إعـــــــلان

Collapse

.

,
See more
See less

التقرير المصور لتنظيف البوابة وفصل السخن عن التكييف

Collapse
This is a sticky topic.
X
X
 
  • Filter
  • الوقت
  • Show
Clear All
new posts

  • التقرير المصور لتنظيف البوابة وفصل السخن عن التكييف

    السلام عليكم ورحمة الله

    من فترة ونحن في جدال لرفع كفاءة التكييف والغاء سخونية (او بمعنى اصح) مجرد دفء الكونسول من النص او من ناحية الاقدام

    انا عمري ما اشتكيت من سخونية الاقدام ولا حسيت بيها وركبت العازل في التوكيل من زمان بس ساعات كنت بحس بحاجتين:

    1. كنت بحس ان فيه مقاومة دائما امام التكييف: وانه يتميز باندفاع هوا شديد ولكن نسبة برودة الهواء مش فائقة

    2. الكونسول بعد رحلة طويلة او سفر بيكون دافيء شوية خصوصا من عند حامل الاكواب في الاسفل , بحسها لو حطيت حاجه ساقعه فيها انها بتدفى اسرع من العادي


    لذلك بالبحث وجدت ان تكييف اللوجان معمول بطريقة ان مواسير السخن خارجه من الموتور بتلف في التابلوه بالكامل , لان العربية بتنزل في بلاد درجة الحرارة فيها تحت الصفر زي رومانيا وبولندا وحتى موسكو

    وبما اني لم استخدم التكييف السخن الا مرتين تلاتة في خلال سنتين ونص او 80 الف كيلو فلذلك في بلدنا مش محتاجينه

    ذهبت الى فرنش موتورز الرحاب
    بسؤالي عن امكانية فصل السخن ودارت مناقشات بيني وبين المهندس/ خالد الزيني عن كيفية فصل السخن
    * ممكن فصله عن طريق قطع الخراطيم وسدها ودي انا كنت رافضها
    * ممكن فصله عن طريق ازالة الخراطيم وتركيب خراطيم اخرى من اي قطع غيار بس دي هو كان رافضها
    * ممكن تحويل الخراطيم بتاعة العربية نفسها وبكده نستخدم نفس خراطيم الفابريقة ومنقطعش في حته جلده

    تم الاتفاق على الحل الثالث خصوصا انه يخليني ارجع في كلامي في اي وقت ووممكن اعملها انا بنفسي مجرد فك للافيزات ( او الكوليهات) واعادة الخراطيم وخلاص

    وتم الاتفاق ايضا على تنظيف البوابة بما اننا كده كده داخلين العمليات وحنفتح بطن المريض


    تم فك غطا الموتور بفلتر الهوا شيلة واحدة فظهرت البوابة

    البوابة ظاهرة وظاهر فيها الفيشة الاولى التي تم فصلها من بعض


    منظر من فوق وباين فيه الفيشتين اللي بيتم فصلهم من البوابة واحدة من الامام والاخرى من الخلف

    بدأ الفني الاسطى أحمد بفرع فرنش موتورز فك مسامير البوابة

    بعد فك البوابة وطبعا باين الزفت اللي حواليها والهباب اللي جواها
    بالمناسبة البوابة دي متغيرة في الضمان على 50000 يعني ماشية 25000 بس

    البدء بفك مسامير الايدل لفصلة عن البوابة عشان يستحموا


    واخيرا تم فصل الايدل تماما عن البوابة
    وبدأنا في عملية التنظيف


    الايدل بعد ما استحمى باستخدام Carb Medic
    طالع بيبرق

    اعادة تركيب الايدل في البوابة بعد تنظيف الاثنين
    اعادة تركيب البوابة نرجع كل شيء لما كان



    النتيجة:
    السحب رجع ثاني كأن العربية جديدة او يوم تغيير البوابة
    اقل دوسة بنزين بتنطط العربية وعايزه تجري من على الارض
    بفكر اعمل الموضوع ده كل 10 او 15 الف
    الايدل هو هو نفس بتاع اللانوس يعني حتى لو باظ حيستبدل في ثواني
    استهلاك بنزين رائع وكفاءة في احتراق البنزين

