سيارتى الداتشيا نوفا للبيع

[AMA]

اولا الف شكر على اهتمامك الشديد يا باشا
ثانيا افهم من كده ان العربية دى زى الهوندا صعب تلاقى حد شغال فى قطع غيارها بس لما تلاقيه تلاقى عنده كل حاجة الابرة للصاروخ صح ؟
طيب فيه مشكلة انا من اسكندرية وجاد على فكرة بس المشكلة لفيت امبارح شارع صلاح الدين والفراهدة كلها مالقيتش مسمار بتاع داتشيا وكل بتوع الرينو قالولى بلاش منها لان حاجتها مش موجودة خالص
طيب تعرف حد فى اسكندرية شغال فيها ؟
وممكن امثلة لبعض قطع الغيار

لو أعرف كنت قولتلك لأنى كمان من أسكندريه
بس أكيد أكيد هتلاقى فى عزبة سعد لأنك لو جايبلهم قطر هتلاقى قطع غياره هناك

اتصلت بالبساطى قاللى قطع غيار الموتور والعفشة كلها موجودة ومش غالية بس مفيش اى حاجة خارجيو سواء صاج او فوانس او اكصدامات الخ

تعتبر عيوب بس بسيطة برضة إن شاء الله لأن الصاج و الأكصدامات عند أى سمكرى ممكن كمان يعملك تنفيخ و زى الفل و الفوانيس بتتصب و أكيد يعنى هيكون فيه محل أو أتنين من إلى أنا قولتهم دول كلهم عندهم الحاجات دى

الحاجات دي بتبقى موجودة بس هو مبيجبهاش علشان معلهاش طلب كبير بس موجودة وأنا لسة سأله
على الإكصدامات من يومين قالي لو عايزهم يجبهملي مخصوص والحاجة مش غالية يعني الإكصدامين أمامي وخلفي بـ375جنيه
وعلى فكرة حاول تتصل على غيره هتلاقي كل حاجة
ده أنا مرة وقفت واحد صاحب عربية داتشيا في الشارع فسألته عن محلات قطع الغيار فالراجل ذهل وكأنه بيقول إنت إزاي متعرفهمش
وقالي إنهم منطورين في كل حتة في مصر
فمتقلقش من ناحية قطع الغيار هتلاقيها بس في القاهرة بس

أكصدامات داتشيا عاديه ولا نوفا !!؟
و لو داتشيا نوفا الصاج ولا الفايبر لان الصاج شكلة احسن بكتير لانه مالى مركزة كدة

[الصيداح]

داتشيا 1310 عادية
فايبر

[AMA]

داتشيا 1310 عادية
فايبر

برضه حبى للداتشيا نوفا مش هيقل حتى لو كان الأكصدام كرتون ههههههههههههه
أصل الحاجات دى أمرها سهل يعنى أنت لو جايب عربيه جمرك من بره فخمه أوى مش هتلاقى أى حاجة ليها فى مصر يعنى برضه لازم الواحد يخلى عنده فكر توسعى أكتر من كدة لأن الأكصدامات بالعكس لو أتعملت عموله و تنفيخ هتبقى أفضل مليون مرة من الأصليه و الحمد لله إنها بتيجى فى الحاجات دى

[الصيداح]

برضه حبى للداتشيا نوفا مش هيقل حتى لو كان الأكصدام كرتون ههههههههههههه
أصل الحاجات دى أمرها سهل يعنى أنت لو جايب عربيه جمرك من بره فخمه أوى مش هتلاقى أى حاجة ليها فى مصر يعنى برضه لازم الواحد يخلى عنده فكر توسعى أكتر من كدة لأن الأكصدامات بالعكس لو أتعملت عموله و تنفيخ هتبقى أفضل مليون مرة من الأصليه و الحمد لله إنها بتيجى فى الحاجات دى

طيب يا بني شد حيلك عايزين نشوفك راكب داتشيا نوفا كدة بدل ما أنت مقضيها بلطجة ههههههه

[AMA]

طيب يا بني شد حيلك عايزين نشوفك راكب داتشيا نوفا كدة بدل ما أنت مقضيها بلطجة ههههههه

ماهو الكارثة إلى محدش يعرفها لحد يومنا دة (أنا لسه مطلعتش الرخصه ههههههههههههههههه)
بس فى الخباثة بقى متقولش لحد و متسألنيش ليه مطلعتهاش لأن مفيش سبب أساسا تقدر تقول كســـــل
و كمان مالها البلطجة دى خليتنى أركب شوية عربيات عمرى ماكنت أحلم بيها زى الـ127 مثلا

[mohsen128]

لو لسه ما موجودة وفيه امكانية للبدل 128 موديل 77 سليمة ولسة متجددة

[w-m-a]

للرفع والتذكره

[AMA]

يا راجل لحد دلوقتى معاك
دا اية العربيه اللزقة دى هههههههههههه
بس والله خليها معاك احسن لحد ماتجيلك فرصة حلوة لعربيه تانيه