إعـــــــلان

Collapse

.

,
See more
See less

التقييم المبدئي للسيارة رينو سينيك 2009 - بعد 500 كيلومتر

Collapse
X
 
  • Filter
  • الوقت
  • Show
Clear All
new posts

  • التقييم المبدئي للسيارة رينو سينيك 2009 - بعد 500 كيلومتر

    السلام عليكم

    من ساحل البحر الابيض المتوسط نرحب بكم و ننقل لكم (عبر شبكة اتصالات تلاتة و نص جي .... برضه اعلان !!) التقييم المبدئي

    ده مجرد تقييم مبدئي للسيارة لسه فيه تقييم كامل بالصور بعد 2000 كيلو بعد ما التليين يكون خلص (1000 كيلو) و اكون جبت اخر العربية :)


    بسم الله ...... نبتدي

    1- الشكل العام:

    السيارة عائلية ذات شكل ظريف جدا مستساغ .... و كمان غير منتشرة يعني لم تألفها العين بعد ......

    2- الصالون

    الصالون اتساعه رهيب .... اضف الى ذلك ان حوض موتور السينيك مضغوط و صغير جدا و ده زود مساحة الصالون ..... يمكن ما شفتش صالون واسع كده غير في الكارينز ..... الخامات فخمه جدا و الشكل عصري و انسيابي ..... فيه كمية ادراج تخزينية و احواض تخزينية خفية تصلح لتهريـ ....... إحم .... تصلح لنقل "احتياجاتك" بشكل امن ..... فرامل اليد كهربائية مما يوفر مكانها ...... الكراسي مريحة جدا و الكرسيين الاماميين بهما مسند للفقرات القطنية Lumbar support يمكن ضبطه للامام و الخلف حسب الراحة ...... التابلوه واسع جدا و يشيل حاجات كتير و الابواب تنجيدها فخم للغاية ...... الكونسول الاوسط يمكن تحريكه للأمام و الخلف بسهولة و يحتوي على وحدتين تخزينيتين واحدة كبيرة جدا و التانية صغيرة للركاب الخلفيين بالاضافة الى حامل لكوبين و طفاية كوب يمكن وضعها في الحامل ...... الفتيس مرتفع و راكب في التابلوه برضه ..... المساحة للارجل وهمية جدا .......


    نيجي بقى لورا ...... الكنبة متقسمة تلات اتلات مش تلت و تلتين ..... و كل كرسي من التلاتة يمكن طيه للتخزين عليه و كذلك تحريكه للامام و الخلف حسب الراحة او لزيادة سعة الشنطة ..... الكرسي الخلفي الاوسط ضهره من ورا بلاستيك لامكانية استخدامه كترابيزة للشخصين اللي ورا (يلعبوا كوتشينة .... تكتب و تقرا .... تحط عليه لابتوب ..... الخ) و ضهر الكرسيين الاماميين فيه ترابيزة زي بتاعة الطيارة بتتفرد و تتني و فيها حامل اكواب برضه ...... غير حوامل الاكواب الخلفية اللي في القايم الخلفي


    احزمة الامان الخلفية افضل بكتير من سيارات تانية كتير شفتها ...... كل كرسي ليه حزام باتنين كليبس ...... و فيه مكانين لربط الحزام ...... بحيث تجيب الحزام بالورب على جسمك تثتبه في الاول ..... و بعدين تشد الكليبس التاني و تثبته على الحوض في الفتحة التانية


    مساند الرأس مريحة جدا و المساند الامامية قابلة للفرد للامام ......


    3- الشنطة

    اتساع الشنطة رااااااااااائع جدا ...... الصراحة الكارينز كانت اوسع ...... بس قشطة ...... اخدت صورة و العربية متحملة عالاخر و هاوريهالكم

    4- تجربة القيادة .....


    مبدئيا احب اقول لكل الاخوة احباب الياباني و اعداء الفرنساوي (و انا كنت واحد منهم لحد اسبوع فات) ان اللي ما ركبش فرنساوي ما ركبش عربية ..... الراحة و النعومة و السرعة و الثبات و استهلاك البنزين رووووووووووووووعة

    العربية ناعمة جدا ..... و الباور ستيرينج لو نفخت فيه هيلف لوحده بس في نفس الوقت بدون التضحية بالثبات .... الفرامل قوية جدا و بتكلبش بشكل رهيب حتى مع زيادة وزن السيارة (حوالي طن و 400 كيلو فاضية) و مع التحميل الكامل ...... انا مرة سرحت و انا ماشي و الطريق وقف فجأة و اضطريت افرمل جامد و فرملت جامد و دهشت من سرعة التوقف الرهية



    و تحية كبيرة جدا جدا جدا جدا للعفشة ...... كمان مرة العفشة ...... اول و تاني و تالت للعفشة ....... يخرب بيت النعومة ....... انا حاسس اني ماشي على وسادات هوائية.........

