زجاج الميجان فرقع لوحده ، سرطان :d

[midohits]

مش عارف يا وحوش افرح ولا ازعل ، النهرده واقف جنب العربية ، ولقيت الزجاج الخلفي فرقع لوحده ونزل كله لوحده مره واحده ، سرطان بقه :-

المهم سألت التوكيل قال لي 2000 جنيه ، وتركيبه 250 ، اخدت نفسي ونزلت الحرفيين وجبته من هناك بتركيبه وكل حاجة بـ 380 جنيه ، ومافيش اي فرق بينهم خالص

دعواتكم معايه بقه :d

[hossam_elwani]

الحمد لله انها جت على قد كده..

بس ده التوكيل حرامى بدرجه فظيعة دى مصاريف التركيب وضريبة المبيعات لوحدها بتمنه بره ....عجبى....

[bishoy02010]

افرح ان مفيش حد كان جوة العربية وانك كنت جنبيها :) ومتزعلش بسيطة واتحلت :)

[bemocarlo]

اخد الشر وراح .واهم شئ انك كنت بعيد عن العربيه.
bemo,ire

[Col. Eng. Khaled]

مش عارف يا وحوش افرح ولا ازعل ، النهرده واقف جنب العربية ، ولقيت الزجاج الخلفي فرقع لوحده ونزل كله لوحده مره واحده ، سرطان بقه :-

المهم سألت التوكيل قال لي 2000 جنيه ، وتركيبه 250 ، اخدت نفسي ونزلت الحرفيين وجبته من هناك بتركيبه وكل حاجة بـ 380 جنيه ، ومافيش اي فرق بينهم خالص

دعواتكم معايه بقه :d

ألف سلامة .......... الحمد لله في السراء و الضراء

في الحرفيين القزاز الأصلي و يتفك من أي عربية متقطعة هو إزاز الأبواب بس

مفيش أي عربية متقطعة في الحرفيين أيا كانت الماركة / الموديل تدخل البلد أساسا بإزاز (برابريز) أمامي أو خلفي

أصلي سليم ، لأن في كل الأحوال لازم السقف بالقوايم مقطوع من الصالون .

[Amr_Moh]

الحمد لله انها جت على قد كده..

بس ده التوكيل حرامى بدرجه فظيعة دى مصاريف التركيب وضريبة المبيعات لوحدها بتمنه بره ....عجبى....

قدر الله ومشا فعل مبروك الإزاز الجديد بس أحب أعرفك إن النت جبتو دة أكيد مش الأصلي مش عشان رخيص عشان الإستيراد ميبجيش فيه أمامي سليم


عرفت الفرق اه ياحسام بيه
للعلم بالشيء إزز الجتى بنفس السعر

[Amr_Moh]

مش عارف يا وحوش افرح ولا ازعل ، النهرده واقف جنب العربية ، ولقيت الزجاج الخلفي فرقع لوحده ونزل كله لوحده مره واحده ، سرطان بقه :-

المهم سألت التوكيل قال لي 2000 جنيه ، وتركيبه 250 ، اخدت نفسي ونزلت الحرفيين وجبته من هناك بتركيبه وكل حاجة بـ 380 جنيه ، ومافيش اي فرق بينهم خالص

دعواتكم معايه بقه :d

سؤالي عرفت تركب حساس المطر والنور الورى المرايا على الأزاز ازاي وبايه ؟

[Col. Eng. Khaled]

سؤالي عرفت تركب حساس المطر والنور الورى المرايا على الأزاز ازاي وبايه ؟

ولقيت الزجاج الخلفي فرقع لوحده ونزل كله لوحده مره واحده ، سرطان بقه:d

[AbO_FaRaH]

سؤالي عرفت تركب حساس المطر والنور الورى المرايا على الأزاز ازاي وبايه ؟

+111111111111

؟؟؟؟؟؟؟؟؟؟؟؟؟؟؟؟؟؟

[Amr_Moh]

لمؤحزة ياخالد باشا ، متسرع

[farahat]

