رحله البحث عن المتاعب ( رينو المقطم)توبه!

[Ahmed Selim]

ده من ذوقك بس والله يا ايمن
ولكن انا مش قصدي ان التوكيل وحش او سئ
انا قصدي ان التوكيل فعلا عمل للعربيه سمعه
ولكن الشركة نفسها الأم هيا اللي لها بعض الحاجات كده بتخليها مش قادره تطلع من فلم الأسعار وسمعة قطع الغيار وتغييرها


أظن والله اعلم ان حضرتك اللي جلت منك دي مش انا
ايه علاقة اللي انا قولته بعربيه فيها مشكلة في علبة الدركسيون وبتتغير في الضمان
هو انا قلت ان البطارية باظت في اول 5 الاف كم لعربية اوروبي مش صيني
هو انا قلت ان شوية كلبسات صغيرة وهايفه توقفلي زجاج او تخلي الواحد يتعكنن من عربيه اوروبي دافع فيها فوق 100 الف جنيه ولا يد باب بيقشر ولا كويلات ولا ولا ...
عالعموم احب ان اقولك لك ان الحاجت دي انا مشوفتهاش في عربيه كوري فضلا اني اقولك ياباني او الماني
عالعموم اهه طلعت حاجه واحده في العربيه كلها علبة دركسيون احسن من ان تكون لسته طويلة
حضرتك تستشهد بحاجه زي كده لو كانت علبة الدركسيون لما تيجي تتغير بغير حاجه تانيه بنفس تمنها على حسابي علشان اعرف افك علبة الدركسيون
مش كده ولا ايه
مع ان الكلام مش عاجبني وهيدخلني في حوارات مالهاش لازمة
خصوصا ان المثال ليس له علاقة بما قلته ولا ارى له الا هدف واحد وهو ....
اكيد انت عارف



ان بقه هقولك ليه
لأن دول من نايل موتورز وكلامهم له وقع هنا
وده شئ مش لرينو بس
ولكن لكل التوكيلات اللي بتابع المنتدى
والأمثلة كتير
ان اللي بيبقى جديد هنا ويقرا الكلام ويروح هناك مش بيلاقي الكلام اللي بيتقال هنا بالحرف
وممكن يدفع فلوس في حاجات ناس هنا عملتها ببلاش علشان معروفين للتوكيل

احنا اكبر من ان احنا نصدق الكلام ده بالطرقة دي
احنا بنحاول نفيد الناس بأي طريقة ولكن التوكيلات واي توكيل بينظر لمصلحته اولا طبعا

لو اخونا اللي بيشتكي ده كان واحد من المعروفين لدى التوكيل كان الموضوع هيبقى احلى من كده وكان زمانه فرحان جدا مش زعلان بالمنظر ده

وده برضه حاجه في كل التوكيلات مش رينو فقط

فبلاش نصدق كل حاجه بتتقال وناخدها على محمل ان التوكيل خايف على كل الناس
لا
التوكيل بيخاف على مصلحته اولا وده حق شرعي له وانا لا الومه ولكن اللوم ان الناس ممكن تتخيل عكس ذلك او الناس اللي شغاله هناك رايقين ومش عايشين داخل بلدنا مصر



كلام مظبوط فعلا بس علي ايه انا مش فاهم مقصدك
خصوصا انك تكلمت على علبة دركسيون بتتغير في الضمان
ولو حضرتك كنت من مكه كنت هتعرف ان العلبة مكنتش بايظه ولكن كان ناقصها تغيير الفيبر اللي بيكتم الصوت بحاجه اجمد منه علشان بلدنا وشوارعها الجميله
يعني العلبة مكنش بايظه او بتجيب زيت او بتحدف او اي شئ من هذا القبيل
ومتهيألي الموضوع ده طلع في غالب العربيات اللي الباور بتاعها كهرباء اذا مكنش كلها كمان

بص يا أستاذ أبو عبد الله

عشان بس الكلام ميجيبش بعضه كتير و نبعد عن الموضوع اللى عامله الراجل.....

عربية أوروبى و دافعين فيها أكتر من 100 ألف جم أو أكتر من دشليار جم و عاجبانا العربية جداً......و بسم الله ما شاء الله أحنا 43 واحد من مالكى الميجان فى المنتدى و كلنا تقريباً معجبين بأعطالها و مشاكلها و مستريحين و متأقلمين معاها........اللى بيسأل على العربية مشاكلها أيه بنقوله على الموضوع اللى عاملينه و بنعدد فيه مشاكل العربية.....مش بنضحك عليه و نقوله أن العربية بدون مشاكل.