    بالمناسبة كان عندي عضة في بداية الدوس على دواسة البنزين
    كنت فاكر انها سلك البنزين عايز يتزيت وكل شوية اروح اقولهم زيتوا السلك
    اتضح ان فيه مسمار بيتهوا في البوابة عشان يظبط قفلتها لانها بتبقى مش مقفولة كويس
    بعد ظبطه بقى مجرد وضع القدم على دواسة البنزين بتتحرك وقبل كده كان فيه مقاومة في البداية وبعدين الرجل تتزحلق من على العضة دي وينداس جامد على البوابة بدون لازمة , مش عارف قادر افسرها ولا لأ
    المهم انها راحت بتظبيط المسمار ده
    كده احنا خلصنا تنظيف البوابة والايدل وباقي الموضوع المنتظر بمناسبة الصيف ورمضان


    فصل التكييف السخن




    فصل الافيز الحديد حول اول خرطوم في صدر العربية
    الافيز ده بيبقى صعب تركيبه ثاني بعد خلعه
    بالتالي حنستخدم افيز حديد وخلاص زي العادي

    بدأت مياه التبريد تخرج من الماسورة
    المياه خرجت مولعه رغم اننا سايبين السيارة اكتر من ساعة عشان تبرد وكمان اثناء تنظيف البوابة

    انتظار عشان نتأكد ان المياه كلها خرجت

    نحط الخرطوم على جنب عشان نعرف نشتغل

    الانتهاء من فك طرف الماسورة الاولى والبدء في فك التانية

    بدء فك طرف الماسورة الثانية
    المرة دي من عند الموتور نفسه
    راجل جامد كان نفسه يوصل واحدة بالثانية وخلاص بس طبعا على الطبيعة لقينا ده صعب لاننا مش حنقدر ندكك واحدة في الثانية لانهم تقريبا نفس القطر

    مياه التبريد نازله مولعة وصعبان عليا العربية اللي بتتحرق من تحت دي
    الصهد كان رهيب
    ازاي كنا مستحملين الميا السخنة دي طول الوقت اللي فات ده ؟؟؟
    ويا عيني على التكييف اللي عاش معايا 3 سنين في الحر مقالش لأ
    كان بيقاوم كل ده ازاي ؟؟؟


    واضح ان تكييف اللوجان حيطلع اشد من اي عربية وشكلنا حيجيلنا التهاب رئوي قريب

    لحظات تأمل في كيفية توصيل الخراطيم

    لحظات التأمل مستمرة !!!!

    ضخ الهواء في الخرطوم الثاني لطرد اي مياه متبقية جوا مواسير التابلوه ولازم نتأكد من ضخها كلها عشان الميا دي حتبقى راكده ومش حتتجدد





    في النهاية بعد تجارب عديدة:
    تم فصل الخرطومين رقم 1 و2 تماما
    استخدام الخرطوم الاطول رقم 2 رغم انه سرب شوية بعد التركيب بس مع التقريط على الافيز اكتر بقى محكم
    الخرطوم رقم 1 مناسب برضه و(محندق) شوية بس يا دوب وعشان قصير فكان فيه نوع من التنية في المجرى بتاع الميا لانه مشدود ومتني اكتر من الاطول





    الصورة النهائية للوصلة المتبقية بعد الانتهاء من فصل دورة السخن للتكييف
    واضح في الصورة 2 كولية تم تركيبهم مختلفين عن باقي كوليهات السيارة



    [sor2]http://img819.imageshack.us/img819/6089/999ka.jpg[/sor2]

    يبقى في النهاية الماسورة دي مش عارف تعمل بيها ايه !!!

