الميجان2009 اتخبطت أعمل ايه

[elshinawy80]

السلام عليكم يا وحوش
الحمد لله على كل شىء الميجان اتخبطت امبارح فى دوران كده الباب الشمل الخلفى مع حكة فى الرفرف الخلفى
عايز النصيحة انا بكرة الاربعاء ميعاد صيانه الــ10000 اعمل شغل السمكرة فى التوكيل فى العبور كمان مع الصيانه و لا سمكرى برة افضل خصوصا انى فى المنصورة افضل سمكرية فى مصر كلها
و لو فى التوكيل التكلفة هتكون قد ايه و شغلهم كويس و هل ممكن اخدها فى نفس اليوم هو شغل السمكة بسيط

[أحمد كمال]

مفيش في نفس اليوم هي يومين تلاتة

بس انت مأمن و لا لأ؟

رش الباب بسمكرته لو مش محتاج يتغير ب 600 جند

[ahmad--ezzat]

اوعى ترش حاجه عربيتك جديده ودة هيقلل من سعرها...سيبك من التوكيل واطلع على سمكرى محترم....يردلك على البارد بنضافه وبعد جدا العربيه كلها تاخد وش تلميع وابقى ادعيلى

[elshinawy80]

بس البوية مجرحة اعمل ايه الباب مش محتاج يترش مطبق بس حته صغيرة
و مينفعش بكرة اوديها و استلمها فى نفس اليوم لو شغل بسيط

[أحمد كمال]

اوعى ترش حاجه عربيتك جديده ودة هيقلل من سعرها...سيبك من التوكيل واطلع على سمكرى محترم....يردلك على البارد بنضافه وبعد جدا العربيه كلها تاخد وش تلميع وابقى ادعيلى

مع احترامي لكل انصارها بس انا ضد المدرسة بتاعة سيب العربية مبهدلة عشان سعرها

الرش من برة ما بيفرقش كتير ..... و اللي بيشتري لو عاقل و فهمته ان اي عربية بتتخبط في مصر المفروض يفهم و لو مش فاهم ما عنه ما اشترى و ده اللي انا عملته في عربياتي اللي قبل كده

[ahmad--ezzat]

حضرتك لو مش عايز تسيبها اقف على ايد الراجل وبعد مايخلص خدها وهاتهاله فى اليوم اللى بعده...بس صعب تخلص فى يوميها

[elshinawy80]

ينفع استلم فى نفس اليوم
و هل لازم يرش الباب كله و الرفرف فى التوكيل و لا على قد الخبطة بس

[ahmad--ezzat]

مع احترامي لكل انصارها بس انا ضد المدرسة بتاعة سيب العربية مبهدلة عشان سعرها

الرش من برة ما بيفرقش كتير ..... و اللي بيشتري لو عاقل و فهمته ان اي عربية بتتخبط في مصر المفروض يفهم و لو مش فاهم ما عنه ما اشترى و ده اللي انا عملته في عربياتي اللي قبل كده

يا استاذ احمد انا زيك بالظبط....مبحبش العربيه تكون مبهدله....انا عربيتى اتخبطط وهبا واقفه من الباب وكنت قرفان جدا رحت لاكتر من 6 سمكاريه....وقلولى نفس الكلام اوعى ترش عشان حرررام العربيه لسا جديده...اللى عملته انى رديت الخبطه على البارد وكان فيه تجاريح...اتعملت ببوليش ولمعت العربيه كلها...بدون رش ولا غيره والعربيه بقت تحقه....ولما اجى بقا ابيع العربيه ميبقاش اسمى رشيت اجزاء لان دة بيفرق جدا مع الناس (مع انه ميفرقش معايا)...الواحد يسمعلك كلمه راشه دى يقلل 3 4 الاف
والمفروض يعنى الواحد يلم الحجات دى بابسط الحلول...وربنا يحفظنا

[ahmad--ezzat]

ينفع استلم فى نفس اليوم
و هل لازم يرش الباب كله و الرفرف فى التوكيل و لا على قد الخبطة بس

اعتقد ان التوكيل هيبالغ....اسئل وان شاء الله خير

[alfa_we]

