رينو تقتحم مجال الدفع الرباعى بموديل كوليوس

[Sharky]

ظهرت الصور الرسمية لرينو Kaleos و المتوقع ظهورها الشهر القادم رسميا فى معرض جنيف

[Sharky]

دى المواصفات الخاصة بالسيارة :

Renault Koleos will be available with two types of Alliance engines in the UK. The latest-generation 2.0 dCi Euro 4 diesel engine (M9R) is available in a choice of two power outputs, 150hp or 175hp. The engine has already been seen on Renault's Mégane, Laguna and Espace, Nissan's Qashqai and New X-Trail and Renault Samsung Motors' QM5. It features the very latest diesel engine technologies, including piezoelectric injectors, common-rail 1,600-bar fuel injection, a water-cooled variable-geometry turbo and a periodic regeneration particulate filter. The 2.0 dCi engine is available with a broad, useful rev band, with peak torque of either 320 or 360Nm (depending on version) available from low engine speeds. The dCi 150 can be ordered for either the 4x2 or 4x4 versions and mated with either a six-speed manual gearbox or six-speed automatic transmission. The 175hp version of the 2.0 dCi engine is mated to a six-speed manual gearbox and all-wheel drive.

[Megane]

جامدة جدا جدا:):):)

[obec-car]

حلوة جداً بس شكل سعرها هيعدي

[chato_eg]

Renault Koleos

أنا قلت مادام الموضوع بتاع موديلات رينو الحالية تم غلقه...و بعد مكالمة " محمد مصطفى " بعد عودته بالسلامة... يبقى محتاجين نعمل لها موضوع

العربية من فئة ال SUV الصغيرة.... و هى تشترك مع النيسان X-Trail و ال Qashqai فى المواتير ( ديزل و بنزين ) و يمكن بعض الأجزاء الأخرى...

المواتير الديزل هى ال 2.0 dCi ... سواء ال 150 أو ال 175 حصان...
و البنزين 2.5L .. و 170 حصان

متوفرة بخيارين من صناديق التروس
الأول يدوى ب 6 نقلات و الثانى أوتوماتيك
continuously variable transmission CVT

و دلوقتى أسيبكم مع الصور
























أنا شخصيا مش مرتاح تماما للتصميم...حاسس إنها عربية نيسان فى ثياب رينو...تأثير نيسان واضح جدا ...أنا مش بأعيب فى نيسان ..لكن هناك فرق فى الشخصية بين الإتنين...
زر التشغيل تغير شكله للأسوأ فى رأيى...و مجموعة الأزرار المجاورة تخلو من أى مظهر جمالى
مجموعة أزرار التحكم فى وظائف التكييف شكلها قادمة من سيارة يابانى فى خطاب مسجل بعلم وصول
فرامل اليد و أدوات التحكم فى ال software طبعا من تصميم رينو الخالص
كان نفسى يدمجوا أفضل ما فى الشركتين للوصول إلى منتج قوى و منافس أكثر من النتائج الحالية التى تضمن التوفير من تكاليف الانتاج و التصميم و مساعدة كل من الشركتين لبعضهما فى تسويق علامة الأخرى ...

جائز أكزن متحامل عليها لإننا مش متعودين على عربية SUV من رينو.....و بصراحة كان نفسى إنها تكون متفردة أكثر من ذلك لكى تضع بداية قوية للمستقبل و ليست مجرد صالون يحمل مقتطفات من صالونات عربيات رينو و مجمع على سيارة X-Trail ..

طبعا لو تم بيعها فى مصر سوف تتجاوز ال 400 ألف جنيه مما يضعها فى منافسة مع سيارات مثل ال BMW X3 و ال VW Tiguan و ال Honda CR-V و لازالت ال X3 محتكرة هذا القطاع نظرا لبريق العلامة و عدم وجود ما يهز عرشها مباشرة من مرسيدس التى اختارت فئة أعلى و هى ال GLK لكى تجمعها فى مصر....و الباقى مجرد مناوشة من ال Tiguan ...

و الآن أترك الميكروفون للزميل الوحش محمد مصطفى ليحدثنا عن التجربة الفعلية لل Koleos و التى أحبها لدرجة إنه بيقترح إننا كمجموعة الوحوش نشترك فى واحدة و كل يوم تبقى مع واحد...

