نصيحه لله بخصوص كليو موديل 95

[mario23]

ممكن نصيحه لوجه الله

انا معايا رينو كليو موديل 1995 لسه شاريها قريب

العربيه عجباني جدا مريحه وسريعه وسحبتها جنان وثبات ماشاء الله على السرعات العاليه كنت مسافر صحراوي الصعيد على 110 و 120 ومش حاسس وكمان صالونها من جوه واسع ومريح هي
1200 سي سي خمس سرعات عدادها لحد 240

هي قطع غيارها غاليه يعني مثلا كوبلن سألت عليه عند ميشيل حليم طلع ب 1000 جنيه
فيه ناس بتقولى هات قطع غيار استيراد بس انا مش عارف عند مين والاستيراد كويس ولا لأ

ابيعها ولا اخليها

[momo10000]

العربية دي تحفة من تحف الزمن .....

الاستيراد كويس في حاجات وحاجات لا ....

اوعي تبيع العربية دي ... واما تحتاج حاجة ليها ... الوحووووووووش (اللي انت واحد منهم) تحت امرك ...

[sasokiroo]

انا معايا الى بعدهه كليو 2000 و هى زى الفل بالنسبه لقطع الغيار الجديد من مشيل حليم و فى واحد برده جامد جدا اسمه جمال البدرى فى التوفقيه جامد جدا و عنده كل حاجه و ارخص من مشيل حليم كمان و الاستيراد فى كتير جدا فى الحرفيين و فى فى فيصل و الطالبيه محل اسمه الاصدقاء عنده كل حاجه برده و لو عايز ارقام تليفونات قولى
وده رقم البدرى
0110451620
0182099061
25752633
7 شارع زكى التوفيقييقيه الدور الثانى محل 8

[mohamed1979]

مبروك يا باشا
العربيه ده فعلا عربيه محترمه جدا جدا
اخو مراتى كان معاه واحده اختها حتى نفس اللون كان كل قطع غيارها بيجبها من بورسعيد و حاجتها موجوده هناك بوفره لما انزل ان شاء الله من الشغل حجيب رقم تليفون محل قطع الغيار فى بورسعيد و ابعته ليك ان شاء الله