رحله البحث عن المتاعب ( رينو المقطم)توبه!

[lion99990]

[QUOTE=chato_eg;959564]Lion999
باشا...أكيد أكيد صيانة ال 60 ألف دى محتاجة طول بال بلا حدود....المفروض إن حضرتك معانا من زمان ....و فاهم إنها صيانة طويلة...مش معقول ما تكونش مستعد لكلمة ( العربية لازم تبات و تأخدها بكرة )...ده شىء و ارد...لو ما كنش عندك استعداد لطول المدة يا إما كنت بقيت على العبور الفاضى كتيير عن المقطم و دى معلومة معروفة....يا إما لو فعلا مش واثق فى "العدوى" .., و مش هاتقدر على إنك تسيب العربية ل EIM ...كنت قلت لعمرو عمارة و رحت عند "محمد الشرقاوى"....
حضرتك إللى أخدت المغامرة من أوسع أبوابها...لا مكان دخلته قبل كده و لا صيانة معتادة...
على كل الحمد لله إنها جت على 7 ساعات و شوية تحابيش متعبة و إن شاء الله المرة الجاية تكون أحسن...
الحياة تجارب و مافيش حد بيتعلم ببلاش/QUOTE

بص يا باشا انت لو بصيت من كلامى فى بدايه الموضوع حتلاقى انى كنت بعمل مقارنه عشان اشوف مين احسن مركز صيانه و الكلام اللى قرأته اكيدللى ان المقطم فى العماله المدربه افضل بكثير من اى مكان تانى و ده طبعا على طول المده اللى انا معاكوا فيها حددت ان لازم فى صيانه 60 الف اروح للمقطم فأنا من كلامك انا معملتش مغامره ولا حاجه لانى اخدت برأيكوا و استشارت طبعا قالوا هوا ازحم من العبور شويه بس مش بالدرجه اللى انا شوفتها كمات الملاحظه اللى انا لحظتها هناك مفيش اهتمام بالعميل زى العبور وده رأيى انا يمكن كنت مرتاح فى العبور و المعامله حلوه بس فعلا حسيت بقله الخبره و ده كلام اللى فى المنتدى عشان كده قررت اروح المقطم عن طريقوا و يمكن ده تشوفوا فى المواضيع اللى قبل ماروح المقطم
ثانيا انا بتأسف لعمرو عماره انى مشفتش الرساله بتاعته لانى و انا فى مركز الصيانه كنت سيبت النت و فضلت اكلمهم زى ماحكيت مع المهندسين عن العربيه و الله لو كنت شفت الرساله بتاعه عمرو كان زمانى اتفقت معاه و رحت عند الميكانيكى بتاعه عشان عمرو اكتر خبره منى و كمان هوا مكنش حيضرنى فلو كنت شفت الرساله كنت قابلته و كانت حتبقى حلوه ان اقابل وحش كبير من الريناويه بس الله اعلم بيا يوميها دأنا كان معايا واحد من اعضاء نايل موتورز عمل نفس اللى انا عامله اخذ برأى الوحوش و جه المقطم يعمل الصيانه بعد مكان بيعمل فى العبور على طول صيانته و برضه يوميها كره هذا المكان
فمعنى كلامى انى ماغمرتش ان اخذت رأى الاعضاء و اخترت الافضل بس يا خساره مطلعش الافضل و لا حاجه

العضو الفاضل الرجاء مراعاة الدقة عند كتابة لفظ الجلالة
______________________________
مشرف القسم

[عمرو عمارة]

مفيش أسف ولا حاجة يا أحمد وقدر الله ما شاء فعل

أنا كان يشرفني طبعاً أقابلك وتوقعت إنك مشفتش رسالتي

عامة شوف هتنزل القاهرة إمتى إن شاء الله ونروح سوا نعمل الحاجات المعلقة........طبعاً الـValve بتاع الفتيس لازم يتعمل في التوكيل

[HassanEissa]

