نصائح الوحوش لعضو جديد

[أبو أدم]

معلش فى حاجة بسيطه لازم تروح المرور مركب نمر تجاريه عليها وديه بتاخدها من المعرض اللى انت اشتريت منه

لا مش لازم ... انا رخصت ورحت بالعربية زي ما استلمتها من المعرض من غير نمر

المعرض بيديك ورقة تسليم السيارة بتاريخ معين _ لما بتستلم السيارة منه

مثلا النهاردة ... تيجى بكرة او بعدة رايح ترخص من غير نمر ولا حاجة

ولو حد وقفك تطلعه الورقة دة و هو من التاريخ ها يفهم انك لسه مستلم

اما فى حالة .. ان ترخيص العربية ها يتاخر لسبب ما و انت عايز تتحرك بالعربية تروج تاجر النمر التجارية دة المؤقته

[ramy_gamal]

معلش يا جماعه يمكن النظام اتغير من سنتين او مرور اسكندريه رخم شويه

[أحمد كمال]

معلش يا جماعه يمكن النظام اتغير من سنتين او مرور اسكندريه رخم شويه

بص يا سيدي

اخر سيارتين اشتريتهم ما جبتش لوح تجارية

الاولى استلمتها من المهندسين و سفتها لحد مدينة نصر و ركنتها تحت بيت الوالد و غطيتها لحد ما جبت الورق تاني يوم و قعدت يومين مش فاضي لحد ما فضيت رحت مشيت من عنده لحد المرور في العباسية و محدش وقفني و لله الحمد

و التانية استلمتها من المعادي و ركبت الدائري نزلت مدينة نصر و رحت برضه على بيت الوالد و ركنتها و غطيتها و تاني يوم جبت الورق (كان يوم خميس) و يوم السبت رحت عالمرور دغري في العباسية و برضه محدش وقفني

بس مش عايز اقول لك ان واحد زميلنا طيب (اسكندراني) استلم عربيته من القاهرة و صمم يطلع بيها اسكندرية يرخصها هناك و طلع من غير لوح

و ده بقى وقفوه عالصحراوي و اضطر يرشي ب 200 جند عشان ما يسحبوش منه السيارة !!!!!!

[ramy_gamal]

بص يا سيدي


و ده بقى وقفوه عالصحراوي و اضطر يرشي ب 200 جند عشان ما يسحبوش منه السيارة !!!!!!

عشان اسكندرانى بس سبوة!!!!!!!!!!!!!!!!!

[Col. Eng. Khaled]

إستلمت من رينو سان إستيفانو ، على الكورنيش لغاية الشاطبي على ش قناة السويس لباب شرق

للبيت في محرم بك .

تاني يوم على مرور ق س في سموحة .

[أحمد كمال]

إستلمت من رينو سان إستيفانو ، على الكورنيش لغاية الشاطبي على ش قناة السويس لباب شرق

للبيت في محرم بك .

تاني يوم على مرور ق س في سموحة .

ق س و لا ق م؟

[Col. Eng. Khaled]

ق س و لا ق م؟

الله ينوّر ، ق م عندك حق يا هندسة

آسف للخطأ

[Ahmed Selim]

بص يا سيدي

اخر سيارتين اشتريتهم ما جبتش لوح تجارية

الاولى استلمتها من المهندسين و سفتها لحد مدينة نصر و ركنتها تحت بيت الوالد و غطيتها لحد ما جبت الورق تاني يوم و قعدت يومين مش فاضي لحد ما فضيت رحت مشيت من عنده لحد المرور في العباسية و محدش وقفني و لله الحمد

و التانية استلمتها من المعادي و ركبت الدائري نزلت مدينة نصر و رحت برضه على بيت الوالد و ركنتها و غطيتها و تاني يوم جبت الورق (كان يوم خميس) و يوم السبت رحت عالمرور دغري في العباسية و برضه محدش وقفني

بس مش عايز اقول لك ان واحد زميلنا طيب (اسكندراني) استلم عربيته من القاهرة و صمم يطلع بيها اسكندرية يرخصها هناك و طلع من غير لوح

و ده بقى وقفوه عالصحراوي و اضطر يرشي ب 200 جند عشان ما يسحبوش منه السيارة !!!!!!

