رينو سيمبول

[koko2]

بسم الله الرحمن الرحيم

أنا نويت أشترى عربية جديدة ومعايا 80 الف جنية ودة أخرمبلغ معايا

دلوقتى أنا شوفت رينو سيمبول 2009 بصراحة عجبتى أوى بس عاوز اعرف

من الناس اللى أشترتها فى المنتدى الجميل دة أية أخبار العربية دى

أنا عاوز أعرف قوة الماتور وأهم حاجة عاوز أعرفها هو صوتة هل هو عالى ولا مالهوش حس

زى أى عربية تانية وهل واسعة ولا ضيقة وسحبها أخبارة أية وثباتها

وأكون شاكر لكم جدا لأنى ناوى أجبها السنادى بأذن الله قأرجو الافادة سريعا

[mrizk_3002]

بص انا كمان كانت عجباني جدا جدا جدا بس للأسف مشرتهاش خلليني اقولك علي مميزتها و عيوبها:

من ناحية صوت المتور فهو ناعم جدا و العزل في العربية هايل جدا انت لو قفلت الازاز مش هتسمع الهوا بره.

المتور قوي جدا علي العربيه ديه بيديك عزم 172 نيوتن عند 3750 اربي ام و ده اداء هايل بيخلي سحب العربيه رائع بالذات كمان ان وزن العربيه خفيف نسبياً 956كج و الوزن الخفيف ده ميزه و عيب في نفس الوقت.

المتور كمان1.4 ,16 صباب و ده له ميزتين رائسيتين الاولي انه موفر جدا في البنزيــــــــــــــــن بمعني انه علي الطوالي هيبقي الاستهلاك 5.4 لتر/100 كيلو و ده بسراحه استهلاك تحفه.

الميزة التانيه انه موضوع الـ16 صباب دول هيعلوا قدرة المتور يعني لانه بيديك 98 حصان عند 6000 اربي ام و ده هيعلي السرعه القصوه بتاعت كل النقلات و السرعه القصوي للعربيه ككل حتي 185 km/h و يمكن اكتر كمان. من غير حتي متحرق علي النقلات. و المتور ده بصراحه اقوي من موتير عربيات كتيـــــــــــــــــــــــــــــــــر قوي يمكن اعلي منها في الفئه السعريه كمان. و من احلي الموتير و الاكثر تكنولجيا في كل العربيات المتاحه في مصر.

احب كمان اوضحلك ان موضوع المالتي اوبشنز اللي في الدريكسون وبتتحكم في الكسيت ديه لطيفا جدا.

العربيه كمان ثباتها علي الارض جــــــــــــــــــــــــــــــامد اخر حاجه و حتي علي السرعات العاليه او اثناء الفرامل. و متنساش ان العربيه ديه امتداد للكليو اللي هيه اكتر عفشه رياضية في الرينو.


اظن لغاية كده انت طاير بالعربية من الفرح

تعلالي بقه في العيوب و هيه عيبين بس.

اولاً العربية ارتفاعها عن الارض حوالي 14 سم و ده في بلد لأمؤخذه زي مصر يبقي لأمؤخذه هتحك معاك في كل مطب. وبالرغم من ان العربيه ديه متصفحه من تحت المتور الا اني بيتحرق دمي لما اركب عربيه و اخد المطب لأمؤخذه بالعرض و برده لأمؤخذه تحك.

تاني هام يمعلم ان العربيه ديه نوعاً ما مش واسعه.

تالت هام بقه ان وزنها الخفيف ده بيخليها تزحف علي الارض يعني لو انت دوست فرامل جامده هتلاقي نفسك بتلمع الاسفلت.

و و الله للسببين دول بس انا كنت مضطر اشتري الخيار التاني و اللي لا يقل عنه كثيراً في الامكانيات اللهوه اللوجان.

و هي عربيه اعلي منها عن الارض و اوسع و السحب بتعها برده معقول و الاهم من ده كله ان السيمبل مش منتشره قوي انما اللوجان بسم الله ما شاء الله مرطرطه في الشوارع.

و طبعاً ده رائي الشخصي يعني في ناس ممكن تحس ان العيوب ديه مش مهمه قوي بالنسبالهم. و ديه ارااااااااااء

[rafe3_dent]

السيمبول نسخة من الكليو 2005 مع اختلاف الشكل
وعلى فكرة الماتور الـ 1.4l 16v ده بجد ملوش حل

[mohamedfadel]

متابع بإهتمام وياريت معلومات عن الاوتوماتيك منها