دعوة للنقاش المفتوح حول ماتور اللوجان و السيمبول ؟؟؟

[tofy_urban]

اولا سلام عليكم جميعا
ثانيا ياريت كل من لديه معلومة و خبرة يشارك علشان الاستفادة للناس اللي انا منهم و ياااااااااااااريت بلاش علشان احنا في رمضان و بلاش ادعي علي حد انا دعوتي ممكن تستجاب بس انا هادعي و اقوله ربنا يتقبل منك صيامك و يجعله في ميزان حسناتك ,,, علشان انا مش بدعي علي حد
ندحل بقي في الموضوع
دلوقتي ماتور اللوجان هو ماتور الميجان 92 تقريبا علي ماتذكر و ماتور السيمبول ماتور الكليو 98 طيب مش ده كده عيب رئيسي في مكون هام جدا من مكونات العربية لان لما الواحد يجيب عربية ماتورها قديم كده و يفتقد كل التكنولوجي الجديدة اللي نازلة في الماوتير التانية مش هاقارن بالهوندا لان ماتورها متطور اوي لكن مثلا ماتور الفيرنا و النيو اكسنت ماتور قوي جدا و موفر في البنزين طيب مش كده احنا ممكن نكون بنضحي بالماتور علشان نكسب حاجات تانية في العربية طيب التضحية دي مقبولة ولا الماتور حاجة مش ممكن نضحي بيها علي العموم مستني ارائكم و نتناقش في الموضوع مع بعض و ياريت اطلع غلط علشان عيني هاتطلع علي السيمبول و نفسي اجيبها بس مقلق من الموضوع ده و من قطع الغيار

[Ahmed Selim]

على حسب معلوماتى أن موتور السيمبول هو هو موتور الكليو ال 2004 أو 2005 و دى حاجة طبيعية شوية

يعنى مثلاً عندك بى أم.....موديلات ال 84 و أنت طالع لحد 88 تقريباً كانت هى هى و بعد كده فى 89 لحد 91 أتغيرت المواتير مع أن العربية كان شكلها واحد
الموديل اللى بعده اللى هو 91 و 92 نزل بشكل جديد تماماً ( الدبانة ) و نفس المواتير السابقة و بعدها بفترة أتغيروا تانى و العربية كانت لسه فى نفس الشكل.

و الله أعلى و أعلم.

[tofy_urban]

احمد باشا حمدلله علي السلامة لم نتقابل في مواضيع معاً من فترة و دائماً ماتفحمني بالردود و ذلك لعلمك و خبرتك انا غير متاكد من مواضيع الماتور 98 و 92 بس اتذكر اني قريتهم هنا في احد المواضيع و علشان كده كنت حابب اسال و شكرا للرد و في انتظار المزيد من معلوماتك

[Ahmed Selim]

يا باشا ده من بعض ما عندكم

موتور اللوجان هو موتور الميجان ال 99 كمان مش 92
و ده طبعاً عشان تبقى بسعر منافس.....و فى نفس الوقت موتور كويس جداً و خصوصاً على حجمها الأصغر من الميجان 1

[tofy_urban]

كمان يعني معلومة 92 طلعت غلط ... طيب تقييم الماتور ده و ده مقارنتاً بمواتير جديدة زي الفيرنا اللي ماتورها شديد و زي النيو اكسنت مثلا او بالريو و ياريس بالنسبة للسيمبول

[gebreel]

متابع باهتمام

[Ahmed Selim]

كمان يعني معلومة 92 طلعت غلط ... طيب تقييم الماتور ده و ده مقارنتاً بمواتير جديدة زي الفيرنا اللي ماتورها شديد و زي النيو اكسنت مثلا او بالريو و ياريس بالنسبة للسيمبول

محمد عادل أمين هو اللى يقدر يفيدك عشان معاه ميجان 1

دى المعلومات اللى أعرفها عنه

موتور 1600
كامة واحدة و 8 صباب
القوة الحصانية 90 حصان على 5000 لفة
العزم 133 نيوتن على 4000 لفة