علاقة اللي انت قولته بعربيه فيها مشكلة في علبة الدركسيون وبتتغير في الضمان أن الحاجات الشائعة فى الميجان كانت بتتغير فى الضمان و معظمها كانت فى موديلات 2005 و 2006
وهى للعلم فقط مش لتصحيح معلومات حضرتك لا سمح الله
1- البطارية
2- الكويلات
3- الديفازر
4- الجنوط اللى بتتنى بسبب

بلدنا وشوارعها الجميله

و لو أخدت بالك من دى

يعني العلبة مكنش بايظه

يبقى أنا كمان ممكن أقول أن الجنوط مش بايظة ولا حاجة.

و مسمعناش أن فى مشاكل فى كلبسات مكن الأزاز فى عربيات رينو أو فى الميجان....يعنى مشكلة عربية واحدة.............يبقى مينفعش نعمم

عالعموم احب ان اقولك لك ان الحاجت دي انا مشوفتهاش في عربيه كوري فضلا اني اقولك ياباني او الماني

و مشكلة دراع الباب اللى بيقشر دى.....حضرتك أول مرة تشوفها فى عربية ؟؟؟؟
أبقى أسأل كده حد معاه أوبل فكترا........هى مش الفيكترا دى ألمانى برضه ؟؟؟

لأن دول من نايل موتورز وكلامهم له وقع هنا
وده شئ مش لرينو بس
ولكن لكل التوكيلات اللي بتابع المنتدى
والأمثلة كتير
ان اللي بيبقى جديد هنا ويقرا الكلام ويروح هناك مش بيلاقي الكلام اللي بيتقال هنا بالحرف
وممكن يدفع فلوس في حاجات ناس هنا عملتها ببلاش علشان معروفين للتوكيل

المهم بقى فى الموضوع كله أن الأخوة هانى محمد و حسن عيسى لما راحو التوكيل و حصل معاهم اللى حصل.............مكنوش يعرفوا حد فى التوكيل.....يعنى ولا كانوا معروفين و لا و لا و لا....
و على فكرة......توكيل رينو مش بيتابعو نايل موتورز...........و أنا لما أتعرفت فى التوكيل متعرفتش هناك عشان أنا من نايل موتورز..........و لما أتعملتى حاجات ببلاش متعملتش عشان أنا من نايل موتورز ( و الكلام بينطبق على شاركى برضه )
اللى بيتعمله حاجة ببلاش ده عشان بيعمل صياناته هناك و أصبح معروف بالنسبة ليهم و أصبح عميل دائم.....مش واحد جاى يعمل صيانة مرة أو يصلح حاجة مرة و يمشى بعد كده و ميرجعش...........عشان كده اللى بيبقى رايح جديد مش بيلاقى اللى أحنا بنقوله بالحرف.

احنا اكبر من ان احنا نصدق الكلام ده بالطرقة دي
احنا بنحاول نفيد الناس بأي طريقة ولكن التوكيلات واي توكيل بينظر لمصلحته اولا طبعا

تصدق أو متصدقش دى حاجة ترجعلك........أحنا بنقول اللى حصل معانا بأمانة.....اللى عاوز يصدق يصدق و اللى مش عاوز براحته......أحنا مش بنضرب حد على أيده.

[chato_eg]

هما عرفوا يعنى موضوع نايل موتورز منين ؟؟؟؟
أنا ما حدش يعرفنى هناك خااااالص
و بصراحة أنا كمان بعض الوجوه هى إللى أعرفها...وجوه فقط...ما أعرفش الأسماء حتى....
بيعاملونى كويس علشان إييه ؟؟؟...ياريت حد يدينى سبب

[chato_eg]

بالمناسبة...مرة حاولت أفتح المنتدى من هناك ..ما فتحش معايا

هما زيهم زى أى بنى آدم....بيعمل حساب لزبونه القديم و المستديم....
عندك على سبيل المثال TopCoverEgypt ....العقيد خالد لما أخد الغطاء التانى أخده بسعر مختلف تماما عن أول مرة و عن المرة إللى إن شاء الله "أحمد عبد المقصود" و " محمد مصطفى" هيأخدوا بيها...
ده سلوك لأى حد عايز يحافظ على زبونه....خللى بالك عملية الاهتمام بزبون قديم مردودها أعلى و تكلفتها أقل من عملية استقطاب زبون جديد...
و إزاى هما عارفين إن أنا زبونهم...بسيطة أوى...أما بأكلم 16202 ...أول حاجة بيسألوا عليها نمرة الموبايل..

