خبراء الداتشا, موضوع للنقاش

[mohsen128]

السلام عليكم ورحمة الله وبركاته

يارجالة عيزين نصحح قسم الداتشا شوية انا شايف القسم نايم خالص الشباب اصحاب الخبرة العالية يارت كل واحد يقول راية في الموضوع ده ، انا عندي المكنة خفيفة بتاكل زيت والفتيس فيه مشكلة في الغيار الخامس فمحتار اعمل عمرة ولا اسقط ماتور اقوي ويكون بتكيف والفتيس والكبالن وكل حاجاته
بس معنديش خلفية اي ماتور رينو ممكن يركب على الداتشا ويكون كويس وقطع غيارة متوفرة واقتصادية . ولا اعمل الماتور بتاعي لانه تقريباً هيتحاج طقم شنبر وتظبيط شوية اولسيهات و الفتيس فيه مشكلة في الغيار الخامس احتمال تكون الغوايش وطبعاً تغيير ديسك واسطوانه بالمرة . منتظر ارائكم وياريت كله يشارك .

[bnoqo]

بص يا محسن انا وعدتك بموضوع

محسن باشا انا وعدتك بموضوع كامل عن التعديل بتاع العربية
ان شاء الله معايا

اولا : الماتور :
هاتغيير الماتور علشان انا حاسس من كلامك انها اخر عمرة وبدل ماتفتح وتجيب اكسسوار لا ماتور بفتيسه وانا سالت عليه وهو ماتور انيرجى بتاع رينو على كاتينه كاوتش انما ايه ناعم ناعم وكمان يبقى اكتر من 1400 لو الار بر ام عدى الى 3 ونص يبفتح لحد 1600 وده عزم تمام لو عربية زى بتاعتنا
الماتور بفتيسه من بق البياع 3000 جنية رخم عليه وهاته الموبينه الكترونى وادعيلى ونزل السعر هاتجيبه اقل من كده

ثانيا : هاتجيب صالة للماتور الى هيا القنطرة الى تحت تجيبها على حسب الماتور بالمقصات وان شاء الله مش هتحتاج تغير الجنبين وبعديها الكبالين ودول سعرهم استيراد مش هايعدى 300 جنيه الصالة بالماتور متدفعش اكتر من 600 جنيه

كده خلصنا على الماتور خلاص والجر تمام شوية العفشة مش هاتفرق بيضتن مقص وجلب وكله يبقى تمام مفتكرش مساعدين بايظن ولو فيهم حاجة عليك وعلى المونرو ورا بقى هات هيونداى جديد او استيراد هايخلوا العربية تمام

نيجى بقى للشكل الى جوة

اولا: فرش ابواب تعمله خشب وبصورة السوبر داتشيا نوفا وتعمل مكان السماعات فيه ورا وقدم وخلى السماعات الى ورا عند الشنظة شغالة برضة

زجاج كهرباء ونصيحة اعمل الى قدام بس وخلى الى ورا على حالهم مع الفرش الجديد هاتبقى تحقة وبعديها غير الطارة بتاعت العربية وخليها مومو هتلاقيها فى التوفيقية هات التقليد وابقى ادينى الطارة بتاعتك بقى هههههههههههههههه

وبعد لو هاتغير التابلوه عندك رينو شمادا يركب عندك اوبل كورسا يركب وعلى ما اعتقد بتاع الدايو يركب تابلوه الكورسا مع الفرش روعه هاته بالكامل بالضفيرة وثلاجة التكييف هاتوفر معاك وهاتبقى حلوة وياسلام لو معاه القطمة هاتبقى مالهاش حل تابلوه الكورسا هايبقى اصغر شوية هايدك مساحة وانت قاعد عن تابلوه النوفا ولو دايو نفس المساحة تقريبا


فرش تنجيد محترم غير السقف بسقف جلد شاشة عرض وبعديها كاسيت فلاشة محترم وياسلام لو جي بى اس من ابو 500 جنية الصغير

هاتركب اضائة من تحت التابلوة لمبة سريه فى العربية بطول التابلوه عند الدواسات كده ينور مع الابواب لما تفتح وينور مع النور الصغير

بالنسبة بقى للى بره

اول حاجة البودى هات الاكصدام الامامى والخلفى بتاعت العربية وزود عليهم شغل الفايبر وزد عليهم العتب والكساحات نصيحة ليك شغل الفايبر لو معمول على الشغل كله يعنى اكصدام واحد فايبر من اول خبطة هايشقق

