واخيرا رأيتها راي العين

[M.Moustafa]

وحووووووووووووووووووووووووش

اخيرا شوفت الميجان 3 بعيني

القصة بدات اني كنت في رحلة عمل الاسبوع اللي فات الى المغرب، اول ما نزلت المطار لقيت عربية لاجونا كوبيه موقفنها في خزنة قزاز للعرض وطبعا كان شكلها تحفة بس للاسف الدنيا كانت ليل ولو كنت صورتها كان النور الفلاش هيترد على الصورة بس منظرها كان ما شاء الله لا قوة الا بالله وحش واقف على الارض.

المهم طلعت من المطار وبدات اتفرج على الطريق وطبعا لكم ان تتخيلو ان العربية ال 128 هناك هيا .................................









اللوجان بالتاكيد وبلا منازع، العربية بتنزل باسم داتشيا لوجان 1500 سي سي ديزل لان هناك معظم العربيات ديزل نظرا لغلو البنزين.

اول يوم ليا وانا رايح الشغل الاقي حاجة من الضهر عليها علامة رينو وشكل انا حاسس اني عارفه لمل قربت عليها والاقي مكتوب عليها ميجان، ايون ميجان 2 سوداء هاتشباك بابين اتنين شكلها عجبني جدا جدا جدا ما شاء الله عليها وشوفت واحده تانية كانت واقفه لونها برتقالي انا بصيت عليها بصه سريعه من جوه وهيا تقريبا شبه اللاجونا الى حد كبير .

طبعا هناك الرينو ماشي بطريقة غريبة وبكل الانواع:

ميجان 1
ميجان 2
ميجان 3 لسه مش منتشرة قوي
كليو
كليو 3 منتشرة بفظاعة وشكلها وهمي
لاجونا منتشرة جدا جدا
فل ساتس ودي العربية اللي كنت بركبها يوميا ولاول مرة في حياتي اشوفها مانيوال مش اتوماتيك
السيمبول عامله شغل كويس هناك
السينك والجراند سينيك عاملين شغل جامد
وطبعا اللوجان مستهبلة فيها وكانها عجلة الشعب هناك

كل العربيات دي ماشية ديزل مفيش بنزين الا بشكل قليل جدا

ربنا يوعدنا نشوف الميجان 3 في مصر قريب

[Ahmed Selim]

حمداً لله على سلامتك يا نجم..........المهم جبت معاك بارات الدركسيون ولا لأ :)

[Col. Eng. Khaled]

شكلوا حلق لنا و مكتم على الأسعار إللي كنت موصيه عليها ، ميجان 3 أخدتو مننا و نسته أصحابه

[M.Moustafa]

والله يا باشوات ما نستش بس اقسملكم اني كنت بنام في المغرب 5 ساعات من كتر الشغل وكنت بمشي من المكتب الساعة 5 كل يوم والتوكيل هناك كان بيقفل الساعة 3و نص عموما يا باشا انا ليا سفرية تانية قريب ان شاء الله

[Col. Eng. Khaled]

يا محمد بيه إخوانك و بيناغشوك ، ما تاخدش في بالك

[momo10000]

حد يروح المغرب في رمضان ... اتقي الله يا عم محمد ... اللهم أني صائم.

[mostafabakry]

حمد لله عالسلامة
طيب كنا محتاجين حبة صور كدا علي ما قسم يا ريس

[chato_eg]

يعنى ما جبتش الحاجة و لا سألت عليها و سامحوك
إنما كل إللى تحكيه عن الرينو فى المغرب مدى انتشار كل عربية و بس...لأ لأ لأ..أزعل منك...ده إنت الوحيد إللى ركب فى ال Vel Satis ....عيب عليك....عايزين تحكى التجربة الشعورية مع كل مطب و ملف فى ال Vel Satis و باقى العربيات

[M.Moustafa]

يعنى ما جبتش الحاجة و لا سألت عليها و سامحوك
إنما كل إللى تحكيه عن الرينو فى المغرب مدى انتشار كل عربية و بس...لأ لأ لأ..أزعل منك...ده إنت الوحيد إللى ركب فى ال vel satis ....عيب عليك....عايزين تحكى التجربة الشعورية مع كل مطب و ملف فى ال vel satis و باقى العربيات

المشكلة والله يا هاني باشا ان ما شاء الله لا قوة الا بالله مفيش ولا مطب في الطريق

بس طبعا العربية وحش كفاية جدا الكرسي الكهرباء بتاعها بيتظبط في 10 اتجاهات

وبعدين والله يا هنو كتر الشغل كان مخليني عامله زي الدبانه الدايخه مش واخد بالي من اي حاجة بس ليكم عندي المرة الجاية ان شاء الله شوية صور تعجبكم

[Samir Elshahawy]

حد يروح المغرب في رمضان ... اتقي الله يا عم محمد ... اللهم أني صائم.

علي كده ماكانش بيصوم , و كان بيفطر علي طول لأنه في المغرب بقي لأن العشاء و الفجر و الظهر مابيجوش هناك
:10d5c8~1107::10d5c8~1107::10d5c8~1107:

[Amr_Moh]

أنا سبأتك.. بس فين الصور يا بيه علأقل تثبتلنا انك كنت هناك

[chato_eg]

المشكلة والله يا هاني باشا ان ما شاء الله لا قوة الا بالله مفيش ولا مطب في الطريق

يا حسرة قلبى عليكى يا بلدى

سلامتك من الدوخة يا أبو حميد....تتعوض المرة الجاية..و ابقى افتكر صاحبنا إللى شكله مستنى حاجة من ريحة الأطلنطى و عمال يطلعك فاطر فى رمضان علشان الرحلة فى المرة الجاية( ما تخافش يا باشمهندس سمير..ده واحد صاحبنا تانى )

[chato_eg]

أنا سبأتك.. بس فين الصور يا بيه علأقل تثبتلنا انك كنت هناك

طيب ريحتها...هيبتها..هيئتها..حضورها....روحها...
أى وصف حسى ليها من إللى لازم تبقى الأمورة قدامك علشان تعرفهم....مافيش غير صور

[M.Moustafa]

أنا سبأتك.. بس فين الصور يا بيه علأقل تثبتلنا انك كنت هناك

يا باشا انا اول مرة اركب الفل ساتس وسوقتها كانت سنة 2006 في السعودية واكنت اتوماتيك يعني استحالة تكون سبقتني

[M.Moustafa]

طيب ريحتها...هيبتها..هيئتها..حضورها....روحها...
أى وصف حسى ليها من إللى لازم تبقى الأمورة قدامك علشان تعرفهم....مافيش غير صور

يا هاني باشا مش هقولك غير انها منتهى درجات الفخامة اللي ممكن تتخيلها في عربية

ممكن بقى انت تبني تصور وتعرف وكلام في سرك العربية السواق كان ماشي بيها 220 والله كانها كانت ماشية 100