قدر الله و ما شاء فعل يا باشا ، الحمد لله انك بخير
بس سؤالي هي العربية كنت دايره ولا مبطلة و حضرتك واقف جنبها ؟

[Ahmed Selim]

قدر الله و ما شاء فعل يا باشا ، الحمد لله انك بخير
بس سؤالي هي العربية كنت دايره ولا مبطلة و حضرتك واقف جنبها ؟

ليه.......ليه............ليه ؟؟؟؟؟

[akmal_hamdi]

سعر الزجاج ال انت بتقول عليه ده مصرى دكتور جريش درجه تانيه للعلم فقط الزجاج الأصلى لايوجد غير فى التوكيل و تركيبه مش سهل خالص و عن تجربه للأنهم يسيحوا السليكون الأورجينال و يطلعو الزجاج مش بيعملوا بحبل و سلك زى شغل السوق وبعد كده بيشيلوا السليكون المتبقى على الصاج و بيحوطوا سليكون جديد خالص بتاع رينو و يسيبوا العربيه مش اقل من 3 ساعات بعد ما الزجاج ركب علشان تتحرك بيها للأمان و عدم التسريب و التاكد ان الزجاج تم تثبيته فى مكانه بالشكل المناسب و لو تحركت قبل ال 3 ساعات زجاج يطلع من بند ضمان قطع الغيار
يا ترى صاحب الموضوع تحرك بالعربيه بعد اد ايه من تركيبه للزجاج؟؟

[farahat]

ليه.......ليه............ليه ؟؟؟؟؟

أحمد باشا ، كيف حال جنابك ؟
الفكرة إن في ناس بتدوس على السخان و تنساه ، و دة بيخلي الزجاج الخلفي بيفرقع ، لكن لو بطلت العربية هيقفل السخان تلقائي .
أنا شفت الحكاية دي بعيني لأنها حصلت عندنا في العيلة و كنت النتيجة زجاج خلفي جديد ، عشان حد بالغلط داس على زرار السخان (لأنه جانب زرار التكيف ) و نسي و مشي بيها كدة فترة و كان في الصيف ، شوية و الزجاج فرقع لوحده .

عشان كدة بنصح نصيحة لوجه الله ، كل واحد ياخد باله من موضوع زرار السخان دة ، مش هيكلفك غير انك بس تبص على لمبة السخان في التابلوه .

[midohits]

معلش يا جماعة اني طولت في الرد عليكم ، بس كنت مشغول بقه بمناسبه عيد ميلادي عقبال عندكو ،

الي اتكسر الزجاج الخلفي داه اول حاجة
النوع اللي جبته الماني
الراجل اللي رحت له داه مش اي كلام ، داه احسن واحد بيركب يعتبر زجاج هنا ، كل شغله في العربيات العالية ، بي ام ، وباسات ، ومرسيدس ، انا اكيد مش هستخصر في ميجي حاجة ، بس حرام عليا اروح ادفع 2250 جنيه في قزاز خلفي فرقع لوحده من السرطان ، وعلى فكره انا كنت واقف جنب العربية وهيا في الجراش ، ياعني لا دايره ولا حاجة ، نصيبها بس مش اكتر ، وعلى فكرة انا كنت مع الراجل وهوه بيغير الزجاج ، نضف السلكون القديم ، وخشن حاجة زي الجلده اللي بتكون بين الزجاج علشان السيلكون يمسك ، وفيه هناك تعليمات لكل عربية ولكل زجاج ، ياعني تمشي بالعربية والزجاج كله مقفول اول يوم ، ومش يجي على العربية اي مياه ، لمده ثلاثه ايام ، علشان السيلكون بينشف في حوالي 72 ساعة ، وانا فعلا مش مشيت بالعربية بعد تركب الزجاج قبل حوالي ساعتين او كده ، انا يا وحوش قولت ليكم علشان الإفادة مش علشان حاجة ، علشان فعلا حرام اني ادفع في زجاج خلفي 2250 جنيه لو الزجاج الأمامي لقدر الله مش هستخصر فيه حاجة ، وشكرا ليكم ومستني اي تفسير او تعليقات ، معلش طولت عليكم