[Ahmed Selim]

هما عرفوا يعنى موضوع نايل موتورز منين ؟؟؟؟
أنا ما حدش يعرفنى هناك خااااالص
و بصراحة أنا كمان بعض الوجوه هى إللى أعرفها...وجوه فقط...ما أعرفش الأسماء حتى....
بيعاملونى كويس علشان إييه ؟؟؟...ياريت حد يدينى سبب

شكلك بيقول أنك نايل موتورزاوى

[عمرو عمارة]

بص يا أستاذ أبو عبد الله

عشان بس الكلام ميجيبش بعضه كتير و نبعد عن الموضوع اللى عامله الراجل.....

عربية أوروبى و دافعين فيها أكتر من 100 ألف جم أو أكتر من دشليار جم و عاجبانا العربية جداً......و بسم الله ما شاء الله أحنا 43 واحد من مالكى الميجان فى المنتدى و كلنا تقريباً معجبين بأعطالها و مشاكلها و مستريحين و متأقلمين معاها........اللى بيسأل على العربية مشاكلها أيه بنقوله على الموضوع اللى عاملينه و بنعدد فيه مشاكل العربية.....مش بنضحك عليه و نقوله أن العربية بدون مشاكل.

علاقة اللي انت قولته بعربيه فيها مشكلة في علبة الدركسيون وبتتغير في الضمان أن الحاجات الشائعة فى الميجان كانت بتتغير فى الضمان و معظمها كانت فى موديلات 2005 و 2006
وهى للعلم فقط مش لتصحيح معلومات حضرتك لا سمح الله
1- البطارية
2- الكويلات
3- الديفازر
4- الجنوط اللى بتتنى بسبب
و لو أخدت بالك من دى

يبقى أنا كمان ممكن أقول أن الجنوط مش بايظة ولا حاجة.

و مسمعناش أن فى مشاكل فى كلبسات مكن الأزاز فى عربيات رينو أو فى الميجان....يعنى مشكلة عربية واحدة.............يبقى مينفعش نعمم


و مشكلة دراع الباب اللى بيقشر دى.....حضرتك أول مرة تشوفها فى عربية ؟؟؟؟
أبقى أسأل كده حد معاه أوبل فكترا........هى مش الفيكترا دى ألمانى برضه ؟؟؟




المهم بقى فى الموضوع كله أن الأخوة هانى محمد و حسن عيسى لما راحو التوكيل و حصل معاهم اللى حصل.............مكنوش يعرفوا حد فى التوكيل.....يعنى ولا كانوا معروفين و لا و لا و لا....
و على فكرة......توكيل رينو مش بيتابعو نايل موتورز...........و أنا لما أتعرفت فى التوكيل متعرفتش هناك عشان أنا من نايل موتورز..........و لما أتعملتى حاجات ببلاش متعملتش عشان أنا من نايل موتورز ( و الكلام بينطبق على شاركى برضه )
اللى بيتعمله حاجة ببلاش ده عشان بيعمل صياناته هناك و أصبح معروف بالنسبة ليهم و أصبح عميل دائم.....مش واحد جاى يعمل صيانة مرة أو يصلح حاجة مرة و يمشى بعد كده و ميرجعش...........عشان كده اللى بيبقى رايح جديد مش بيلاقى اللى أحنا بنقوله بالحرف.



تصدق أو متصدقش دى حاجة ترجعلك........أحنا بنقول اللى حصل معانا بأمانة.....اللى عاوز يصدق يصدق و اللى مش عاوز براحته......أحنا مش بنضرب حد على أيده.

أيضاً متفق معاك بنسبة 100% ......بس جزئية التوكيلات دي مش متفق معاك أوي لأني شايف الكلام ده بيحصل في توكيل دايهاتسو

[human]

كلمت التوكيل و هبيت فيهم و الناس اتأسفوا و كانوا زوق
هروح يوم الاربع و هعمل بوست بالمشكلهان شاء الله

[Ahmed Selim]

أيضاً متفق معاك بنسبة 100% ......بس جزئية التوكيلات دي مش متفق معاك أوي لأني شايف الكلام ده بيحصل في توكيل دايهاتسو :h_angry[1]:

مش متفق معايا فى أيه يا عمرو ؟؟؟

أنهم مكنوش يعرفو حد هناك ؟؟؟؟

و بعدين أحنا هنروح بعيد ليه......هانى رد و قالك انه ميعرفش حد....يبقى باقى حسن عيسى يأكد أو ينفى.

