تعديل على مساتر الداتشا الخلفيه

[hazemawad]

مساتر فرامل خلفى بتاع الفيات 131 و132 اكتشفت انهم بيركبوا فى الداتشا نوفا مع تعديل بسيط فى اللاواكير بتاعة مواسير الزيت الداخله على المساتر الخلفيه والاختلاف تافه ومالوش لازمه مابين السن الناعم لماستر الداتشا نوفا وماستر الفيات وبيتحل بتغيير اللاكور من سن ناعم لخشن بتكلفه بسيطه ولكن فارق السع الضعف بالظبط.....
ومع اعتذارى للدكتور شريف البساطى لانه راجل احرجنى بذوقه الشديد وبقيت بصراحه فى نص هدومى وانا برجع له المساتر الخلفيه لما اكتشفت موضوع مساتر الفيات اللى بتركب فى الداتشا وبصراحه بقيت مش عارف اعتذر له ازاى ...
ولكن فارق السعر الراجل برره بان المورد اللى بيوزع المنتج بيبع الماستر اللى بيتركب فى المرسيدس بسعر واللى هوه هوه اللى بيتركب فى البيجو بسعر تانى على الرغم من انه هوه هوه والمثل بالمثل فى باقى الانواع ...
المهم ان سعر ماستر الداتشا الصناعه الايطاليه الاصليه بيتباع عند البساطى الواحد ب 65 جنيه وده هايتركب بدون اى تعديل بصراحه لانه سن ناعم ....
الماستر الخلفى الايطالى برضه بتاع الفيات 131 ب 30 جنيه ( بجد مش بهزر ) على الرغم من انه هوه هوه نفس بتاع الداتشا وبنفس الجوده بس عايز تعديل ممكن يتكلف 5 الى 10 جنيه لو انت هاتركبه بنفسك لما تعدل فى لاواكير الماسوره او الميكانيكى هايعدل اللاكور من اللاواكير القديمه اللى عنده وابقى راضى الصبى...

[bnoqo]

واحشانا ياحازم بيك

السلام عليكم

إزيك ياحازم باشا عامل ايه
انت لو فاكر الموقف الى اتعرضتله من حوالى اكتر من سنه فى موضوع الفرامل والحمد لله تم على خير وكان عندى الماستر ورا قافشة جدا

المهم اتغيروا برضة لماستر فيات ورجعت تانى للراجل علشان المكيانيكى قالى دول سن خشن ولسه هانعدل وكده اسأله لوفيه سن ناعم وفعلا سألته وكان عنده السن الناعم بتاع الشاهين بنفس السعر ومفيش اى تعديل هايتعمل

على العموم حصل خير وبتاع الشاهين سنه ناعم ويركب بدون اى تعديل لا فى الماستر ولا اللكور بتاعه كله تمام التمام

[hazemawad]

عمنا الغالى bnoqo :
ربنا يعزك ويخلليك وشكراُ على سؤالك....
والله اللى صدمنى فارق السعر بين الماستر بتاع الداتشا وماستر الفيات وسألت نفسى ليه كده؟؟؟
ليه الاستغلال ومص الدم ؟
وعموماً انا باطالب كل واحد فى المنتدى الجميل ده انه لو لقى البديل لقطع الغيار من الانواع والماركات التانيه بعيداُ عن مص دم بتوع الرينو من فضلكم انشروا النوع والسعر لقطع الغيار البديله لمحاربة غيلان ومصاصى الدماء بتوع الرينو....
معلش بقى سؤال ...يا bnoqo :
جبت الماستر بكام لو تفتكر؟

[bnoqo]

حبيبي حازم بيك

حازم باشا هو انا الى حصل معايا بالظبط
انى روحت جبت الماستر لانى عارف ان معظم قطع الغيار المستهلكة بتكون شبه بعض
فعلشان كده روحت لبتاع الفيات وسألته عليه راح جابوا على طول نفس المقاس
المهم روحت غيرته بس ناعم لقيته موجود هو خد الاثنين وادانى اثنين غيرهم واشتغلو من غير اى تعديل وبدون اى فرق فى السعر

[mohsen128]

حازم باشا اخويا الكبير ،، واحمد باشا اخباركم ايه منورين القسم الداتشا ، فعلاً استغلال تجار الرينو وخصوصاً الداتشا حاجه مقرفه جداً الاسعار مولعه ناااااار ،للاسف لبعدي عن العربية الفترة ديه فمش عارف تفاصيل قطع الغيار بالظبط لكن انا لسه داخل في حوار عفشة دافع لحد دلوقتي 1600 جنية والمشكلة اني مش في البلد والي بيقوم بمتابعة واحضار الصنيعة ولدي او حد من اخواتي لو فضي . بجد الناس بيستغلو ان الداتشا قطع غيارها مش موجودة ولما بيحسو ان الي واقف معاهم مش فاهم بيستعبطو ، يارب نقدر نفيد بعط بخصوص بدايل قطع الغيار .

[hazemawad]

ربنا يبارك لك ياعم محسن ...
بس اكيد استهبالهم ده له نهايه وخصوصا ان البياع بيبيع الحاجه اللى بديله بنفس سعر قطعة الرينو..
بس الحل هاييجى زى ما بقول كده:
اللى يلاقى قطعة غيار بديله ينشرها هنا للافاده يارجاله ويقول بكاااام