الاستاذ lion99990 من اخ ليك انا بعتذر عن الى حصل ليك فى التوكيل
و انت عندك حق فى كل الى بتقولوه
و كمان الاستاذ Mahmoud Saloum عنده حق الى حصل معاهم لو كان ذى ما اتقال بدون تهويل يبقى عندكو حق
و برضه يا هانى ( chato_eg) موضوع ان المصرين متعودين على كده ده مش كويس
لاننا مش لازم نسكت و نقول احنا اتعودنا على كده
بس للحق انا عوز اقول رأى فى التوكيل
من اول لما اشتريت العربيه و انا بسمع من المنتدى عن اخلاق التوكيل و جماله
و اول زياره ليه فى التوكيل توقعت انهم هيشلونى من على الارض و اعدونى على كرسى من ريش النعام
و القى الناس بتخدمنى و انا بتامر دغير الفاكهه و الزى منه
و لكنى اتصدمت بمعمله مكنتش ذى ما انا عاوز مهندس الاستقبال ( م/ محمد ) عاملنى بشكل فيه شويه تجاهل
و انا كنت مستى ذى ما قولتكم
المهم خلصت العربيه و عملولى اللى انا طلبته و مشيت
الصيانه الى بعديها كنت خدت على الوضع و معشتش فى الاحلام ....... اقسم بالله انى ملقتش حد فى احترمهم
ده غير ان المهندس الى انا كنت مضايق منه بأه صحبى و اخدت رقم موبيله و اعدنا نتكلم فى حجات ملهاش دعوه بالعربيات

و اللى حصل معايه فى التوكيل كالأتى :
* التوكيل بيتصل بيه كل مره يتأكد انى تمام و مفيش معايا مشاكل
* مهندس الاستقبال فى احد الصيانات قالى ان مقابض الباب مقشره و لو عاوز اغيرها هيه فى الضمان
و فعلا اتصلو بيه بعديها بمده و قالولى انهم جابوهالى من فرنسا بال DHL علشان مكنتش موجوده عندهم
* اتصلت بيه شركه مش فاكر اسمها و اعدو يعملو معايه حوار عن اى مشكله بقابلها فى التوكيل
* سرعة الناس الى فى العبور فى الصيانه كانت معايه كويسه جدا
* الاسعار مش غاليه اوى و كمان مش فى الارض
* من كام يوم غسلت عربتى فى البنزينه و للصدفه ايمن كان جاي يقابلنى
المهم الناس و هما بينضفو الشاشه الى فى الامام بتاعت الكاسيت وقعوها خلف الفريم
فرحت مصوات ...... الحقنى يا ايمن ....... ايمن بمهاره شديده فك الفريم و ركب الشاشه لكن الشاشه ارقمها قطعت
يعنى من الاخر اتحرقت
قولت اروح اكشف عليها فى التوكيل يمكن يعرفو يصلحوها و قوللى ايه الى بايظ .... الشاشه ولا الضفيره
رحت التوكيل متأخرا كعادتى معادى كان 8:30 و انا رحت 1:30
دخلت و قبلت موظف استقبال محترم جدا
و عشر دقائق و العربيه دخلت
اه ..... انا ديما لما بخلص الصيانه مبلاقيش اكياس محطوطه على الكراسى ولا دوسات كرتون
و العربيه بتغسل بس فى الصيانات الكبيره ( 10000 , 20000 , ..... الخ )
المهم رحت لأصلى الظهر ..... قالولى ان المسجد جوه الورشه فوق
طلعت و لقيت عربيتى و لقيت العربيه محطوتلها دوسات و اكياس بالاستك على الكرسى
( و دى تحسب فى حقوهم ) ليه ؟؟؟
لانى ايام الانوس لما كنت اروح التوكيل كانو يسبولى الاكياس و الدوسات و انا ابقى محتاس مش عارف ارميها فين
المهم جالى مهنس الاستقبال و اعتذر عن التأخير ( التأخير ده حوالى 40 دقيقه )
و قالى لو سمحت امضيلى هنا
انا : ايه ده
المهندس: هنغيرلك الشاشه فى الضمان
انا : بجد هوه مش عيب استعمال ؟ ( ساذج )
المهندس : فيما معناه ان المفروض ان الشاشه تستحمل علشان كده ده مش عيب استعمال
انا : طب هيه بكام ؟
المهندس : 850 جنيه
انا : الحمد لله


