الكوبلن محتاج تغيير

[albasha]

عندي الكوبلن الشمال بيطقطق مع الملفات بالتالي هو محتاج تغيير كلمت المياكانيكي قالي غير بواحد إستيراد أحسن لأن الجديد التركي الكاوتشه بتاعته بتتقطع بسرعه فمش عارف أغير بالإستيراد وخاصة هو قاللي كده لأن عنده واحد وعايز يبيعهولي ب 600 جنيه وسألت علي التركي قاللي ب 450 جنيه
فأيه رأيكوا أغير تركي جديد ولا إستيراد
حتعبكوا معايا شويه لو في مكان الواحد يقدر يشتري منه إستيراد كويس ياريت تقولولي عليه
ولو مرشحنلي أغير الجديد أنا شوفت الجماعه هنا بشكروا في ميشيل حليم لو حد يكتب لنا عنوانه ورقم تليفونه يبقي كتر خيره

السياره رينو كليو 2003 ( 1200cc)

[kimo]

عنوان ميشل حليم 184 ش الترعة البولاقية - شبرا ـ / 24301990

[أحمد كمال]

فكك من الميكانيكي هو عايز يلبسك الكوبلن اللي عنده

و بلاش استيراد في حاجة فيها اهلاك جامد زي الكبالن و المساعدين و غيره

هات الأصلي و ركبه احسن

و اشتريه انت ما تخليهوش يشتريهولك

[ahmedbakr50]

فكك من الميكانيكي هو عايز يلبسك الكوبلن اللي عنده

و بلاش استيراد في حاجة فيها اهلاك جامد زي الكبالن و المساعدين و غيره

هات الأصلي و ركبه احسن

و اشتريه انت ما تخليهوش يشتريهولك

صح الصح

[ramy_gamal]

الجديد جديد بس ممكن اعرف هو طقطق معاك والعربيه عامله كام كيلو؟؟؟؟؟؟؟؟؟؟؟

[akmal_hamdi]

الجديد جديد حتى لو من قريه ام الليحه

[albasha]

الجديد جديد بس ممكن اعرف هو طقطق معاك والعربيه عامله كام كيلو؟؟؟؟؟؟؟؟؟؟؟

العربيه عامله 103000
وبشكر الجميع إهتمامهم ومعلهشي لـتاخير الرد ( عيد بقي كل سنه وانتم طيبين )

[أحمد كمال]

الجديد جديد حتى لو من قريه ام الليحه

lol

[elansary]

اوعي تجيب كوبلن مستعمل لانها معظمها متصلحة وبيكبسوها وكمان بيجيبوا الكاوتشة التركي ويركبها علي الاستيراد

[original]

هات التركى جديد وكل مايطقطق غيرة دى مشكلة مابتنتهيش المهم إنك تحافظ عليه وماتقرصش على الموتور فى الملفات..