الحقوني يا جماعة ... الـ Control Unit بباااااظت

[highlinker]

السلام عليكم يا وحوش
يا جماعة انا واقع في مشكلة كبيرة الله اعلم جاتلي منين .. وقلت مفيش غيركم اللي هيقدر يفيدني


استفساري الاساسي : الـ Control Unit بتاعة الكليو عليها الأيسيهات IC الخاصة بكهربة العربية وتشغيل الموتور والبوجيهات والكلام (على حسب ما اتشرحلي) ... عندي IC اتحرق .. وعايز يتغير
يا ترى ده سعره كااام ؟ ولو ملقيتوش في المنصورة هنا اجيبه منين ؟؟؟؟؟؟؟؟؟؟؟

ضروري يا جماعة فيدوني عشان الراجل قالي ممكن اجيبهولك بس خايف يستغلني في السعر

[highlinker]

المشكلة في الاساس
كانت مجرد ان العربية مدارتش معايا الصبح (وكانت عملتها مرة قبل كده ووصلتها ببطارية عربية تانية ودارت) .. المهم بعد ما رجعت تاني العصر كده بدورها دارات معايا
قلت أشيك بقى أشوف ايه ده من ايه ... سالت واحد دلني على ميكانيكي هنا (( وياريتني ما رحتله)) .. غير البوجيهات وجرب لقى العربية برده مش بتدور بسهولة .. قعد يغير في البوجيهات وتوصيلات كده كتير يمين شمال (طبعا مليش خبرة اوي انا بوصفلكم اللي شفته) وقعد يجرب كتير ..

في الآخر قاللي يا باشا معرفش ده منا ايه (((( الله اعلم باللي عمله))))))

رحت لواحد تاني .. هو بصراحة من كلامه حسيت انه بيفهم وقعد يشرحلي ده سببه ايه ( حتى لقيته شغال في كليو برده قدام الورشة .. وBMW ومرسيدس .. فـ اطمنت شوية)
المهم انه فتح وبرده اتأكد من البوجيهات ملقاش مشكلة ... فتح الـ Control Unit لقى الـ IC سايح (واحد بس)

هو قالي........
ان دي مشكلة كهربا مش ميكانيكا .. واللي عمل كده توصيلات غلط .. موجب مكان سالب او العكس .. المهم حد غير حاجة في التوصيلات غلط قامت رادة في الـ Control عملت المشكلة دي


ملحوظـــــة :-
وانا رايح للميكانيكي الاولاني العربية كانت ماشية تمام وبتسحب معايا عادي جدا
لما سبته وقلت اروح للتاني ده
كنت هتشل .. العربية مفهاش سحب .. آخرها 40

وحسبي الله ونعم الوكيل

[ecybrarian]

[SIZE=4][U][COLOR=Blue][B]
ان دي مشكلة كهربا مش ميكانيكا .. واللي عمل كده توصيلات غلط .. موجب مكان سالب او العكس .. المهم حد غير حاجة في التوصيلات غلط قامت رادة في الـ Control عملت المشكلة دي

انا ماليش في الكليو...ووحوش الكليو (زي عمرو عمارة) هايردو عليك احسن مني..لكن عموما وكثقافة عامة في الكهربا الـIC مايسحش من توصيلة غلط لأن (المفروض) إن تكون الـICs واصلة على فيوزات هي إللي بتتحرق (بتفصل) لو حصلت اي مشكلة في التيار...إلا لو حصل توصيلة Direct من البطارية للـUnit خارج ضفيرة العربية.
الحاجة التانية كل الـICs في العالم لها رقم (او كود) بالرقم ده تقدر تدور على النت وتعرف Data sheet و Diagram بتاعتها وتقدر كمان تشتريها بالكود ده.