بصراحه انا مبسوط مع التوكيل و لكن مش فاهم المشاكل الى حصلت مع اخوانى دى حصلت ليه ؟
انا عذرهم و بقول لكل الناس ( هانى و احمد عبد القصود و ايمن و العقيد خالد و كل الرينوهويه )
الناس دول عندهم حق يقولو ان التوكيل سىء من الى حصلهم ...... بس يا جماعه الشهاده لله
انا و غيرى اتعملنا مع التوكيل و كان فوق الوصف و اتهيقلى الى حصل ده حاله عارضه
و على فكره فى اروبا و الدول المتقدمه بيحصل بلاوى و مش عاوز اطول اكتر من كده و احكلكم على مواقف حصلتلى
فى الدنمارك اسواْ من الى بتحكو عنه
المهم باعتذر تانى مره لاخوانى عن الى حصل .... و اتمنى انكم تدلهم فرصه تانيه
الرغاى :حسن عيسى

[أبو عبدالله]

يا الله
ده كله

قدر الله وماشاء فعل

المشلكة كلها تتلخص في الأتي من وجهة نظري :
1- ان الكلام اللي بيتقال عن التوكيل هنا بيعطي انطباع لأي احد لم يتعمال مع التوكيل انه هيروح وممكن يشيلوه من على الأرض وممكن ميدفعشي فلوس كمان ويتعمله كل اللي هو عاوزه
كحال الكلام على العربيات نفسها ايضا

وده مشكلة ان الناس لازم تراعي انه لما يتكلم عن شئ معين في العربيه او التوكيل
ان الناس دي بشر ولازم بتغلط ولازم يكون فيه ايام ضغط او الأخطاء كتير
والناس اللي هتقرأ كلامه ممكن تاخد فكره ان الدنيا منوره وكل حاجه فل

الأخ الفاض صاحب الموضوع
ده حال كل التوكيلات في مصر
واللي بيفرق من الأخر في الموضوع ده
اللي السوق ماشي عليه وفيه ناس مش مقتنعه لحد الأن به
اللي هو انه يشتري عربيه متحتجشي اصلا التوكيل لأنه مش فاضي او مفيهوش دماغ يعنل الك الحروب دي

علشان كده سمعة رينو مش اد كده في الجمهورية كلها والعالم ايضا
انا مبقولش وحشه علشان محدش يرد ويبعد عن حورانا
انا بقول ان الصيانة في التوكيلات لها مشاكل
وافضل وضع ان عربيتي تحتاج التوكيل في الأشياء المهمة فقط
اما غير ذلك فصعب بصراحه ان الواحد يفضل طول ما راكب العربيه يخطط للمرواح للتوكيل والتعامل معاه
الناس معدتشي فيها دماغ
ده غير ان رينو بصراحه لها حاجات كده غريبه
يعني ايه لما اغير حاجه افك حاجه تانيه ومينفعشي تتركب ولازم اغيرها كمان وبدل ما ادفع 600 ادفع 1200 وده كله في 60 الف كم بس

عالعموم ربنا يعينك والحمد لله على كل شئ
وده شئ طبيعي في التعامل مع البشر
يعني شئ مش مقصود لن ده موجود في كل حته هتروحها في مصر
سواء توكيل جيد او ممتاز او سئ
العنصر البشري واحد

[momo10000]

علشان كده سمعة رينو مش اد كده في الجمهورية كلها والعالم ايضا

كلامك موزون يا ابوعبدالله ... بس الجملة دي جلت منك !!!!

سمعة وكيل رينو في مصر هي سبب نجاح رينو في مصر !!!!!!!!!!

[ضيف]

بصراحة قبل ما أشتري العربية دي قتلتها بحثاً من جميع النواحي :
ممكن وقتي يسمح بالتفرغ لها في التوكيل أو خارجه لأي سبب من الأسباب البسيطة / الجسيمة ؟
إمكانياتي المادية تسمح بالصرف عليها مصاريف ( أياً كانت ) تبقيها بقدر المستطاع أقرب لحالة الفابريقة ؟
بالفعل زرت مركز خدمة العبور و إستفسرت عن كل شيء حتى عن إصلاح ما بعد الحوادث و ألقيت نظرة على كل ما كان ممكن أتخوّف منه , هناك ما وجدته مناسبأً و ما لم يكن مناسب (نفس الشيء لماركات أخرى غير رينو).
بعد تقييم ما سبق إعتمدت على المولى سبحانة و تعالى و إشتريت
ما لم أقيّم ما سبق , فلا ألومن إلاّ نفسي و لا ألوم على السيارة أو الوكيل , القرار قراري .

