رعشه فى الكليو

[ramy_gamal]

النهاردة حصلت حاجه بسيطه معايا وكنت عايز اخد رايكو فيها
رحت مشوار صغير وركنت العربيه تقريبا ساعتين وبعدين جيت ادور ( مكنتش بردت اوى )دارت عادى بس لقيت فى رعشه فى الفتيس ( الفتيس كان بيتهز ) وصوت الموتور كدة مش منتظم . طلعت عادى ومشيت عادى والرعشه راحت خالص. انا مبسبش البنزين للاخر يعنى مبخليش الشوائب الموجودة فى التنك تخش على الموتور. انا عملت صيانه ال60 ودلوقت ماشى 65 يعنى لسه الصيانه من فترة قريبه .ياريت لوحد عندة معلومه عن الموضوع دى يفيدنى اكشف على ايه؟؟؟

[HAJHANY]

الموضوع ده حصل معايا مرتين مره حطيط منظف الرشاشات راحت الرعشه والمره التانيه كانت تنتيشه مع رعشه غيرت بوجيهات وكويل (بوبينه) كليو 2002وماتقلقش

[ramy_gamal]

معلش الكويل دة سعره فى حدود كام؟؟؟؟؟؟؟

[highlinker]

انا مغير موبينة قبل كده .. جبت واحدة صيني بـ 150 جنيه شغالة بقالها فترة وزي الفل الحمد لله
الاصلي كانت بـ 300 وشوية بس مش فاكر

شاريها من هنا من المنصورة

[medohai510]

السلام عليكم،،،
أولاً لا تكبر الموضوع يا باشا وأمسك الحكاية واحدة واحدة:
1- أنزع خرطوم البنزين الواصل للموتور من عند الموتور (العربية باردة تماماً) وخلي حد يفتح كونتاكت ولاحظ أندفاع البنزين عامل أزاي لو قوي (الطلمبة والفلتر) تمام.
2- دور العربية وأنزع سلك البوجيه رقم 1 لو وجدت الموتور هيبطل وبيروج جامد يبقي هذه البوجية والسلك تمام وهكذا علي باقي البوجيهات.
3- لو أن شاء الله كل ما سبق تمام حط سائل تنظيف الرشاشات من بنزينة موبيل (لونة أسود تقريباً) وفول من بنزينة كويسة والله الموفق

[ramy_gamal]

الف شكر على المعلومات المفيدة و إن شاء الله اجرب

[HAJHANY]

الاول حط المنظف وبعد ماتمشى حوالى 50كيلو حتحس بالفرق واذا كانت حاله مستعصيه غير بوجيهات واذا مانفعش يبقى البوبينه والبوبينه التركى اللى اعتقد انها صينى 250 جنيه والالمانى اللى اعتقد انها تركى 450 جنيه لسه مركب واحده قريب

[ramy_gamal]

هو المنظف طريقته ايه؟؟؟؟؟؟؟؟؟؟

[albasha]

هو المنظف طريقته ايه؟؟؟؟؟؟؟؟؟؟

أولاً التعليمات مذكوره علي العلبه ( بالمناسبه العلبه إسمها Positive power)
وهي كالتالي تضيف الكميه اللي في العلبه علي ربع التانك وبعدين تفول وتمشي لحد لما التانك تقريباً يفضي وبعدين فول تاني ( نصيحه ما تخليش التانك يفضي علي الأخر )

ودي طريقه سريعه لتنظيف الرشاشات ولكن الطريقه الفعليه عن طريق جهاز الألتراسونيك

[ramy_gamal]

هو الجهاز دة موجود فى التوكيل ولا ايه؟؟؟؟