الحمد لله انها جات على قد كدة
قدر الله وما شاء فعل

[elshinawy80]

عموما انا كده كده بكرة فى التوكيل علشان ميعاد الصيانه
و هسأل على النظام هناك و التكاليف
بس هل لو عملتها برة تلغى الضمان

[elshinawy80]

ممممممم

[أحمد كمال]

ينفع استلم فى نفس اليوم
و هل لازم يرش الباب كله و الرفرف فى التوكيل و لا على قد الخبطة بس

لا ما ينفعش

و لازم الباب كله يترش

يا استاذ احمد انا زيك بالظبط....مبحبش العربيه تكون مبهدله....انا عربيتى اتخبطط وهبا واقفه من الباب وكنت قرفان جدا رحت لاكتر من 6 سمكاريه....وقلولى نفس الكلام اوعى ترش عشان حرررام العربيه لسا جديده...اللى عملته انى رديت الخبطه على البارد وكان فيه تجاريح...اتعملت ببوليش ولمعت العربيه كلها...بدون رش ولا غيره والعربيه بقت تحقه....ولما اجى بقا ابيع العربيه ميبقاش اسمى رشيت اجزاء لان دة بيفرق جدا مع الناس (مع انه ميفرقش معايا)...الواحد يسمعلك كلمه راشه دى يقلل 3 4 الاف
والمفروض يعنى الواحد يلم الحجات دى بابسط الحلول...وربنا يحفظنا

باشا فكك من كلام السمكرية دول كنافنجية

الكلام ده كان زمان و لو راشش نضيف محدش يتكلم و لو اتكلم قل له خلاص ما تشتريش و لو الرش نضيف ما بيبانش

العيب كله في التجار و انا شخصيا و لا عايز ابيع و لا اشتري من او الى تاجر

و الحمد لله حظك حلو و خبطتك نفعت تتلم عالبارد بس مش كل خبطة تنفع عالبارد للاسف

و انا شخصيا بارش و اما ابيع ربنا يسهل ..... 3 او 4 الاف يبقى يفتح الله و يشوف له غيرها و انا بابقى واثق من حالة عربيتي و اهتمامي بيها و صياناتها كلها في التوكيل في الميعاد يبقى محدش له عندي حاجة و اللي مش عاجبه ما يشتريش

عموما انا كده كده بكرة فى التوكيل علشان ميعاد الصيانه
و هسأل على النظام هناك و التكاليف
بس هل لو عملتها برة تلغى الضمان

ممكن لو صادف نفس الباب باظت مكنة القزاز و عرفوا انك فتحته برة ممكن تخرج برة الضمان

[elshinawy80]

الف شكر يا وحوش
و بكرة ان شاء الله هعرفكوا ايه اللى تم

[Amr_Moh]

اوعى ترش حاجه عربيتك جديده ودة هيقلل من سعرها...سيبك من التوكيل واطلع على سمكرى محترم....يردلك على البارد بنضافه وبعد جدا العربيه كلها تاخد وش تلميع وابقى ادعيلى

أنا اختلف معك،، هو ن جيبها عشان اتبسط بها ولا عشان أسبها وحشة ومخبطة تحت بند الحفاظ عالقيمة.. أنا مع مبدأ رش ومشي بعربيتك حلوة زي الفل

السلام عليكم يا وحوش
الحمد لله على كل شىء الميجان اتخبطت امبارح فى دوران كده الباب الشمل الخلفى مع حكة فى الرفرف الخلفى
عايز النصيحة انا بكرة الاربعاء ميعاد صيانه الــ10000 اعمل شغل السمكرة فى التوكيل فى العبور كمان مع الصيانه و لا سمكرى برة افضل خصوصا انى فى المنصورة افضل سمكرية فى مصر كلها
و لو فى التوكيل التكلفة هتكون قد ايه و شغلهم كويس و هل ممكن اخدها فى نفس اليوم هو شغل السمكة بسيط

رأي يا شناوي لو مش مأمن سمكر و رش برة التوكيل

فداك يا باشا قدر الله وما شاء فعل