[Ahmed Selim]

ده غير ان رينو بصراحه لها حاجات كده غريبه
يعني ايه لما اغير حاجه افك حاجه تانيه ومينفعشي تتركب ولازم اغيرها كمان وبدل ما ادفع 600 ادفع 1200 وده كله في 60 الف كم بس

دى حاجة عادية يا أبو عبد الله......زى بعض أنواع العربيات اللى بيتغير فيها علب دركسيون و هى لسه فى الضمان......

و بعدين اللى مفيهوش دماغ يعمل صيانة لعربيته الزيرو يبقى بلاش يركب زيرو عشان فى ظرف 3 أو 4 سنين هيزعل منها قوى.....
و طالما كده كده هعمل صيانة سواء عند ميكانيكى أو غيره....يبقى أعملها فى التوكيل

على فكرة الحتة دى كمان جلت منك ( جل من لا يسهو )

المشلكة كلها تتلخص في الأتي من وجهة نظري :
1- ان الكلام اللي بيتقال عن التوكيل هنا بيعطي انطباع لأي احد لم يتعمال مع التوكيل انه هيروح وممكن يشيلوه من على الأرض وممكن ميدفعشي فلوس كمان ويتعمله كل اللي هو عاوزه
كحال الكلام على العربيات نفسها ايضا

عاوز تعرف ليه ؟؟؟؟

أقرا معايا كده

* مهندس الاستقبال فى احد الصيانات قالى ان مقابض الباب مقشره و لو عاوز اغيرها هيه فى الضمان
و فعلا اتصلو بيه بعديها بمده و قالولى انهم جابوهالى من فرنسا بال dhl علشان مكنتش موجوده عندهم
* اتصلت بيه شركه مش فاكر اسمها و اعدو يعملو معايه حوار عن اى مشكله بقابلها فى التوكيل
* سرعة الناس الى فى العبور فى الصيانه كانت معايه كويسه جدا
* الاسعار مش غاليه اوى و كمان مش فى الارض
* من كام يوم غسلت عربتى فى البنزينه و للصدفه ايمن كان جاي يقابلنى
المهم الناس و هما بينضفو الشاشه الى فى الامام بتاعت الكاسيت وقعوها خلف الفريم
فرحت مصوات ...... الحقنى يا ايمن ....... ايمن بمهاره شديده فك الفريم و ركب الشاشه لكن الشاشه ارقمها قطعت
يعنى من الاخر اتحرقت
قولت اروح اكشف عليها فى التوكيل يمكن يعرفو يصلحوها و قوللى ايه الى بايظ .... الشاشه ولا الضفيره
رحت التوكيل متأخرا كعادتى معادى كان 8:30 و انا رحت 1:30
دخلت و قبلت موظف استقبال محترم جدا
و عشر دقائق و العربيه دخلت

المهم جالى مهنس الاستقبال و اعتذر عن التأخير ( التأخير ده حوالى 40 دقيقه )
و قالى لو سمحت امضيلى هنا
انا : ايه ده
المهندس: هنغيرلك الشاشه فى الضمان
انا : بجد هوه مش عيب استعمال ؟ ( ساذج )
المهندس : فيما معناه ان المفروض ان الشاشه تستحمل علشان كده ده مش عيب استعمال
انا : طب هيه بكام ؟
المهندس : 850 جنيه
انا : الحمد لله :b4_388:

بص كده على دى كمان

تسلم يا محمد باشا


وحوش و الله و علشان كده تستاهلوا توكيل زى eim

رحت النهاردة المقطم
دخلت...
لو سمحت عايز حد يبص على الخبطة فى الناحية اليمين
الراجل بص و مسك المراية
قلتله...هى عليها تأمين...بس لو فى إمكانية لحل سريع على ما أعمل كله بعدين...
الراجل قام منادى على أحد الأسطوات
فك المراية و جلا جلا....رجعت تلف تانى و تفتح بالكامل
يا جدعان كده مافيهاش مشاكل فى المستقبل
قال لى لو اتخبطت تانى ممكن كلها تنتهى...لكن كده اتفح ...اقفل...براحتك
طيب مرنى....اتفضل استريح فى المكتب...
ثوانى و دخل بيقول لى...المقابض بتاعت مسند الباب إللى بيبقى فيها زر رفع الزجاج....مقشرة....قولتله الحقيقة آه...
قاللى إنت شاريها متى...قولتله من سنة و نصف...قاللى طيب هانغيرها فى الضمان...فى حاجة تانية ؟؟
قولتله لو ممكن طبة الباب اليمين إللى تم تغييره...علشان أنا أحذتها و ما أخذتش بالى إن الطبة مش موجودة
قاللى حاضر...نجيب طبة....حاجة تانى ؟؟...
قولتله..ال cover ال fiber بتاع المسحة الخلفية اتسرق و المساحة كلها كانت هاتتفك و تقع...
قاللى أستأذنك تسأل عليه فى قطع الغيار ... لو موجود نركبه لك
قلتله ربنا يسهل و ألاقيه...كنت سألت قبل كده و ما لاقيتهوش
المهم رحت جبته ب 77 جنيه شامل الضريبة و إديته لهم..
و قلت له على حزام الأمان جهة السائق....إنه مش بيرجع تانى بعد ما أفكه....لازم أدخله بإيدى