لما أستلمت العربية من 4 سنين كان فيه ورقة الأفراج الجمركى ناقصة و قالولى فى التوكيل هتيجى بعد يومين....و فعلاً أخدتها بعد يومين و رحت أرخص فى مرور الوايلى اللى فى العباسية برضه و مكنش فيه نمر
قعدت أسبوعين ماشى بالعربية من مدينة نصر للجيزة للمعادى للمهندسين و غيره و غيره و غيره من غير نمر..............و الحمد لله محدش وقفنى :)

[HassanEissa]

انت مشيت اسبوعين من غير نمر

انا بقه مشيت اسبوع و سفرت الزقازيق و كل ده و انا ممعيش
1- نمر
2- ورق العربية الا من محضر التسليم
3- رخصة قيادة لانى لسه مكنتش طلعتها اصلا

دى ايام الانوس :)

[amr.elsayed]

انت مشيت اسبوعين من غير نمر

انا بقه مشيت اسبوع و سفرت الزقازيق و كل ده و انا ممعيش
1- نمر
2- ورق العربية الا من محضر التسليم
3- رخصة قيادة لانى لسه مكنتش طلعتها اصلا

دى ايام الانوس :)

يا باشا الحمد لله ان انت معانا لحد دلوقتى بس انت قلبك جامد عشان تمشى بالعربية كل المسافة دى من غير ولا نمر ولا حتى رخصة قيادة

[AbO_FaRaH]

شوف يا أخى

أولا : ورقة عقد البيع من التوكيل او الموزع + ورقة الخطاب المروري الموجه من المعرض او التوكيل الى قسم المرور اللى انت نفسك هاترخص فيه
دول بيعملهم الموزع ويديهم لك

ثانيا : ورقة شهادة البيانات للسيارة ... فى الغالب انت اللى بتعملها من مرور بين السريات (( خاص بالقاهرة و الجيزة )) أو تتفق مع الموزع يعملها لك ...

ثالثا : بالنسبة لعقد البيع بتاعى مثلا انا اشتريت من موزع معتمد لرينو (( محمد ذكى )) علشان كدة جالى عقد البيع من رينو لى على طول من غير محمد ذكى كاوسيط ... و انت بترخص فى المرور انت كدة بتسجل ملكية السيارة عندهم و العربية بتتكتب فى المرور انك انت اول مالك ليها حتى لو جه بعدك مليون يعنى انت اول واحد فى دوسيه العربية خلاص .. تمام كدة

بالنسبة للسوال 2

زي ما أخونا أحمد كمال الله يبارك له اضاف كمان نقط مهمة ... ليه لازم تراجع على الزيرو فى كذا حاجة زي الاضاءة و العدة ... ؟؟

1-علشان فى حاجات بتتقلب (( تتسرق )) من الصنيعية زى الولاعة و الاريل و الكتالوج .. ويروحوا يبيعوها

2- ممكن العربية و هى بتتجرب حد يخربشها ود ة حصل مع ناس كتير علشان كدة لازم تبص عليها من كل حتة

3- اخيرا ودة قليل ممكن يكون فى حاجة نازلة فى العربية مش متظبطة ز ي فانوس بايظ - راديو مش شغال - زجاج كهرباء معلق

المهم حرص و متخونش فى ظل سباط الضمير... يعنى تبص بصة كدة مش محتاجة و لا سمكرى و لا ميكانيكى

شكرا يا باشا على اهتمام حضرتك

[HassanEissa]

يا باشا الحمد لله ان انت معانا لحد دلوقتى بس انت قلبك جامد عشان تمشى بالعربية كل المسافة دى من غير ولا نمر ولا حتى رخصة قيادة

و الكوميدى فى الموضوع غير طبعا ان سوقتى كانت على قدها
ان فى مرة دخلت فى لجنة و كانت لجنة محترمة جداا ( اقصدى يعنى جمدة اوى )
و رفعتلهم ايدى و انا قاعد بكل تناكة .... لقتهم وسعولى الحديد و رفعولى التحية و محدش كلمنى
انا طبعا بعديها دخلت الحمام على طول

[أحمد كمال]

انا طبعا بعديها دخلت الحمام على طول

قصدك غيرت فرش الكرسي ههههههههههههههههههههههههههه

[أحمد كمال]

لما أستلمت العربية من 4 سنين كان فيه ورقة الأفراج الجمركى ناقصة و قالولى فى التوكيل هتيجى بعد يومين....و فعلاً أخدتها بعد يومين و رحت أرخص فى مرور الوايلى اللى فى العباسية برضه و مكنش فيه نمر
قعدت أسبوعين ماشى بالعربية من مدينة نصر للجيزة للمعادى للمهندسين و غيره و غيره و غيره من غير نمر..............و الحمد لله محدش وقفنى :)

انت وايلي برضه؟ ده احنا زمل !!!

انا بطاقتي لسه عالظاهر و عشان كده برضه باروح الوايلي !

[Ahmed Selim]

انت وايلي برضه؟ ده احنا زمل !!!

انا بطاقتي لسه عالظاهر و عشان كده برضه باروح الوايلي !

لأ بطاقتى غيرتها

كانت على حدائق القبة