في حاجة مش مضبوطة في الحرارة

[Mohd_Adel_Amin]

السلام عليكم ورحمة الله وبركاته .. ازيكم يا وحوش كل سنة وانتم بخير وصحة ..

انا ملاحظ حاجة غريبة بتحصل عندي في الميجان 2 بقالها كام يوم معايا لأني بقالي كام يوم في القاهرة بخلص ورق , فترة الظهر وفي الزحمة بكون مشغل التكييف وبيكون مؤشر الحرارة في مكانها المعتاد وفجأة وبدون اي مقدمات الحرارة تعلى جدا والمؤشر يوصل للشرط القريبة من بعضها والتكييف ميطلعش برودة , وبمجرد اني افصل التكييف الاقي المؤشر رجع ثاني لوضعه الطبيعي .
الغريب اني لو شغلت التكييف بعدها بشوية يفضل ثابت على وضعه ربع او نص ساعة ويرجع يعمل نفس الموضوع !!

يا ريت لو حد منكم تعرض للمشكلة دي يقولي هو اتصرف ازاي ولو ماكانش فكنت عايز اعرف رأيكم اكشف عليها ولا ده طبيعي واكشف عليها عند ميكانيكي ولا حد بتاع ريداتير ولا في التوكيل ؟؟

[Ahmed Selim]

محمد بك.....ألف سلامة إن شاء الله

بص يا باشا لو تقدر تروح التوكيل يبقى خير و بركة طبعاً بس لو وقتك ضيق ممكن تروح لمحمد الشرقاوى فى الحرفيين.

أنا مش عارف العيب ممكن يكون أيه بالظبط بس مجرد تخمين موتور مروحة التبريد ممكن يكون بايظ أو مش بيخليها تشتغل سرعتين كما يجب أن تكون.

[Mohd_Adel_Amin]

محمد بك.....ألف سلامة إن شاء الله

بص يا باشا لو تقدر تروح التوكيل يبقى خير و بركة طبعاً بس لو وقتك ضيق ممكن تروح لمحمد الشرقاوى فى الحرفيين.

أنا مش عارف العيب ممكن يكون أيه بالظبط بس مجرد تخمين موتور مروحة التبريد ممكن يكون بايظ أو مش بيخليها تشتغل سرعتين كما يجب أن تكون.

ربنا يسلمك يا احمد باشا .. يعني رأيك اني مستناش على الموضوع واكشف عليها ولا ممكن استنى لحد الصيانة الجاية وابلغهم , انا مش متضرر قوي منها لأنها حصلت في الحر الشديد بس و نادرا ما بيكون في اسكندرية او طنطا موضوع الزحمة الشديدة زي القاهرة بس انا خايف المشكلة تتطور, ويا ريت لو وصف لمحمد الشرقاوي او تلفون ليه اكون شاكر جدا ليك يا باشا .

[Ahmed Selim]

0104667284
و قوله بس أنك من طرف عمرو بيه عمارة وهو هيقوم بالواجب
هو شاب صغير بس متقلقش إن شاء الله
و على فكرة أنا رحتله مرة واحدة بس و مصلحتش حاجة لأنى كانت رايح تلكيك....مكنش فيه شكوى معينة بس و أنا عنده شفته بيلعب فى ضفيرة ميجان 2 و موتور ميجان 1

و برضه أبقى كلمنا من هناك قبل ما تعمل حاجة....و لو معرفتش توصلى لأى سبب حاول مع أيمن أو عمرو عبد الخالق مع أنه مختفى اليومين دول.

أى حاجة فى الحرارة لا تحتمل التأخير و خصوصاً ان أنت معظم الوقت على سفر........ربنا يستر طريقك.