بعد ساعة ...رحت أستلمت العربية...
و تم تغيير الذراعين فى البابين الأماميين..بآخرين جداد تماما و شوفتهم فى الكيس ...( ثمنهم 850 جنيه )
طبة إتركبت.... ( مش موجودة كقطعة غيار )
القطعة التى تغطى على المساحة الخلفية ( 77 جنيه )
حزام أمان جديد تم تركيبه...
ما دفعتش و لا مليم فوق ال 77 جنيه بتوع البلاستيكة...
و بقيت فى غاية الامتنان للمهندس و العاملين معاه على اهتمامهم و معاملتهم و بقيت مش عارف يعنى المفروض أدفع إكرامية و لا إيه...أى نعم الناس ذوق دايما...بس المرة دة مغير حاجات ثمنها 2350 جنيه + الطبة + لم أدفع أى مصنعيات على الإطلاق..و كمان حل لى مشكلة كانت عند الكاشير ( لم تصل له أذونات الخروج أو الفواتير )....
احنا علشان كويسين...ربنا رزقنا بتوكيل كويس و عربية كويسة و جمعنا على بعض...ربنا يديمها نعم علينا

" و من يتق الله يجعل له مخرجا و يرزقه من حيث لا يحتسب "

و الكلام الحمد لله فى المرتين مش أنا اللى كاتبه....ده غير مواقفهم معايا و مع شاركى اللى مش راضى أستدل بيها عشان محدش يقول أن أنا و هو منحازين زيادة عن اللزوم

ممكن ميدفعشي فلوس كمان ويتعمله كل اللي هو عاوزه
كحال الكلام على العربيات نفسها ايضا

أهل مكة أدرى بشعابها يا أبا عبد الله.....

[chato_eg]

يعنى أنا بعد كده لما يحصل لى حاجة كويسة فى التوكيل...مش أجيب سيرتها هنا خالص.....
علشان الناس لما تقرأ المواضيع إللى بتحكى عن مواقف كويسة فى التوكيل بتتوهم إن التوكيل ده قطعة من الجنة....
بما أنى مش هأقدر ألوم الناس على تفسيرهم و ترجمتهم لموضوع فيه نوع من الاستحسان على تصرف التوكيل و أنا كمان ما أسردتش بأمانة المدة إللى انتظرتها و لا إنى فى مرة رحت لاقيت المية مقطوعة فى العبور و لا قلت إن المنطقة الصناعية دى منطقة صحراء جرداء و لا طعام و لا شراب و ظل من الشمس حتى....

مما أدى إلى انطباعات خاطئة......مع إنى والله بأشير لكل الجوانب المظلمة و المضيئة ...لكن جايز إللى يضايقنى ما ضايقش غيرى و العكس و ده إللى بيخلى الرواية بتأكد على جوانب و قد تغفل جوانب أخرى....

بس من ناحية تانية أنا برضه بشر...و الناس هنا لازم تفهم إن لما واحد بيحكى عن تجربة...فدى وجهة نظر الشخص الراوى و تجربته هو....و لو التوكيل عمل حركة جدعنة مثلا معايا...مش معنى كده إنها أصبحت قاعدة و لو ما اتطبقتش يبقى فى حاجة غلط....

طيب مثلا أنا عمرى ما حد كلمنى من التوكيل بعد أى شغلانة عملتها هناك و لا حتى الشغلانة إللى اتكلفت 14650 جنيه....و مع ذلك ما زعلتش و لا قعدت متضايق علشان فى فرق فى التعامل....