    نفسي اعرف مين اخترع اختراع ان تكييف الاوروبي تعبان .... انا اهه نازل من ياباني و احب اقول ان التكييف لا يقل كفاءة نهائي عن الياباني سواء في سرعة التبريد او سرعة الوصول لدرجة التبريد المطلوبة او كفاءة التبريد .....

    الاوبشنز وهمية ...... الكمبيوتر بتاع العربية بيدي قراءات دقيقة جدا و ظريف جدا ..... انا انبهرت صراحة ..... مثبت السرعة و محدد السرعة اضافة ممتازة للسيارة و انا على طول الطريق للساحل مستخدم المثبت و فعلا مريح جدا ان الواحد ما يبقاش خايف من الرادار او ان رجله تتقل شوية ..... المثبت بيغلط احيانا في المنازل او المطالع بس الخطأ لا يتجاوز 2 او 3 كيلومتر/ ساعة و بيلحق يلمها بسرعة



    التسارع و الفتيس الصراحة حلوين بس احيانا الفتيس بيستغبى شوية يعني كنت واقف في الثبات باخرج من مدخل القرية عالطريق السريع و دست بنزين جامد و الفتيس اخد ثانيتين على ما قرر يعمل ايه و ده يمكن العيب الخطير الوحيد ......

    جودة خامات السيارة و تقفيلها عالي جدا .....

    الساوند سستم رائع .... التويترات الامامية اللي تحت القزاز الامامي رائعة و صوت الطرقعة بتاعهم حقيقي لدرجة عالية جدا و كذلك بقية السماعات ....


    استهلاك البنزين رائع رائع رائع ..... دي تاني عربية اوتوماتيك اتملكها و اكتشفت ان استهلاكها قريب جدا من العربية المانوال اللي كانت معايا و يمكن احسن

    طبعا انتوا عارفين طريق النطرون-العلمين كله مطالع تقريبا و دي بتحتاج عزم اكتر و بنزين اكتر ........ و مع ذلك انا فولت العربية قبل بوابات اسكندرية و صفرت العدادات كلها ...... و النتيجة ؟

    8 لتر لكل 100 كيلو ..... او 12.5 كيلو للتر .....

    مع وزن العربية و طول الشاسيه بتاعها

    مع الحمولة اللي كانت فيها (هتشوفوا الصور ....... 3 شنط كبيرة + 2 وسط + عربية اطفال كبيرة + مرجيحة و عجلة + شوية حاجات تانية)

    مع المطالع الرهيبة بطول طريق العلمين

    مع ان العربية لسه في التليين (حسب تعليمات الكاتالوج ماعديش 130 اول 1000 كيلو)

    انا ما توقعتش كده

    و فيه اوقات كان معدل الاستهلاك كمان اقل (6 لتر لكل 100 كيلومتر) لما كان الطريق مستوي ...... و اقل لو في منزل كمان





    نهايته ..... تقييمي للسيارة ..... 9 من 10 .......

    تحفظي الوحيد على الفتيس و حركاته "القرعة" و على مساحة الشنطة اللي كان ممكن تبقى اكبر شوية ....


    و اشوفكم في التقييم الكامل بعد 2000 كيلو ........ يعني بعد التليين بالف كيلو ..... اما نشوف امكانيات الموتور
    [SIZE="4"][CENTER][COLOR="DarkRed"][URL="https://goo.gl/30fu9U"]وكيل هجرة مسجل برقم 1575106 لدى سلطة تسجيل وكلاء الهجرة باستراليا[/URL]

    [URL="https://goo.gl/30fu9U"]Registered Migration Agent - MARN 1575106[/URL]
    [/COLOR][/CENTER][/SIZE]

  • #2
    ربنا إن شاء الله يبارك لحضرتك فيها

    خدها كلمة من أخوك

    بعد 8000 كم إن شاء الله قول رأيك في الفتيس و أداء العربية إجمالا
    [CENTER][SIGPIC][/SIGPIC][/CENTER]

    [CENTER][COLOR="Blue"]السادة الزملاء عذراً لإمتناعي عن المشاركة ما حييت

    [CENTER][COLOR="Black"]abdelaalkhaled@yahoo.com[/COLOR][/CENTER]

    Khaled Abdelaal[/COLOR][/CENTER]