[mada001]

يص يا باشا متقلقش انا كان عندى نفس المشكلة ورحت للميكانيكى اللى بتعامل معاه فى شبرا وهو شغال فى توكيل العبور ,,
المشكلة بسيطة جدا وتكمن فى تغيير فيوز كده ملوش اى لازمه بس .....
والتكييف بعد كده اشتغل كويس ومؤشر الحرارة بقى ثابت على طول لو عايز رقمه قولى....متقلقش خااااااااالص بسيطة جدا

[akmal_hamdi]

من غير متروح لمكانيكى ولا كهربائى المروحه باظت السرعه التانيه مبتجيش يا محمد و لو لقيت المروحه غاليه ليها صرفه ابقى اقولك عليها و مع احترامى لmadaoo1 الحل ال انت عاملتوا ده او ال عاملهولك الكهربائى موقت و ليس دائم و الفيوز هيضرب تانى و ممكن تحصل مشكله فى ضفيره العربيه لان معنى ان الفيوز ضرب معنى ان الكهربا ال فولت بتعها مش مظبوط انا بنصحك تكشف على المروحه و تغيرها علشان متحصلش حاجه لاقدر الله

[Mohd_Adel_Amin]

0104667284
و قوله بس أنك من طرف عمرو بيه عمارة وهو هيقوم بالواجب
هو شاب صغير بس متقلقش إن شاء الله
و على فكرة أنا رحتله مرة واحدة بس و مصلحتش حاجة لأنى كانت رايح تلكيك....مكنش فيه شكوى معينة بس و أنا عنده شفته بيلعب فى ضفيرة ميجان 2 و موتور ميجان 1

و برضه أبقى كلمنا من هناك قبل ما تعمل حاجة....و لو معرفتش توصلى لأى سبب حاول مع أيمن أو عمرو عبد الخالق مع أنه مختفى اليومين دول.

أى حاجة فى الحرارة لا تحتمل التأخير و خصوصاً ان أنت معظم الوقت على سفر........ربنا يستر طريقك.

شكرا ليك يا احمد باشا , وبإذن الله اول ما انزل القاهرة هروح اكشف عنده وساعة ما اكون عنده هكلمكم على طول بإذن الله , جزاكم الله كل خير , وان لم يتيسر الوصول اليه هكشف عليها في فرع العامرية او عند الميكانيكي بتاعي وهبلغكم بالوضع ..

[Mohd_Adel_Amin]

يص يا باشا متقلقش انا كان عندى نفس المشكلة ورحت للميكانيكى اللى بتعامل معاه فى شبرا وهو شغال فى توكيل العبور ,,
المشكلة بسيطة جدا وتكمن فى تغيير فيوز كده ملوش اى لازمه بس .....
والتكييف بعد كده اشتغل كويس ومؤشر الحرارة بقى ثابت على طول لو عايز رقمه قولى....متقلقش خااااااااالص بسيطة جدا

شكرا ليك يا باشا انا هكشف عليها بإذن الله واشوف الموضوع سببه ايه ..

[Mohd_Adel_Amin]

من غير متروح لمكانيكى ولا كهربائى المروحه باظت السرعه التانيه مبتجيش يا محمد و لو لقيت المروحه غاليه ليها صرفه ابقى اقولك عليها و مع احترامى لmadaoo1 الحل ال انت عاملتوا ده او ال عاملهولك الكهربائى موقت و ليس دائم و الفيوز هيضرب تانى و ممكن تحصل مشكله فى ضفيره العربيه لان معنى ان الفيوز ضرب معنى ان الكهربا ال فولت بتعها مش مظبوط انا بنصحك تكشف على المروحه و تغيرها علشان متحصلش حاجه لاقدر الله

شكرا ليك يا دكتور , يعني كده لما اكشف اكون عامل حسابي اني ممكن اغير المروحة ..
و بإذن الله لما اكشف هقولك الوضع ايه لو عرفت اغيرها يبقى خير لو ما كانش هبقى ابلغك بحيث تدلني على الصرفه , وحتى لو كانت غالية وكان مفيش حل هغيرها بإذن الله لأن الموضوع خطر زي ما احمد باشا عبد المقصود قال ولازم يتحل ,
هكون معاكم بإذن الله اول ما اكشف عليها في اي مكان بس دخلة رمضان تعدي بإذن الله و هكشف عليها وعموما انا حركتي معظمها بالقديمة اليومين دول ..

[momo10000]

سهلة يا بوحميد .... دي كهرباء .. بسيطة .. بس لازم حد من بتوع الميجان !!

[Mohd_Adel_Amin]

سهلة يا بوحميد .... دي كهرباء .. بسيطة .. بس لازم حد من بتوع الميجان !!

