أسئلة عامة عن رينو ؟؟ رجاء من كل مالكي رينو الرد

[tofy_urban]

ايوة بس هو قالي هات افيو مقلش اي حاجة تبع غبور و لما رفضت اصلا فكرة الكوري قالي هات ياريس الراجل واضح انه كان بيتكلم بحيادية

[hesham_tawfiq]

وجهة نظرى الشخصيه المتواضعه جدا والارزاق على الله
بص على اى عربيه كورى عمرها اكتر من سنتين وبشرط متكونش معمول فيها حاجه ( تصليح او تظبيط ) وشوف حالتها عامله ازاى وانت تحس بالفرق

[Ahmed Selim]

طب ايه المشكلة يا أخى الكريم فى الرفارف الفيبر ؟
لما لا قدر الله تتخبط فى ورش متخصصة فى صيانة و لحام الفيبر زى ما العربيات الكورى الصاج تتخبط فى ورش سمكرة تصلحها ... ده بالنسبة للخباطات البسيطة لكن لاقدر الله حادثة كبيرة الفبير أمن عن الصاج و راجع الموضوعات اللى سيادة العقيد خالد وضعها و تعرف و تفهم لكن بلاش تمشى ورا كلام فى كلام ... أقرأ بنفسك و أسأل مجرب ...

و بعدها تقرر مين أهم بالنسبالك فى حالة الحوادث.......العربية و لا اللى جوة العربية

بارك الله فيك يا استاذ أحمد .

تنبيه بمخالفة القاعدة رقم 6 بند أ
ممنوع الكتابة باللون الأحمر حيث أنه مخصص للأدارة
الرجاء مراجعة قوانين المنتدى
_________________
مشرف القسم

[tofy_urban]

بص على اى عربيه كورى عمرها اكتر من سنتين وبشرط متكونش معمول فيها حاجه ( تصليح او تظبيط ) وشوف حالتها عامله ازاى وانت تحس بالفرق

و الله انا عارف كده و مش عايز اجيب كوري خاااااااااالص لكن في ناس كتير حوليا بيقللوا من رينو و بيستشهدوا بحاجات كتير و اكتر سؤالين مش عارف اجاوب عليهم ليه العربيات دي مش منتشرة و اللي مخلي الميجان فيها مشاكل كده (علي حد تعبيرهم طبعا) يبقي باقي موديلاتهم فيها ايه

[Ahmed Selim]

و الله انا عارف كده و مش عايز اجيب كوري خاااااااااالص لكن في ناس كتير حوليا بيقللوا من رينو و بيستشهدوا بحاجات كتير و اكتر سؤالين مش عارف اجاوب عليهم ليه العربيات دي مش منتشرة و اللي مخلي الميجان فيها مشاكل كده (علي حد تعبيرهم طبعا) يبقي باقي موديلاتهم فيها ايه

يا سيدى الفاضل..........هل قريت اللينكات اللى حطها العقيد خالد ؟؟؟؟؟

أتمنى أنك تقراها و بعد كده متسمعش لكلام ناس بيسمعوا من ناس يعرفوا ناس كان ليهم جارهم معاه العربية

[tofy_urban]

أتمنى أنك تقراها و بعد كده متسمعش لكلام ناس بيسمعوا من ناس يعرفوا ناس كان ليهم جارهم معاه العربية

جامدة جداً جداً و ملعوبة ,, انا مش بسمع لكلام الناس اللي بيسمعوا من ناس اللي يعرفوا ناس كان ليهم جار بقي جايب العربية انا بسألك معالي الباشا سؤال واضح حط نفسك مكاني و هتجيب عربية في رينج ماكسيمم 80 ألف و اللي هاتقول عليه انا هاعمل و انا مغمض

[ضيف]

من الطرائف اللي سمعتها و أنا برتب حالي لشراء الميجان 2008 زيرو :
أن واحد راكب بسكلته و خبط إكسدام ميجان واقفة في إشارة مرور الإكسدام وقع .
واحد راح التوكيل بيشتكي من عطل تكييف ميجان , قالوا له ده عيب كمبيوتر عربية نتيجة سوء إستخدام التكييف و الكمبيوتر لازم يتغير .
واحد بياخد ملف الدركسيون علّق و مرضيش يرجع .
و الله العقل زينة .