    الاحسن تربطها على المخرجين بتوع التكييف في صدر العربية عشان مفيش تراب يخش فيهم








    كده انا خلصت الموضوع بالكامل وعذرا على التاخير عشان العربية كانت عامله حادثة والحمد لله





    تم تزويد مياه بدل اللي راحت
    تدوير العربية ونستنى لحد ما المياه تبدا ترجع في الاربة من الخرطوم الجانبي عشان نتأكد ان الهوا كله خرج من الخراطيم
    تزويد ميا ثاني

    كل يوم تشيك على المياه للتأكد ان الدورة كلها مافيهاش تسريب وده اللي خلاني استنى الشهر ده لاني عايز اتأكد من نجاح التجربة قبل الاعلان عنها

    الحساب
    دا بقى زعلني شوية لانهم حاسبوني على 300 جنيه
    الفاتورة مش موضحة التفاصيل
    تقريبا على حسب كلامهم تنظيف الايدل ب 100 جنيه
    كاتبين في الفاتورة تنظيف دورة التبريد
    مع 2 افيز حديد كبير مع 50 جنيه جركن تبريد الحساب كله كان 370 جنيه
    الفاتورة مش قليلة لكن انا عملتها عندهم لهدف واحد :
    مكتوب في الفاتورة تم فصل دائرة التكييف السخن وهو ده اللي انا عايزه




    التكييف بقى عامل ازاي

    [sor2]http://img27.imageshack.us/img27/9201/79299334.png[/sor2]

    بصوا يا جماعة بجد:
    * اللي بيجيله برد او انفلوانزا بسهولة ميعملش الموضوع ده !!!
    * اللي مبيخليش تكييفات الشقة تلاجة ميعملش الموضوع ده !!!
    * الي عظمه بيوجعه او عنده روماتيزم ميعملش الموضوع ده !!!


    حتلاقي نفسك ساكن في العصر الجليدي ICE AGE
    درجة برودة الهوا اللي خارجه من التكييف لا تصدق
    كأنك واقف امام الفريزر وسايب الباب مفتوح

    طبعا زرار درجة التبريد مبقاش له لزمه يعني تحطها على الازرق تحطها على الاحمر كده كده الهوا طالع متلج لانك فضيت المواسير اللي كانت (بتخلط) البرودة على الحرارة

    من حوالي اسبوعين رحت اسكندرية بقيت بعاني انا والاسرة اني على طريق الاسكندرية الصحراوي وماشي تحت الشمس الحارقة بتاعة الاسبوع اللي فات ومشغل المروحة على 1 ومش عارف اوطي التكييف !!!!!

    بيصرخوا من ورا مراتي وبنتي انهم ساقعانين لدرجة خليتني اجيب الهوا على الازاز راح الازاز مشبر

    خليت الهوا نصه على رجلي ونصه على وشي, برضه لسه بردانين

    وانا داخل على العامرية خليت كل الهوا على رجلي من ادام الحمد لله الشكوى بتاعتهم راحت بس انا اللي حسيت بالدورة الدموية بتاعة القدم حتقف
    كنت حاطط شنطة على ارضية العربية امام كرسي الراكب الامامي لانه كان فاضي لقيت الشنطة في المكان ده متلجة وانا بفضي العربية

    لدرجة اني لما جيت ارجع القاهرة بالليل كنت بقفل التكييف من شدة البرودة شوية وبعدين ارجع اشغله ثاني واخدت قرار بالسفر بعد كده في الشمس بس !!!

    [sor2]http://img140.imageshack.us/img140/8483/59041188.png[/sor2]

    من كام يوم رحت وسط البلد والجامعة الامريكية وميدان التحرير وكل الحتت الزحمة في القاهرة وطبعا الناس مش طايقة نفسها وانا في جزيرة ثانية


    للمرة الاولى في حياتي احس بوجع في كتفي اليمين من البرد لدرجة بقيت اخلي الهوايات بعيد عني انا اللي كنت بقفل الهواية البعيدة واخلي الثلاثة متصوبين عليا


    وقد اعذر من انذر لو انت مش بتاع تلج وصقيع يبقى ملوش لزمة
    واضح اني حقضي رمضان الجاي كله في العربية

