غير كامل (الكمال لله وحده جل شأنه) .Comment
-
حضرتك ممكن تشرحلى هما ليه شركات الطيران بيعملوا waiting list ؟المشاركة الأصلية كتبت بواسطة Mahmoud Saloum مشاهدة المشاركة
معتقدش أن فيه مكان فى مصر ممكن يعمل حساب أن x من العربيات ممكن يجيله بأعطال مفاجأة و عشان خاطرهم يلغى حجز 15 واحد تانين عاوزين يحجزو......اللى بيحصل العكس.....
موضوع الضغط اللى مش عاملين حسابه ده أعتقد أنى وضحته فى المشاركة اللى فاتت
1- مركز خدمة جديد و أكبر فى المقطم
2- توسيع شبكة المراكز المعتمدة
3- مركز خدمة جديد تانى فى أبو رواش وهيفتتحوه قريب
و بعدين حضرتك بتقول ان الصح أن المكان يشتغل ب 80% من طاقته و ترجع تقول أن مهندس الأستقبال فى رينو قاعد مش بيعمل حاجة غير أنه يسلم العربية و يرجع يقعد......طيب ما يمكن هى دى ال 80% بتاعتهم ؟؟؟
ده غير أن مهندسى الأستقبال مش مهمتهم تجربة العربية خالص......أستلام و تسليم بس....
تصدق بالله ؟؟
أنا عمرى ما رحت أى صيانة سواء فى توكيل أو مركز خدمة معتمد حتى إلا و يحطولى الكيس البلاستيك و الدواسة الورق !!!!!!!![CENTER][COLOR=Blue][B][SIZE=4]يا بلادى يا بلادى.........أنا بحبك يا بلادى[/SIZE][/B][/COLOR]
[/CENTER]Comment
-
حضرتك بتستلم فى القاهرة - ج.م.عالمشاركة الأصلية كتبت بواسطة Mahmoud Saloum مشاهدة المشاركة
مش فى باريس - فرنسا
متوقع إيه بالظبط.....آنسة بشوشة فائقة الجمال بعطر فرنسى أصلى و فستان سواريه haute coutureهى إللى تسلمك العربية...!!!!
جيب لى صورة عربية داخلة الورشة بالمنظر ده و احنا نجيب لإللى عمل كده جزاء فورى....المشاركة الأصلية كتبت بواسطة Mahmoud Saloum مشاهدة المشاركة
أنا كنت واقف مرة فى العبور و لاقيت واحد من العمال جاى بيقول لمهندس الاستقبال " إنتوا ليه مش حاطين ال safety فى العربيتين دول "...المهندس رد عليه و قاله العربيتين دول لازم مهندسين يجربوهم الأول..لو كانوا داخلين للعمال يشتغلوا فيهم على طول كان ال safety إتحط زى باقى العربيات....
يعنى دى standard Procedures لو حد خرج عنها فى جزاءات بتتم...و كنت هتتصور مدى الجدية للمسألة دى لو شفت الطريقة إللى العامل بيكلم بيها مهندس الاستقبال...كإنهم عاملين حاجة غلط....
أقول لك على حاجة كمان....شركة TopCoverEgypt ...بتورد حاجة اسمها طقم صيانة لعربيات lexus لتوكيل Toyota فى السعودية...الفكرة اتعرضت على أكتر من توكيل فى مصر...الوحيد إللى أخد هو EIM و من بعديه بالعافية مرسيدس...غير كده مافيش حد اهتم
للتوضيح...طقم الصيانة ده عبارة عن أغطية صغيرة لكرسى السائق و عصا الفتيس و فرامل اليد ....بدل الأكياس البلاستيك المضرة للإنسان و البيئة...فى اتجاه للاستغناء عن مشتقات البترول بخامات إعادة تدويرها أسهل...فبيتعملوا من خامة تشبه المناديل الورقية لكن أكثر متانة...بحيث الطقم يستعمل مرة و بس....
يعنى فى رينو الطبيعى إنهم بيأخدوا العربية و يغيروا حاجات خارج الصيانة بدون سابق إشعار للعميل و يفاجىء العميل عند دفع الفاتورة ؟؟؟؟.....المشاركة الأصلية كتبت بواسطة Mahmoud Saloum مشاهدة المشاركة
حضرتك رحت كام مرة و أنهى فرع إللى تم فيه الكلام ده ...علشان دى أول مرة أسمع عن الشكوى دى تحديدا سواء فى المنتدى أو خارج المنتدى
و بعدين إنت بتشوف المهندسين إزاى ...؟؟؟؟ دول بيبقوا داخل الورشة و دائمى الحركة و العملاء مش بيدخلوا داخل الورشة إلا فى حالات محددة و بصحبة مهندس....