بعد كده طقم جنوط استيراد يكون شكله حلو
فيه فيديو موجود على منتدى الداتشيا الرومانى بيحولو فيه العربية الى لوجان فى البودى هادور عليه واعرضه هنا بس ده بتاع السولينزا

نيجى للانورار فوجات تحت زينون وفوق برضة زينون وشوية نور حلو كده ونقى افضل شكل لوش الفاتوس الخلفى نعمله فى شركة الاهرام للبلاستيك
حتى سرينة صغيرة زى ما انا عامل على فامية خلفى بس

صور الماتور والفيديو هارفعهم فى الرد الجاى

[bnoqo]

صورة الماتور

[bnoqo]

ودول شوية صور على الماشى

وديه حبة تعديلات على الماشى









نور الصالون



تعديل اكصدامات








الجى بى اس






ومعاهم شكل الطارة



وديه صورة حلوة




ارجو اكون افدتك

[mohsen128]

برنس والله يا احمد ،، ديماً كده فاتح نفسي ، وبجد شويه حاجات يفوقو العربية جداً بس انا هجيب الماتور والفتيس والكبلان بس السؤوال هما هيركبو على نفس الجنب انا حسيت من كلمك اني ممكن ميركبش واحتاج اغيره وانت عارف اني عندي جنب بايظ مش عايز اجيبة دلوقتي وارجع اشيلة ارمية عشان الماتور الجديد مش هيركب عليه اتاكد اذاي ياباشا وفعلاً انا محتاج تعديل فرش الابواب جداً ، بالنسبة للعفشة عندي انا كنت مغير المساعدين وعملت جلب للمقصات وظابط ذواية الكلام ده كان قبل ما اسفر يعني العفشة تقريباً مش محتاجه حاجه ، وبالنسبة للطارة ياباشا العربية كلها متغلش عليك مش الطارة بس هههههههههههه المشكلة الوحيدة معايا في الطارة ان الكلس مش فيها في الدراع ، يعني تقريباً التكلفة الاجمالية للكلام ده حوالي 4000 جنية ده غير الميكانيكي ، وبالنسبة للشكل الخارجي دول شوية حاجات يفتحو النفس للتعديل
والتحفة الفنية !!!!!!!!

[mohsen128]

احمد باشا هو الماتور ده تقريباً موديل كام بصراحه مش عايز اجيب ماتور موديل قديم يعني على الاقل يكون ذي موديل العربية .

[bnoqo]

حبيبي يامحسن والله

نسيت اقولك ان الرينو كله والداتشيا كلهم الكلاكس فى الدراع الطارة الى عندى الكبيرة بتاعت الموديل 95 علشان كده بدور على الطارة الصغيرة بتاعت 98هاتبقي روعه
بص ياسيدي الماتور مش هاتفرق بس الانيرجي محترم جدا واهم حاجة الاستيراد يكون بحالته تدور وتجرب والانيرجي معروف ان المكنة الخرساء يعنى مفيش صوت
على العموم هايكون حلو لو حالته كويسة
الجناب مش فارقة لو على الطنابير مش مظبوطه تتعمل عند خراط مش فارقة كتير ضبط انت بس وانا معاك
فرش الابواب معايا نجار بس مغلب اهلى وانا وراه لحد مايعملهم
الى نفسي فيه بجد اكصدامات ورا وقدام متعدلين كده حلو ويامسهل الخطوة الجاية

[mohsen128]

والله باشا كبير ياحمد ،،، الكلام ده جميل اوي بصراحه انا لما انزل هشوف العربية عشان تتظبط مكنة وفتيس وطنابير هتتكلف كام واشوف موضوع التسقيط هيتكلف كام (( طبعاً هتكون معايا في الحوارات ديه )) ، لو فيه فرق بسيط هسقط المكنه بالفتيس على طوووووول عشان عايز اعمل العربية سمكرة ودوكو وسروجي وكهرباء ، يعني من الاخر عايز اشد العربية شدة نطيفة فخايف حوار الماتور يسحلني واصرف كل الفلوس عليه هههههههههه ، حبيبي والله يا احمد ديماً تعبك معايا .

[bnoqo]

حبيبي يا محسن والله

نسيت اقولك كمان اني الحمد لله ركبت الزينون وماشاء الله نوره عالى جدا لدرجة اني مش بشغله الا فى الضرورة
يلا يا مسهل انت كمان وتركبه وهايكون تمام برضة [/right]