جديد ولا مستعمل اعلى

[DR/WAFEK]

ازيكم يا وحوش رينو كل سنه وانتم طيبين انا الصراحه عايز ابدى كل الاحترام لمنتدى الرينو وبعتبره افضل قسم فى نايل موتورز وتقريبا لما بدخل المنتدى دايما على قسم الرينو ومشاركتم حبيبتنى جدا فى رينو كماركه مع انى كنت من كام شهر معنديش خلفيه كبيره عنها وان شاء الله هكون رينوهاوى جديد قريب ولكنى محتار ان معايا فى حدود 70 الف ومش عارف اجيب ميجان مستعمله ولا لوجان زيرو اعلى فئه الصراحه تقييم الاستاذ رامى الاخير حببنى فى اللوجان وفى نفس الوقت انا بحب الميجان جدا فعايز اعرف رايكم ايه اسف على الاطاله

[Col. Eng. Khaled]

رأيي المتواضع

حضرتك خلليك في لوجان فول أوبشن ، متعة الزيرو لا تضاهى .

مع الوقت إن شاء الله تكون الثقة في رينو عمليا بقت موجودة ، في نفس الوقت ميجان 3 على وشك النزول للسوق المصري .

تبقى حضرتك إن شاء الله كسبت :

1- ركوب زيرو (لوجان) .

2- مع الوقت تكتسب خبرة التعامل مع الوكيل (خلال فترة الضمان) علشان تقدر تحكم ممكن تتعامل معاه تاني في عربية أعلى ؟

3- إن شاء الله البند السابق تحقق ، و حبيت تغير لأعلى من لوجان تكون ميجان 3 سواء سيدان أو هاتش باك موجودة و بانت حقيقتها

فتقدر تعلى لميجان 3 و حضرتك مطمئن .

و الرأي أولا و أخيرا لحضرتك

بالتوفيق إن شاء الله لما فيه الخير لحضرتك .

[أحمد كمال]

بالظبط

زيرو و انت اول رجل و عارف اللي فيها

المستعمل حتى لو اخوك ممكن تخسر لسبب

حتى لو توفرت الامانة ...... ممكن تكون فيه حاجة بايظة و هو مش عارف

[ramy_gamal]

الزيرو احسن واضمن زي اوحوش ماقالو
وبعدين بالبلدى كدة الزيرو له ريحه غريبه فى الاول

[أبو أدم]

رأيي المتواضع

حضرتك خلليك في لوجان فول أوبشن ، متعة الزيرو لا تضاهى .

مع الوقت إن شاء الله تكون الثقة في رينو عمليا بقت موجودة ، في نفس الوقت ميجان 3 على وشك النزول للسوق المصري .....

.....

.

و نعــــــــــــــم النصيحة والله يا جنـــــــرااال

مفيش كلام منى بعدك

[Col. Eng. Khaled]

من بعض ما عندكم يا باشمهندس

[abasse]

0والله نصيحة حكيمة

[DR/WAFEK]

الف شكر يا احلى منتدى وفعلا انا رحت حجزت اللوجان كامله بس لسه الاستلام فى شهر 12 بس عايز رئيكوا فى اللون انا حجزت

اللون الفيرانى من فرع فى المحله اسمه ثرى اس

[bishoy02010]

الف شكر يا احلى منتدى وفعلا انا رحت حجزت اللوجان كامله بس لسه الاستلام فى شهر 12 بس عايز رئيكوا فى اللون انا حجزت

اللون الفيرانى من فرع فى المحله اسمه ثرى اس

اللون الفيرانى جميل فيها قوى والف مبروك مقدما ولو معاك تمنها كاش ومستعجل ممكن تستلمها فى اسبوعين من عند محمد ذكى

[amr.elsayed]

الف شكر يا احلى منتدى وفعلا انا رحت حجزت اللوجان كامله بس لسه الاستلام فى شهر 12 بس عايز رئيكوا فى اللون انا حجزت

اللون الفيرانى من فرع فى المحله اسمه ثرى اس

الف الف مليون مبروك وربنا يعطيك خيرها ويكفيك شرها
وواضح ان فى شهر 12 حيكون فى انقلاب فى قسم الرينو
بسبب استلام كتير مننا الرينو لوجان بما فيهم انا
ان شاء الله الميجان 3 تعمل شغل عالى برده لمزيد
من الاستفادة وانعاش قسم الرينو
تحية منى لكل من يمتلك هذه العلامة المحترمة

[أبو أدم]

الف شكر يا احلى منتدى وفعلا انا رحت حجزت اللوجان كامله بس لسه الاستلام فى شهر 12 بس عايز رئيكوا فى اللون انا حجزت

اللون الفيرانى من فرع فى المحله اسمه ثرى اس

الف مبررووك .. ربنا يبارك لك فيها ... ويكفيك شرور الطريق

اللون الفيرانى حلو اوي بالذات علشان الحليات الميتل الخارجية بتبان عليها كويس اوي

وانا عربيتي نفس اللون

[hossam_elwani]

جيب ميجان 2 مستعملة واكشف عليها فى التوكيل احسن

[DR/WAFEK]

الله يبارك فيكم يا جماعه ويارب كل اللوجانويه يستلموا بقى وان شاء الله يكون قبل العيد الكبير علشان نعيد بيها:10d5c8~1107:

[DR/WAFEK]

جيب ميجان 2 مستعملة واكشف عليها فى التوكيل احسن

كان نفسى فى الميجان بجد بص خلينا بقى براى الاغلبيه للى شايفه الاختيار الصح هو الزيرو خصوصا ان ميجان 3 خلاص نازله