و بتعرف إزاى تفرق العامل من المشرف من المهندس من الإدارى....؟؟؟
و تفتكر إن لو المهندسين شغلهم إنهم يأخدوا العربية من و إلى العميل فقط...كان بقى اسمهم مهندسين ؟؟؟...
و لا إللى مشغلهم ده عبيط و بيدفع مرتبات مهندسين لناس آخرهم يقوموا بعمل سايس ؟؟؟[CENTER][FONT=Verdana][COLOR=#0000ff][SIZE=5][B]هانى محمد[/B][/SIZE][/COLOR][/FONT]
[SIGPIC][/SIGPIC]
[URL="http://www.nilemotors.net/Nile/members/7943-albums61.html"][SIZE=4][COLOR=#ff6f00][B]New Renault Album[/B][/COLOR][/SIZE][/URL]
[/CENTER]Comment
-
يا سيدى الفاضل انا مش مستنى لا انسة بشوشة ولا بنت فائقة الجمال ولا اى حاجة من الحاجات الظريفة اللى حضرتك قولتها ولكن انا اتعاملت مع غبور 3 سنين لم يحدث لى مثل هذا الموقف!المشاركة الأصلية كتبت بواسطة chato_eg مشاهدة المشاركة
يا سيدى الفاضل بقولك عربيتى الشخصية هيا اللى مكانش راكب فيها بلاستيك ولا دواسة ورق مش عربية حد تانى يعنى انا مش اعمى ولا هاتبلى على الناس علشان مكونش شوفت الحماية دى
يا سيدى الفاضل ازاى مقابلش المهندس المسئول طيب لما يكون عندى شكوى فنية اقولها لمين لموظف الاستقبال؟ يعنى سيادتك عايز تقول ان اللى استلم منى السيارة مش مهندس؟ يانهار مالوش لون ؟ كمان مش مهندس؟ يعنى لو قولتلو على مشكلة عندى هيبقى مش فاهم حاجة؟؟؟؟؟؟؟؟؟
انا مقولتش انهم بيعملوا حاجة ويحملوها على الفاتورة بدون اخبار العميل. انا بقول لما المهندس فى غبور كان بيستلم منى العربية كان بيقولى بالتفصيل ايه اللى هايتعمل فيها جوة التوكيل ويسألنى هل فيه اى حاجة ملاحظها فى العربية هل عندك اى شكوى غير الصيانة الدورية. فى رينو الاخ اللى استلم منى العربية خدها وادانى وصل وبعدين ادانى تصريح الخروج وقالى روح خدها والله ماعرف ايه اللى اتعمل فيها ولا حتى من باب الفضول سألنى عندك اى مشاكل!
كان فيه واحد جاى بيقولهم انا وانا ماشى العربية جابت مية مش عارف منين - قاله الاخ اللى فى الاستقبال هتسيب العربية لبكرة - مش هانعمل حاجة النهاردة لازم تكون حاجز الجمعة والسبت للصيانات الدورية فقط؟ صاحب العربية قاله مش تشوف الاول العربية فيها ايه قبل القصة دى ؟ ما يمكن حاجة بسيطة تتحل؟ الراجل بتاع الاستقبال قام وهوا بينفخ؟؟؟؟؟؟
بصراحة انا كنت متوقع انى هلاقى مركز خدمة يتوازى مع جودة السيارة ولكنى صدمت فى مركز الخدمة وبعد اللى قرأته عن مركز الخدمة فى المقطم انا غير مستبشر خير بالمرة.[RIGHT][FONT=Traditional Arabic][COLOR=blue]لاَ يُكَلِّفُ اللّهُ نَفْساً إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْراً كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ [/COLOR][/FONT][/RIGHT]Comment
-
يا استاذ احمد تذاكر الطيارة ده موضوع تانى خالص ده كان فى مشكلة فى مصر للطيران لحد قريب ان فى كتير من طياراتها بتطلع تلتها فاضى لالغاء الحجز المتكرر . الكلام ده بعيد عن مراكز الخدمة اللى عليها ضغط كبير.المشاركة الأصلية كتبت بواسطة ahmed a.maksoud مشاهدة المشاركة
يا استاذ احمد فى الخدمة لازم تضع اعتبارات كثيرة منها ان مهندس حصله ظروف ومجاش ان احد اجهزة الصيانة عطل والتحميل اصبح على جهاز و احد وغيره مستحيل ان مركز خدمة يشتغل فى الحجز على الحمل الاقصى له ماينفعش.!!!
