اسعار قطع الغيار الشائعة الطلب للداتشيا نوفا من 97 :2002

[w-m-a]

بعد اذن الادارة ده مش اعلان وانما مساعده لوحوش الداتشيا للمعرفه

اسعار قطع الغيار الشائعة الطلب للداتشيا نوفا من 97 :2002
............................*
*الفوانيس الاصلى رومانى وفرنسى من 200 : 275 حسب الشكل والموديل والمحل
*الكبالن من اى حد بيبيع كبالن فى معروف التوفيقيه اى حته
*الكربراتير من 750 :1400 برضه حسب الشكل والموديل والمحل وانا شخصيا مركب كربراتير فيات علشان الاسهلاك اقل
*مجموعه الدبرياج ديسك واسطوانه وبليه من 450 : 650
*السيرفو 280 : 350
*ماستر الفرامل من 75 : 100 و بتاع ال 132 بيمشي ب65
*الرفرف 450
*الاكصدام 750
*طبعا الاسعار تقريبيا ممكن اقل وممكن ارخص*
اماكن توافرها
....................*
*التوكيل رينو هوم جسر السويس وشبرا
*موزع معتمد رينو المهندسين وادى النيل المهندسين
* رينو بورسعيد غمرة
*سمير عوض الوايلى
*ارزاق فم الخليخ
*فتحى سعد فم الخليج
*رينو حلوان
الاستيراد
................*
*زكريا ابادير الوايلى
*رومانى ابادير حلوان
*عزبه شلبى
*الوكاله
............................................*

* التليفونات والعناوين على الخاص علشان الادارة والاعلانات*

طبعا اى تقصير العيب على الذاكره
سامحونى
واى خدمه انا تحت امركم
والى عاوز تليفونى تحت امره فى اى حاجه

[eg_falcon]

مش عارف الواحد يشكرك ازاي بس الاسعار دي مقارنة مثلا بالفيات تعتبر غالية و لا معقولة معلش الواحد خبرته مش اوي في الموضوع دا

[w-m-a]

لاشكر على واجب
القسم ده كان املى من مده بس مكنتش لاقى العدد علشان اتكلم
فشكرا للاخ صاحب الاقتراح وشكرا للإداره
الاسعار دى بالنسبه للفيات بلغه الفلوس ..... غاليه
بلغه عمر قطعه الغيار وجودتها .........رخيصه ..لاء ببلاش
قطع غيار الداتشيا او الرينو
فرنساوى رومانى تركى حجات بسيطه صينى
بتبقى عارف هى ايه
يعنى مفيش مضروب ولا غش
فى الفيات
ايطالى وده 90% مضروب تركى بولندى يوغسلافى صينى تايوانى مصرى اسبانى المانى وكلهم 50%مضروب
يبقى المقارنه لصالح مين

[eg_falcon]

تمام جدا و وجهة نظر تستحق الاحترام طيب و بالنسبة لاسعار العربية نفسها لو حاجة كويسة و مش محتاجة مصاريف ممكن تعمل في حدود كام

[w-m-a]

والله اسعار السيارات حسب الحاله زيها زى اى عربيه تانيه يعنى من 15000 : 30000 تقريبا
وخد بالك فى اشتغالات فى الاعلانات على النت
وفى ناس مش فاهمه يعنى ايه نوفا من 12 من سويزا
بيحط الاعلان وتيجى تتصل يقولك لا دى عاده مش نوفا
السعر بيفرق فى الكماليات
فى اخ دكتور فاضل من اسيوط طالب 37500 بس ما شاء الله عامل البدع زينون وزجاج كهرباء وبودى كايت وجنوط وتنفيخ وفلتر سبور وديفل وفتحه سقف وكراسى ريكاردو وعده صوت
انا كنت طالب 25000 بس قولت هجيب ايه بدلها؟
ملقتش احسن منها فى السعر ده
هى كانت زيرو 30000 بس علشان كانت وقتها مش معروفه
وبعدين ما اللوجان داتشيا والداستر داتشيا

[AMA]

طيب والكبوت يعمل كام ؟
عشان لزوم التعديل و الفتحتات و السمكرى وهكـــــذا


و أية الأختلاف بين المقبض بتاع الباب (الأوكرة) إلى عامل زى النوبيرا و الأوكرة الرفيعة دى

[w-m-a]

صراحه معرفش الكبوت عامل كام بس اكيد موجود فى عزبه شلبى عند اولاد بكر
او فى الوكاله عند حسن عوض
........................................*
الاكر فرق الموديل للــ 97 98 99
والــ 2000 :2005

[AMA]