أكيد فيه ثوابت و فى حاجات بتخنلف من مهندس لمهندس و من يوم ليوم و من حالة اقتصادية لأخرى برضه و اليوم إللى الواحد بيشتغله و هو مزاجه مش حلو ...أكيد انتاجه مش بيكون زى اليوم إللى مزاجه كويس...و فى الآخر ما هو المرتب زى ما هو...و لا فينا حد بيرجع للمكان إللى شغال فيه ثمن اليوم إللى ماكانش فى الفورمة ...

[gdwl]أنا شايف بصراحة إن فى بعض التحامل على التوكيل و لكنى لا أنكر وجود تقصير من جانب EIM ....لكن أننا نعزو صدمة العملاء بسوء المعاملة نظرا لوجود خلفية مسبقى فى الأذهان كل مصدرها هو مواضيع الشكر و الاستحسان فى المنتدى... [/gdwl]


على كل ...أنا رايح يوم الاثنين الجاى 20/7 .....و عندى مشاكل..... وعد لو الأمور مشيت كويس مش هأجيب سيرة.. و لو اتعاملت معاملة سيئة بس هأبقى " أشرد " ل EIM

[عمرو عمارة]

الطابع المصري كالعادة الغالب في هذه المواقف " معاك معاك...عليك عليك "

الدنيا ماشية زي الفل في التوكيل " حبيبي وإبن حبيبي " وممكن كمان ميعبركش حتى بكلمة حلوة

حصلت مشكلة وغلط " نهارك مش فايت " وسييييييييييييييييييييل من الإنتقادات

معليش كلمة بس لازم أقولها.....غبور إيه ده الي إنتوا بتقارنوا برينو ؟؟؟!!!!!

لما توكيل معظم الملاك بيشكروا فيه ويحصل كام موقف سخيف نادراً ما يحدث.....ده ميعبش التوكيل بتاتاً

إنما لما ألاقي توكيل معظم الملاك بيشتكوا منه وكل مواقفهُ سخيفة ونادراً ما يظهر منه شىء مُرضي والملاك مازاله بيحاولوا يقنعوا نفسهم إنه توكيل محترم!!؟؟؟.....ده الي يعيب توكيل فعلاً

وأخيراً.....حسبنا الله ونعم الوكيل في هذه البلد

[chato_eg]

الله ينور عليك يا عمرو....هو ده الكلام....
مافيش حاجة فجة و تعمد فى السوء و إصرار على الغلط...و لو حصل شوية مشاكل يبقى موقف عابر مش أمر متأصل و دائم و دائما فى حلول...
إنت إديتنى أمل إنى ممكن أرجع تانى أكتب براحتى لو شفت حاجة كويسة...أو وحشة

[lion99990]

