واخيراً

[mohsen128]

الحمد لله غيرة 128 وجبت داتشا موديل 98 وبصراحة مفيش وجه مقارنه بين العربيتين خالص ،
وكان ليا كام سؤوال عند رجالة الداتشا المحترمين
انا عملت للعربية الاربع مساعدين وكمان قاعدة الماتور الشمال جبت الحاجات ديه استيراد 300 جنية بالمصنعية
و المكنة عندي بتاكل زيت يعني فيه دخنة بيضة بصيته من الشكمان
وعندي عضة في غيرات الفتيس في الاول والمارش ، بس بصراحه مش عارف هي عصاية الفتيس هي الي فيها مشكلة ذي ما الاخ حازم كان عامل موضوع ولا انا لسه متعوديش على الغيارات
وكمان عايز اظبط فرش الابواب والتبلوة عندي مشقق بس ماسك نفسة لو حد يعرف صنيعي محترم يعمله ياريت يقولي ، والعربية عندي بعد ما غيرة زيت الماتور للعربية وحاسس انها واطية واوقات بتبطل على السلنسية فكنت عايز اعرف rpm بيكون على كام والعربية دايرة على السلنسية ، انا عندي بيكون على اول شرطة فوق الصفر على اول المربع . في انتظار الردود وشكرا

[bnoqo]

مبروووووووووووووووووووووو وووووووك

مبروك يا محسن وربنا بياركلك فى العربية وان شاء الله خير بس لازم اشوفها
ورينا كده شوية صور
بص بالنسبة للماتور هو ماتور الداتشيا ولا ماتور رينو 9 وهيا عمرت قبل كده ولا لأ علشان موضوع الدخنة البيضة على العموم مكنة الرينو 9 مرمية فى عزبة شلبى ورخيصة مش غالية

اما بالنسبة للغيارات فاكيد عايزة ضبط فديه لازم تظبطها زى موضوع حازم عواض بالظبط

اما التابلوه فانا هاقولك على فكرة رخيصة وسهله قوى بس ورينى العربية الاول وانا اقولك

فرش الابواب احد الاعضاء المحترمين شغاااااااااااااال فيه بس المشوار فى اسكندرية يارب يخلص علشان نروح كلنا عليه او عندى كذا فكرة كده ويامسهل

وعلى العموم مبرووووووووووووك على العربية وزى ماقولتلك صورها الاول وبعدها لازم اشوفها تمام

[mohsen128]

الله يبارك فيك وده اساسي انك تشوفهاانا كنت هكلمك بس مستني اخلص من حوار المرور عشان مسحول فيه ، وهنتقابل اريب باذن لله ، العربية مكانتها داتشا نوفا والي شريها منه ميعرفش ان كانت عمرة قبل كده ولا لا هو الي يعرفة ان الفتيس هو الي متغيير وبيقولي انه فنيس الدتشا بس ملغي منه حوار السوسته بتاعة المرش ، والعربية فيها الحامل بتاع الاستبن الى انت كنت عايز تعمله فباذن الله هقبلك وتشوف العربية .