إعـــــــلان

Collapse

.

,
See more
See less

ركبت الغاز في لوجان اوتو :)

Collapse
This is a sticky topic.
X
X
 
  • Filter
  • الوقت
  • Show
Clear All
new posts

  • ركبت الغاز في لوجان اوتو :)

    حبيت انقل التجربة للمنتدى لعل حد يستفيد

    بما اني مقتنع بفكرة الغاز وكنت مركبه في فيرنا ولوجان مانيوال قبل كده - خدت اللوجان الاوتو بعد ما كسرت 10 الاف وروحت ركبت غاز

    النظام جيد جدا - شيك جدا - الشنطة تعاملت مع الاسطوانة بشكل جيد وما زلت اقدر احط شنطتين بالعرض او عربية الاطفال "الي كنت خايف جدا انها ماتدخلش بعد الاسطوانة"

    الاداء جيد جدا والسيكونشال ده تحفة مقارنة بنظام الغاز القديم - وكل عربية ليها نظام معين وبرنامج معين بينزل للوصول بالغاز لاحسن أداء - ناس كانت محترمة جدا جدا وافضل تقنيا بصراحة من غازتك

    السؤال - في قطعة معدن فوق مسطرة الرشاشات بين الماتور والريداتير - حد يعرف فايدتها إيه

    علشان خيروني انهم يركبوا رشاشات الغاز من فوق وده هايقلل اداءها ولا يشيلوا القطعة دي علشان رشاشات الغاز تبقى فوق رشاشات البنزين واخترت الصراحة انهم يشيلوها

    حد عارف فايدتها إيه - هي شكلها حماية مش اكتر ...!!

    انا قولت الي جاء على بالي - اي اسئلة تانية ياريت تتفضلوا بيها :)

    و اسيبكم مع الصور بقى


    المساحة المتبقية من الشنطة



    الانبوبة




    الرشاشات الجديدة



    قطعة المعدن



    محبس ومؤشر الغاز



    جهاز التحويل

    [LEFT][B][COLOR=#0000ff]Sh.. Shady<[/COLOR][/B][/LEFT]

  • #2
    المحطة اللى غيرت فيها؟؟؟
    المبلغ كام ؟؟؟قسط ولا كاش ؟؟
    لو قسط .المطلوب ايه وكل شهر كام؟

    Comment


    • #3
      المشاركة الأصلية كتبت بواسطة abo malek مشاهدة المشاركة
      المحطة اللى غيرت فيها؟؟؟
      المبلغ كام ؟؟؟قسط ولا كاش ؟؟
      لو قسط .المطلوب ايه وكل شهر كام؟

      بص يا سيدي الفاضل

      جربت اروح غازتك لاقيتهم مندهشين ومش عارفين هايركبوا ازاي علشان اول مرة وهم زي ما تقول حافظين

      فروحت كارجاز الي في الماظة الناس دي فاهمة كويس اوي بتعمل إيه - قعدوا يدرسوا العربية كويس فوق النص ساعة لحد ما قرروا هايعملوا إيه

      التحويل بيتكلف 6500 كاش او قسط على سنة بدون فوائد - وبتزيد 1000 جنيه كل سنة (يعني 7500 سنتين - 8500 3 سنين وهكذا)

      انا اختارت نظام السنة - بيوزعلك 6500 على 12 شهر او تدفع مقدم 1000 جنيه بدلا من وجود ضامن ويوزع الباقي (5500) على 12 شهر
      [LEFT][B][COLOR=#0000ff]Sh.. Shady<[/COLOR][/B][/LEFT]

      Comment


      • #4
        الف مبروك يارب تكون خير عليك

        في اسألة مهمة السحب بتاع العربية اصبح اضعف ولا مش ملحوظ؟

        العربية بقت واطية من ورا عشان وزن الاسطوانة؟

        في احجام من الاسطوانات بحيث الواحد ممكن يختار اصغر اسطوانة؟؟؟؟؟؟

        سعر الغاز كام ؟واستهلاكه؟

        ألف شكر حتعبك معايا

        Comment


        • #5
          الف مبروك ياباشا
          عايزين صور للاسطوانة وباقي التركيبات

          Comment


          • #6
            بسم الله تبارك الله يارب يحفظهالك والف مبرووووووووووووووووووووووووووووووك :) وياريت تقولنا السحب عامل اية معاك واية الفروق وهل فى اضرار على المحرك من الغاز الطبيعي مستنين كمان صور للعربية لو ينفع :)