[amr.elsayed]

اللوجان بتناشد شريحة معينة من المستهلكين والشريحة دى اللى محتاجة
عربية عائلية تكون سعرها مناسب وفى نفس الوقت تكون بها اوبشنز
لا باس بها يعنى متصنعة مش عشان الشد والتسارع من الثبات
على اد ما هى متصنعة عشان تكون مريحة وفى فيديوهات كتير على اليوتيب
مكتوب على اللوجان familier عشان كدة مش عايزين نقارنها بالفيرنا والنيو اكسينت عشان دى بتناشد مستهلك تانى خالص
بيكون عايز طيارة بغض النظر عن وسائل الامان والراحة
يعنى مثلا ممكن تلاقى واحد معاه لوجان يقول العربية سحبها بطئ
لاكن صعب تلاقى واحد معاه لوجان بيقول العفشة ناشفة ومش مريحة
والعكس صحيح فى الفيرنا والنيو اكسينت صعب تلاقى واحد معاه هيونداى
يقول العربية تسرعها بطيئ لاكن ممكن جدا يقول العفشة نشفة وبتنط والكلام
اللى بنسمعه من ملاك العربيتين
وانا فى رأى ان مش شرط ماتور قوى وماتور ضعيف فى القوة ان دى تعكس
اعتماديته وعمره الافتراضى ( معلومة عايزين نتأكد منها من الخبراء )
ومتابع باهتمام لانه موضوع مهم ومفيد وشكرا لصاحب الموضوع
والاستاذ احمد على التفاعل

[أبو أدم]

السلام عليكم ورحمة الله وبركاته

موضوع ماتور اللوجان .. كان فى موضوع عمله أخونا عمرو عبد الخالق -جزاه الله خيرا - مقارنة بين ماتور اللوجان و ماتور ميجان 1 - 99 _ توصلنا فيها .. الى انه نفس الماتور تقريبا بنسبة كبيرة بس اسم موديل الماتور مختلف فى حرف او ما شابه ذلك ..تقريبا k711 حاجة زي كدة

لو حد جاب اللينك يبقى تمام ..

الخلاصة : ان ماتور اللوجان لا يتاخر اكتر من موديلات 99 .. وعلى فكرة هو ماتور قاتل فعلا جامد جدا - ما شاء الله -فى السحب والشد ، كمان تفاصيله قليله يعنى لما تفتح الكابوت تلاقى كل حاجة واضحة (( غير متعدد الاجزاء بصورة كبيرة )) .. ينقصه و لايعيبه الصوت العالى شويه

اما ماتور السيمبول فانا من خلال متابعاتى من ملاكها ، زي ما قال أستاذنا الرائع دائما / أحمد عبد المقصود _ ربنا يكرمك يا اخى والله _ انه ماتور الكليو 2004 و انت طالع .. علشان كدة هم بيقولوا ان نفس قطع غيار ماتور السيمبول هى هى ماتور الكليو ....والله اعلى واعلم .

[akmal_hamdi]

على فكره ماتور السيمبول من احلى المواتير ال عملتها رينو و ده عن تجربه موتور ملوش حل احمى من موتور اللوجان من وجهه نظرى

[Ahmed A Rahman]

السلام عليكم ورحمة الله وبركاته

موضوع ماتور اللوجان .. كان فى موضوع عمله أخونا عمرو عبد الخالق -جزاه الله خيرا - مقارنة بين ماتور اللوجان و ماتور ميجان 1 - 99 _ توصلنا فيها .. الى انه نفس الماتور تقريبا بنسبة كبيرة بس اسم موديل الماتور مختلف فى حرف او ما شابه ذلك ..تقريبا k711 حاجة زي كدة

لو حد جاب اللينك يبقى تمام ..