    واي اسئلة تحت امركو

    والسلام عليكم ورحمة الله وبركاته






    تم جمع المشاركات والصور الجديدة في اول الموضوع بناء على طلب صاحب الموضوع
    مشرف رينو
    ب10
    [CENTER][COLOR="Purple"][SIZE="4"]د. أحمد عبد الرحمن
    ونرجع ثاني: نفسي الناس تبطل تقول الحشيش مفيهوش ادمان[/SIZE][/COLOR][/CENTER]

  • #2
    في بعض الصور ناقصة ححاول اصورها ثاني خصوصا الصورة النهائية للخرطوم

    والمكان اللي كان بيسرب منه اول يوم بس
    [CENTER][COLOR="Purple"][SIZE="4"]د. أحمد عبد الرحمن
    ونرجع ثاني: نفسي الناس تبطل تقول الحشيش مفيهوش ادمان[/SIZE][/COLOR][/CENTER]

    Comment


    • #3
      موضوع جميل جدا

      Comment


      • #4
        موضوع فوق رائع وتجربه جديده وتقرير جميل جدا
        بس البرد دا هيكسر عضمك خد بالك.
        وعلي فكرة انا حسيت اني قاعد معاكم في العربيه وبتكتك
        ررررررررررررررررررررر

        Comment


        • #5
          عظيم جداً ..
          وكما عودتنا يا دكتور ..

          طيب الفتحتين اللى كان راكب فيهم الخراطيم على مدخل التابلوه ، اتسابوا مفتوحين واللا الراجل سدهم بحاجة؟
          [LEFT]The only alternative to coexistence is codestruction - [I]Nehru[/I]
          [/LEFT]
          [LEFT][COLOR=#000000][LEFT]

          [/LEFT]
          [/COLOR][/LEFT]

          Comment


          • #6
            المشاركة الأصلية كتبت بواسطة samomodrek مشاهدة المشاركة
            موضوع جميل جدا
            شكرا جدا

            المشاركة الأصلية كتبت بواسطة ibn_seena مشاهدة المشاركة
            موضوع فوق رائع وتجربه جديده وتقرير جميل جدا
            بس البرد دا هيكسر عضمك خد بالك.
            وعلي فكرة انا حسيت اني قاعد معاكم في العربيه وبتكتك
            ررررررررررررررررررررر
            شكرا جدا بس انا بحب التلج

            المشاركة الأصلية كتبت بواسطة egyzizo مشاهدة المشاركة
            عظيم جداً ..
            وكما عودتنا يا دكتور ..

            طيب الفتحتين اللى كان راكب فيهم الخراطيم على مدخل التابلوه ، اتسابوا مفتوحين واللا الراجل سدهم بحاجة؟

            سؤال ذكي جدا يا دكتور
            انا سايبهم بقالي فترة وبعدين حروح اقفلهم
            انا عامل كده عشان اتأكد تماما ان المواسير جوا التابلوه مفيهاش ميا عشان ميحصلش صدأ من المياه الراكدة
            وبالتالي حستخدم الخرطوم الصغير اللي معايا ويبقى زيتنا في دقيقينا
            [CENTER][COLOR="Purple"][SIZE="4"]د. أحمد عبد الرحمن
            ونرجع ثاني: نفسي الناس تبطل تقول الحشيش مفيهوش ادمان[/SIZE][/COLOR][/CENTER]

            Comment


            • #7
              الله ينور يا دكتوراحمد بجد حاجة ماشاء الله جامدة جدي بس الجزئية الاخيرة مفهتمش انت قفلت الشغل ازاي يعني انا فهمي وصل لغاية فصل الخرطومين من التابلوه ومن الموتور *)
              [SIZE=3]" اللهم إنا نجعلك في نحورهم ، ونعوذ بك اللهم من شرورهم "[/SIZE]

              Comment


              • #8
                ما شاء الله
                موضوع رائع ..