بالنسبالى أنا و شاركى فعلاً أحنا معروفين شوية هناك......بس مش عشان المنتدى مع أحترامى ليه.....معروفين عشان كل صياناتنا بتتعمل هناك حتى الأن ( أنا عديت ال 97 ألف كم يا عمرو ) و لسه بعمل الصيانة هناك.....و غير كده أنا عن نفسى واحد مش بحب أقعد أستنى العربية لما يخلصوا فيها شغل.....تلاقينى بتسلل كل شوية لحد لما أوصل للعربية....كل مرة بحجة شكل......لحد لما الناس عرفونى و زهقو منى كمان......

الكلام ده فى توكيل ربنو و فى مراكز الخدمة التابعة ليه...........برضه معروف فى الميكانيكيون العرب و لله الحمد.
ومن قبل كده كنت بعمل الكلام ده فى الفيكترا......

[lion99990]

كلمت التوكيل و هبيت فيهم و الناس اتأسفوا و كانوا زوق
هروح يوم الاربع و هعمل بوست بالمشكلهان شاء الله

ازيك يا جميل اخبارك ايه
انت زعقت فيهم قلتلهم ايه و كمان ياريت تعرفنى ايه نوع الشكوى عشان اعمل شكوى انا كمان
بصراحه نفسى اكلمهم و قلهم اللى فى نفسى
مستنى ردك

[chato_eg]

فى حاجة نسيت أقولها...بالمرة مادام الموضوع اتفتح....علشان بس ننفى نظرية المؤامرة بتاعت الناس إللى فوق أمثال أحمد عبد المقصود و شاركى و الناس إللى تحت نفيا قاطعا...

أنا شارى العربية يوم 29 من شهر أكتوبر عام 2007 ..و فاكر كويس علشان الكلام ده حصل بعد 4 أيام من عيد ميلادى ال 25 ...و لو حد مش مصدقنى ممكن أعمل Upload للفاتورة....

طبعا أى حد ممكن يعرف تاريخ انضمامى للمنتدى ...

بعنى حتى صيانة ال 5 آلاف اتعملت فى العبور و أنا مش عضو...و حصل معايا زى إللى حصل مع الأستاذ محمود بالظبط....مافيش بس غير شوية كلام تنكيت و تريقة على العربية علشان إنتوا طبعا فاكرين شكلها كان عامل إزاى ( باب مفعوص و رفرف مكسور و فانوس منقور و اكصدام مخلوع )...
و بصراحة ماكنتش زعلان منهم...بل كنت مكسوف...رايح صيانة ال 5 آلاف ب 0.75 من العربية مش العربية كاملة...

يعنى منتهى التبويظ فى سمعة العربية و قدام الناس...و والله ماحدش قاللى أى حاجة خارجة أو تزعل أو حسيت إنهم مستعرين من العربية ...
بل قلتلهم ما تغسلوهاش علشان رايح بيها السمكرة و الدهان و هأسيبها غالبا...لكن أصروا على الغسيل كامل... و فى السمكرة عرفت إن إللى فيها يعدى ال 5 آلاف جنيه بمراحل فأخذتها علشان المحضر و الذى منه و ما عملتش حاجة غير بعديها ب 10 شهور و فى المقطم مش فى العبور حتى

أعتقد ده نفى قاطع لموضوع خيار و فقوس و ياريت محدش يجيب سيرة النظرية دى تانى....

مش بس لإنها عارية من الصحة، لكن-بالنيابة عن أحمد عبد المقصود و شاركى و أيمن - ده فيه شبهة اتهام ضمنى ليهم إنهم بيقولوا كلام حلو على التوكيل علشان هما ليهم معاملة خاصة و دى معناها مش ظريف....
أشكركم على تفهمكم و أنا مش موجه كلامى لشخص بعينه و إنما لاحظت تكرار ايضاح تلك الفكرة كل ما تيجى سيرة التوكيل فى حاجة..