الخلاصة : ان ماتور اللوجان لا يتاخر اكتر من موديلات 99 .. وعلى فكرة هو ماتور قاتل فعلا جامد جدا - ما شاء الله -فى السحب والشد ، كمان تفاصيله قليله يعنى لما تفتح الكابوت تلاقى كل حاجة واضحة (( غير متعدد الاجزاء بصورة كبيرة )) .. ينقصه و لايعيبه الصوت العالى شويه

اما ماتور السيمبول فانا من خلال متابعاتى من ملاكها ، زي ما قال أستاذنا الرائع دائما / أحمد عبد المقصود _ ربنا يكرمك يا اخى والله _ انه ماتور الكليو 2004 و انت طالع .. علشان كدة هم بيقولوا ان نفس قطع غيار ماتور السيمبول هى هى ماتور الكليو ....والله اعلى واعلم .

ربنا يكرمك انت كده جبت اللي انا عايز اسال عليه من زمان

يعني يا باشا انا معايا 128 ولانسر ومتقوليش ازاي بتحول بين الاثنين لاني اتعودت على كده

بال 128 لما بطلع بطلع على مهلي زي الحصان ما بيتحرك وكمان دقيقتين كده ازود لحاد انشا الله اوصل ل 130 كيلو
انما طبعا الطلعة او التحرك بيكون على مهلي عشان العربية متطفيش مش عشان العربية متشدش !!!!


لما بتحول لشخص ثاني وانا راكب اللانسر بحس طبعا مفيش مقارنة في الطلعة والسحبة بس عشان انا 1300 وتقريبا 87 حصان مبحسش بالطلعة بتاعة الفيرنا مثلا اللي هي انطلاقة الصاروخ انما طبعا احسن من العربية الثانية بكتير

انا عايز اسال حضرتك

هل اللوجان اللي ان شاء الله حستلمها كمان شهرين حتكون طلعتها ازاي

يعني انا عارف انها ماشاء الله ممكن ازود واجري بها على الطريق لاني مش عايز اكتر من 130 مثلا

لكن هل الطلعة مخنوقة اقل من اللانسر مثلا ولا اكتر وتسلم لي يا غالي

[mohamed1979]

ر
هل اللوجان اللي ان شاء الله حستلمها كمان شهرين حتكون طلعتها ازاي

يعني انا عارف انها ماشاء الله ممكن ازود واجري بها على الطريق لاني مش عايز اكتر من 130 مثلا

لكن هل الطلعة مخنوقة اقل من اللانسر مثلا ولا اكتر وتسلم لي يا غالي

السلام عليكم و رحمه الله
اللوجان اول ما استلمت العربيه كانت مخنوقه و تقيله و سحبها ضعيف (يمكن لسه علشان بلين )
بعد 3000 ك زكى ما الكتالوج بيقول لقيت عربيه تانى خالص السحب اتغير بقى اقوى و الموتور صوته نعم اكتر
بعد ال 5000 ك لقيت عربيه غير الى كنت راكبها خالص
السحب قوى ما شاء الله انعم و صوت الموتور مع الأستخدام بينعم
كان عندى شكوى من وجود صوت غريب بالموتور على RPM 1.5 لفه بس مع التلين و زياده استهلاك العربيه الصوت اختفى تماما
و دلوفتى اقولك ان ممكن اشد معاك بالانسر و تجيب النظاره المعظمه علشان تقدر تشفنى قدامك
الخلاصه سحب العربيه جميل جدا و فى الطلعه الأولى عربيه شديده
بس المهم تلين العربيه مظبوط علشان تلاقى الموتور استريح معاك

[mmg]

كيف يتم التليين المظبوط يا باشا

[tofy_urban]

شكرا لكل من شارك و لسه متابعين لمزيد من المعلومات

[ash257]

معلش يا جماعة انا مش بافهم قوي في موضوع المواتير ده بس طبعا هو حاجة مهمة جدا بالنسبة للعربية ويا ريت حد متخصص يطمنا على ماتور اللوجان هل يعتبر فعلا تكنولوجي قديم يعني بيعمل مشاكل ولا أيه بالضبط