حضرتك بتقول ان عمرك مارحت مكان الا ويحطولك الكيس البلاستيك طيب لو رحت مركز خدمة ومعملوش كده احساسك هايكون ايه؟ اقولك انا هاتحس انك داخل ورشة عم عبده الميكانيكى؟ واقسملك بالله انى ماتحطليش كيس بلاستيك من ابو 25 قرش حتى فى العربية . تعرف انا حسيت بايه ان مفيش حاجة اتعملت فى العربية علشان كدة مكانش فى لازمة انهم يحطوا بلاستيك ولا غيره.
لو كان مهندس الاستقبال مش مهمته تجربة العربية ومجرد استلام وتسليم يبقى زى ما الاخ شاتو قال ده مش مهندس ماهو التوكيل مش اهبل علشان يجيب مهندس يسلم ويستلم ودى تبقى مصيبة لان اللى بيستلم لازم يكون مهندس لانه بيستلم ماكينة وربما فيها مشاكل فنية والمفروض انه يجرب العربية معاك علشان ينقل المشكلة ورأيه الفنى للفنيين اللى هايشتغلوا فى العربية جوة التوكيل. ده اللى كان بيحصل فى غبور اللى مش عاجبك؟
يا استاذ احمد انا شارى العربية عن اقتناع ومازلت كذلك ولكن التوكيل مش كويس لغاية دلوقتى ربما اكون مخطئ لكن ده رأيى حتى الان. واتمنى ان فى المرة القادمة انه يكون انطباعى خطأ صدقنى اتمنى ذلك
يا استاذ احمد على اد ما انا متحيز للعربية لجودتها حتى الان وهى بالفعل افضل اختيار فى فئتها من وجهة نظرى. على اد ما انا هاكون ضد التوكيل لو استمر على هذا النحو .[RIGHT][FONT=Traditional Arabic][COLOR=blue]لاَ يُكَلِّفُ اللّهُ نَفْساً إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْراً كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ [/COLOR][/FONT][/RIGHT]Comment
-
تعليقى على الأجزاء اللى مكبرها فى الأقتباسالمشاركة الأصلية كتبت بواسطة mahmoud saloum مشاهدة المشاركة
يا أستاذى العزيز أنا مش بتعامل مع ملايكة.....لو الكلام ده حصل بكل بساطة هطلب أن الحاجات دى تتحط لأنها حقى......و لو كنت أخدت بالك بعد أستلام العربية يبقى فى أحتمال و لو 1 فى الألف أنهم حطوها و شالوها تانى قبل تسليم العربية.......دى بتحصل
أنا أخدت بالى منها لأنى عادة مبحبش أقعد فى الأستراحة و بفضل أحوم حوالين العربية لحد لما يخلصو بعذر او بأخر.
مهندس الأستقبال مش بيبقى خريج هندسة............بس بيبقى فنى.....و بيفهم فى العربية كويس.....و حتى كان فى زميل هنا أشتكى أنه لما راح يعمل الصيانة مهندس الأستقبال قاله هيغير ردياتير لأنه كان بيشتكى من نقص مياه القربة....و المهندس هو اللى أكتشف أنه من الردياتير.
كونه بيجرب العربية أو لأ دى بترجع للسياسة المتبعة فى التوكيل نفسه......يعنى فى توكيل رينو اللى بيجرب العربية بيبقى مهندس من الورشة أو بمعنى أصح من الناس اللى هيشتغلو فى العربية بأيديهم......و حصلت قبل كده أكتر من مرة أنى أشتكى من حاجة معينة و يطلع مهندس من الورشة يجرب و ميعرفش أنا بشتكى من أيه بالظبط و يرجع و يطلب أنى أطلع أجرب معاه.