[Ahmed Selim]

طيب مش احتمال كانو حاسين أنك هتبقى عضو ؟؟؟

مش بقولك شكلك نايل موتورزاوى

[chato_eg]

و حياتك و لا عمرى كنت عضو فى أى منتدى أصلا...
مافيش غير dvd4arab و كنت مهتم بقسم الترجمات للأفلام و المسلسلات الأجنبية فى حالة لو ما عثرتش عليها...بس

[hamata]

طيب مش احتمال كانو حاسين أنك هتبقى عضو ؟؟؟

مش بقولك شكلك نايل موتورزاوى

حلوة دى يا أبو حميد

[ضيف]

يتهيألي إذا حصل الموضوع ده , كان زمان الناس بتقول عن رينو ما قاله مالك في الخمر
شوفو كده :


تجربتي مع الاي 230

[chato_eg]

بس الصراحة....الراجل صاحب الموضوع متقبل الأمور بصدر رحب للدرجة دى إزاى ؟؟؟...أنا لو مكانه....كنت اتحركت على المستوى الأعلى و من زمان...فى حاجة إسمها مرسيدس إيجيبت...دى أعلى من ال 3 ( GNA, CNA, ANA إللى هما الجيزة الوطنية و القاهرة الوطنية و إسكندرية الوطنية )....لو ماعرفش يوصل لهم...Email متين على مرسيدس فى ألمانيا مدعم بالصور آخر جمال...و إبقى شوف إللى هيحصل...يا جدعان أنا شفت واحد معاه أسترا و كان فيها مشكلة ما ..مش فاكر إيه هى و فضلوا يصلحوا و ما اتحلتش و طبعا منصور ناس 100 100 و طلعوا عين الراجل...لحد ما اتعامل مع Opel فى ألمانيا ...الراجل إللى ماسك general Motors فى مصر جنسيته هندى و لا باكستانى....هو إللى كلمه بنفسه...و الموضوع انتهى إنه أخد فلوسه بالمليم..و على فكرة ده نظام التعامل خارج مصر و دون الحاجة لتصعيد الأمور للشركة الأم بتاتا....لو فى مشكلة..إرمى العربية فى وش إللى بعها لك و تقول له يجيب غيرها مادام فى عيب كبير زى كده...خصوصا فى العربيات إللى مش رخيصة... و لو عايز Re-fund يبقى حقك..إنت مش دافع ده كله علشان تتعامل المعاملة القذرة إللى شركة النصر كانت بتعاملها للناس أيام ماكانت محتكرة عربيات البلد لحسابها.....
و بعدين إحنا عارفين إن EIM مهما حصلت أخطاء..مش بيصروا على الغلط و مش بيكابروا و بيحترموا الناس طول ما الناس محترماهم...و كده كده التوكيل نفسه مش غارمان حاجة...لو حاجة بايظة تبع الضمان أو عيب تصنيع ...الشركة الأم بتتحملها....إيه يعنى شوية مصنعية بيكسب بيهم الزبون مرة تانية و بقوة و أنا شفت فى التوكيل ناس عندها عربية ميجان و عربية سينيك...إيه إللى يخليك تدور على ناس تانية و إنت مرتاح مع الناس دى...فى الآخر ..الفروق بين العربيات مش كبيرة لدرجة إنك تغامر...و راحة الدماغ لا تقدر بثمن

[أبو عبدالله]

كالعاة دفاع مستميت حتى لو ادى الى التهكم او السخرية في الكلام على كلامنا اللي بنقوله

رجاء من كل من لديه وجهة نظر تم عرضها
ان لا يتم تحويل الكلام الى اسلوب تهكم او سخرية من الكلام وليس الأشخاص

انا وجهة نظري عرضتها ومش محتاج اني اعدها
ايضا غيري تكلم وعرض وجهة نظره
وكل واحد فعلا بيعمل اللي هو شايفه صح له
ولكن ليس من حق احد انه يتحدث مع احد ثم يحول الكلام الى سخرية او يجعله مدعاه للضحك
فاكيد من اساليب الحوار المتحضره
ان لما نكون بنتحدث في موضوع لا تحول الكلام الى ضحك مادام لا يوجد في الكلام داعي لذلك خصوصا ان احنا بنتكلم في مشاكل يواجها الاعضاء وغيرهم ونحن هنا لأفادة بعضنا البعض وليس للضحك عندما نتكلم بجد

فهذه اعتبره من قلة الحجه لا اكثر ولا اقل

وشكرا للحوار المعتاد عليه