دلوقتى فيه حاجه انا عايز اقولها انا طول عمرى بشكر فى رينو و طول عمرى بنصح اى حد ان يجيب رينو و اقنعت كذا و احد صاحبى و شريكى و كذا واحد من بعيد انه يجيب رينو اخو مراتى نفسه جاب رينو كل ده زى مقال العقيد خالد قبل كده انه قتل العربيه بحث و فصصها انا كمان عملت كده وانا بشترى ملقتش عربيه فى سعرها ده و فيها الامكانيات المريحه بالنسبه ديه و بالسعر الجميل ده بصراحه احساسى دايما انى راكب عربيه اكبر من قيمتها السوقيه و لما روحت مراكز الخدمه شكرت جدا فى رينو العبور من حيث مستوى الخدمه و كمان لما حصلت معايا كذا مشكله زى مشكله الازاز لما كنت باجى افتحه كان بيقوم طالع من مكانه فالكلبسه اللى فى الازاز كانت اتكسرت روحت العبور غيروها و محلوش المشكله و برضه يطلع من مكانه قاللولى فلاام الجلد اللى حواليين الازاز فيه نقر مقطوع يعنى فهوا ده اللى مبوظه و قالى المهندس سامر و قتها حشوفه فى المخزن راح شاف ملقاش وانا كنت مطوعه انه يعملها شفته طيبه اكتر من كده لغايه مواحد فى المنصوره ابن حلال ودانى لبتاع ابواب فك الباب لقه ناقص مسمار مش راكب و هوا ده اللى بيخللى الازاز طالع من مكانه جبللى مسمار و ركبه اتحلت المشكله اشرت للمشكله ديه فى موضوع قبل كده بس مكنتش زعلان منهم بسبب المعامله الجيده و كمان موضوع الاوتوماتيك نزلوللى سوفت وير و طلع لما روحت المقطم انه لازم يتغير 2 بلف فى الفتيس و مع ذللك موقف برضه جامد جدا فى صالح رينو العبور يمكن محكتش عنه بس اللى حكاللى عنه شريكى لما اقنعته يجيب رينو بس نصحته يعملها تشييك فى الصيانه و نصحته و قتها فى العبور و فعلا راح على العبور بالعربيه الميجان و طلب منهم يعمل تشييك على العربيه و يفحصوها قاللوله ده حيتكلف 500 جنيه انا قلتله ادفعهم عشان تكون مطمن على العربيه و هما جايين ياخدوه العربيه و بصوا على رقم الشاسيه كانت المفجاه الساره راحوا قاللوله العربيه ديه عمل فحص قبل كده من اسبوعين و لو حبيت احنا نعمللك كوبى من الفحص من غير مايدفع ولا مليم و فعلا لغايه دلوقتى الرجل مبسوط جدا و بيحترم جدا مركز العبور على اللى عملوه معاه هوا طبعا فى الاخر مشتراش العربيه ديه لانها طلعت اى كلام بس مش ديه القضيه او المشكله
انا عايز اوضح من اللى انا قولته ده انى بحترم رينو كتير بس لما انا شفت غلط فى مركز المقطم و شفت فرق المعامله و الزحام بينه و بين العبور اتضايقت اوى و حبيت اكتب هنا للوحوش على الموقف اللى حصل معايه بالتفصيل والبنط اللى فى صالح مركز المقطم هوا العماله المدربه ياريت العماله اللى فى المقطم تروح العبور كانت العمليه فى العبور بقت عسل اوى
و ارجو ان مفيش حد يزعل منى او من الكلام اللى انا كتبته بس ده عتاب و ياريت فى المره الجايه الاقى معامله احسن من اللى انا شفته المره اللى فاتت

[أبو عبدالله]

كلامك موزون يا ابوعبدالله ... بس الجملة دي جلت منك !!!!

سمعة وكيل رينو في مصر هي سبب نجاح رينو في مصر !!!!!!!!!!

ده من ذوقك بس والله يا ايمن
ولكن انا مش قصدي ان التوكيل وحش او سئ
انا قصدي ان التوكيل فعلا عمل للعربيه سمعه
ولكن الشركة نفسها الأم هيا اللي لها بعض الحاجات كده بتخليها مش قادره تطلع من فلم الأسعار وسمعة قطع الغيار وتغييرها

دى حاجة عادية يا أبو عبد الله......زى بعض أنواع العربيات اللى بيتغير فيها علب دركسيون و هى لسه فى الضمان......

أظن والله اعلم ان حضرتك اللي جلت منك دي مش انا
ايه علاقة اللي انا قولته بعربيه فيها مشكلة في علبة الدركسيون وبتتغير في الضمان
هو انا قلت ان البطارية باظت في اول 5 الاف كم لعربية اوروبي مش صيني
هو انا قلت ان شوية كلبسات صغيرة وهايفه توقفلي زجاج او تخلي الواحد يتعكنن من عربيه اوروبي دافع فيها فوق 100 الف جنيه ولا يد باب بيقشر ولا كويلات ولا ولا ...
عالعموم احب ان اقولك لك ان الحاجت دي انا مشوفتهاش في عربيه كوري فضلا اني اقولك ياباني او الماني
عالعموم اهه طلعت حاجه واحده في العربيه كلها علبة دركسيون احسن من ان تكون لسته طويلة
حضرتك تستشهد بحاجه زي كده لو كانت علبة الدركسيون لما تيجي تتغير بغير حاجه تانيه بنفس تمنها على حسابي علشان اعرف افك علبة الدركسيون
مش كده ولا ايه
مع ان الكلام مش عاجبني وهيدخلني في حوارات مالهاش لازمة
خصوصا ان المثال ليس له علاقة بما قلته ولا ارى له الا هدف واحد وهو ....
اكيد انت عارف