    Comment


    • #3
      ما شاء الله ده انا حبيت العربية من كلامك وتقييمك

      بس ياريت الصور
      ربنا يباركلك فيها
      [CENTER][URL]https://www.facebook.com/NMTechShop/[/URL] [/CENTER]

      Comment


      • #4
        انا راى انك تنضم لمسكر التدريبى للوحوش فى ماربنا ال عاملوا الكوتش و المدير الفنى شويه تدريبات اطاله و لياقه و حمامات شمس لازوم التان
        [CENTER] [B][SIZE=3]سلامى و تحياتى للجميع
        د/أكمل حمدى عبد الله[/SIZE][/B][/CENTER]

        Comment


        • #5
          المشاركة الأصلية كتبت بواسطة akmal_hamdi مشاهدة المشاركة
          انا راى انك تنضم لمسكر التدريبى للوحوش فى ماربنا ال عاملوا الكوتش و المدير الفنى شويه تدريبات اطاله و لياقه و حمامات شمس لازوم التان
          الله يسهلّه



          [CENTER][SIGPIC][/SIGPIC][/CENTER]

          [CENTER][COLOR="Blue"]السادة الزملاء عذراً لإمتناعي عن المشاركة ما حييت

          [CENTER][COLOR="Black"]abdelaalkhaled@yahoo.com[/COLOR][/CENTER]

          Khaled Abdelaal[/COLOR][/CENTER]

          Comment


          • #6
            مبروك يا سيدى،

            مع انى بقيت يترعب من الفرنساوى كله بس انت شكلك مبسوط و بسطنى.

            ربنا يباركلك فيها.

            Comment


            • #7
              مبروك يا ابوحميد ....

              تجربة متعة السيارة الاوربية ليها رونق خاص

              صور ..ز صور .. صور ياباشا
              [RIGHT][FONT=Comic Sans MS][COLOR=navy][SIZE=2][B]Eng.Ahmed Ismail[/B][/SIZE][/COLOR][/FONT][/RIGHT]


              [CENTER][FONT=Book Antiqua][SIZE=4][COLOR=blue]You Can't Never Ever to Keep a Nice Car [/COLOR][/SIZE][/FONT][FONT=Book Antiqua][SIZE=4][COLOR=blue]in [/COLOR][/SIZE][/FONT][FONT=Book Antiqua][SIZE=4][COLOR=blue]This Country....!!! :_Alshmokh08[1]: S.O.S
              [/COLOR][/SIZE][/FONT][CENTER][sor2]http://www.wasit.net/alrowad/images/hit.gif[/sor2]

              [/CENTER]
              [/CENTER]
              [CENTER][URL="http://www.nilemotors.net/Nile/55709-a.html"][SIZE=5][COLOR=seagreen]كل شيء عن السيراتو[/COLOR][/SIZE][/URL]

              [CENTER] _______________[B]
              [COLOR=Blue][B][SIZE=2]اللهم إن في تدبيرك مايُغني عن الحِيَل، وفي كرمك ماهو فوق الأمل، وفي حلمك مايسد الخلل، وفي عفوك مايمحُو الزلل..[/SIZE][/B][/COLOR][/B]

              [B][COLOR=Blue][B][SIZE=2] اللهم فبقوة تدبيرك وعظيم عفوك، وسعة حلمك ,وفيض كرمك، أسألك أن تدبرني بأحسن التدابير، وتلطف بي وتنجيني، مما يخيفني ويهمني..[/SIZE][/B][/COLOR][/B]
              [/CENTER]
              [B][COLOR=Blue][B][SIZE=2]
              اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك[/SIZE][/B][/COLOR][/B]

              _______[COLOR=Blue]_______________
              [/COLOR][shfaf2]http://www7.0zz0.com/2011/11/29/23/575740455.gif[/shfaf2] [/CENTER]

              Comment


              • #8
                المشاركة الأصلية كتبت بواسطة ahmed_su مشاهدة المشاركة
                مبروك يا ابوحميد ....