غبور أنا مجبتش سيرته خالص على فكرة......و مع ذلك محبش أتعامل معاه ( عربية مراتى أكسنت 2006 ) و مراحتش التوكيل من قبل ما تكمل ال 20 ألف كم......و أحد الأسباب الرئيسية فى عدم تعاملى معاه هو بعد مركز الخدمة عنى......أنا ساكن فى مدينة نصر و هو فى أبو رواش.....و بالتالى مش هقدر أدى أنطباع عنه.[CENTER][COLOR=Blue][B][SIZE=4]يا بلادى يا بلادى.........أنا بحبك يا بلادى[/SIZE][/B][/COLOR]
[/CENTER]Comment
-
اولا اعتذر بشدة على حكاية غبور لانى خلطت بين رسالتك ورسالة الاخ شاتو؟ اعتذر مرة اخرى.المشاركة الأصلية كتبت بواسطة ahmed a.maksoud مشاهدة المشاركة
ثانيا اتمنى ان اكون فى تسامحك ولكن لو انا كنت لقيت شحم على الكراسى او زيوت على الدواسة كان هيبقى يوم من الايام اللى متتنسيش بالنسبالهم.
ثالثا انا غير مقتنع نهائيا انى اسلم العربية لواحد مش هيكون ليه دعوة بيها والمهندس اللى هايتابعها ماشوفوش خالص طيب حتى الفنى اللى فى الاستقبال يسألنى عن مشاكل العربية عن ان كان فيها حاجة مش طبيعية علشان يبلغ المهندس جوة مش هات العربية خد العربية ودمتم, وفى النهاية اشكرك على مداخلاتك[RIGHT][FONT=Traditional Arabic][COLOR=blue]لاَ يُكَلِّفُ اللّهُ نَفْساً إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْراً كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ [/COLOR][/FONT][/RIGHT]Comment
-
لو هو ما سألكش فى الاستقبال....ده مش معنا إنه رافض يسمعك
و أنا عن نفسى عمرى ما قلتلهم فى التليفون و أنا بأحجز على أى مشاكل مصاحبة للصيانة...الكلام ده بأقوله و أنا بأسلم العربية و لمهندس الاستقبال ( بغ[CENTER][FONT=Verdana][COLOR=#0000ff][SIZE=5][B]هانى محمد[/B][/SIZE][/COLOR][/FONT]
[SIGPIC][/SIGPIC]
[URL="http://www.nilemotors.net/Nile/members/7943-albums61.html"][SIZE=4][COLOR=#ff6f00][B]New Renault Album[/B][/COLOR][/SIZE][/URL]
[/CENTER]Comment
-
العربية معايا من فبراير 2008 (زيرو مو2008)
العربية عاملة 30000 كم = 5000 كم × 6 زيارات للعبور (يسبقها حجز تليفوني)
كل مرة لحجز ميعاد صيانة سؤال ثابت (حاجة تانية يا فندم بتشتكي منها ؟) و نفس السؤال عند تسليم العربية لعمل الصيانة قبل دخولها و عمل job
Comment
-
فى معلومه انهم دايما بيسألونى وانا جاي احجز صيانه عندى مشاكل تانيه و بقلهم عليها بس كل مره لازم ارجع اقول وانا فى الصيانه على العيوب اللى انا شايفها و كانهم ميعرفوش حاجه عن العيوب اللى ذكرتها فى التليفون فديه حاجه برضه مستغربلها
دا انا بقول للمهندس وائل انى جاى من المنصوره و اتاخرت جدا بيقوللى معملتهاش فى العدوى عندك بيقؤللى بكل برود ليه رديت و قلت لانه معجبنيش فى صيانته قبل كده و انا فضلتكوا عنه بس بصراحه انا مرتحتش عندكوا و قلتلوا ان مركز العبور احسن فى الخدمه رد و قال انت شايف ضغط الشغل ازاى و هنا احسن من العبور بس ضغط الشغل , مشيت و مكملتش معاه بصراحه مش قادر استوعب بدام بيحجزوا بالتليفون طيب ما ياخدوا عربيات فى اليوم الواحد متعملهمش ضغط كده و حيريحوا نفسيهم و حيريحوا اللى حوليهميأما ميكونش فيه حجز بالتليفون اصلا بدام الوضع كده و الله الناس و انا فى الاستراحه اغلبيتها مكنتش راضيه عن اللى بيحصل معاهم
فى نقطه كمان انا لما كنت بروح توكيل العبور كان فيه ورقه متعلقه مكتوب فيها بمعنى الكلام لازم الصيانه عشان تكون داخل الضمان العربيه تتعمل فى العبور او الاسكندريه او المقطم طب ازاى بقا المهندس وائل يقؤللى معملتهاش ليه الصيانه فى مركز العدوى ! مهوا ياما يشيلوا الورقه ديه ياما ميقوليش روح للعدوى
