منين أقدر أجيب تابلوه داتشيا نوفا

[الصيداح]

سلام الله عليكم



كنت بسأل عن مكان ألاقي فيه تابلوه داتشيا نوفا

وشكرا لكم جزيلا

[EsmatKazem]

الوكاله ... تحت كوبرى ابو العلا
الحرفيين ... و طبعا بور سعيد

[bnoqo]

سبقتى وعملت موضوع عن التابلوه

على العموم انا كنت بفكر فى تغيير التابلوه برضة لان تابلوه النوفا عندى مشقق وضعيف جدا فكنت بفكر انى برضة اغير التابلوه برضة
بص التابلوه تغييره بالنسبة ليا مهم وهااقولك السبب


1- انا اشتريت العربية من واحد معدل فيها الكهربا تقريبا ودا مخليها زفت واسلاك طالعة واسلاك داخلة وشريط لحام كتيير مش مفهومة
2- انا عايز اركب تكييف علشان كده لازم اشترى كويل وده اقل حاجة استيراد بيركب بحوالى 600 جنيه وبيجى بقى دايو او هايونداى والمانى او صينى او اى نوع مش عارف
3- عايز اغير التابلوه علشان انا عايز احس انى راكب حاجة فخمة وكمان اغير قطمة الدريكسيون


طيب انا عندى اقتراح انا كنت شفت عربية 128 متركبلها تابلوه اوبل كورسا وعلى فكرة شكله تحفة ومش مقصوص منه

وفى كمان تابلوه تانى زى الدايو الهايونداى وحاجات كتيير وعلى فكرة بيركب عادى ويتقص منه الزيادة بطريقة مش باينة

[MaNoLa]

على فكرة عايزة أقولكم أن ممكن يتركب تابلوه تانى غير بتاع العربيه
بس المشكلة فى العدادات عايزة كهربائى شغال بما يرضى الله بس أكيد هتتعمل برضة
يعنى الموضوع عايز شغل بضمير مش شغل من عباقرة وأنا شايفة أن لو حد جرب تابلوه جديد زى إلى بدأ و جرب أوبل كورسا زى ماقولتوا على 128 هتبقى فكرة كويسة بس تبقى على ضمانه الكهربائى بقى عشان هوا إلى يركب و يبقى مسؤل بالنسبالك عليها

[كرم الحمصي]

السعر كام ؟

[mohsen128]

سعر تابلوه الكورسا من حوالي سنتين كان 600 جنية تقريبا وهو فعلا بيركب على الـ 128 وبيتعدل وكل العدادات بتكون شغاله ، بالنسبة للداتشا في احد الاعضاء مركب عليها تابلوه هيونداي وشكله تحفة فعلاً ،، ياريت لو حد يعرف الاسعار الجديد او سئل عليه يقولنا لان كلنا بنعاني من تبلوه الداتشا .