بس أغلب الظن إنك يمكن تحتاج تغير الكنترول كله...في ناس متخصصة في إلكترونيات العربيات بيعملوا كمبيوتر الإيرباج..بس ماعرفش إذا كانوا ممكن يصحلوا الكنترول ولا لأ؟؟ ها سألك ولو وصلت لرد هارد عليك

[highlinker]

شكرا ecybrarian على ردك واهتمامك
هو قالي انه ممكن يغيرهالي بـ IC يجيبها من كنترول يونيت تانية بتاعة كليو برده ... ومش محتاج اغير اليونيت كلها
وبعدين دي تبقى مصيبة .. الاتنين كنترول يونيت في الكليو ب6 آلاف جنيه تقريبا على حسب ما سمعت

هو انت قصدك لازم الـ IC يتبرمج قبل ما يتحط على اليونيت ؟؟؟؟






وفي انتظار استاذنا عمرو عمارة وخبراء الكليو ....... ضروري يا جماعة .. انا مصدوم

[highlinker]

رحتو فين يا وحوش الكليو

منتظر ردكم .. عشان نازل كمان شوية اروح للميكانيكي اشوف جاب الic ده ولا لأ ...............

[ضيف]

من رأيي يا باشا أصبر شوية لتجميع آراء خبراء كليو , كده كده الميكانيكي موجود و أنا مقدر لهفتك على الإصلاح المضبوط .
رجاءاً الصبر .

[highlinker]

شكرا Col. Eng. Khaled على شعورك واهتمامك ........

[highlinker]

انا رحتلو وقالي تمن الـ ic الواحد 500 جنيه
ياترى السعر ده مبالغ فيه و بيستغلني ؟؟؟ ولا ايه


ربنا يستر بس ويطلع سليم ويشتغل بنفس الكفاءة

[farahat]

شوف يا عزيزي ، وحدة الكنترول فيها ICs كتير قوي مش واحدة فقط ، و كل واحدة ليها وظيفة .
الحاجة التانية إن أحيانا بتكون حاجات محيطة بال-IC هي كمان حصل فيها تلف، و بالتالي لازم إلي يشتغل في الكارت يكون فاهم كويس بيعمل إيه
الحاجة التالتة إن ديماً في حل نهائي و هو تغيير البورد بالكامل مش بس تغيير IC لو كانت متتغيرش ، و أخر حل هو تغيير الكونترول كله بواحد استراد ، و أكيد مش بيكون بالمبلغ إلي حضرتك ذكرته دة خالص .

يبقى مبدئياً نبتدي بتحديد العطل فين و تحديد ال-IC التالف و نوعه أو رقمه و تحديد إمكانية إصلاحه من عدمه .

[Ahmed Selim]

فرحات باشا......أفادكم الله.....

يا ترى تعرف حد ثقة يعمل الموضوع ده لأخونا highlinker

[renualt_engineer]

الاخ العزير من البداية العربية كانت ماشية وانتا رايح للميكانيكى يعنى العربية بتدور وممكن تقطع والخ التانى فتح الكنترول وقالك انه سايح ...
شوف الكنترول فى الكليو فى اجزاء لها فيوز واجزاء ملهاش يعنى الطلمبة حتلاقى ليها كتاوت فى العلبة جنب البطارية اما البوجيهات لا لانها بتاخد اشارة التشغيل من الارضى مش الكهربا

[renualt_engineer]

ثم اذا كان الميكانيكى جرب يشوف البوجيهات شغاله ولا لا لازم يراجع على طلمبة البنزين كمان لان الكنترول ممكن يقطع بنزين ويشغل بوجيهات او العكس... برده فى حاله الكليو 1400 هناك زرار احمر عند قربة المياه ده بيوقف البنزين والكهرباء فى حالة الخطر وممكن تيجى عليه مياه

[renualt_engineer]

تخليه يعلق اما الكليو 1200 فدايما هناك حساس السبيد سنسور الموجود تحت العمة وده هو اللى بيخلى العربية لا تعمل وهناك امر فاصل ليك لو مالكش فى الفك والتركيب على تابلوه العدادت لما بتفتح كونتكت هناك لمبة صفراء عليها صورة ملفين سلك قدام بعض بتطفى لما العربية تدور

[renualt_engineer]

فلو اللمبة سابته عند فتح الكنتك ومحاولة التشغيل يبقى كنترول لو بتطفى يبقى اليبد سنسور ولو كانت 1400 فهو نفس حساس الميجان اما 1200 فهو مختلف والكنترول الجديد للكليو 1200 ب 3700 جنيه فى التوكيل ويجى بدون كود وتركب فى العربية ومع اول دوارة بكود نفسه مع العربية اما 1400 فممكن تجيب واحد استيراد من الحرفيين وتفك كوده

[renualt_engineer]

فحاول وقلى وصلت الى ايه