[Ahmed Selim]

تحليل هايل يا فنان......

فى أنتظار تعليق الوحش محمد مصطفى....
بس هو على نفس القناة الصوتية ولا القناة الصوتية التانية؟

[chato_eg]

تقصد إيه يا باشا بالقنوات الصوتية...؟؟

مؤيد و لا معارض ؟؟؟

هو من أشد المؤيدين و ده من خلال تجربة فعلية تمت فى السفرية الأخيرة

[Ahmed Selim]

يا باشا القنوات الصوتية دى بتلاقيها على الدش ساعة أذاعة مباراة مهمة ( غالباً أجنبية ) بتلاقى على نفس القناة التلفزيونية قناتين صوتيتين....واحدة بتنقل التعليق بصوت معلق عربى والتانية بصوت معلق أجنبى.

[chato_eg]

شكرا للإيضاح....أصل أنا ماليش فى الكورة خالص
و كل إللى قابلته فى موضوع Audio Channels ده فى الأفلام على Origial DVDs و بعض ال Formats لل Dvd Rip ...

[Amr_Moh]

Beautiful .

[akmal_hamdi]

تسلم ايدك يا هانى

[akmal_hamdi]

اه نسيت موضوعاتك اطورت اوى يا هانى استمر متخفش

[Ahmed Selim]

اه نسيت موضوعاتك اطورت اوى يا هانى استمر متخفش

:k48::k48::k48::k48:
محدثكم كابتن منتخب رينو أكمل حمدى

[M.Moustafa]

شكرا يا هاني على الموضوع انا فعلا كنت عايز اكتب تقرير عن العربية وتجربتها لكن مكنش في وقت من ساعة ما رجعت من السفر

هموما نبتدي بعون الله:

المكان: الرياض - وكيل رينو ( الزاهد)
الزمان: حوالي الساعة 1 الضهر

وصلت الوكيل بعربية والدي فولكس فاجن طوارق موديل 2007 وانا ذكرت نوع العربية عشان هيفيد قوي في تقييمي للكيليوس،

المهم دخلت صالة المبيعات عشان اتفرج لقيت التحفة سافران العربية فعلا تحفة بكل المقاييس من حجمها للفخامة من جوا وجودة الديكور الداخلي ، كراسي كهرباء من الاخر العربية كانت ممتازة بس مقعدتش فيها كتير كانت بصة سريعة لمدة 10 دقايق.

بعد كده دخلت اشوف حبايبي جوا واهمهم احمد الدسوقي لانه كان واحشني، قعدنا اتكلمنا يمين وشمال وبعدين قررت امشي، وانا جاي طالع خلاص وجدتها

التحفة كيليوس انا بجد اتمسمرت قدامها وقعدت افتكر العربية دي ايه لاني كنت فاكر ان شاركي نزلها موضوع، المهم احمد شافني كده قالي اركب اتفرج العربية من جوه انا شايفها حلوة بجد انا ممكن اقول ان ابسط حاجة ان Gps كان لاقط 13 قمر واحنا قاعدين جوا العربية.

طبعا ما فوتش الفرصة وقولت لاحمد اطلع ناخد بيها لفة وفعلا ساقها شوية وبعدين قولت اسوق انا، انا كل اللي هقوله ان العربية 6 سرعات امامية مانيوال وسرعة خلفية، انا وصلت لسرعة 130 على الرابع العربية ثابتة جدا جدا جدا بجد احمد الدسوقي اخد بيها ملف صعب جدا يتاخد بعربية سيدان بالسرعة دي احمد دخل بالعربية ملف خطر على سرعة 120 والعربية كانت مكلبشة في الارض.

اقسم بالله انا كنت بتشاهد وهوا بياخد الملف ده لكن هوا كان مجربها قبل كده في دبي فعشان كده كان عارف امكانياتها كويس.

التجربة استمرت 20 دقيقة بس فعلا كانو امتع 20 دقيقة امضيتها، على فكرة تكييفها رائع رائع رائع بكل المقاييس.

انا فعلا اقترحت على هاني ان 6 مننا يشتركو ويشترو العربية دي وكل واحد يخليها معاه يوم ويوم اجازة كلنا نجتمع فيها

[ضيف]

حسستني إني راكب توك توك يا محمد باشا

أنا ممكن أشترك معاكو بس بتمن التيل