فكرة تاسيس رابطة داتشيا نوفا

[bnoqo]

ياريت بقى ياجماعة نعمل رابطة للعربية ديه ونجرى اول مقابلة لينا ان شاء الله على العموم انا مستعد نجرى اول مقابلة للداتشيا كلها مش النوفا بس ونعمل دراسة كبيرة عن العربية ديه والله احنا ممكن نلم من بعضينا ونستورد عربية كاملة من رومانيا ونقسم قطع الغيار علينا الموضوع ده كان فكرة فى قسم الاوبل



بالنسبة للرابطة احنا ممكن نعمل اول مقابلة فى اى يوم جمعة

[الصيداح]

الله عليك يا معلم
أنا معاااك
وبانتظار أول مقابلة للداتشاوية
بس مش لازم نوفا فقط خليها داتشيا عموما
فكرة روووووووووووووووووعة والأروع هو فكرة شراء السيارة الإستيراد
بانتظار ردود بقية الأعضاء

[jotime]

الله عليك يامعلم وانا مسيتنى الكلام الجد فى الموضوع ده

[bnoqo]

باشا انا جاهز

بص انا جاهز للمقابلة ياريت بس نحاول نزود الناس شوية ادينا ثلاثة وان شاء الله wma معانا لازم نكون اكثر شوية ونكبر الرابطة ونعملها شعار كده ونقف وسط الماركات الثانية والله عربياتنا مش وحشة


والكلام ده عن تجربة

[الصيداح]

مفيش أي مشاكل يا زعيييييم
نكلم الإخوة wma و ama وأعضاء الداتشيا حتى برسائل خاصة
عايزين ننفذ الموضوع ده بجد
بانتظار الردود

[bnoqo]

تمام

تمام مفيش مشاكل وانا ان شاء الله جاهز حتى نتقابل فى يوم الجمعه الجاية عند كارفور المعادى

[الصيداح]

طيب يلا يا شباب فين الأعضاء الدنيا صحراء ليه
فين الزعماء بتوعنا

[jotime]

الجمعة الساعة كام ونتقابل ازاى

[bnoqo]

احنا ممكن نتقابل الجمعة جراج كارفور المعادى

ممكن نتقابل الجمعة جراج كارفور المعادى انا رقم تليفونى 0144664259 وجاهز بكرة ان شاء الله من العصر للمغرب

[jotime]

اسف جدا ياشباب معرفتش اجى المقابلة الحلوة بتعتكم لظروف العمل بس ياريت تقولولى عملتو ايه واتفقتو على ايه

[الصيداح]

ولا إتقابلنا أساسا
يعني مكتوبة لك
هتيجي هتيجي
أصل إحنا مش كثير علشان كدة لازم نيجي كلنا
نحدد يوم أخر
بس نشوف الأعضاء لأننا تقريبا 2 فقط أو 3 اللي اتفقنا

[jotime]

ياااه خسارة بس ان شاء الله نتقابل فى يوم تانى وربنا يرتب الكويس لينا ان شاء الله

بس انا عندى مشكلة فى العربية لحد مانتقابل ونشوف حل
الشكلة هي كانت البلية بتاعت العجلة اليمين فى صوت فرك طبعا البلية اكيد مكسورة غيرتها بواحدة تانى باظت بعديها باسبوع تقريبا غيرتها بواحدة تانى اشتريتها من واحد اسمه اسلام رينو قريب من عزبة شلبى قالى دى نظيفة جدا وحلوة توكلت على الله واخدها وقبل مااركبها الراجل الخراط عمل كشف كويس على السرة قالى كويسة مفيهاش حاجة وراح مركبها والحمد الله كويسة لحد دلوقتى تمام بعد كده جيت اعمل ضبط زوايا كصيانة واطمئنان الراجل قالى غير الجلب وتعالى جبت جلب اصلى من التوكيل ب80 جميه ركبت واحدة والتانية قالى هي شغالة رحت بنزينة وطنية عند نادى السكة عمل ضبط زوايا بس مش حاسس انه فاهم قوى لانه مكنش عارف يعملها على اى نوع من العربيات المفروض داتشيا لكن الكومنبيوتر معندوش داتشيا المهم عملها على رينو تقريبا مش فاكر وبعدين قالى فى اعوجاج تقريبا من المقص برضه مش فاكر المهم عمل الى الزرجينة وطلعنا نجرب طلعت بتحدف يمين قالى دى بسبب ضغط الهواء فى الكاوتش عملنا ضبط الضغط وبعدين بدلنا العجلتين الخلفية والامامية فى الاخر مشيت وهيا بتحدف يمين لانى ةكان عندى شغل وفضلت ماشى عليها شهر تقريبا نسيت اقول حاجة كمان انى كنت غيرت كوبلن اليمين عند واحد فى ارض اللواء وقالى انا ظبتلك العربية وقالى بدل مانغير بيض العجل انا عملتهم على المخرطة وما الى ذلك المهم صرفت عنده 380 جنيه وبعدين مشيت شهر بيها سمعت طقطقة خفيفية وانا بلف على اليمين دلوقتى مش عارف اعمل ايه جالى احباط بصراحة من الحدفة اليمين والقطقة فى اليمين برضه عايز حد او حتى ميكانيكى يكون بيفهم كويس فى الداتشيا لانى عندى استعداد اشترى طبنجة واروح اخلص عليهم واسلم نفسى لانى حاسس انه اضحك عليا .بس الحمد الله معيش فلوس لصاروخ بتاع العيد

[bnoqo]

للاسف المقابلة ماتمتش

للاسف المقابلة ماتمتش ما انى سايب رقم تليفونى على العام وعلى الخاص وان شاء الله هاحاول اخليها فى اقرب وقت وده لازم يحصل ان شاء الله