ألى خبراء اللوجان

[gemelbana]

نريد دراسة هندسية عن أسباب أهتزاز عصا الفتيس أو المحرك باللوجان
هل هى أسباب تخص تصميم المحرك أو مجموعة الجر والفتيس ؟
هل هى بسبب الجودة فى التصنيع أو التجميع للأجزاء المشار أليها ؟

[Amr_Moh]

معتقدش حتصل لرد ..

[kikoooo]

المفترض ان اى اهتزازا بيكون بسبب الموتور فى المقام الاول ( نتيجه الدوران تتولد قوه طارد مركزيه تكون مسئوله عن الحركات التردديه )

المفترض ان التصميم بيراعى النقطه دى وعن طريق حسابات هندسيه معينه بيكون فى قواعد لامتصاص الحركات التردديه دى وتقليلها قدر الامكان

بالنسبه للوجان الاهتزاز دا موجود فى عربيات وعربيات لا و بتكون متفاوته انا ركبت المغربى واكن فيها على خفيف ومعايا رومانى ومفهاش او موجود بس مش اى حد يلاحظه لازم تركز اوى علشان تاخد بالك منه وممكن ماتخدش بالك كمان والحمد لله على كل شىء

[Beam28]

نريد دراسة هندسية عن أسباب أهتزاز عصا الفتيس أو المحرك باللوجان
هل هى أسباب تخص تصميم المحرك أو مجموعة الجر والفتيس ؟
هل هى بسبب الجودة فى التصنيع أو التجميع للأجزاء المشار أليها ؟

اعتقد -والله اعلم- ان التكنولوجيا المستخدمة في اللوجان هي تكنولوجيا أقدم/أرخص للحفاظ على سعر السيارة ضمن الحدود الاقتصادية وهذا لا يعتبر عيبا كما أنني لا اعتقد أن اهتزاز عصا الفتيس شيء بشع يجعل من يريد شراء السيارة يتردد أو يخاف منها.. الواحد المفروض يبص على الباكدج ككل ومقابل أي ميزة تخسرها ستجد ميزة أخرى مكسب في صالح السيارة مثل الدبرياج اللي هو فعلا ناعم جدا وأنعم من دبرياج الهيونداي اللي انا طول عمري باحلف بنعومته عن عربيات تانية كتير

[bishoy02010]

متابع

[gemelbana]

أرى نقل هذا الموضوع لرينو الأم بفرنسا لمعالحتة

[gebreel]

متابع

[josephedward]

اعتقد -والله اعلم- ان التكنولوجيا المستخدمة في اللوجان هي تكنولوجيا أقدم/أرخص للحفاظ على سعر السيارة ضمن الحدود الاقتصادية وهذا لا يعتبر عيبا كما أنني لا اعتقد أن اهتزاز عصا الفتيس شيء بشع يجعل من يريد شراء السيارة يتردد أو يخاف منها.. الواحد المفروض يبص على الباكدج ككل ومقابل أي ميزة تخسرها ستجد ميزة أخرى مكسب في صالح السيارة مثل الدبرياج اللي هو فعلا ناعم جدا وأنعم من دبرياج الهيونداي اللي انا طول عمري باحلف بنعومته عن عربيات تانية كتير :s_thum1[1]:

ناعم بس ؟؟؟؟
ده ميييييه .... انا باسوق سويفت من 10 سنين... مالقيتش ديبرياج أنعم منها غير اللوجان !

[Egyzizo]

الله يبشركم بالخير ، رجلى ورمت وركبتى خشنت من دبرياج الـ 128 .. توب علينا يا رب ..

[mostafabakry]

مش عارف اقول ايه
انا معايا اللوجان mcv الروماني ال 105 حصان و بصراحة ما شفتش الكلام دا نهائيا

طيب احنا نحاول نتأكد هل الهزة دي موجودة في الروماني و لا في المغربيو لا في الإتنين
و بعد كدا يبقي فيه موقف رسمي موحد و يتبعت لرينو نفسها و هي ترد علينا
جايز يكون في حاجة مش مظبوطة في العربيات دي طالما انها مش في كل العربيات يعني مش مشكلة تصميم لأنها لو كانت كدا كانت هتظهر في كل العربيات

[hobby10]

مش عارف اقول ايه
انا معايا اللوجان mcv الروماني ال 105 حصان و بصراحة ما شفتش الكلام دا نهائيا

طيب احنا نحاول نتأكد هل الهزة دي موجودة في الروماني و لا في المغربيو لا في الإتنين
و بعد كدا يبقي فيه موقف رسمي موحد و يتبعت لرينو نفسها و هي ترد علينا
جايز يكون في حاجة مش مظبوطة في العربيات دي طالما انها مش في كل العربيات يعني مش مشكلة تصميم لأنها لو كانت كدا كانت هتظهر في كل العربيات

كلام حضرتك مضبوط ............... انا عندى الهزة وعربيتى لوجان رومانى سيدان 2009

[mostafabakry]

خلاص يبقي يتعمل تقرير بالعربيات اللي فيها الكلام دا ويكتب ارقام شاسيهات العربيات دي و يتصور الكلام دا فيديو و يتبعت لرينو فرنسا نفسها و نطلب توضيح للكلام دا و ايه حله و هل فيه خطورة منه و لا مافيش
و نفهمهم ان الملاحظة دي عاملة تحفظات عند بعض الناس و بتدي فرصة للمنافسين انهم يقطعوا في العربية و هيأثر علي النجاح اللي العربية محققاه في الإنتشار حتي الآن و دي هي النقطة المهمة بالنسبة لأي شركة
ونشوف رينو هتعمل ايه

[Egyzizo]

خلاص يبقي يتعمل تقرير بالعربيات اللي فيها الكلام دا ويكتب ارقام شاسيهات العربيات دي و يتصور الكلام دا فيديو و يتبعت لرينو فرنسا نفسها و نطلب توضيح للكلام دا و ايه حله و هل فيه خطورة منه و لا مافيش
و نفهمهم ان الملاحظة دي عاملة تحفظات عند بعض الناس و بتدي فرصة للمنافسين انهم يقطعوا في العربية و هيأثر علي النجاح اللي العربية محققاه في الإنتشار حتي الآن و دي هي النقطة المهمة بالنسبة لأي شركة
ونشوف رينو هتعمل ايه

فكرة 100 على 100 ..

تصوير ورفع الفيديو ..
فتح موضوع لتجميع أرقام الشاسيهات
صياغة الخطاب (انجليزى وللا فرنساوى؟)

ياللا يا وحووووووش

[hobby10]

متابعة باهتمام ........ جدا

[alfa_we]

ايوة كدة يا ود يــــــــــــــع فكرة جامدة بجد
ياريت يا جماعة نعمل حاجة فى الموضوع دا وتكون صياغة الخطاب بالفرنساوى هايكون احسن