            Comment


            • #7
              الغاز ماشي معايا بقالوا 3 سنين في عربيات مختلفة فهاقول تأثيره الي حسيته على كل عربية

              في الفيرنا وماتورها المتوحش ولا فيه أي فارق في السحب - ولكن الاسطوانة الصغيرة (60) كانت مؤثرة على ارتفاع العربية

              اللوجان المانيوال فارق السحب موجود - تشعر بضعف في مطلع كوبري ولا حاجة - كأنك معاك شخصين في العربية في المطالع بتخلي بالك شوية انك متنقلش الغيار بدري مثلا ولا حاجة - لكن الارتفاع لم يتأثر رغم الاسطوانة الاكبر (70)

              نفس الكلام بالنسبة للوجان الاوتو الارتفاع لم يتأثر - ولم اشعر حتى الآن بتأثير في السحب ربما لان الماتور اقوى في الاوتو

              الصور هاحطها في اقرب فرصة - ومازلت منتظر رد من الزملاء - قطعة المعدن بين الماتور والريداتير الي فوق مسطرة الرشاشات - ما هدفها - لاني اخترت اني اشيلها ...!!!
              [LEFT][B][COLOR=#0000ff]Sh.. Shady<[/COLOR][/B][/LEFT]

              Comment


              • #8
                الف مبروك طب ممكن تشاور على قطعة المعدن دي او صورتها
                [CENTER][COLOR="Purple"][SIZE="4"]د. أحمد عبد الرحمن
                ونرجع ثاني: نفسي الناس تبطل تقول الحشيش مفيهوش ادمان[/SIZE][/COLOR][/CENTER]

                Comment


                • #9
                  الف مبروك عليك

                  Comment


                  • #10
                    الف مبروك و فى انتظار الصور

                    Comment


                    • #11
                      ومازلت منتظر رد من الزملاء - قطعة المعدن بين الماتور والريداتير الي فوق مسطرة الرشاشات - ما هدفها - لاني اخترت اني اشيلها ...!!

                      غالبا ده غطا حماية الموتور و البوجيهات
                      [SIGPIC][/SIGPIC]
                      https://www.facebook.com/groups/SWIFTCLUBINEGYPT/

                      Comment


                      • #12
                        الف مبروك يا باشا و يا ريت الصور و تفاصيل الشركة من عنوان و تليفون الخ ...
                        يجب تعديل حجم الصورة

                        Comment


                        • #13
                          دي صورة لقطة المعدن الي بتكلم عليها - هحاول بكرة اصور الانبوبة ورا - والاجهزة الي تركيبها في الامام -




                          غير الحماية - حد عنده توقع ممكن تكون القطعة دي فائدتها إيه




                          Uploaded with ImageShack.us
                          [LEFT][B][COLOR=#0000ff]Sh.. Shady<[/COLOR][/B][/LEFT]

                          Comment


                          • #14
                            المشاركة الأصلية كتبت بواسطة gebreel مشاهدة المشاركة
                            الف مبروك يا باشا و يا ريت الصور و تفاصيل الشركة من عنوان و تليفون الخ ...
                            تفاصيل الشركة كلها تلاقيها على الموقع بتاعهم ده

                            التحويل

                            بس للاسف كل ارقام تليفوناتهم محدش بيرد -

                            وبالنسبة للفرع الي روحته - الفرع الرئيسي بجوار محطة الماظة بتاعة السوبر جيت


                            بالمناسبة - أغلب محطات الغاز بتبقى عاملة مضخة على الاقل للملاكي لوحده -علشان محدش يتخض من طوابير التاكسي - انت بتدخل تمون وتمشي على طول
                            [LEFT][B][COLOR=#0000ff]Sh.. Shady<[/COLOR][/B][/LEFT]

                            Comment


                            • #15
                              طيب حضرتك سألت هيبقي ايه نظام الضمان بتاع العربيه بعد تركيب الغاز؟ يعني العربيه هتفضل في الضمان و لا كده خرجت منه؟

                              Comment

                              Working...
                              X