تعديلات للداتشا نوفا

[mohsen128]

تحية لكل اعضاء قسم الداتشا ،، الموضوع الي عايز نتكلم فيه هي التجارب العملية الي قام بيها الاعضاء وكان ليها تاثير على العربية بشكل عام ، يعني مثلا هل حد من الاعضاء مغير الماتور بتاع الداتشا نوفا بماتور تاني والفتيس بردو ولو كده ايه هي انواع المواتير الرينو الحديثة الي ممكن تركب على السيارة بدون تاثير على الشاسية او تعديل في حوض العربية وبخصوص موضوع التكيف اي عضو ليه تجربة ياريت يذكرها ، ومثلا مغير الكبالن بحاجة غير الاصلية او معدل على الفوانيس الامامية والخلفية للعربية ، ونفس الموضوع بالنسبة للصالون او التبلوة او طقم العدادات او تعديل معين في العفشة يعني مجنط او معرض مقاس الكوتش او مثلا مهبط العربية على الارض او مغير مساعدين . ياريت كل الاعضاء تشارك بتجاربها مع العربية عيزين نفيد بعض .

[mohsen128]

انا اول واحد بنصح محدش يغيير الكربيراتير الاصلي للعربية ،، للاسف انا مشتري عربيتي بكربيراتير واحد باب وفعلاً بيكون خانق العربية ومتحش بعزم الماتور ، وناوي باذن لله اني اغيره اريب ، بس هو اي كربيراتير 2 باب يركب عادي ولا لازم يكون بتاعها الاصلي ولو حد يعرف الاسعار يريد يفيدنا .

[mohsen128]

الظاهر اني اول واخر واحد ،، ايه يارجالة هو محدش ليه نفس يضيف حاجه .

[bnoqo]

محسن باشا عامل ايه

باشا عامل ايه

عامل ايه ياكبير واخبارك ايه والدنيا عاملة ايه معاك
طبعا مش تزعل علشان الناس مش بترد عليك هوا ممكن يكون علشان الظروف الى فيها البلد محدش عارف الى جاى فيه او ممكن يكونوا الناس مشغولين انت عارف البلد يوم عن يوم وربنا يستر من الى جاى

المهم ياكبير التعديلات مهمة جدا لاى عربية وطبعا لو عربية فى اخر التسعينات
التعديلات فايبر اكصدامات وعتب كاملين كاملين

وبعديها تبدأ بالتعديل الكامل للعربية من جوة من اول الماتور اهم حاجة الماتور تغييره طبعا لماتور انيرجي كاربترير وبالفتيس بتاعه ويكون معاه الصالة بتاعته وياسلام على التكييف بتاعها لو ظبطة تمام وتركبه

عزل العربية الابواب ورورا التابلوه مش موجود اصلا العزل كمان فى الارضية تحت الكنبة مش موجود برضة

لازم تعزل كل ده علشان التكييف يبقى تمام سنه فميه بنى خفيف علشان الشمس واتفرج عليها ملهاش حل
اضائة زينون وكده وفوجات تعملها على الشكل الى هاتعلمة فى الاكصدام كله وتبقى تمام

[bnoqo]

وانا كمان والله مشغول

وانا اسف جدا ان ردى اتاخر عليك
بص يامحسن اى كربيرتير يركب وممكن تركب بتاع 124 وده مركبه المهندس وائل وشغال معاه اهم حاجة المنافو بتاع يكون معاه وتركبه ويبقى تمام بس

المهم تعديلات على الكبالن ممكن تركيب بتوع الرينو 9 استيراد ودول بيكون ارخص وممكن يحتاج تعديل على الطنابير او لا ولازم يركب معاهم الصالة بتاعت ال 9 علشان مش يطقق معاك وممكن تعمل الكبالن عند اى حد بتاع كبالن وتبقى زى الفل وربنا يسهل

شكل العربية من برة لو اتظبط والله هاتنسى الماتور وتغيره وكل ده وهاتحب تركبها كل يوم

النقطة الاهم
انا بقالى فترة فى مفاوضات مع بتوع المنتدى فى رومانيا علشان فرش الابواب بتاع السوبر داتشيا نوفا وطقم عدادات اصلى وطقم الزراير بتوع التابلوه ومفيش حد رد على الى الان

اهو هاحاول تانى اكيد لو جم من برة هايبقوا ارخص من عند ميشيل حليم وربنا يسهل

[mohsen128]

حبيبي يا بوحميد ،، انا تمام الحمد لله ،، ياباشا انا عارف والله ان محدش من اعضاء القسم بيرد بس الواحد بيحاول وبقول يمكن ترجع الناس تتفاعل تاني مع المواضيع ،، انا دلوقتي ذي منت عارف بره البلد لفترة ، بس كنت كلمت المهندس حازم والراجل مشكوراً افدني جداً بخصوص موضوع التنابير الي كنت كلمتك فيه ، وفعلاً فيه ناس اصحابي جابو عفشجي وشغال في العربية ربنا يسهل ويخلص الموضوع على خير وهعرفك ايه التكلفة بالظبط وكمان قطع الغيار الي ركبت ، وبخصوص موضوع الكربيراتير ده باذن لله اول ما انزل لازم اروح اجيبه ضروري جداً وهظبط شوية حاجات بسيطه والله المستعان ،، ومتتاخرش ياباشا بموضيعك . وربنا يعدي البلد من الفترةالصعبة ديه وانا طبعاً عازر كل الاعضاء لان بجد في ناس محترمة جداً الواحد استفاد منهم كتير في المنتدا وقسم الداتشا .