بصراحه حاجه تحير انا كنت بحترم جدا توكيل رينو اوى اوى بس بعد اللى شفته فى فرع المقطم حقولها تانى اسباب عدم تقدمنا ثقافه الفهلوه بتاعه المصريين يعرفوا يردوا عليك باى رد جاهز بدون مثلا ميعترفوا بغلطهم انا طبعا مش قصدى اغلط فى حد و طبعا فيه ناس محترمه كتيره و بتراعى ربنا بس حقول ايه لما يبقى رينو موفر فلوس كويسه للعماله اللى عنده و محافظ عليهم و ده على لسان خالد نصير فى حوار اجراه مع خالد اباظه فى اخبار اليوم وانه مستغنوش عن اى عامل فى فتره الكساد الاقتصادى و بيقول كمان ان العمال و الموظفين لو جالهم عروض توظيف اعلى بمرتبات اعلى برضه مبيسبوش رينو عشان مفهوم العيله اللى متبعه طب ليييييييييه يا عمال يا موظفيين يا محترميييييييييييين مفيش مراعاه لضميركم فى العمل ليه مرجعش الحاجه لاصلها ليه معترفش بالغلط ةو اعتذر للعميل عن اى خطأ حدث و لا لاذم اقدم شكوى و يتبص فيها و بعدين اصلح الخطا عيب عليكم و انتوا بتشتغلوا فى شركه محترمه زى ديه طيب الشركات اللى مفهاش الخدمات الحلوه ديه تعمل ايه طبعا انا مش بتهم الكل بس بتهم المقصر و ارجو اكون اوضحت الصوررهComment
-
إنت تقصد بالاستلام و الواحد إللى طلع لك زى بتاع البنزينة....استلام العربية من الصيانة مش و هى جديدة....يا راجل !!!!....ده هو الطبيعى و عمرى ما دفعت له أى فلوس و عمر المعاملة ما اختلفت خالص...بل فى المقطم العربية بتكون واقفة مفتوحة و الكارت فيها و مش بيكون فى عامل و لا حاجة...الموضوع ده فى المقطم...و العامل ده مهمته يخرج العربية بعد ما تتنظف من بره و جوة للعميل علشان العميل مش يدخل ....لكن مافيش بقشيش و لا حاجة خالص و لا فى داعى لتبادل الكلمات بين العامل ده و العميل....أنا بس بأقول له شكرا كنوع من الذوقالمشاركة الأصلية كتبت بواسطة Mahmoud Saloum مشاهدة المشاركة
مع إنك ما قولتليش إجابة على استفسارات من إللى أنا طرحتها لكن أحب أسألك على حاجة...المشاركة الأصلية كتبت بواسطة Mahmoud Saloum مشاهدة المشاركة
لما بتقف مع مهندس الاستقبال ساعة معاينة العربية....بتعمل إيه بعد كده...؟؟؟
إللى بيحصل بعد كده ...بيجى عامل يحط ال safety و بعدين مهندس الاتقبال أو واحد من الورشة بيدخل العربية للورشة....
حضرتك بتقف جنب العربية كل ده لحد ما العربية تدخل ؟؟....طيب ليه ؟؟؟
و بعدين هل موضوع عدم وضع الأكياس ده...حادث عرضى حصل مرة و لا دى عادتهم معاك ؟؟
و شىء وارد إنهم ممكن يشيلوا الحاجات دى بعد ما يغسلوا العربية من جوه....و لا كمان هاتصدمنى وتقول لى فى العبور عمرهم ما غسلوا العربية من بره و جوه ...؟؟؟
أنا ما عنديش خبر أكيد عن درجة مهندس الاستقبال العلمية....لكن أنا مفترض إنه حتى لو لا مؤاخذة "حمار"...بعد شهر أكيد هيكون بقى أستاذ و دكتور من كتر العربيات و المشاكل إللى فيها و بتورد عليه كل يوم.....المشاركة الأصلية كتبت بواسطة Mahmoud Saloum مشاهدة المشاركة
المفروض لو عندك شكوى تقول لمهندس الاستقبال عليها ...مالهاش علاقة بقى هو سألك و لا لأ...هو ما منعكش من الكلام.....باشا بالمناسبة...عربيتك عاملة كام كيلو...لو إنت بتتكلم على صيانة 5 آلاف مثلا فالطبيعى إنهم تقريبا هيغسلوها بس...طبعا بيبصوا عليها فى الورشة...لكن مش متوقع إن فى مشاكل إلا من بعض الناس إللى بيكونوا مش متعودين على العربية علشان جديدة بس...