عاوز تعرف ليه ؟؟؟؟

و الكلام الحمد لله فى المرتين مش أنا اللى كاتبه....ده غير مواقفهم معايا و مع شاركى اللى مش راضى أستدل بيها عشان محدش يقول أن أنا و هو منحازين زيادة عن اللزوم

ان بقه هقولك ليه
لأن دول من نايل موتورز وكلامهم له وقع هنا
وده شئ مش لرينو بس
ولكن لكل التوكيلات اللي بتابع المنتدى
والأمثلة كتير
ان اللي بيبقى جديد هنا ويقرا الكلام ويروح هناك مش بيلاقي الكلام اللي بيتقال هنا بالحرف
وممكن يدفع فلوس في حاجات ناس هنا عملتها ببلاش علشان معروفين للتوكيل

احنا اكبر من ان احنا نصدق الكلام ده بالطرقة دي
احنا بنحاول نفيد الناس بأي طريقة ولكن التوكيلات واي توكيل بينظر لمصلحته اولا طبعا

لو اخونا اللي بيشتكي ده كان واحد من المعروفين لدى التوكيل كان الموضوع هيبقى احلى من كده وكان زمانه فرحان جدا مش زعلان بالمنظر ده

وده برضه حاجه في كل التوكيلات مش رينو فقط

فبلاش نصدق كل حاجه بتتقال وناخدها على محمل ان التوكيل خايف على كل الناس
لا
التوكيل بيخاف على مصلحته اولا وده حق شرعي له وانا لا الومه ولكن اللوم ان الناس ممكن تتخيل عكس ذلك او الناس اللي شغاله هناك رايقين ومش عايشين داخل بلدنا مصر

أهل مكة أدرى بشعابها يا أبا عبد الله.....

كلام مظبوط فعلا بس علي ايه انا مش فاهم مقصدك
خصوصا انك تكلمت على علبة دركسيون بتتغير في الضمان
ولو حضرتك كنت من مكه كنت هتعرف ان العلبة مكنتش بايظه ولكن كان ناقصها تغيير الفيبر اللي بيكتم الصوت بحاجه اجمد منه علشان بلدنا وشوارعها الجميله
يعني العلبة مكنش بايظه او بتجيب زيت او بتحدف او اي شئ من هذا القبيل
ومتهيألي الموضوع ده طلع في غالب العربيات اللي الباور بتاعها كهرباء اذا مكنش كلها كمان

[عمرو عمارة]

انا بقه هقولك ليه
لأن دول من نايل موتورز وكلامهم له وقع هنا
وده شئ مش لرينو بس
ولكن لكل التوكيلات اللي بتابع المنتدى
والأمثلة كتير
ان اللي بيبقى جديد هنا ويقرا الكلام ويروح هناك مش بيلاقي الكلام اللي بيتقال هنا بالحرف
وممكن يدفع فلوس في حاجات ناس هنا عملتها ببلاش علشان معروفين للتوكيل

احنا اكبر من ان احنا نصدق الكلام ده بالطرقة دي
احنا بنحاول نفيد الناس بأي طريقة ولكن التوكيلات واي توكيل بينظر لمصلحته اولا طبعا

لو اخونا اللي بيشتكي ده كان واحد من المعروفين لدى التوكيل كان الموضوع هيبقى احلى من كده وكان زمانه فرحان جدا مش زعلان بالمنظر ده

وده برضه حاجه في كل التوكيلات مش رينو فقط

فبلاش نصدق كل حاجه بتتقال وناخدها على محمل ان التوكيل خايف على كل الناس
لا
التوكيل بيخاف على مصلحته اولا وده حق شرعي له وانا لا الومه ولكن الوم ان الناس ممكن تتخيل عكس ذلك او الناس اللي شغاله هناك رايقين ومش عايشين داخل بلدنا مصر

الجزء ده أنا متفق معاك فيه بنسبة 100%

[human]

انا شفت الوحش اللى كاتب الشكوى هناك فى التوكيل و فعلا مستفزين لاقصى درجه
حبيبى احمد عبد المقصود قاللى اروح المقطم و كانت غلطع عمرى
حسيت ان اللى هناك شويه حراميه و بجد ناس فى منتهى قلت الادب و الذوق
ان شاء الله الاقى وقت و اكتب تجربتى المريره مع العصابه ديه
ربنا يسامحهم

[human]

انا لسه قافل معاهم
بدور على حد اشتمه و اطيح فيه
قالولى اتكلم الساعه 2