                تجربة متعة السيارة الاوربية ليها رونق خاص

                صور ..ز صور .. صور ياباشا
                مروح من الساحل بعد بكرة بالليل

                هاخد العروسة احميها في وطنية

                و انضف الدواسات و الارضية

                و نصور على مية بيضا يا معلم
                [SIZE="4"][CENTER][COLOR="DarkRed"][URL="https://goo.gl/30fu9U"]وكيل هجرة مسجل برقم 1575106 لدى سلطة تسجيل وكلاء الهجرة باستراليا[/URL]

                [URL="https://goo.gl/30fu9U"]Registered Migration Agent - MARN 1575106[/URL]
                [/COLOR][/CENTER][/SIZE]

                Comment


                • #9
                  الف الف مبرووك يابو كمال
                  وبصراحه حببتنى فى العربيه دى من كلامك مع انى معرفش شكلها ايه :d
                  [CENTER][sor2]http://www10.0zz0.com/2011/02/23/13/799582098.gif[/sor2][/CENTER]
                  [CENTER][SIZE=3][B]ورايــــــا[/B][/SIZE][/CENTER]

                  Comment


                  • #10
                    ربنا يباركلك فيها
                    انا ببحبها اوى اصل اخوك بيعز العربيات المميزه اوى
                    [mtohg=#ff0000]http://www.mlfati.net/uploads/images/mlfati-62c14c8f53.jpg[/mtohg]
                    ا[COLOR=black]للهم لا اله الا انت سبحانك ............انى كنت من الظالمين[/COLOR]
                    م/ محمــــــــــــد جمــــال رضـــوان

                    Comment


                    • #11
                      المشاركة الأصلية كتبت بواسطة M7amD_7amDy مشاهدة المشاركة
                      الف الف مبرووك يابو كمال
                      وبصراحه حببتنى فى العربيه دى من كلامك مع انى معرفش شكلها ايه :d


                      أي خدمة يا باشا




                      العضو المحترم
                      لا يوجد مشكلة في الصور
                      ولكن للعلم لا يمكن نسخ الصور من الموقع المذكور
                      لابد من حفظها أولا على جهازك ثم رفعها على أحد مواقع الرفع
                      نسخ الصور مباشرة سينتج عنه ظهور الصور السابقة

                      مشرف عام.2
                      [CENTER][SIGPIC][/SIGPIC][/CENTER]

                      [CENTER][COLOR="Blue"]السادة الزملاء عذراً لإمتناعي عن المشاركة ما حييت

                      [CENTER][COLOR="Black"]abdelaalkhaled@yahoo.com[/COLOR][/CENTER]

                      Khaled Abdelaal[/COLOR][/CENTER]

                      Comment


                      • #12
                        الفتيس اروع مايكون .... هو وقت مش اكتر
                        [CENTER][B]عليها السلام[/B]
                        [/CENTER]

                        Comment


                        • #13
                          الف مبروك يا باشا فعلا عربية محترمة جدا
                          [CENTER][COLOR=navy][SIZE=4]لااله الا أنت سبحانك إني كنت من الظالمين[/SIZE][/COLOR][/CENTER]
                          [CENTER][SIZE=4][COLOR=blue]سبحان الله وبحمده سبحان الله العظيم[/COLOR][/SIZE][/CENTER]
                          [CENTER]

                          Comment


                          • #14
                            الف مبروك و ربنا يبركلك فيها
                            الفيتيس عمل معايا نفس المشكله اول لما جبت العربية
                            بس الى فهمته ان الفيتيس بيطبع على سواقتك بعد مدة صغيرة و انت بتفهم التعامل معاه
                            [FONT="Tahoma"][SIZE="4"][COLOR="Navy"][B]سبحان الله و بحمده ..... سبحان الله العظيم[/B][/COLOR][/SIZE][/FONT]
                            [img3]http://images.drive.com.au/drive_images/dealer/caraucserqld/U16760/1_m.jpg[/img3]

                            [URL="www.hassaneissa.com"][COLOR="DeepSkyBlue"]www.hassanissa.com[/COLOR][/URL]

                            Comment


                            • #15
                              المشاركة الأصلية كتبت بواسطة Col. Eng. Khaled مشاهدة المشاركة

                              أي خدمة يا باشا




                              العضو المحترم
                              لا يوجد مشكلة في الصور
                              ولكن للعلم لا يمكن نسخ الصور من الموقع المذكور
                              لابد من حفظها أولا على جهازك ثم رفعها على أحد مواقع الرفع
                              نسخ الصور مباشرة سينتج عنه ظهور الصور السابقة

                              مشرف عام.2
                              شكرا للإهتمام و الرد

                              رابط لبعض صور رينو سينيك : Renault Scenic (2009) with pictures and wallpapers
                              [CENTER][SIGPIC][/SIGPIC][/CENTER]

                              [CENTER][COLOR="Blue"]السادة الزملاء عذراً لإمتناعي عن المشاركة ما حييت

                              [CENTER][COLOR="Black"]abdelaalkhaled@yahoo.com[/COLOR][/CENTER]

                              Khaled Abdelaal[/COLOR][/CENTER]

                              Comment

                              Working...
                              X