إممممم...مش بأقولك شكلك كنت فى صيانة ال 5 آلاف...يعنى و لا فيه حاجة اتغيرت و لا إنت دفعت....و على كل ببساطة يعنى لو كنت سألته....كان هيقولك هانبص على الزيتو نتأكد من كذا و كذا و بس....إلا إذا حضرتك عندك شكوى من حاجة معينة فهنكشف عليها...و شكوتك بتكون فى التقرير إللى بتمضى عليه و صورة منه بتكون مرفقة فى أمر الشغل بتاع العربيةالمشاركة الأصلية كتبت بواسطة Mahmoud Saloum مشاهدة المشاركة
هناك ناس بتعمل فى صمت... وهناك ناس بتعمل إعلانات على واجبهم..و على كل الموضوع بسيط جدا...لو كنت سألته كان هيرص لك list بالحاجات إللى هتتغير أو يتكشف عليها و التكلفة الإجمالية كمان بالتقريب...بصراحة حضرتك مكبر الموضوع و باصص عليه من زاوية مش صح...
أيوة ما هو يعنى الكلام ده الساعة كام....لو واحد جاى الساعة 3 مثلا و عايز لسه يفتح شغل فيها ...خليك واقعى...متوقع الناس تبقى مبسوطة يعنى..لازم هيحاول يوزعه ليوم تانى...الناس عايزة تروح بيتها الساعة 5 و مش عايزين يتأخروا مخصوص علشان العربية إللى جاية متأخرة...صاحب العريبة بقى شايف إنهم مادام فاتحين يبقى العربية تدخل و تتصلح فى يومها..من حقه يصر على موقفه...و فى الآخر فى واحد كبير هو إللى هيعرف يقول الحكم العادل بالنسبة للطرفين...و تأكد إن الناس فى الشركة بيهتموا بالعميل جداالمشاركة الأصلية كتبت بواسطة Mahmoud Saloum مشاهدة المشاركة
على كل إللى أنا أعرفه إنهم مش بيستقبلوا عربيات من بعد 1 أو 2 ....ففعلا لو هما قبلوا العربية بعد كده يبقى هما عملوا حساب للعميل و المشوار و مافيهاش حاجة يعنى لو مهندس الاتقبال كان ممتعض..ما هو بشر برضه
أتمنى إنك فى المستقبل تلاقى معاملة أحسن من الماضى....و مش معقول تصدر حكم على فرع العبور من موضوع واحد ...راجع القسم ( و دى حاجة هتأخذ وقت طويل على فكرة ) و شوف فى کام موضوع شکر فى المعاملة...و لاحظ برضه إننا بنتكلم فى المواضيع دى على عربياتنا الشخصية و مافيش أى مصلحة لينا فى نجاح أو فشل رينو كماركة أو EIM كشركة فى مصر على الإطلاق...و فى النهاية لو احنا بنشكر EIM أو حاسس إننا بنديهم أكتر مما يستحقون فده لإن فعلا التوكيلات التانية سيئة و معاملتهم للعملاء و مستوى الخدمة أقل و بكتير...المشاركة الأصلية كتبت بواسطة Mahmoud Saloum مشاهدة المشاركة
و أنا بحكم المهنة دخلت و اتعاملت مع التوكيلات كلها تقريبا و فى شغل مش كعميل و كنت بأشوف تفاصيل كتير زى استراحة العملاء و أعدادهم و شكل العملاء فى وضع الانتظار و مستوى الخدمة و طريقة تخزين العربيات و شكل الورشة من جوة و قسم الاكسسوار مثلا عامل إزاى و الموظفين و العمال و الفنيين بيتعاملوا معايا إزاى...[CENTER][FONT=Verdana][COLOR=#0000ff][SIZE=5][B]هانى محمد[/B][/SIZE][/COLOR][/FONT]
[SIGPIC][/SIGPIC]
[URL="http://www.nilemotors.net/Nile/members/7943-albums61.html"][SIZE=4][COLOR=#ff6f00][B]New Renault Album[/B][/COLOR][/SIZE][/URL]
[/CENTER]Comment
Comment