شكرا ليك يا ايمن باشا , الحمد لله طمنتني .. انا يوم الاثنين عندي مشوار في العامرية هطلع منه واعدي على التوكيل هناك باذن الله , او ممكن على يوم 10 رمضان انزل القاهرة ساعتها اروح لمحمد الشرقاوي , في كل الأحوال هطمنكم اول ما تتحل المشكلة

[Mohd_Adel_Amin]

الحمد لله كشفت على المشكلة في العامرية البارحة وحسب كلامهم ان كان في فيوز محتاج يتغير وغيروه ..
الفاتورة كانت سخيفة جدا , 60 كشف و 40 صيانة كهرباء الاجمالي بالضريبة 110 جنيه مصري ..
طبعا لم يتسنى لي اني اجرب الموضوع لأني ممشيتش في اي زحمة من ساعتها بس الغريب والملاحظ ان التكييف تبريده زاد مش فاهم بصراحة ازاي , هل مثلا قبل كده كان الكمبيوتر بيقلل الحمل على الموتور لما يلاقي ان حرارته اعلى من الطبيعي و يقلل كفائة التبريد ؟؟!!

[original]

الحمد لله إنها إتحلت
المشكلة عندك إن مروحة التبريد ليها سرعتين والترموستات اللى راكبة على الريداتير بتتحكم فى السرعتين زائد إن فيه وحدة تحكم للتكييف فى سرعة المروحة:
1- سرعة عادية (منخفضة) فى حالة التبريد العادى للموتور بتشتغل وتفصل لما درجة الحرارة بتوصل 90 درجة مئوية تقريبا أو حسب الترموستات
2- سرعة عالية ودى مابتشتغلش غير لما الحرارة تعلى عن الحرارة الطبيعية للموتور أو لما تشغل التكييف لأن الحرارة بتزيد والتكييف بيحتاج تبريد عالى
طبعا كان عندك مشكلة فى السرعة العالية وماكانش ينفع التبريد بسرعة منخفضة والمشكلة دى أسبابها كتير
1) الترموستات
2) وحدة تحكم التكييف بالسرعة العالية
3) الفيوزات
4) المروحة
5) جاكات المروحة أو الترموستات مش راكبة كويس
6) أسلاك مقطوعة

والحمد لله إن كومبريسور التكييف أوتوماتيك بيفصل لوحده لما حرارة الفريون بتعلى عليه يعنى مفيش تبريد
لو كنت طولت عليه كان زمان الكمبريسور إتحرأ وكان ممكن تغيره بس الحمد لله

[Ahmed Selim]

التكييف فى الميجان بيفصل أوتوماتيكياً عند وجود أرتفاع فى الحرارة

[Mohd_Adel_Amin]

الحمد لله إنها إتحلت
المشكلة عندك إن مروحة التبريد ليها سرعتين والترموستات اللى راكبة على الريداتير بتتحكم فى السرعتين زائد إن فيه وحدة تحكم للتكييف فى سرعة المروحة:
1- سرعة عادية (منخفضة) فى حالة التبريد العادى للموتور بتشتغل وتفصل لما درجة الحرارة بتوصل 90 درجة مئوية تقريبا أو حسب الترموستات
2- سرعة عالية ودى مابتشتغلش غير لما الحرارة تعلى عن الحرارة الطبيعية للموتور أو لما تشغل التكييف لأن الحرارة بتزيد والتكييف بيحتاج تبريد عالى
طبعا كان عندك مشكلة فى السرعة العالية وماكانش ينفع التبريد بسرعة منخفضة والمشكلة دى أسبابها كتير
1) الترموستات
2) وحدة تحكم التكييف بالسرعة العالية
3) الفيوزات
4) المروحة
5) جاكات المروحة أو الترموستات مش راكبة كويس
6) أسلاك مقطوعة

والحمد لله إن كومبريسور التكييف أوتوماتيك بيفصل لوحده لما حرارة الفريون بتعلى عليه يعنى مفيش تبريد
لو كنت طولت عليه كان زمان الكمبريسور إتحرأ وكان ممكن تغيره بس الحمد لله

شكرا ليك يا باشا حقيقة شرح وافي ومبسط , جزاك الله خير ..