محتااااااااااااااااااااااااار

[mohsen128]

[justify][justify]طبعاً انا عامل الموضوع ده عشان يكون فيه مناقشة موضوعية من كل ملاك الداتشا نوفا لان بصراحة العربية ديه عجباني جداً وفعلاً اتفرجت على عربيتين منها وعجبوني جداً وبعدين قلت لما اروح اسائل عليها عند الناس الي بيشتغلو فيها فرحت عند ميكانيكي متخصص في الداتشا وقالت اخود راية بصراحة صدمني وقالي ابعد على النوافا بالذات لانها عربية فشلة وهتجبها مش هتعرف تخلص منها هات افضل رينو 9 وطبعاً من الي شفته عند الميكانيكي كمية عربيات داتشا عادية الي معمولة التاكسي كتير جداً تخليني اقول الراجل ده فعلاً خبرة كبيرة وشغلة جامد ورائية يحترم فانتو اية رايكم بصراحة انا محتار ومعايا عربية 128 يعني لو فكرة ابيع هتتباع من غير اي مجهود . انتو ايه رايكم انصحوني وبكل امانة يعني اجبها ولا لو جبتها مفكرش اني اغير لان اعادة البيع صعبه جداً . في انتظار ارائكم وشكراً[[/justify]/justify]

[mohsen128]

اية يارجالة الصحراء الي دخلت فيها ديه ،، مفيش حد عندة العربية ديه وعايز يقول كلمت حق فيها ،، هي العربية تخوف اوي كده ولا ايه

[الصيداح]

الداتشيا العادية أكثر إنتشارا من النوفا وقطع غيارها متوافرة بكثرة في القاهرة عن النوفا
أنا معي داتشيا عادية والسيارة جميلة وليس لها أعطال مشهورة وميكانيكيتها بسيطة وليست معقدة على الإطلاق
لكن أنا لا أعلم عن النوفا الكثير
لكن إعادة البيع في الرينو والداتشيا صعبة بعض الشئ
بالتوفيق

[bnoqo]

هى العربية النوفا قليلة فى مصر

هى العربية النوفا قليلة فى مصر شوية بس هى عربية حلوة مقارنة بال128 والعربية قطع غيار مش كلها متوفرة بس هى عربية كويسة انا بدور على عربية زيها وده لانى بحسب الفرق بين الـ128 والنوفا الفرق انها عربية بجد

وياسيدى اعتبر نفسك راكب opel vectra هل كل الناس راكبة العربية ديه روح كده اسال اى مكانيكى عليها هتلاقيه بيقولك عربية قطع غيارها غالية وبتسخن بسرعة ووو ..............الخ

احسب عدد مرات الى هاتجيب فيها قطعة غيار لعربية نوفا والفترة الى هاتفضل شغالة في العربية واحسب نفس قطعة الغيار فى ال128 والفترة الى هاتشتغل فيها فى فرق فى الخامات وفترة الاستخدام للنوفا

نيجى للثبات العربية النوفا اثبت وكمان فى بعض قطع غيار الفيات بتركب عليها وكمان قطع غيار الرينو 9 يعنى نفس التكلفة فى عربية ارخص وبعدين الى بيشترى مش بيدور على البيع لان الى بيبع خسران حتى لو زيرو

[bnoqo]

عندك حاجة كويسة للبع

ولو عندك حاجة منها للبيع انا والله شارى ان شاء الله بس انت قولى فين وانا معاك

[الصيداح]

والله يا غالي إذا كان فكرك بالطريقة الجميلة دي أنا معاك قلبا وقالبا
الداتشيا أحسن من الـ128 بكثير
أتمنى لك التوفيق في هذا الموضوع وتجد مبتغاك
السيارة داتشيا العادية معايا منذ حوالي 10 سنوات سيارة جميلة جدا حمالة قسية بمعنى الكلمة
ولو تعرف ما فعلناه بها لضربت لها تعظيم سلام
ومحركها معمر إلى حد كبير وبالتأكيد النوفا كذلك لأنها هي إمتداد الداتشيا العادية لكنها الأكثر تطورا ربنا يعينك يا غالي
وإن شاء الله تجد ما تريده عما قريب

0107360343 رقم رينو البساطي
0222579666 رينو هوم جسر السويس

أشهر المحلات لقطع غيار الداتشيا إسأل عما بدا لك
وبالتوفيق

[mohsen128]

شكراً لكل الي رد وبجد استفدت كتير من ارئكم وبردو وجهت نظر تانية منطقية , اصلي يعني مبغيرش العربية كل سنه ولا حاجه بس كنت خايف اجبها وبعدين ملقيش قطع غيرهاااااااااا .