تكلفة الاكصدامات الصاج

[bnoqo]

اصدقائى الاعزاء
اسف جدا على السؤال اكتر من مرة على الدكتور اسلام فياض ورحتله الى فى موسكو ربنا يرجعه بالسلامه
بس هوه الحاجة الى محيرانى
هل انا ممكن اعمل الاكصدامات الى قدام وررا صاج وتنفيخ وشغل عالى ويكون سعره قريب ونعمل معاهم عتب وشغل عالى ولا لأ

لو ممكن وانا على استعداد استنى دكتور اسلام بعد رحتله ونعمله فيبر وانا واثق ان دكتور اسلام هيراعينى فى السعر شوية وممكن نخلصها قريبة واهو نقضى كام يوم فى اسكندرية ونشم هواء البحر فى عز الشتاء او حتى لما يرجع بالسلامه فياريت لو هاستنى والعملية قريبة معاك يا دكتور اسلام ترد عليا

لو سمحت يادكتور ترد عليا فى اقرب وقت

او انتو يا جماعه ردوا عليا صاج ولا اشتريهم من عند مشيل حليم جداد وبالسعر الى بيقول عليه لانى سمعت كده خير اللهم اجعله خير انهم ب 900 جنيه الاكصدام الواحد فربنا يستر ان الاكصدامات عندى يعتى تعتتبر سليمة بس تجاريح وشروخ فى الاكصدام الامامى وكسر فى الاكصدام الخلقى من ناحية الشمال وربنا يستر



ياريت ياجدعان تردوا عليا انا محتار جدا وانا ممكن استنى خصوصا ان فيه ملبغ هوة مش كبير قوى بس هايكون موجود على شهر 4 او 5 رينا يسهل يارب

[mohsen128]

احمد باشا اخبارك ايه ،، وعملت ايه في الاكصدامات؟

[bnoqo]

ولاحاجة يا محسن لحد دلوقتى

ولا حاجة يامحسن لحد دلوقتى
وحصلت معايا مشكلة تانية ان العدادات عملت قافلة عندى والكهربائى بالعافية عرف يشغل العربية بس من غير عدادات الار بى ام دلوقتى عداد السرعه مش شغال لا الاربى ام ومش عارف شكلى هانزل ادور على طقم بتاع رينو 19 هايكون احسن وإن شاء الله خير


بس بجد انا حاسس انى فى صحرا مفيش حد عمل اى حاجة فى العربية بتاعتوا ايه ياجماعه العربيات الداتشيا كلها تمام والداتشيا نوفا كمان ياجدعان ربنا يخليها لكم

بص يامحسن انا بعت للعضو اسلام فياض علشان التعديلات الى عملها وبفكر استناه ومش اعمل اى حاجة الى لما يجى من موسكو يارب رجعه بالسلامه واوصل لحد اسكندرية اجيب الحاجة واجى وان شاء الله خير
او بفكر اعمله صاج على التنايه بس ديه صعبه ومكلفة بس بفكر فيها واشوف اكثر من سمكرى وربنا يسهل

[mohsen128]

ربنا معاك يا احمد ،، وتلقي واحد محترم يعملك الشغل ده ، هي عدادات الرينو 19 بتركب عندنا عادي وبخصوص سلك عداد السرعة مبيحتجش تعديل ؟

[bnoqo]

ينفع اعمل التعديل ده

https://www.youtube.com/watch?v=Xa0dGmT0ieA

[mohsen128]

اية الجمال ده تصدق فعلا الاكصدمات مغيرة شكل العربية خالص عندك حق , بس مقولتليش العدادات بتاعة رينو 19 بتركب عليها عادي ولا بتحتاج تعديل للسلك بتاع عداد السرعة من الفتيس

[bnoqo]

لا العدادات تتركب عادى

لا على ما اعتقد العدادات تركب عادى لانى شوفتها على موقع داتشيا نوفا الى بالعربية والعربية جايبة 200 كم س وكانت حاجة ملهاش حل وتركب من غير تعديل بس اكدب عليك لوقلت جربت على العموم انا بدرو على طقم العدادات بتاع داتشيا نوفا كامل علشان مش لاقيه لو تعرف حد ياريت تقولى

[mohsen128]

ياريت كنت اقدر افيدك في موضوع العدادات ،، انا هدور معاك على النت وربنا يسهل بس كل الي انا اعرفة انه ممكن تتصلح في شارع احمد سعيد بيصلحو العدادات فممكن تشوف هناك لو مش هينفع يتصلح اكيد حد هناك هيفيدك في الموضوع ده . بالتوفيق

[bnoqo]

لا انا مش عايز اصلحة انا عايز اغيره

بص هو فيه كسر فى الباغه وشكله مخربش ومش عاجبنى انا إنتهزت فرصة إنه باظ وعايز اغيره
والمشكلة ديه اصلا موجودة بسبب ان الى عند الراجل الى بتعامل برضة قديم ومفيش ار بى إم انا بدور على واحد زي بتاع الرينو شمادا او الرينو 19

[mohsen128]

احمد باشا اخبارك ايه ،، بص كان فيه موضوع قديم عمله الاخ الصيداح بيوقل جبت العدادات من الوكالة من واحد أنا عارفه هناك إسمه أحمد أوفه رقم تليفونه 0123172963 ,, جبته بحوالي 150 أو 120 مش فاكر بالضبط لكن ممكن يخلص على أقل من كدة ،، بس هو بيتكلم على الداتشا 1310 ممكن تتصل على احمد اوفه وتسائلة على العدادات بتاعة النوفا او الرينو 19 ،، وياريت يا شباب لو اي حد عندة معلومة عن الداتشا يشاركنا في الحوار كلنا اكيد بنستفيد من تجارب بعض ، اكتر حاجه كانت مشجعاني اني اجيب العربية ديه اعضاء قسم الداتشا بنيل موتوز. ودمتم بخير