[Amr_Moh]

Elrafraf saaaagg
for logan and symbol

[Ahmed Selim]

جامدة جداً جداً و ملعوبة ,, انا مش بسمع لكلام الناس اللي بيسمعوا من ناس اللي يعرفوا ناس كان ليهم جار بقي جايب العربية انا بسألك معالي الباشا سؤال واضح حط نفسك مكاني و هتجيب عربية في رينج ماكسيمم 80 ألف و اللي هاتقول عليه انا هاعمل و انا مغمض

يا باشا ما أنا بالفعل كنت فى مكانك من 4 سنين..............أظن الأختيار واضح.....مش كده ولا أيه ؟؟؟

قبل ما أجيب كنت بقارن بين
لانسر بومة و ميجان و أوكتافيا القديمة و أمبريزا.......الكورى مش بستريح معاه فطلع من المقارنة خالص.

اللانسر البومة سوقتها حوالى 50 كم على طريق الساحل و كانت عاجبانى جداً من جوة بس بعد ال 140 خفيفة شوية
الأوكتافيا ثباتها كان هايل بس بطة شوية و فقيرة من جوة مقارنة بالباقى.
الأمبريزا بصراحة من أكتر العربيات اللى أستريحتلها و حسيت أنها زى الميجان تقريباً.....و بصراحة كده فى رأييي أنها أحسن اليابانى......الباقى كله بحسه خفيف....مع كامل أحترامى للجميع....بس أنا ليا عذر برضه أنى أول عربيتين بتوعى كانو ألمانى و بالتالى أى حاجة مش ألمانى تتقارن بيهم هتخسر يعنى هتخسر ( فى الثبات )
بس كان يعيب الأمبريزا ساعتها أنها كانت ضيقة شوية بالنسبالى و كمان كان موتورها 95 حصان بس ( طبعاً معروف أنها دفع رباعى )

[tofy_urban]

Elrafraf saaaagg
for logan and symbol

اكيدة المعلومة دي ياعمرو باشا و لا علي رأي احمد باشا سمعتها من ناس يعرفوا ناس جارهم اشتري سيمبول

[Amr_Moh]

طبعاً متعملش حاجة إنت مش مستريحلهة

بس نصيحة لو حتخش في دوامة رينو اه ولا لأ مع ناس من عينت الناس اللي بيسمعوا من ناس اللي يعرفوا ناس كان ليهم جار بقي جايب العربية
حتتعب

الرفرف الفيبر لهم مميزات كتير شوف موضوع شاركي بتاع الرفارف لكن عموماً الوجان والسمبل ساج

وبرد خد فالاعتبار إن الراجل الفالاجنس ده مش أحسن واحد بفهم فالعربيات

[Ahmed Selim]

من الطرائف اللي سمعتها و أنا برتب حالي لشراء الميجان 2008 زيرو :
أن واحد راكب بسكلته و خبط إكسدام ميجان واقفة في إشارة مرور الإكسدام وقع .
واحد راح التوكيل بيشتكي من عطل تكييف ميجان , قالوا له ده عيب كمبيوتر عربية نتيجة سوء إستخدام التكييف و الكمبيوتر لازم يتغير .
واحد بياخد ملف الدركسيون علّق و مرضيش يرجع .
و الله العقل زينة .

تصدق يا باشا أحنا ممكن نطلب عمل منتدى فرعى تحت رينو عن النكت اللى أتقالت عليها

أحلى حاجة سمعتها بقى بجد

"الميجان بتاكل بطارية"

حسيت أنه بيتكلم على عدة أريكسون 688

[Ahmed Selim]

طبعاً متعملش حاجة إنت مش مستريحلهة

بس نصيحة لو حتخش في دوامة رينو اه ولا لأ مع ناس من عينت الناس اللي بيسمعوا من ناس اللي يعرفوا ناس كان ليهم جار بقي جايب العربية
حتتعب

الرفرف الفيبر لهم مميزات كتير شوف موضوع شاركي بتاع الرفارف لكن عموماً الوجان والسمبل ساج

وبرد خد فالاعتبار إن الراجل الفالاجنس ده مش أحسن واحد بفهم فالعربيات

يا عمور الراجل سأل سؤال صريح......

" علاقتك أيه بالسيمبول ؟؟؟؟؟ "

[Amr_Moh]

اكيدة المعلومة دي ياعمرو باشا و لا علي رأي احمد باشا سمعتها من ناس يعرفوا ناس جارهم اشتري سيمبول

حنفترد إن أنا مش متأكد - مع ان السمبول مع اخت مراتي - روح بنفسك امسك الرفرف

العندها ساج، إلى لو نزل حاجة جديدة فال-٤ اسابيع الفاتو

[tofy_urban]

يعني يارجالة اتوكل علي الله في السيمبول و لا حد عنده رأي تاني ,,,, ولا اوفر فلوس واجيب اللوجان ده لو الفرق في العربيتين ميستحقش الفرق في الفلوس ارجو اجابة و خصوصاً من ( اي حد تاني عنده معلومة جيدة , Amr_Moh , ahmed a.maksoud Col. Eng. Khaled)