                Comment


                • #9
                  أسلوب رائع فى الشرح احييك عليه
                  و مبروك عليك العزل
                  بس ليا سؤال انتا فى الضمان و لا لأ لأن شغل عزل دورة المياه بيتعمل فى الضمان عادى
                  الحاجه التانيه ليه مخلعتش الخرطومين من صدر العربيه و وصلتهم ببعض هيبقا أسهل ليك لو حبيت ترجع السخن تانى
                  و مش هتلاقى فى إلتواءات أو غيره لأنك حططها على الوضع الطبيعى بتاعها زى الصوره دى





                  و خللى بالك انك لازم تقفل الماسورتين بتوع التكييف زى الصوره بالضبط علشان تحافظ سربنتينة السخن

                  و فى الأخر ألف مبروك على الحاجات الجميله دى كلها و حاول بعد كده توفر الفلوس دى لأن المبلغ كبير و ممكن تعمل كل حاجه انتا بنفسك و بإيدك
                  انا بنظف البوابه و الأيدل كل 5000 بنفسى و العمليه سهله جدا
                  الى الأمام دائما
                  [CENTER][RIGHT][SIZE=4][COLOR=Black]لا تكن أحادي الرأي فمن الجميل أن تؤثر وتتاثر
                  [/COLOR][/SIZE]
                  [/RIGHT]
                  [/CENTER]

                  Comment


                  • #10
                    الله ينور يا دكتوراحمد بجد حاجة ماشاء الله جامدة
                    [URL="http://img210.imageshack.us/i/zamalek2010.gif/"][IMG]http://img210.imageshack.us/img210/4517/zamalek2010.gif[/IMG][/URL]


                    [CENTER]محمــــــــد رشـــــــــــدي[/CENTER]

                    Comment


                    • #11
                      الله ينور يادكتور احمد واحنا فى اسوان فى امس الحاجه لعمل الموضوع دا بصراحه.وربنا يسهل والتوكيل فى اسوان يرضا يعملها.

                      Comment


                      • #12
                        بجد تقرير راااائع .....و منتظرين باقى الصور و خصوصا تقفيل الشغل

                        Comment


                        • #13
                          طيب الميكانيكى الشغال مش كان المفروض يغلق فتحة الفلتر الهوا اثناء العمل عشان مفيش ميه اواي حاحه تخش فى الفتحه.

                          Comment


                          • #14
                            الف شكر ليكو كلكم يا جماعة

                            ahmedeg1 ازيك يا باشا انا كنت سايب المواسير مفتوحة عشان اتاكد انها فضيت
                            العربية جوا الضمان بكاملها لكن انا اول واحد عملت الموضوع ده قبل ما اي حد يروح الضمان او يعملها ببلاش
                            بس بصراحة احساس ثاني انك واقف جنب العربية وشايف وفاهم كل حاجه فيها
                            لو على تنظيف البوابة يا باشا نتقابل كل 5000 كيلو ونعمل ورشة عمل هههههههههههههه
                            نفسي اشوفك يا باشا

                            yousse_mohamed متقلقش الصور خداعة هي دي على ليفل ودي على ليفل ثاني خالص
                            الميا كلها بتنزل من مستويات قليلة دا غير ان بعد كل الشغل نظفنا البوابة بالهوا والفلتر كمان
                            [CENTER][COLOR="Purple"][SIZE="4"]د. أحمد عبد الرحمن
                            ونرجع ثاني: نفسي الناس تبطل تقول الحشيش مفيهوش ادمان[/SIZE][/COLOR][/CENTER]

                            Comment


                            • #15
                              بسم الله ما شاء الله

                              متألق كعادتك .. من أفضل و أهم المواضيع اللي قريتها هنا.

                              ربنا يبارك لك فيها و يحفظهالك.
                              [CENTER][B]القران الكريم بجودة صوت عاليه جدا[/B]
                              http://www.nilemotors.net/Nile/230790-a.html[/CENTER]

                              Comment

                              Working...
                              X