صراحه معرفش الكبوت عامل كام بس اكيد موجود فى عزبه شلبى عند اولاد بكر
او فى الوكاله عند حسن عوض
........................................*
الاكر فرق الموديل للــ 97 98 99
والــ 2000 :2005

طيب الأوكر فى موديل 97 و 98 و 99 الأوكر بتاعتها زى النوبيرا ولا 2000 إلى 2005 ؟
أصل شوفت واحدة موديل 98 و الأوكر بتاعتها زى النوبيرا كدة ولا هوا مغير الأوكر ولا مش عارف موديلها ولا أية حكايته دة و هيا عند الأزاريطة فى أسكندرية هنا و هقابل صاحبها قريب كدة أشوفها

[AMA]

فى اخ دكتور فاضل من اسيوط طالب 37500 بس ما شاء الله عامل البدع زينون وزجاج كهرباء وبودى كايت وجنوط وتنفيخ وفلتر سبور وديفل وفتحه سقف وكراسى ريكاردو وعده صوت

هى كانت زيرو 30000 بس علشان كانت وقتها مش معروفه
وبعدين ما اللوجان داتشيا والداستر داتشيا

طيب مع احترامى لكل إلى عامله الدكتور بس ازاى عايز يبيعها بأعلى من سعرها زيرو رغم أنها عديت على 10 سنين أستخدام ؟

[tarek elbadry]

وفى ناس مش فاهمه يعنى ايه نوفا من 12 من سويزا


طب ممكن حضرتك توضحلنا علشان نبقى فهمين ولو فى صور للعربيتين يبقى تمام اوى
جزاك الله خيرا

[w-m-a]

الفرق بين النوفا والسوبر نوفا والسولينزا و
[IMG]file:///C:/DOCUME%7E1/owner/LOCALS%7E1/Temp/msohtml1/04/clip_image002.jpg[/IMG][IMG]file:///C:/DOCUME%7E1/owner/LOCALS%7E1/Temp/msohtml1/04/clip_image004.jpg[/IMG][IMG]file:///C:/DOCUME%7E1/owner/LOCALS%7E1/Temp/msohtml1/04/clip_image006.jpg[/IMG]

[IMG]file:///C:/DOCUME%7E1/owner/LOCALS%7E1/Temp/msohtml1/04/clip_image008.jpg[/IMG][IMG]file:///C:/DOCUME%7E1/owner/LOCALS%7E1/Temp/msohtml1/04/clip_image010.jpg[/IMG]
[IMG]file:///C:/DOCUME%7E1/owner/LOCALS%7E1/Temp/msohtml1/04/clip_image012.jpg[/IMG][IMG]file:///C:/DOCUME%7E1/owner/LOCALS%7E1/Temp/msohtml1/04/clip_image014.jpg[/IMG]
12

[w-m-a]

اسف جدا جدا الصور مش عاوزة تنزل
الرابط ده فيه الصور واى خدمه انا تحت امرك
Automobile Dacia - Wikipedia, the free encyclopedia

[tarek elbadry]

جزاك الله خيرا
الشكل الخارجى للنوفا والسوبر نوفا واحد
اما السلوينزا فيها اختلاف كبير وتقريبا مفيش منها فى مصر مشفتهاش خالص ولو موجودة اسعرها كام
وشكرا

[w-m-a]

لا شكر على واجب
بجد انا نفسى اخدم
بالنسبه للسولينزا للاسف مفيش منها فى مصر نهائى الامع موظفى السفارة الرومانيه وكذلك ال 4*4
فى سيارة 4*4 اسمها ارو كانت معايا من عشرين سنه ومع زميلى حاليا قسماً بالله دخلت فى حائط عدت ودخلت على الناس
بس برضه مفيش منها من زمان فمفيش قطع غيار غير فى الوكاله

[AMA]

لا شكر على واجب
بجد انا نفسى اخدم
بالنسبه للسولينزا للاسف مفيش منها فى مصر نهائى الامع موظفى السفارة الرومانيه وكذلك ال 4*4
فى سيارة 4*4 اسمها ارو كانت معايا من عشرين سنه ومع زميلى حاليا قسماً بالله دخلت فى حائط عدت ودخلت على الناس
بس برضه مفيش منها من زمان فمفيش قطع غيار غير فى الوكاله

معلش على الغيبه الطويله دى يا رجاله و معلش برضة هغيب كام يوم كدة برضة
بس عمتا نتكلم فى المهم ,,,
الأرو دى ممكن شوية تفاصيل عنها برضة ؟ و سعرها حاليا كام و صورتها عامله أزاى و هل ممكن ألاقى واحدة ولا نادرة جدا جدا فى مصر ؟